Simplylife Bakery Cafe (已結業)

侍應態度不好，説話冇精神，聽唔到，不友善！問完問題回答太細聲，又係聽唔到，好似自己同自己 講嘢，完全唔望住你，向住空氣講，完全冇禮貌，培訓看似也是一般，不是太突出！再畀機會也是如此，冇進步！環境仲要有曱甴，不堪！

哥達芝士煙肉牛肉漢堡 伴香辣薯條今日晏晝行咗好耐街，行到隻腳有啲攰，於是就嚟咗呢一間Simplylife坐低，食一食佢個下午茶套餐。呢度既環境好友風格，好有歐洲Cafe嘅feel。佢嘅下午茶套餐價錢唔太貴， $100內就可以落樓。今次試咗佢呢一個牛肉漢堡嘅餐，見到好多客人都有叫。佢嘅賣相好討好，而且份量都唔少。牛肉都充滿住肉汁，好juicy唔會乾，薯條都炸得好脆，而且係即炸好新鮮。而嘢飲我哋就叫左限定冰茶，好大杯，味道都唔會過甜，值得一試。🫶🏻

食晚飯當然加甜品，係門口見到啲cut cake都幾靚，所以加咗件好少見嘅哈蜜瓜伯爵茶蛋糕。當然正常menu 上嘅野食係無問題，但係件蛋糕真係唔好食，又無伯爵茶味，哈蜜瓜味都有，但係個texture 就好怪，整體就大甜，所以我覺得唔值得食。

無花果乳酪雪芳蛋糕牛油果蓉車打芝士牛肉漢堡伴香辣薯條呢間店環境舒適下午茶叫左個漢堡餐加杯焦糖咖啡牛油果夾牛肉都好吃係薯條比較咸，冇咩辣味食完個餐唔夠飽加多個蛋糕，蛋糕唔太甜除左個裝裝飾有無花果食唔出有無花果味，不過都幾好食

Simplylife雖然多分店，但真係幾年冇食過，今次朋友主動話想食，就試試葵芳店有冇意外驚喜😝一坐低已經有好大份麵包食，雖然大份不過真係有啲硬😬兩個人分別嗌咗燒黑鱈魚配薯蓉、燒意大利黃瓜、酸豆橄欖醬🐟，同埋車厘蕃茄醬蟹肉手製扭紋粉🦀加三十蚊有餐湯同冰茶，今日餐湯係南瓜湯🎃，個湯係唔錯兼真係有味👍🏻到燒黑鱈魚上菜，下面嘅薯蓉係熱，不過上面嘅黑鱈魚就一啲都唔熱，連暖嘅感覺都冇，好似攞咗好耐先上菜咁🥹薯蓉還好，不過打得唔夠蓉🥔第二道菜上菜時，我哋張枱已經冇位，要用埋隔離張枱先搞得掂，啲枱大部分都偏細😅車厘蕃茄醬蟹肉手製扭紋粉係多蟹肉，味道正常🙂最後叫咗個甜品🍰哈密瓜伯爵茶蛋糕，食咗半嚿已經覺得太漏要放棄，同我想像中嘅小清新味道截然不同😶

作為連鎖西式的𝐒𝐢𝐦𝐩𝐥𝐲𝐥𝐢𝐟𝐞的食物質素如一，順帶一提𝐰𝐞𝐞𝐤𝐝𝐚𝐲 𝐥𝐮𝐧𝐜𝐡 𝐬𝐞𝐭同𝐭𝐞𝐚 𝐬𝐞𝐭簡直是超級抵食！它們家的麵包和蛋糕🍰也同樣出色！這次剛好因為工作緣故來了大老遠的葵芳，𝟏𝟏:𝟒𝟓入座有不少位置，𝟏𝟐:𝟎𝟎便已經全場𝐟𝐮𝐥𝐥 𝐡𝐨𝐮𝐬𝐞，留意限時𝟏小時用餐🥶——— ✤ 𝐒𝐞𝐭 𝐋𝐮𝐧𝐜𝐡 ｜$𝟗𝟖-$𝟏𝟎𝟖套餐已配自家製冰茶；選配湯/沙律也只是額外+$𝟏𝟎😏✰ 南瓜湯&冰茶南瓜忌廉湯濃稠無比，香甜可口，搭配一片融化芝士於湯面頭上立馬有鹹香味道；不得不讚一旁的法包外脆內軟好好味😋🥖；冰茶相對比較甜，混入蜜糖取替糖水。✰ 慢煮肉碎手製闊條麵大推店家的手製闊條麵🍝口感新鮮彈牙，蛋味飄香、小麥麵粉味重，與滋味番茄𝐛𝐚𝐬𝐞的牛肉醬汁完美混合，慢煮牛肉碎味道濃郁，搭配面頭剛融化的芝士簡直𝐩𝐞𝐫𝐟𝐞𝐜𝐭 𝐦𝐚𝐭𝐜𝐡 (小妹以前記得有一輪的𝐦𝐞𝐧𝐮是黑松露的𝐩𝐚𝐬𝐭𝐚也超讚🍄)✰ 車打芝士牛肉漢堡配煙肉𝐦𝐞𝐠𝐚 𝐬𝐢𝐳𝐞的這款𝐛𝐮𝐫𝐠𝐞𝐫新鮮熱辣辣，巨型長度的特厚煙肉很是邪惡🥓；中層牛肉漢堡扒𝐭𝐞𝐱𝐭𝐮𝐫𝐞不會過於鬆散；𝟕成熟剛好還有點血水滲透；還有生菜🥬以及車打𝐜𝐡𝐞𝐞𝐬𝐞；

