SeaRock Lounge

營業中

休息中

SeaRock Lounge位于将军澳海滨公园的地中海菜餐厅，朋友推介说标榜少盐少糖食得健康。餐厅装潢情调满有气氛，员工服务态度殷勤有礼亲切，热情推介介绍菜式。整体来说食物质素和环境都非常满意。烤鸡薄饼～口感偏软，香脆满惹味。炸鸡粒配甜辣酱～外观手指大小的不规则粒状，口感硬脆，带有一点Q弹。自制洋葱圈~外层酥脆内洋葱清甜。地中海烧蔬菜手作薄饼~香料的结合，散发着浓浓的异国风味，口感较偏酥脆，没有面包的Q软口感带有嚼劲。埃及风味棒棒鸡翼十只~配沙拉酱和音醋酱。泡菜海鲜饭~泡菜微酸微辣配上虾海鲜味道真的很顺口好吃。

性價比高食物好好食！份量都正路！今次睇完戲，5點半就食個早din食物 態度 如舊。無壓力 好chill 既晚餐食物份量都唔少，想試多d野要4個人去好d2個人埋單700幾

環境舒服，好有外國feel, menu 有很多羊的餐點，啱曬我哋。食物味道不錯，service 好好，帶咗小朋友去，老闆仲表演魔術比小朋友睇😂。總括環境食物服務都不錯，離開繁忙城市去呢度食飯，都係一個不錯的選擇！

第一次幫襯🤭已經想下次約埋班friends過黎。星期五晚8點唔洗等位，8點前🍻平$20（好似）。入黎職員熱情款待杯Guinness 🍺唔夠凍，老闆娘都二話不說換全程無黑面👍🏻雞肉串🍡超juicy!! D配菜(洋蔥三色蕉都好好食)墨西哥餅🌮夠脆，要趁熱食小食拼盤🧆好好食！炸粉薄又脆！Sea rock signature 🫖口感好得意、豐富、嘜味都有d, 百感交集！期間老闆娘同食客都有傾有講，喺難得既體驗👍🏻#打爛既firefighter

餐廳設計風格好有特色，好有異國風情，近海邊加埋音樂夜晚喺餐廳嘆返兩杯都幾有情調😌食物方面都有幾多選擇，平時好少食地中海菜，怕口味唔係好啱，但係呢間餐廳嘅地中海菜都啱返香港人口味，我地叫左阿拉伯沙律、串燒雞肉、三文魚塔吉鍋同海鮮拼盤(二人份量)，特別推介海鮮拼盤同埋塔吉鍋，大大隻蝦新鮮又彈牙，塔吉鍋聽講係埃及嗰邊傳嚟嘅菜式😂係用慢火慢慢炆煮所以三文魚都幾入味！放假去間靚餐廳嘆個晚餐心情都好啲去開將軍澳附近或者踩單車嘅朋友仔可以去餐廳試吓😉

呢間餐廳氣氛好正 半戶外位對住個海 裏面裝修就非常有異國風情 仲有梳化位可以一大班人一齊坐✨✨✨佢主打地中海菜 係香港真係唔多~好奇嘅poorfoodie覺得下次應該搵多啲朋友嚟試唔同菜式😂😂😂因為2個人食左下面2樣嘢已經好飽😭Chicken Tagine ($165)呢個賣相好靚 用嘅器皿好有特色 而且揀左橙色綠色嘅蔬菜令成道菜望落吸引好多🤩🤩 雞肉好嫩 用叉都已經可以分開啲雞肉🤯🤯 下面嘅汁少少鹹 略略有啲香料味 食到最後有好微嘅辣味 poorfoodie幾鍾意佢味道咁有變化🤪🤪Hummus ($75) (with chicken +$10)鷹嘴豆泥高蛋白質得嚟又高纖 所以poorfoodie每次都忍唔住要叫嚟食💓💓佢嘅鷹嘴豆泥都幾滑 因為加左$10要雞肉 所以有少少三色椒碎係中間 食嘅時候混埋一齊味道同口感就更加豐富👍🏻👍🏻中間嘅雞肉有略略嘅調味 唔會太搶 亦都無過熟😋唯獨pita bread($15)有少少似厚嘅tortilla 略嫌唔夠煙韌😝😝

