TOSS 蘇媽.蘇媽

營業中

休息中

感覺屯門蘇媽蘇媽來得太遲，當其他的星馬菜早已站穩陣腳，真正主打馬拉菜的蘇媽卻姍姍來遲，而選址更是較為二線的位置。對於蘇媽蘇媽的開幕，屯門友似乎興趣缺缺，果不其然屯門分店完全不用排隊，有違屯門分店人山人海的常態。曾到訪過荃灣店及沙田店，而沙田店跟屯門店一樣，名字冠以「Toss」，原來是蘇媽蘇媽的新品牌，風格上比較型格華麗，但注意Toss肉骨茶是不能添湯的，店方表示由於肉骨茶質素提升所致，是故去開傳統蘇媽的定會相當失望。論風格而言，個人較愛荃灣店哪種走傳統路線的馬拉餐廳，平實風格卻是真正的表裏一致。而新路線Toss雖然型格華麗，但骨子裏就跟茶餐廳無異。服務而言大部分店員尚算親切，但專業度有待提升。留意到餐盤竟有破損，作為新店有點令人詫異，又加上蘇媽定價不夠親民，新店期間人流稀疏也是有跡可尋。在沙田店嚐過麵食，食味上都幾有特色，今次再下一城，挑戰主打以外，二線卻又甚具代表性的「辣死你媽」。這是非常傳統的馬拉國民代表食品，基底是椰漿飯，配搭不同的配菜和肉食。辣死你媽配烤雞脾($83)賣相忠於傳統，一片翠綠的班蘭椰漿飯，班蘭比椰香更突出，可惜飯身偏軟爛，班蘭椰漿沒有拌勻下，賣相有點倒胃口，擱涼了

每次去到晚飯時間都大排長龍，今晚專登早d去避開人潮，終於食到【蘇媽．蘇媽】la！近來食過最有心正宗嘅馬來西亞菜👍🏻🍲一字骨 $168食馬來西亞菜點少得肉骨茶，依到嘅肉骨茶冇指定款式，隨自己心水選擇，有一字骨、豬腳、雜錦等揀。肉控朋友揀咗一字骨，啖啖肉之餘仲可以吮骨😋～依個價錢好抵食！滿煲肉不但止每件肉仲大大件！一字骨入哂肉骨茶味兼肉質嫩滑，讚得一讚👍🏻肉骨茶濃濃中藥味但又唔會膩，飲完個身暖笠笠好補身，配料方面有枝竹、豆卜、冬菇全部都「索」哂肉骨茶，食完勁滿足！🔥招牌砂煲老鼠粉 $118老鼠粉即係銀針粉，因為粉形狀似老鼠尾所以改依個名～依到用砂煲煮更加有風味，海量配料令老鼠粉味道豐富，特別係魚仔、蝦米、肉碎帶出鹹香味，豬油渣、蔥、炸蒜、炸乾蔥令味覺更昇華，最後用蛋撈勻加添蛋香味，每啖老鼠粉都有哂以上配料味加鮮鹹香味，一定要試👍🏻🐷馬拉沙嗲串燒六串 $96串燒叫咗豬同雞，2款肉質都燒到剛剛好，保持到彈牙口感，沙嗲醬非常惹味，每串都點滿沙嗲醬食好開胃！🥥椰汁班蘭冰 $42入口滿滿椰汁味再滲出淡淡班蘭味，粉嫩綠色好睇又啱晒打卡💛似水榴槤 $58難得有榴槤飲品供應，榴槤控無理由唔揀㗎嘛！香濃榴槤