12:00前去到新都會Simply Life ，怕lunch hour多人，但發現都已經坐滿九成😂用餐時間60分鐘，lunch hour 真係唔同d😌是日餐湯係藜麥蘑菇濃湯配法包，個包大大個但唔夠熱😑好在餐湯幫佢加返唔少分😬主食叫左兩個：1️⃣烤蘑菇忌廉汁手製寬條麵配香草燒雞肉.燒野菌全個pasta好高質，寬條麵生熟度剛剛好，有咬口，蘑菇忌廉汁香濃👍🏼但扣分位係燒雞胸…super dry乾爭爭😑2️⃣車打芝士牛肉漢堡配著條🍔滿滿肉汁嘅漢堡扒好厚好大件,口感層次整體豐富好juicy😋我哋揀咗士多啤梨冰茶+無糖可樂再加多$17☕️Extra多杯咖啡…杯咖啡好得👍🏼可能因為peak hour ,出餐時間好配合，差唔多飲完湯就上主菜，同埋可能張枱太細同一時間容納唔到餐湯同埋主菜。湯+主食+限定冰茶/汽水 $108+10%extra 再加咖啡☕️ $17今次嘅lunch體驗都真係唔錯，已經target 咗要再試下佢地嘅Tea Set 😌。

這家店的食物質素唔錯的，價錢相比其他差不多類型的餐廳亦不算太貴，只是枱太細了，有時候湯同包未食完就送主食過來，根本就放不下全部野食，令人用餐時不太舒服，要小心翼翼，怕杯碟放得太近枱邊會跌。相比又一城Simplylife 的餐枱比葵芳店的大，雖然價錢是貴了一點點，但起碼客人坐得舒服些。

現今世界想簡單生活都吾容易既然如此 偶然來到葵芳新都會“Simple life ”只用 App 取票不用排隊超簡單假日Brunch價錢比平日貴小小有多款選擇“南瓜粟子有機糙米飯”磨菇湯濃配上外脆內軟麵包吾使1分鐘完全消失南瓜蓉已溶入煙煙韌韌飯中每一口都要慢慢品嚐咀嚼鬆脆松子/南瓜粒/栗子香/飯勁似 Risotto 回味無窮配冰凍果茶簡直絕配

晚餐時段，來到此商場，本身想去食另一間中式餐廳，但因為要等位，所以改了到這裡食西餐啦。都有一段時間沒有到此，而且今晚突然間想食下蛋糕🍰。重點是，剛女有位，不用排隊，不用等！所以便決定在此食。我和友人點了一個燒鱈魚和一個海鮮冬蔭公燴飯。先來面包，白色酸包是帶點酸味，友人並不太喜歡。（我ok). 而黑色面包便有點硬，不夠熱，如熱一點可能會好食啲。先來燒鱈魚，魚皮都算ok! 因為好怕一些餐廳會把汁放上魚皮上面，而破壞香脆的口感，幸好，這一碟是還好！薯蓉都好食，配菜都不錯👌！另一碟「海鮮冬陰功燴飯」，賣相比我想像中吸引，飯粒都可以！不錯！味道不算好辛辣，都好香！不錯👍🏻最後食了一個法式椰絲千層蛋糕，淡淡椰子cream, 皮簿簿，好食😋！不過，想講少少服務，可能由於人手不足，樓面職員都忙個不停，需要的時候都未必能及時幫到手。。。。不過都理解的。。。。