其實我都介紹過幾次翩匯坊嘅餐廳，因為呢一個地方真係好多嘢食，我今次就試咗呢度嘅地中海菜 SeaRock Lounge✏️羊肉塔吉鍋($188)，佢哋嘅羊肉非常之軟腍，而且底下仲有一個hot pot 所以上菜之後依然都保持到溫度，而且仲用咗李子，杏子，橄欖，薯仔，紅蘿蔔做配菜同調味，所以一道餸非常之豐富，另外我哋仲加$30加配古斯米（couscous）作為主食，非常之有特色。✏️我哋另外仲帶咗個羊肉千層麵，勁多芝士，切咗出嚟嘅時候仲識拉絲，勁邪惡🤩

喺將軍澳海旁踩完單車，見到呢間餐廳都好靚好Chill 好特別，原來佢係食地中海菜/薄餅/烤肉/咖喱/ 少鹽少糖食店。佢裏面嘅裝修都好夢幻七彩繽紛嘅顏色，令到你坐得好舒服，如果夜晚望住海景同夜景一路食嘢一路飲嘢應該會好舒服😌VEGETABLE LASAGNA
蔬菜千層麵Seasonal vegetable, chesse and tomato
時令蔬菜、芝士與番茄千層麵食得多蔬菜千層麵真係未食過，好濃郁嘅芝士，煙煙韌韌又彈牙嘅千層麵，仲有啲鷹嘴豆再加TABASCO，原來無肉嘅千層麵都依然好好味😋FISH & CHIPS
炸魚薯條勁大盤炸魚薯條擺得仲好靚添，炸魚薯條係即刻炸出嚟，新鮮滾熱辣，爽脆嘅外皮加鮮嫩嘅魚肉，仲有香口爽脆嘅薯條🍟加埋他他醬同茄汁一齊食味覺一流👍🏻仲有新鮮清甜嘅火箭菜點綴，食完咁熱氣嘅嘢，梗係要食返啲菜中和下。
　SMOOTHIES Strawberry士多啤梨沙冰士多啤梨味濃郁，仲有美味可口鮮奶油忌廉，咁熱嘅天氣飲酸酸甜甜嘅沙冰，簡直係消暑解渴。FRUIT ORANGE JUICE鮮榨橙汁新鮮清甜，鮮榨橙汁。

係藍傲個邊做完Gym，拍下拖，行咗去海濱長廊搵好嘢食！原來有間地中海菜嘅Lounge，有海鮮有酒飲，環境裝修都好有中東特色🕌好彩早咗，未開始多人，全部Staff係外籍人士，好似去咗外國咁🥳🥳🥳💃🏻💃🏻💃🏻調酒師好勁👍🏻識表演魔術🪄識講廣東話😆▶️Hummus + Spicy Harissa🌶️鷹嘴豆泥 +哈里薩辣醬豐富蛋白質嘅豆泥醬，啱晒重訓完補返Protein💪🏻💪🏻😈▶️PITA Bread 中東包🫓用嚟配鷹嘴豆泥，塊包熱辣辣好食！最後加多兩塊，KO咗成碟豆泥～▶️Lamb Chop 羊扒冇諗過咁大份量，足足四大件，仲好多配菜！羊肉煎得剛剛好，肉嫩又夠味😋😋😋▶️SeaRock Seafood Platter 海鮮拼盤有魚、蜆、魷魚、大蝦、扇貝😳又係好大份呀！份量十足！係高CP值嘅course😋😋😋伴菜沙律🥗好新鮮▶️Searock Signature 🍹 夠晒fresh！唔好睇佢細細杯…都幾重酒味！今晚非常之滿足！性價比高，無論二人世界定一班朋友食飯慶祝都好啱Vibes👍🏻最緊要係成班餐廳嘅員工都好nice，老闆亦好熱情，成餐飯我哋食得好開心！期待下次星期五晚再嚟有得睇肚皮舞表演💃🏻

