Siddhartha Fastfood

營業中

休息中

🍽 餐廳：Siddhartha Fastfood (元朗)🔆呢間餐廳絕對叫隱世，因為響紅棉圍停車場果邊，平時都唔多人會行過去，裝修平實，有尼泊爾🇳🇵特色，勝在野食好食大份同價錢都好平，實屬難得👍🏼店內只有一位（可能係老闆娘）識少少廣東話，所以落單時都係用英文落啦～🙏🏼🧆乳酪脆皮釀馬鈴薯豆蓉Dahi Puri $35筆者每次去都必點呢味，凍食既，外面係脆卜卜既波，入面釀左乳酪同埋豆蓉，酸酸甜甜好開胃！上面仲落左好多童星點心麵之類既麵碎，擺得好靚。🥟蒸尼泊爾餃子steam momo $45🥟香炸尼泊爾餃子Fried momo $50筆者好鐘意食餃子，尼泊爾餃子餡係豬肉，蒸同炸都有叫到，各有風味，仲包得好靚仔，炸就香口d, 蒸就健康啲，可以點中間既辣醬食。🍛印度香米飯（雞肉）Pulau rice set(chicken)$45好大碟特色香米飯，筆者覺得飯既口感較硬（應該叫好硬😓），有種特別既香料味響飯入面，仲有蘿蔔絲、提子乾同青豆等配料，雞肉係鞋口，但配果個辣汁幾好味，可餸飯。🥭Mango Lassi $30好大杯特色芒果乳酪飲品，幾好飲，不過飲飲下滯胃會飽肚。💁🏻‍♀️店內好多本地尼泊爾人去

其實尼泊爾菜喺元朗本來就有好多，但係唔知點解好多都已經搬走咗，剩下落嚟嘅又有質素嘅可能就真係剩返呢一兩間小店。其實呢間餐廳地方唔算隱蔽，就喺千色對面小巴站嘅後面。入門口時會見到一個拜神嘅地方，再行入去就係餐廳。顧客都係南亞人居多，非常乾淨而且好有氣氛。先點一個乳酪米餅，賣相同味道都非常之好。一啖一口size啱啱好，個人嚟講個醬係酸咗少少，但係非常之開胃。之後帶咗monos同餸飯。飯非常有驚喜，有椰子同埋各種香料喺裏面炒，食落去每一啖都係各種嘅香氣。我哋揀咗咖喱雞做配菜，亦都非常好食。未夠喉我哋又嗌咗一個薄餅套餐同印度嘅薄餅唔同，佢嘅麥成份感覺更加重，感覺更加原始，我個人覺得非常好味。而且擺盤仲有跟咖喱豬肉同埋各種配菜，我哋三個人好快又食晒了。所以下次經過想食尼泊爾菜，唔好俾佢細小嘅門口嚇到。食物同環境都有好多驚喜

【尼泊爾人都光顧既性價比小店🥹點解可以咁平又好食】比我發現一間性價比高既尼泊爾小店！舖頭由尼泊爾人打理，連食客都係尼泊爾人 (得小妹一個用英文點餐🥹感覺弱弱的haha)可想而知係正宗小店一睇menu，價錢公道，比過出面靚裝尼泊爾餐廳一大截！叫左兩樣野食，味道岩曬重口味既我！！Dahi Puri 乳酪脆皮釀馬鈴薯豆蓉 $35👍🏻上枱比想象中surprise! 擺得好靚靚，上面灑上重手既童星點心麵(d fd), 入口先感受到脆脆的麵皮，咬開就係creamy既yogurt醬同鷹咀豆，$35/10粒真係好抵Pork Sekuwa 烤豬肉串 $45👍🏻豬肉串total3枱，上枱一刻wa，好大碟，3串肉大大串豬肉醃都上晒色，橙橙的，就咁食已經好好食，再點酸maymay既醬，味道濃郁有誠意！下面仲有脆卜卜既鮮炸脆米💭點評呢間餐廳份量好夠，脆口程度食得出係即叫即做，價錢又公道，$80食到平時食唔到嘅口味，仲要正宗添☺️Side track我見其他枱叫炒麵、炒飯、薄餅set都超大份，好想試😍👅味道：4.5/5🌌環境：3/5👍🏻推薦：4.9/5(📍元朗) Siddhartha Fastfood (元朗)元朗

