影片
港鐵尖沙咀 A1 出口, 步行約6分鐘
繼續閱讀
電話號碼
35683266
營業時間
今日營業
12:00 - 15:00
18:00 - 23:45
星期一至日
12:00 - 15:00
18:00 - 00:00
公眾假期
12:00 - 15:00
18:00 - 23:45
公眾假期前夕
12:00 - 15:00
18:00 - 23:45
以上資料只供參考, 請與餐廳確認詳情
-
網上訂座服務暫停
啲食物嚟，每一啖都係驚喜。首先講下佢個「冲繩苦瓜炒豬肉」，啲苦瓜炒得咁好，真係得意得嚟；豬肉又嫩又香，夾埋苦瓜食真係一絕🌟。再嚟個「富士卷」，外面脆脆，入面嘅海鮮鮮甜，一啖咬落去仲有流心嘅奇妙感覺😋。啲「阿波踊雞」腍滑得嚟，味道正中夂箢，簡直係雞中之精品👍！至於「黑豚西京燒」，呢個豬肉肥而不膩，香而不俗，燒得外焦內腍，實在過癮💯。燒烤方面嘅「牛柳」同「魷魚」，牛柳鮮嫩多汁，魷魚又夠晒韌勁有嚼頭，兩樣都燒得啱啱好，香氣撲鼻，每啖都想細嚼慢咽嚟享受。嗰個「脆炸絹豆腐」同「烤乾鱈魚片」都係下酒佳品，豆腐外脆內軟，乾鱈魚又香脆解膩。啲飲品「巨峰提子燒酒梳打」同「蜜桃梳打」兩者清新爽口，真係解渴提神，幫襯完呢啲唔夠，都要再叫架。食完今次，心情大好，下次仲想再嚟，趁熱打鐵，發掘更多隱藏版好菜呀！🍽️🍹
繼續閱讀
陳述返每樣野，大家自行判段。一開始見好多好評，去到現場兩回事。首先去到，竟然播緊「微辣」廣告，呢間野👎👎👎⋯⋯好極有限啤酒$68 買一送一但吾凍串燒貴又普通卷物 好細份$88-138無叫刺身，大部分$88（2片）仲有切蛋糕費$200無下次啦⋯⋯我吾識欣賞
繼續閱讀
今日與兒時朋友相聚，大家都係日本菜嘅擁躉，就相約喺一間一早bookmarked 嘅居酒屋暢談近況。 泓居酒屋 -- 喜歡呢度嘅環境，居高臨下、環境舒服、氣氛良好，真係好適合同好友喺度開懷暢聚。 🥣雖然睇食評已經一早知道呢度有免費嘅餐前小食，但上枱一刻，依然感覺開心。汁煮牛舌， 賣相有d似關東煮，可能因為當中有白蘿蔔；除此以外仲有紅蘿蔔，而主角牛舌烹煮入味，絕無因為免費而hea煮。 🥗愛健康嘅友人特別揀左味道清新嘅 什錦魚生沙律 ($138)，刺身鮮味吸引，蔬菜爽脆，好正。 🍢嘴饞嘅我就叫左惹味串燒，串燒牛柳 ($58)我特別喜歡那肉質有咬口，加上牛味濃郁，值得再來一客。 🍱喜愛日本菜嘅我倆，當然唔會放過卷物啦($128)，揀左特色嘅泓卷。呢個有驚喜，因為配料會由廚師發辦，今晚我地呢份係三文魚蓉，叠得厚厚嘅魚蓉配搭埋青瓜及蛋，口感豐富。 🍹飲品：日本乳酸梳打($58)：唔會太甜；荔枝梳打($58)：荔枝味幾濃。 整晚人流唔少；食物質素有保證、環境好，值得再call酒肉朋友，下次品酒談天。
繼續閱讀
呢間餐廳整體上都不錯，不論係食物，環境同服務首先講一講環境先，我覺得感覺係清潔嘅，呢度枱櫈唔算多，所以都坐得舒服，員工都好nice!!叫咗啲特別嘅嘢食會介紹下咁~同客人都會講幾句嘢~其實望出去嘅景觀應該係好靚，不過夜晚嘅話啲窗反哂光睇唔到🤣· 前菜係牛舌+蘿蔔！牛舌切成一粒粒，都好腍又入味，蘿蔔都係！· 泓卷 $128呢個卷上面鋪滿碎左嘅生三文魚吞拿魚同一啲白魚仲有啲生嘅紫洋蔥，舊壽司飯就包住舊蛋同青瓜絲。食落都口感豐富嘅不過我覺得啲洋蔥有少少蓋過左魚生，同埋舊蛋帶甜，我自己都係比較鍾意食咸多啲🫢· 什錦魚生沙律 $138個沙律都幾大份下，有三文魚同呑拿魚粒，仲有啲蕃茄同青瓜，用咗柚子汁，成個沙律會酸酸地，幾開胃，魚生份量都唔少~· 魷魚糯米飯 $98店員有介紹到個醬汁係用魷魚嘅內臟整嘅，所以係好濃~建議我哋唔係沾咁多嚟食🤣不過我就覺得沾多啲好啲！因為好好食😋同個糯米飯都好夾，魷魚配糯米飯個口感好特別！建議嚟呢度都可以叫魷魚糯米飯食🫡· 蘆筍豚肉 $58· 牛舌心 $58兩串都唔會燒到好乾,最怕啲嘢燒到又乾又硬，但呢個食落幾juicy，特別係蘆筍咬落有汁調味都唔會過咸，牛舌心食落唔會太韌· 白桃梳打 荔枝梳打 $58天氣咁熱係需要飲梳打水先爽🤣🤣🍽 泓居酒屋 | 尖沙咀📍 尖沙咀廣東道122-126號中港中心17樓
繼續閱讀
✨魷魚糯米飯 $𝟖𝟖 魷魚🦑燒到好香有口感，唔會太乾身，糯米飯軟糯聞落有少少老酒香味，鹹鹹地。另外附上用魷魚內臟整既醬，味道會有啲重海鮮味，未必個個食得慣，但點左更增添鮮味🤓✨免治雞肉棒配溫泉蛋 $𝟔𝟖 雞肉棒混合左雞軟骨同雞肉，食落𝐣𝐮𝐢𝐜𝐲有咬口， 撈埋溫泉蛋黃汁食好好味🤤 ✨南蠻炸雞 $𝟕𝟖 每件炸雞都好大件同炸得好脆🐓 表面灑左一層鹹鹹哋嘅味粉，就算唔點醬食都好夠味☺️ ✨關東煮 $𝟕𝟖 關東煮湯鮮甜，一碗有齊哂經典煮物蒟蒻、雞蛋、蘿蔔、獅子狗卷等，炆得幾入味，再配上芥末醬，成個感覺好地道😋 ✨蘆筍豚肉 $𝟒𝟖 豚肉烤得夠脆，蘆筍咬落清爽多汁，成個配搭好夾唔膩，居酒屋必點之物🤤 ✨大蝦天婦羅卷 $𝟏𝟔𝟖 排到成條龍咁嘅天婦羅大蝦卷🍤，連個蝦頭都有炸過咁上碟🤣 成個賣相好吸引👍🏼 而飯卷配上白昆布絲，食落口感軟棉棉，意外地成個組合好夾😆 ✨威士忌梳打 $𝟔𝟖 ✨荔枝燒酌梳打 $𝟔𝟖 梳打混合燒酌，兩杯都好易入口，酒精同梳打份量平衡得啱啱好🥃 味道：𝟖.𝟓/𝟏𝟎 性價比： 𝟖.𝟓/𝟏𝟎
繼續閱讀