127
5
7
開飯介紹
位於西環小巷，主力提供漢堡及薯條等，指定時間更可任食薯條。
繼續閱讀
營業時間
今日營業
12:00 - 23:00
星期一至日
12:00 - 23:00
以上資料只供參考, 請與餐廳確認詳情
-
網上訂座服務暫停
食家推介
以前成日喺北角食big bite 。然後咁今次咁啱嚟到西邊揾嘢食，一入嚟就心諗乜間舖個vibe 咁似樣咁多 🫎同 🦫公仔嘅，原來而家搬咗嚟石塘咀呢邊！我哋 order 咗最 Classic 嘅 CBC (Crispy bacon cheese burger)，好欣賞呢度嘅肉係經過明火烤過🔥肉質 juicy 而且有煙燻過嘅香味係好加分（（即刻諗起食神入面講嘅：將神賜畀人類嘅火運用得出神入化，可以煮出堪稱火之藝術嘅超級菜式））另外仲有個the big fish burger, 估唔到連魚都好不錯，魚肉厚實唔會散收收，外皮脆身無油味。高質唯一個問題係個餐本身已經跟咗 fries🍔而食加拿大嘢係必定不能夠 miss 特色 poutine，就係加上最簡單嘅芝士同 gravy 呢個簡單組合，嘩啦啦 Boommm 將薯條嘅滋味再昇華！食咗勁多薯條食到好飽 lol 強烈要求個 menu 可以容許加錢轉咗 poutine!! 唔係真係食到變🇨🇦大黑熊size 🐻逢星期三仲有勁平嘅三蚊 wing night，好吸引嘅promotion，心郁郁下次要嚟狂隊雞翼！（記憶中個 buffalo wings 係好食的，然後 hot wings 係辣到飛起）
繼續閱讀
The Big Bite Flame-Grill📍：西環石塘咀加倫臺8-16號地舖🚗：香港大學地鐵B2出口 步行3分鐘📞：+852 2857-2508💲：~HKD230/head for dinnerFood quality✔️：Poutine with cheese and gravy, Garlic Pawns with toast, Buffalo Wings, Devil’s Tea 👌🏼：The Big Fish, Caesar Salad總結：😋西環一間香港少見嘅加拿大美式餐廳 價錢合理 款式選項都多 適合曾喺加國嘅朋友偶爾嚟懷緬以往嘅生活😋Poutine係加拿大馳名嘅粗薯條🍟配上芝士同gravy醬 一拉全都係拉絲 食落淋身但又幾夾 肉汁本身味濃又食到啖啖芝士😋香辣蒜蓉蝦 蝦🦐大隻 $85有6大隻 牛油蒜香味濃 辣度反而唔太出 更辣可能更惹味 不過可能就偏向中式了😂 配埋toast 幾好食😋水牛城雞翼本身就中規中矩 表皮炸得幾香脆 重點係配上蜜糖蒜蓉醬 酸酸maymay 好開胃😋餐廳裝修行温馨可愛路線 每枱都有一隻公仔🧸 坐得算舒服 員工係外藉人士 友善嘅不過由於得兩位 可能有時未必睇到你🤔big Fish即係魚柳包 魚柳厚身同大塊 以烘烤製法 麵包🥯本身幾好食 正常水準🤔Caesar salad🥗砌到一層一層然後上面放上脆煙肉碎 水瓜鈕(有幾塊有點太鹹)麵包糠及大量沙律醬 咁樣切嚟食嘅沙律都真係少見 份量超大份 抵食😨位置有點隱密 容易行錯路
繼續閱讀
A great place for drink and chill with friends! 逢星期三晚係Wings Night, 只要叫一杯飲品和酒精飲品就可以加$3要一隻美味雞翼, 真係抵到爛!雞翼即叫即製上枱時熱辣辣, 而且有唔同味道選擇☺️星期四晚就係Steak Night, 只要點一款酒精飲品就可以$100嘅價錢享用一下美味牛扒同任食炸薯條🍟, 想平平地食牛扒嘆紅酒一定唔可以錯過! 凱撒沙律生菜🥬成棵上好搞笑😂, 加埋香脆惹味號煙肉粒同埋炸麵包粒, 清新又開胃🤤 炸鱈魚柳漢堡✨魚柳外脆內軟肉質香軟, 配埋半溶嘅芝士同新鮮爽脆生菜同烘到十分鬆軟嘅漢堡包🍔, 美味又滿足!Poutine, with cheese and gravy🍟 粗身薯條上再淋上大量半溶化拉絲芝士同gravy醬汁, 香口又惹味食到停唔到口😊蒜蓉燒蝦🍤配香脆多士~去哂蝦殼嘅蝦岩哂懶得剝蝦殼嘅懶人🤣爽口彈牙嘅大蝦帶有香濃牛油味再擠少少檸檬🍋更能帶出蝦嘅鮮味! 主角香烤蜜糖🍯BBQ雞翼~雞翼皮脆肉嫩咬落啖啖肉汁, 蜜糖味甜甜地好開胃🤤又係一款令人愛不釋手嘅佐酒小食💖老闆推薦之下試左呢款澳洲入口嘅檸檬口味Vodka, 味道好似港式檸檬茶咁好易入口, 岩哂想飲酒又怕酒味太濃嘅朋友👫!
