影片
營業時間
今日營業
11:30 - 21:00
星期一至日
11:30 - 21:00
以上資料只供參考, 請與餐廳確認詳情
#MC帶你去尖沙咀.K11 Musea除咗過江龍美食、米芝蓮褻餐廳、日韓精緻料理，其實都仲有間位置比較隱世嘅台式餐廳，主打親民價錢台式輕餐、台式茶飲等。➖➖➖➖➖➖➖➖➖➖➖➖➖➖➖➖✨ 饞。台式食堂.餐點主打簡約及價錢親民嘅台式輕餐，更會盡量挑選來自台灣原裝嘅食材及醬料，還原熟悉嘅台灣味道！餐廳裝修簡約，以木系文青嘅小清新風為主。➖➖➖➖➖➖➖➖➖➖➖➖➖➖➖➖🥢 饞三寶–台灣炸滷排骨飯 $59.飯粒用上台灣本地生產嘅蓬萊米，就係為咗貼近台灣原味道！薄薄炸粉嘅滷排骨外層香脆，口感軟嫩，唔會太乾身，而且滷汁甜甜地，味道不錯。➖➖➖➖➖➖➖➖➖➖➖➖➖➖➖➖🥢 半筋半肉麵（四川麻辣）$90.黑色湯底味道極為濃郁帶少少中藥嘅甘醇味，湯底用上台灣高雄岡山辣豆瓣，香濃微辣有後勁，搭配彈牙滑順嘅陽春麵，口感紮實有咀嚼感。牛腩經過6小時配以9種辛香料慢火熬煮，肉質厚身厚切，口感軟腍入味；牛筋超軟稔彈牙，口感一流。➖➖➖➖➖➖➖➖➖➖➖➖➖➖➖➖🥢 最佳拍檔 $68.即係鹽酥雞拼台灣香腸。鹽酥雞用咗無骨雞腿肉加上五香粉等作餣料，肉質嫩滑，口感酥脆，外脆內軟，仲有肉汁流出嚟，十分Juicy💦；台灣香腸採用台灣CAS認證之溫體黑毛豬製作而成，香氣十足！蒜片嘅辛辣配上香腸嘅酥脆外皮和肉汁，經典組合還原正宗嘅台灣味！➖➖➖➖➖➖➖➖➖➖➖➖➖➖➖➖🥢 芝芝芒芒 $45（跟餐 $35）.芒果奶蓋沙冰呈淡黃色，飲落仲有少少芒果肉粒🥭同沙冰，口感細膩，夏天消暑係一流。➖➖➖➖➖➖➖➖➖➖➖➖➖➖➖➖🥢 芝芝蜜桃 $45（跟餐 $35）.蜜桃奶蓋冰沙呈現出浅橘粉，搭配綿密濃厚嘅奶蓋，飲落好順滑帶淡淡桃味，咸甜度適中。➖➖➖➖➖➖➖➖➖➖➖➖➖➖➖➖
繼續閱讀
餐廳：饞。台式食堂地點：尖沙咀K11 Musea菜式：台灣野餐牌：幾款麵，飯，小食，原盅燉湯，茶飲，沙冰，咖啡。用QR code落單。牛肉麵 $78牛肉麵湯底我揀左原味，仲可以加$2揀四川麻辣。原味湯味道唔錯，完全唔油，感覺好正宗。有牛肉三舊幾，算腍而啖啖肉，仲帶少少肥膏。個麵係陽春麵，幼身又有咬口，都唔錯。配有生菜，入味紅白蘿蔔各一舊，同好多甜甜地既鹹菜，另外灑上蔥花。碗麵熱辣辣，食完暖笠笠。炸物拼盤 $71炸物拼盤好豐富，有椒鹽花枝丸3粒，好彈牙；府城蝦卷6條，外脆而內彈牙；甜不辣份量好多，味道甜甜哋，口感煙煙韌韌；雙色地瓜QQ球6粒，地瓜味唔錯，甜甜哋。炸物熱辣辣炸起，伴有甜酸醬可降溫。芝芝芒芒同芝芝蜜桃大大杯，面頭係滿滿一層芝士奶蓋。芝芝芒芒 跟餐加$35芝芝芒芒呈淺黃色，味道天然帶芒果香甜味，伴少少鹹香芝士奶蓋正呀！芝芝蜜桃 跟餐加$35芝芝蜜桃呈淺粉紅色，蜜桃味都好好飲，味道唔錯！今餐食物質素唔錯。餐廳裝修光猛新凈，座位及格。平日午市都好多食客。
繼續閱讀