前晚Eat with 人偶攝影師 📸 📸 📸 Cookie , 約咗去一間喺將軍澳嘅地中海菜餐廳Searocks食飯, 喺將軍澳地鐵站行過去SeaRock Lounge大約10分鐘度，邊行邊傾下計好快就到左（海皮對住個間），去到門口就見個火爐，影相好有feel呀～ 📸📸📸 其他裝飾帶有中東味道…. 此情此景，首先點杯啤酒chill下先啦～ 😇😇😇 放空咗一陣開始揀嘢食，呢間餐廳其中一個特點係少鹽少糖，所以可以放心點，叫咗以下幾款 ： Shrimp Taco - 蝦球沙律菜及green sauce夾喺薄麵中，幾清新開胃😇😇😇 Greek Salad - Cookie’s 最愛推介 ❤️‍🔥❤️‍🔥❤️‍🔥 Lamb Tagine with Pita bread - 摩洛哥傳統菜式，以尖頂蓋陶鍋烹煮，保留羊肉及配菜嘅原汁原味 👍👍👍 Shish Taouk - 中東名物，雞肉串燒，睇得又食得，juicy又惹味😋😋😋 食物份量都幾大碟下，食到好飽～ 🫠🫠🫠 最好就係去海皮散下步幫助消化⋯⋯🚴 🚴 🚴 餐廳位置正正喺海濱長廊，望住單車徑，踩單車休息下午茶一流～

朋友帶左我去將軍澳一間係區內好有名既中東餐廳食晚餐，呢間對住海濱同單車徑嘅餐廳，除咗有嘢食晚上仲可以食水煙，聽講假日仲有肚皮舞睇Tim 當日首先order 左我最愛的希臘沙律、朋友話必食既蝦Tacos 、仲有老闆推介嘅Lamb Tagine (羊塔吉鍋）有一個好似小煙囪嘅蓋蓋住 ，一打開個蓋就見到啲醬汁沸騰，同埋擁出煙，原來呢個餐具用來保溫，而且可以鎖住肉汁，撈飯同埋配包都非常好味！另外雞肉串燒打卡一流，雞肉入口滑溜，配上乳酪汁 ，非常有中東特色呢度日夜氣氛都好chill ,適合一大班朋友來聚會！

餐廳座落於將軍澳海邊，可以隱約望到小小海，天氣唔太熱嘅時候同朋友坐係戶外範圍飲返杯嘢感覺很chill，餐廳入面座位都幾闊落，坐得舒服。staff 多數習慣用英文同客人交流，但大部分都很熱情同friendly。食物方面始終係海邊嘅bar，所以價錢偏貴，但相較於尖沙嘴諾士佛臺來講價錢就相宜好多，而且炸物食得出係新鮮炸嘅。只係分量唔多，好快就會食曬，性價比麻麻。野飲方面質素唔錯，可以選擇嘅種類都好多，classic嘅雞尾酒都有，happy hour價錢會再平小小。

Got take away and didn’t look at it until I got home, their falafel was 85 dollars and was 4 tiny balls and quite dry, service was also unpleasant Also when I called they were quite rude and unpleasant, suggest people avoid, not worth the unpleasantness

good food and bed service when I took my pet dog with me there I was a customer of searock . and I did not find difficulties when I took my pet dog with me and every time I sat near the door, but recently I noticed that the employer treats us in a rude manner So it is not wise to visit the place with a pet

呢個地方真係唔錯飲杯嘢 態度非常之好雖然老細係咁催促啲員工做嘢唔好同客人傾偈但係所有人都好friendly 返咗嚟香港真係好耐冇試過咁舒服嘅喂休息地方 真係值得推介 仲要係住附近行落嚟夠近 總之一個字 正