今日又去咗覓食🤔、去到屯門見到這間店舖蘇媽都好新、係一間馬來西亞茶餐室、我之前都有去其它分店食過、見到整間店面環境比起以往靚好多、裝置都好有特式新式與懷舊共融一體好有別的風格、坐著寬敞舒適感覺都唔錯😚！.細雜錦配油炸鬼 $148呢個係二人份量細雜錦🤔望著份量十足😲、整款都睇得有腩肉、杞子、豆卜、排骨、枝子、冬菇、豬腳、豬肚等，送到上枱散發香噴噴味😚、湯底夠哂濃郁沾滿每一款材料、尤其是腩肉、排骨、豬骨、豬肚肉質腍嫩完全入哂味😋、口感味道都唔錯、油炸鬼、冬菇、豆卜又有咬口索哂D汁液好正、整嗰湯底味道特別好有地道風味！.辣死你嗎配烤雞脾 $83呢一款好特別嗰名🤔、配搭色澤都幾特別、有椰漿飯、參巴醬、青瓜、花生、乾魚仔、蝦片、蛋等，整碟色澤特別都好吸睛😯、烤雞脾賣相夠哂大隻、外皮都好潤澤香脆肉質腍嫩美味😋、尤其是椰漿飯入口帶點椰香味😚粒粒口感！.海南鴛鴦燒麵包 $48呢一份鴛鴦燒麵包賣相顏色都幾特別🤔、配埋咖鴦醬、牛油整份都睇得吓🤤、食到入口口感香而脆口😚、味道咸甜香滑口感我覺得都幾好食😋！.熱馬來西亞拉茶 $29呢一杯係馬來西亞地道飲品、整林滿滿泡泡望著都幾特別🤔、散發奶茶香味😚、入口又唔會

話說之前去過深水埗同荃灣店食過蘇媽都覺得好正而家終於等到屯門開了，就約埋老友黎回味一下，星期6晚上7點左右到都坐滿人，不過等位都係10分鐘就入得，餐廳環境屬半開放式，出面都睇到入面情況。坐底睇下餐牌，大致上同本店都差不多，唯獨搵唔到我最愛既滷肉卷，唔開心，落單方式係用QR code，本店就人手落，不過唔識用都可以叫店員黎幫手。辣死你媽配仁當牛肋條落單唔洗5分鐘就上到呢個飯，辣死你媽係馬拉語椰漿飯咁解，並唔係咁辣的，椰漿飯用左班蘭葉染色變到綠色咁幾得意，椰香味唔算好重，配料有d魚乾，花生同蝦片咁，牛肋條就好腍身，又唔會腍到爛晒，呢個飯幾好。甲必丹咖哩豬扒飯又係好快就黎到既餐，好在豬扒都熱唔係凍既，証明都係新鮮，咖哩汁偏重椰香味，有少少回辣，不過質感就稀d，整體正常。馬來香蕉餅未食過試試，外面一層葉係唔食得架，入面既香蕉餅質感軟糯，少少香味唔算太甜，不過我個人不太喜歡，所以覺得麻麻地。咖央多士多士新鮮烘起香脆，夾住咖央醬同鮮油，甜甜地，圖中俾老友搶先食左一塊，正常係有4塊的。細雜錦肉骨茶可能廚房漏左單遲遲都未黎，跟左一次單先黎，所以最後先上，黎到大家都8成飽了，又要講講呢度同本店唔同既地方

蘇媽開左好多分店 屯門牛都有份可以一嘗馬來西亞風味 又唔洗熱🌞 P.S雖然在馬來西亞街頭食都好有風味-🔸一字骨肉骨茶 $168好喜歡肉骨茶既藥材味 感覺好養生用了大骨肉熬煮 加埋豬內臟 雞腳補充骨膠原一字骨煮得入味軟身 容易脫骨入口即化👏仲有大大粒香菇 超JUICY-🔸招牌砂煲老鼠粉 $188成煲上有很多料的😘魚仔 蝦米 肉碎 豬油渣 蔥 炸蒜 炸乾蔥 打隻蛋撈埋一齊食好惹味 唔好以為黑蚊蚊就好咸同好油完全唔會 而且老鼠粉好彈牙的-🔸馬拉沙嗲串燒6串 $96可揀豬牛雞 配埋好香濃既馬拉沙嗲最喜歡就是雞串了 同沙嗲好夾😙-🔸馬來西亞拉茶 $29當然唔少得拉茶揀左少甜就岩岩好啦 夠香滑-🔸桔仔話梅水 $38清爽既桔仔水加埋話梅解渴清新🍧-TOSS 蘇媽.蘇媽屯門屯隆街3號屯門市廣場2期UG樓19-20/21-22號舖