Simply life 既afternoon tea 係我既all time favourite! 葵芳呢間有大玻璃窗，感覺開陽！一個set $62 有burger 有fries, 個burger 肉係好味既，最開心係可以揀latte ，杯野好靚心情都好啲

2點15分黎到，本來想試下喱到既lunch，點知黎到岩岩轉餐牌，問吓侍應仲可唔可以落埋俾我，佢話，無架喇！🙈由於同行有太后，為免再花時間搵其他餐廳，望望餐牌，就入去坐！我哋安排坐張2人枱，環境尚算舒適。下午茶款式唔多，主要是包類，價錢一律$62 ，跟餐飲，另有手工蛋糕set $58。店內的侍應好似未訓醒，舉了幾次手，都沒反應🫤欠缺主動我點了一個哥達芝士雞肉漢堡，伴香辣薯條🍟，跟檸檬英式茶。太后點了墨西哥薄餅配雞肉，伴香辣薯條🍟，跟是日冰茶，沒記錯應該係奇亞籽石榴茶。紅茶配上小茶壺，幾特別，檸檬有3片，都幾香！糖是原粒方糖。冰茶香濃，但過份甜，建議嗌少甜！至於雞肉漢堡包，溶芝士加分，包有烘熱，雞肉質比較削，味道偏淡，我自己另加茄汁🤭 7/10分👍太后既墨西哥薄餅有4片，雞肉有炒香，食到有墨西哥辣椒，味道幾夾！8.5/10分👍不過2份香辣薯條都比較燶！失色左！整體嚟講，係一個唔錯嘅地方食下Tea，hea下。因為侍應唔會點理你(同時，都無乜招呼)，可能當日係平日，所以冇催我哋買單！不過繁忙時段好似有限時！另外一題，呢度係要加1!!

星期六晚上，全日早餐價錢$125＋$12.5（7款食物），有包，豬肉香腸，煙肉，炒滑蛋，茄汁豆，烤蕃茄，磨菇，平均每款$19.6。總結早餐價錢略貴，款式較小，但份量偏多，味道合格，未叫食物已經送上麵包，加$30有餐湯或沙律配汽水或冰茶，餐廳地方夠大，坐得舒服，只是二人圓餐枱過小，擺放食物很逼。

今日大約2點左右去到葵芳，呢個時間諗住去一啲平時比較多人排隊的餐廳，一諗就諗起呢一間Simplylife。一去到非常好，唔使排隊，即時安排入座。一去到見到Menu，成個lunch set所有餐都係劃一$135，我地就揀左炸魚薯條同埋燒春雞。一來就飲左個餐湯-蘑菇湯！一貫既味道，都係好唔錯！蘑菇湯既蘑菇味好濃、個包都算新鮮，外脆內軟，加埋個牛油 （溫馨tip，可以加pepper係牛油上面先搽，個人覺得好食d）炸魚薯條🌟🌟🌟就唔太surprised，個薯條係脆同唔油膩，不過個魚就唔算太突出，中規中矩！同埋佢只係配茄汁，我地另外叫左沙律醬去點個魚，都唔算太夾。半隻燒春雞🌟🌟🌟🌟燒雞雞肉好嫩，雞皮都係脆既！一切落去都好juicy，但唔算太油！不過想重點講個汁、辣肉腸，令到成個dish都昇華哂！我個人好推薦呢一個lunch set!最後有啲美中不足係今日天氣好凍，佢個餐係無包熱飲，只可以要冰茶、汽水、紅、白酒。不過waiter哥哥都好好，提議我哋要冰茶走冰總結都算係一個好嘅lunch，decent customer service and good food。

琴晚同老公 食晚餐，朋友推薦豬鞍好好食所以我哋就去試下。 嗰度晚餐有好多選擇，大部分都係澱粉，如果用百幾蚊去食澱粉我就唔會嚟呢度食 。嚟呢度食梗係要食肉啦！我唔食好生嘅牛肉，要嗌牛扒七成熟。老公要豬鞍， 牛扒我冇點任何嘅醬汁，但係一上枱我就聞到好香嘅牛味。切落去唔生，啱啱好。老公個豬鞍都係好香嘅肉味，完全冇豬so味，個底有啲南瓜蓉和乳酪芝士，溝埋一齊真係好好食。豬鞍夠曬厚，份量夠足一個男人食得好飽。呢間嘢有第二次