繼續閱讀
今次行到西環石塘咀嘅巷頭，搵到間咁得意嘅餐廳真係夠晒意外。我哋一坐低就揀咗幾樣鎮店之寶嚟試下。首先嚟嘅係一籃炸雞翼，🍗 叫做Buffalo wings，又香又脆、有啲微微辣，外面掛住一層蜜糖蒜茸嘅鍚味，一啖啖咬落去嘅感覺真係正！旁邊嘅沙津醬帶點酸甜，正好中和晒辣味，食起上嚟實在太過癮喇。然後試咗個名叫The big fish嘅魚柳包，啲魚肉簡直嫩滑到爆炸，同佢啲包烘焗得岩岩好，啲外皮脆得嚟又保持住鬆軟。接著嘅Poutine with cheese and gravy就真係搶眼！🧀 啲薯條外脆內軟，搭配上濃郁嘅gravy醬同溶化芝士，嘩！每一啖都係心頭好，簡直係口中嘅完美風暴！最後嗌咗碗Caesar salad，係個大碗，酸酸嘅味道都OK，不過我更中意個鹹香嘅Parma ham，食到後來啲鹹味就喺口裏面揮之不去。成個餐飽肚之餘，最平民嘅感受就係：都幾正！來到石塘咀，呢間絕對值得一試。💯👍🙂
繼續閱讀
🍴 The Big Bite Flame-Grill 📍 西環石塘咀加倫臺8-16號地舖🗺️ 港鐵香港大學站B2出口 步行約3分鐘📱+852 2857 1508💰 ~$230 per head 呢間位於西環嘅美式加拿大菜，位置都比較偏，要睇住個google map 行先無行錯🤣🤣 店面得兩位外藉職員，人流都唔算多。餐廳整個design 都好有加拿大feel 。每張台都會有一隻可愛嘅公仔係到。Buffalo wings 🐥🐥呢個buffalo wings 食落唔辣，蜜糖同蒜茸味重，點沙津醬食就食落酸酸甜甜，作為頭盤，都算幾開胃。The big fish 🐟The big fish 名乎其實係一個魚柳包，食落都好味，個包烘得幾脆。Poutine with cheese and gravy個人嚟講比較中意呢道菜，食落係淋身啲薯條，但係加埋gravy 醬意外地好食，gravy 醬嘅味道就有啲似平時KFC蘑菇飯果隻醬汁，不過呢隻再濃味啲。而且啲芝士量都好多，就算食到咁上下，都仲做到拉絲嘅效果。😍😍😍😍Caesar salad 🥬🥬第一次見成棵菜咁上嘅沙律，等自己按自己想食份量去切。有幾啖食落過咸，似係落咗啲類似咸魚嘅做配料。 Garlic prawns with toast 🍤呢個蒜茸蝦好重牛油味，食落小辣，啲蝦食落都幾彈牙，又大隻，夾埋toast食都ok。好食指數 🌕🌕🌕🌘🌑推薦指數🌕🌕🌕🌘🌑抵食指數🌕🌕🌕🌗🌑
繼續閱讀