TOSS 蘇媽.蘇媽 (屯門)地址：屯門屯門屯隆街3號屯門市廣場2期UG樓19-20/21-22號舖成日聽朋友講蘇媽.蘇媽 好好食 🙈但我呢d 10世都唔想離開自己住緊嘅地區🙈🙈而朋友又話我知 屯門市廣場開左 分店就當然去試試🙈一字骨 $168.00 辣死你嗎配烤雞脾$83.00 馬拉沙嗲串燒6串$96.00 椰汁班蘭冰$42桔仔話梅水$38本身我同朋友講 不過叫多個飯呀 🙈好似唔夠食🙈但我朋友話信我啦我食左 蘇媽甘多年 我可以話你知 你👆🏻👆🏻都有機會食唔曬 🙈到最終係呀 真係食唔曬 🙈🙈因為個一字骨 肉骨茶 嘅肉 最少左 4大舊 唔係 細細舊俾你過癮個種 我同朋友1人 2件 都已經7成飽🙈🙈🙈馬拉沙嗲串燒6串 佢有我俾你揀想 要 豬/牛/雞 邊款要多d 我地最終每樣各2串 串燒嘅精髓係佢個醬 因為佢個醬太好食啦 好食到用黎撈飯食🙈🙈🙈辣死你嗎配烤雞脾 聽個名 以為辣 其實1d 都唔辣佢隻髀嘅皮脆得黎唔油 👍🏻再加埋我講 個個串燒醬 撈埋一齊 👍🏻再好食 d 🙆🏻‍♀️🙆🏻‍♀️聽好多人講 成日要排隊 排好耐 🙈而我 🙈🙈揀左 岩岩開始晚市嘅時段入去🙈你睇到呢到就會話 有得早去

滿滿的童年回憶我們叫了個奶油大蝦，黃金軟殼蟹，老鼠粉，辣死你嗎配烤雞肶 。大蝦火力過猛，令蝦肉太乾身，而蝦肉欠缺蝦味，令成個餸只能靠芝士汁吊味，缺乏層次感，為什麼會缺乏層次？是因為食材質素低，原因是蝦肉無彈性，死了一段時間，蝦肉開始化開。失去鮮味只能靠餸汁掩蓋，就如cheap魚要油炸，腐肉靠辣椒一樣套路。軟殼蟹我覺得它達成了軟殼的目標，但未能達至殼脆肉軟的水平，未能去到合格水平。受人追捧的老鼠粉其實只屬一般之作，叫做唔難食，同一般乾炒牛河差唔多，全晚靠呢個餐吊命。而那個辣死你媽配烤雞肶我強力推介，飯是綠色椰漿飯，賣相充滿濃厚的馬來風味，綠飯入口時，我感受到滿滿的童年回憶，每一粒米無論是質地，氣味，都和培樂多牌泥膠一模一樣，令我想起幼稚園時和女同學煮飯仔的情景，當時我年紀小，尚且知道不能入口，但幾十年後的今天，我終於更進一步，食果pat泥膠飯了。入口時百感交集，不知道當年那個波波面，水汪汪的眼眸的馬尾頭女同學仔，不知她過得如何呢？價錢方面，我認為係5分錢1分貨，香港搞飲食業我就buy何太啦，唔駛特別好食，只要唔難食，就大把盲粉護航，拎一球出黎煲湯，包有運行。係呀，我極力推薦，比仇家幫襯。

今日一行四人黎到屯門市廣場嘅Toss 蘇媽蘇媽。蘇媽依個品牌相信近年好多人都聽講，講起香港嘅馬來西亞菜都會諗起佢。而今日一試後，依間餐廳亦果然名不虛傳：椰香咖哩叻沙叻沙煮得好食嘅關鍵就係椰汁味夠唔夠突出，突出得黎又唔可以蓋過辛辣嘅味道。而依次食嘅叻沙喺依方面就做到恰到好處，湯底煮得夠濃夠香滑，令人食完個滲滲河粉都想飲多兩啖湯。一字骨 + 細雜錦肉骨茶配油炸鬼對比起好多香港人鍾意新加坡式胡椒味嘅肉骨茶，依次食嘅係馬來西亞式帶有濃厚中藥材味嘅湯底。湯底有當歸嘅甘苦味，配上肥瘦適中嘅肉骨，食落亦唔覺肥膩。燒豬頸肉配馬來沙嗲醬馬來沙嗲串燒簡直係重拾幾年前去馬來西亞夜市食到嘅味道！沙嗲醬有香口嘅花生味，烤肉亦充滿肉汁，好食好滋味。馬來西亞拉茶桔仔薄荷梳打美祿恐龍+美祿波波桔仔話梅水四個人一人試一款特色飲品。大致上同喺馬來西亞地道飲到嘅味道相差無幾，亦係喺香港比較少有得黎亦保留到地道原味。