喺尖沙咀k11 museum行街去到food court好多人呀😅肚餓都要醫肚㗎😁而喺food court有條路轉咗再直行原來仲有一個好隱蔽嘅food court，而且冇人架Yeah! 估唔到嘅係啲人圍住曬喺電梯樓下個food court真係傻呀😂，原來呢度先至係寶藏呀💯💯💯呢度有台灣嘢食台灣嘢食出面，有韓國嘢食冇人坐㗎真係奇怪喇😅可能係因為啲人實在太專注喺出面嗰個大food court啦🤔台灣炸滷排骨飯， 嘩個豬扒好正脆卜卜軟淋淋好juicy 仲有嗰啲滷肉撈埋落啲飯度真係好好味成碗都可以食曬呀💯💯牛肉麵超彈牙牛肉汁好正牛肉一樣係juicy咬落去軟淋淋好好味嘅👍👍炸物拼盤 ，好多嘢食架， 椒鹽甜不辣好惹味最鍾意佢煙煙靭靭嘅感覺 ，椒鹽花枝丸彈仲有啲花枝喺裏面“正”呀😋雙色地瓜QQ球 ，有紫色同埋黃色😊紫色當然係紫薯啦好好味架而黃色當然係番薯都一樣弹牙好味，而府城蝦卷“正”呀脆卜卜又惹味抵食呀！🎊💯三寶奶茶，呢三寶係仙草椰果同埋珍珠呀，超好飲👍👍蜂蜜柑桔檸檬 好香柑桔味好正好清甜💗💗饞。台式食堂(尖沙咀店)尖沙咀梳士巴利道18號維港文化匯K11 Musea B2樓201號舖
繼續閱讀
早幾日諗住去海港城影Hello Kitty🐱，所以喺海旁附近嘅K11 Musea 搵吓有咩好食。去Food Court嗌個Lunch都去到7-80蚊😵💫，咁不如行入少少去食呢間饞。台式食堂🧡。呢度主打正宗台灣味道，飯類都係$58起，坐得闊落又靜啲，味道都唔錯，仲可以慢慢嘆返杯台式飲品㖭🧋！🍜饞三寶 - 台灣牛肉麵 $78之前食過都知佢哋啲牛肉係整得好稔、好入味，今次依舊保持水準👍🏻！我自己係偏向鍾意食稔麵，呢度個麵質我好滿意，好入味好好味✨！另外要一讚佢個湯底有少少藥材味，食落有種好補身、好暖嘅感覺😼。🍚饞三寶 - 鹽酥雞滷肉飯 $58呢個係成個Menu最實惠嘅主食，但一啲都唔差💁🏻♀️。除咗鹽酥雞同滷肉，粟米同柞菜都落足料畀你，好完整，都幾大杯，CP值好高⭐️！🧡炸物拼盤 $71呢個啱晒同朋友一齊share，入面有齊各式各樣出名嘅台灣小食。我最鍾意就係雙色地瓜QQ波，黃色同紫色兩款都好味，又唔會好甜喎😋另外個蝦卷都好香口，唔錯👌🏻🥭芝芝芒芒 跟餐+$35 🧋茉香珍珠奶茶 跟餐+$24呢度Drink Menu選擇好多，奶茶都有8款揀✨，跟餐就抵飲好多。而芝士系列係推介要嗌🩷！啲芝士Blend得好Smooth，唔會飲到顆粒感。我冇特別嗌小甜味道都啱啱好👌🏻，好似Milkshake咁，好輕鬆就飲晒成杯！
繼續閱讀
因為在附近工作所以經常來吃，食物是很美味的，地道的台灣菜，就是食客體驗講真的不太好，這篇希望老闆看見。樓面通常只有一個女生負責歡迎客人，收銀，還要幫外賣店單，還得上菜端過來。有時候坐下五六分鐘都沒人理會，人員設置不夠，餐廳管理需要改進。如果不想招那麼多員工就可以直接在桌子上貼QR Code下單。再不行你可以提前打印出來QR code放在檯面上，搞不懂為什麼貼了兩個youtube和其他毫無關係的代購廣告的二維碼… 要不是因為這家滷肉飯很好吃，根本也不會浪費時間坐在這家了。還有雖然他上菜很慢，但是收盤子還挺快的。我還沒吃完就被盯上，看我吃差不多了，碗立刻被收走，雖然這也沒錯，但是作為食客體驗感真的很差。更何況客人都還有一大杯奶茶沒喝完，在享受午餐的過程突然被拿走碗很奇怪… 食物是好吃的，由於大部分食客都是附近的職員，希望有所改善。
繼續閱讀