《不負責任食評—Siddhatha Fastfood》評分：🌕🌕🌕🌗總評：以前唔知睇咩節目介紹黎呢間尼泊爾小店🇳🇵幾年前成日黎幫襯，呢排又諗番起佢裝修雖然比較簡樸，但價錢低廉，口味都好正宗（見95%都係南亞裔，應該係掛）老實講尼泊爾style我覺得係有啲印度feel主要都係用啲咸辣醬汁煮各種肉類/菜然後配啲炸物+飯/餅食但似乎佢地會習慣加多啲乳酪（係純乳酪，唔係乳酪沙律醬）同埋都幾多豆類🤔而且香料味唔會咁重個人就好中意食佢個Pani Puri（睇落好似波個碟）入面有啲咖哩豆，再加啲羅望子汁酸酸辣辣好過癮但個皮擺耐左會有少少un度+厚度，食落會硬硬地已經無以前咁好食🥹有碗黑色野個個係Park Bhutuwa食落係一啲咸香+少少香料味既炆豬肉，完全唔知咩黎上網睇就發現係有加豬血落去炒，先會有啲黑色塊狀物唔會腥臭 又幾好食🤭🤭啲餅叫Roti 應該係用小麥整既有啲似食薄紙皮，粉感都幾重唔會好似印度薄餅咁香咁多變化，比較平實🤔都係用黎配啲濃味野食先得有條魚個個係cholia set中間有啲好似紙碎既脆脆🤣用黎配隔離啲餸菜食覺得比較好食係個個薯仔餅同蔥炒辣雞😋

男友尋回憶之旅男友幾年前去過尼泊爾，好懷念那邊的食物，喺IG搵到依間餐廳，專登帶佢去試吓。門口貼咗一啲食物嘅照片，一入門口係雜貨店，經過雜貨店，入面會係用餐地方。店面不算大，大約有五張枱，店內大部份都是尼泊爾人？感覺很有氣氛很地道因為也不太看得明白餐牌，主要是看圖點餐叫了三個食品，一罐可樂，因為香料味有點辛辣。第一是在脆的球中加入凍湯，一咬開，凍湯從口中流出來，口感非常過癮，只是倒凍湯的壺倒得有點吃力，經常把湯留到枱上。另外煮餐點了一飯和一餅，飯是混了不同的米，吃進口有一陣陣的椰香，分量非常多，這個配了豬肉，豬扒較硬，醬汁味道很濃，配飯吃一流，旁邊還有一個豆製品，伴着飯吃也不錯。另外，餅的部份我覺得更好，餅充滿麥香，暖暖的，非常柔軟好吃，配菜有花椰菜、菜心，這兩個菜也不錯，中央的是主菜，黃色的是較辣、質地較水的，旁邊啡色的，是雞，多是帶骨的部份，用餅包着這個醬汁，再點乳酪吃，非常好。整體來說，到一次餐廳，像是跳進了尼泊爾的時空，吃着尼泊爾的食物，感受尼泊爾文化，這一些小店是非常難得，推薦大家去一次！

《 原來尼泊爾菜咁好食架？》香港食印度菜，土耳其菜都試過，今次食尼泊爾菜又再托闊了我的眼光。🤩🥟Fired Momo香炸尼泊爾餃子 $45估唔到尼泊爾式餃子都將好食。餃子即叫即炸，外皮熱辣辣脆卜卜，餃子入面仲好多肉汁添。而特調醬汁更加係靈魂所在，辣辣地十分惹味！🥔Pani Puri 脆皮釀馬鈴薯豆蓉 $30就咁睇會唔會以為佢係生根？其實佢係尼泊爾嘅特色食身黎，係以脆炸波再釀薯仔同鷹咀豆洋蔥咖哩入去。脆米波係整到一口食到嘅大細方便食客，仲有支尼泊爾醬汁擠入脆米波一齊食添架。入口咖哩香加埋脆米波香脆口感真係好好味啊！🥘Roti Set 尼泊爾烤餅套餐$50我地分別揀左豬肉咖哩同菜咖哩。烤餅好薄好軟軟身，方面你包咖哩食。咖哩以五花腩煮成，香料味較重，辣辣地嘅味道配咖哩係絕配。而菜咖哩就較水啲，味道較清，建議先食濃味咖哩先。提提你地要小心烤餅包咖哩黎會偏濕，可能食得有啲輪盡。🧉Masala Tea 尼泊爾拉茶朋友介紹話拉茶好有傳統拉茶味道，味道偏甜奶味較重，我就飲唔太慣，但味道不錯的。