屯門市廣場 行到去充滿 銀行個一層2/F 黎到食馬來西亞🇲🇾菜 既 蘇媽 蘇媽蘇媽 開開下 好多蘇蝦～沙田、荃灣、旺角、深水埗 都有出名食 藥膳味既 肉骨茶一黎就叫左 兩種肉骨茶😋一字骨$168細雜錦1-2人份)-配油炸鬼$148湯底有濃濃既 當歸味。同我以前喺馬來西亞食嘅肉骨茶味道相近真係幾正宗但本身唔係好食得藥味嘅朋友應該會覺得 哽 D🦐椰香咖喱叻沙 $83豆角·豆卜·芽菜·就魚圈·蝦仁·魚肉卷湯麵均可配油题/米粉/渗渗河粉又係正宗嘅叻沙 ～食到椰奶味同咖喱味🍤福建炒蝦麵大贊個面底嘅調味做得好好味豉油嘅顏色，但係唔會太鹹仲有兩粒鮮蝦做點綴🐖燒豬頸肉配馬來沙嗲醬$82馬拉沙嗲串燒6串 可配豬/牛/雞 $96要讚一讚啲馬來西亞 沙嗲醬比普通嘅醬 冇咁 Jam口但仍然味濃值得試下！☕️馬来西亞拉茶$29係啲特別味嘅奶茶🍃桔仔薄荷梳打$45爽一爽口 幾開胃🦖美祿恐龍美祿+美祿波波$40邪惡嘅美祿有埋美綠粉同埋 早餐美祿波波！💦桔仔話梅水$38開胃飲品

蘇媽•蘇媽終於開到黎屯門啦。今次帶埋屋企人黎試下。當然要點我最愛的招牌肉骨茶。肉骨茶有得香的中藥材味，食到最底都見到枸杞、黨參、川芎等材料。而我每次都會點一字骨，因為真係啖啖肉，索左湯的精華食，食落去又夠嫩滑。仲有豆卜同厚肉冬菇，都是精華所在。招牌砂煲老鼠粉今次第一次食。老鼠粉即係銀針粉，不過就粗身同長D。入面加左魚乾、蝦米、肉碎、蔥、炸蒜、炸乾蔥。雖然自己撈勻，但加埋豬油渣同生蛋，食落去好惹味，好似炒出黎咁。全部配料加埋一齊好夾，十分有驚喜。馬拉沙嗲串燒，豬，牛，雞各2串串燒唔辣，大人小朋友都食得。串燒醃得好入味，又烤到表面帶少許焦香，配埋沙嗲醬，又被大家極速清碟。三色拉茶拉茶夠滑，茶味濃郁，配埋下面的椰糖糖漿，很有特色。桔仔話梅水清新的桔仔水，充滿香氣。加埋話梅很解膩。餐廳新開張，雖然客滿，但職員都熱情有禮，仲會主動同小朋友互動，值得嘉許。

開咗一段時間，openrice 好多差評，但每次行過都有人，就膽粗粗試吓。附近係銀行，所以成日都有好多幾枱職員喺嗰到食。見到好多評語都係同其他分店比較，但我無食過其他分店，所以抱住可能'唔差'嘅心態入去食。地方大，枱與枱之間隔得幾遠，坐得好舒服。 有幾個客人都係帶埋架車仔，泊係座位旁邊都仲有好多空間，一啲都唔阻路。但坐卡位對某些人就有可能太開揚，無遮無掩。餐廳出面條街都多人行嚟行去，因為有好幾間銀行。(本人可接受)所有staff都好nice，menu上的問題都耐心解答，態度不會唔耐煩。 Order 咗2個 lunch set 椰香咖喱豬頸肉叻沙咖哩湯底幾香，但唔係椰奶重嗰隻。有五片豬頸肉，豬頸肉麻嘛，太過厚實，有啲肥，唔係每片都有烤過兩面(泰式)嗰隻.....然後其中有一嚿肉有啲梅，應該唔係同一條豬頸肉。湯有啲油，食到最後有啲腻，我竟然食唔哂一碗！(本人平時好好胃口)好彩無嗌小食。檳城福建蝦麵 一般，湯底正常，無驚喜。一碗有兩，三塊豬腩肉，厚身嗰隻。餐飲白咖啡，拉茶。個杯耳黐立立，負評。茶雖然滑，但太澀。 同其他馬拉餐廳嘅拉茶分別好大，其他嘅香濃，滑，甜(有時過甜)。總結：下次想食差

今日下午去到無需等位，坐低後侍應只是放低張單同餐牌，水都冇杯，又冇講自助落單，跟住問個侍應餐牌上食物是什麼時，侍應都唔想答你，無服務可言，真心食物一般！唔好食👎🏻另外見到門口有張卡位坐咗幾個人細聲講大聲笑震撼全場，望真啲原來係員工嘅午飯時間？一台三人再加幾個做緊而家嘅員工一齊開懷大笑，成個場都係得佢哋把聲，食飽仲要瞓喺張枱度午睡真好睇，點解咁無員工培訓，食物質素唔得、服務唔得，呢間真係伏到爆，真心下次唔會再幫襯！

之前食過其他分店，呢間新開的比較起嚟真係超難食，食物好油膩但調味好似唔夠咁。叫咗老鼠粉，肉骨菜，辣死你媽飯同咖央多，只得咖央多係合格。椰漿飯完全無椰香味，肉骨菜又無得添湯，啲肉同骨頭都比較鞋口唔係咁好食，叫3-4人份量的大雜燴只得一小碟蒜粒黑豉油。成煲肉骨菜一粒蒜頭都無。間舖仲未夠9點已經last order，唯一好處係星期日晚飯時間都唔駛點等位。佢貴都其次，但再咁難食真係好難可以做得住。食完一次太難食應該唔會再幫襯。

#pb食在屯門 #pb馬來西亞菜人氣「蘇媽蘇媽」終於進駐屯門😋屯門人以後唔使特登出去食「蘇媽.蘇媽」了😍 佢係今年1月進駐屯門市廣場 不過好似唔係太多人介紹🥰 雖然佢係屯門市廣場 不過就較為接近杯渡個邊 係恒生銀行隔離 位置有少少難搵🤪 假日夜晚6點左右去到唔使排隊 去到7點就開始多人 估計要等最少30分鐘👍🏻 .Menu同其他分店冇咩分別 都幾多選擇🤪 招牌肉骨茶有6款選擇 價錢$148-$188不等👍🏻 喇沙、椰漿飯、炒粉麵$78-$118不等😋🔹細雜錦🍲推介❤️ 佢嘅肉骨茶藥材味偏濃 Menu上都有提醒肉骨茶加左川芎、白芷等藥材 大家要按照身體情況睇下食唔食到👍🏻 第一啖會飲到藥材味 大骨肉所熬成嘅甜味 最後有少少回甘😍 雖然佢係細雜錦 但好足料 有肉排、豬肚、三層肉、豬腳、豆卜等 全部都好淋、索哂藥材味😋🔹辣死你嗎配炸雞球🍛份量都幾多👍🏻 綠色嘅椰漿飯椰子味好重 有微微嘅斑蘭味 口感黏黏地😋 配埋旁邊嘅魚仔、花生、薯片食幾夾😍 炸雞球正常發揮 唔太驚喜🤪🔹馬來香蕉餅🍌唔知點解佢擺左係小食 明明感覺似甜品多d🤪 佢用香葉包住香蕉餅 口感煙韌 香蕉味好濃😍 食落都幾甜 中間會食到微微

服務一般，仲無得Refill肉骨茶湯！😩 早餐完全唔掂，蛋只有全熟揀。咁近深圳灣，不如上大陸食好過。最大問題，星期日，又無優惠午餐，價錢又貴，都唔知佢想點做生意。😖😖😖😖😖