好奇心寶寶又在元朗尋幽探秘，今次試了一間尼泊爾小店，發現元朗也有Thali。今次除點了Momo(尼泊爾餃子）、Masala tea（香料奶茶）和 Banana Lassi (香蕉奶昔）外，還點了Pork Bhutuwa Thali set (乾燒豬肉套餐）。Banana Lassi 香蕉奶昔，香蕉味香，乳酪甜度適中，口感和味道不錯。Masala Tea 香料奶茶，香料味太輕，不夠過癮。Momo 尼泊爾餃子 餡料豐富，肉汁多又鮮味，餃子皮本身是薄的，不錯，但我比較喜歡圓形小籠包子的包裹方式，餃子皮邊會沒這款那麼厚硬，一定會更好吃，而沾醬包用辣椒、蒜蓉和芝麻做成，很惹味，欣賞。Pork Bhutuwa Thali  乾燒豬肉套餐Thali 在印地語中，原意是指盤子等碟狀器皿，後來便成了類似印度定食或拼盤的名稱。說到起初，Thali 是由一個淺碟大金屬圓盤，上面放上多個 同材質的小碗組成，內盛各種不同的咖哩、蔬菜、乳酪、醬汁以及醃菜等等，圓圓一碗一碗地圍著主食擺放（通常為印度薄飯和麵餅）。而這裡的簡化版Thali 套餐內容大致如下：（左上）原味乳酪。大盤（右起）眉豆、炒菜（類似芥菜味）、醬、

元朗係多尼人，相信大家都知。所以係水車館街果頭係幾多咩印尼野、印度野、家下我就試下呢間尼泊爾菜。入到去全部都係尼泊爾人，幾震撼架，因為個個都望住我同個friend，有點格格不入咁，但其實諗諗下，呢d地方其實係佢地難得聚首一堂既地方，先發覺香港無咩policy令佢地融入我地華人社會！野食全部都一般，自己睇相啦，尼泊爾菜其實係有少少似印度菜！只係用既香料少好多，無咁重口味。所以都建議大家試下，當幫襯小店！

今次呢間餐廳比較特別，佢係尼泊爾人開既尼泊爾菜。位於元朗千色後面既停車場果頭(近機鋪)，由於佢冇豪裝，門口又冇放menu，令到好多人都見唔到佢。究竟佢味道如何呢?今次我地係叫左Samosa Chat(咖哩角)，Pani Puri(小空心餅)，Chicken Lollipop(雞鎚)，同埋Masala Tea(馬沙拉蒂)(奶茶)Samosa Chat尼泊爾既咖哩角，同我地本地用春卷皮整既唔同，皮會比較厚實同大蕭舊。而餡料都非常多，有莞茜味，十分飽肚。Pani Puri絕對係我地既最愛，每次去都會想叫。點解咁吸引，仍係用一個炸既脆皮兜兜，入面有薯仔，洋葱，豆，另外會比樽酸辣汁你淋入個兜兜到食。感覺有小小似小籠包，層次好豐富，你會先FEEL到佢個脆皮好薄好脆而不油膩。咬穿左D汁就爆哂入你個口入面，當你覺得成口都係水既時候，豆同薯仔就會幫你吸到汁，最後又會散發出陣陣洋蔥同莞茜既味道。令人食完之後都不禁會心微笑，同朋友分享咁好食既美食。Lollipop佢係以烤泥到煮呢個雞鎚，仲預先幫你用錫紙包起揸手既位置，十分貼心。呢個部位十分嫩滑，再加上佢比的酸辣汁，岩哂平時中意食雞既朋友。Masala Te