這間西餅店與一般傳統的餅店不同，他們有超多人氣又新穎的包點產品，令人目不暇給，雖然我眼闊肚窄，但是實在捨不得不買一些回家！今晚我同妹妹決定唔食飯！🤣🤣🤣 雜錦曲奇禮盒 送禮必選！👍禮罐鐵盒外型精緻，裏面有各種口味的自家手製曲奇，可以自選九款口味！每一款都有濃郁的牛油香氣，口感鬆脆而不過甜，我個人特別喜歡朱古力豆口味，因為顏色豐富，太吸睛了！♥️ 拉絲芝士菠蘿包 菠蘿包外層鬆脆，內𥚃則有拉絲芝士，好味又特別。 榛子脆脆糯米糍 外皮超軟熟，咬下去有濃濃榛子脆脆，就像金莎一樣👍口感豐富！ 開心果糯米糍 外皮軟糯，開心果蓉脆卜卜，超多開心果碎，大愛！ 紫菜肉鬆怪獸波 外層充滿著紫菜肉鬆，內部則有芝士和麻糬，鹹甜交織，非常喜歡！ 港式絲襪奶茶 這是傳統茶餐廳的絲襪奶茶，奶茶順口濃郁，充滿港式的風味，攜帶方便！ 草莓雪媚娘 外層幼滑皮薄，包著大颗草莓和忌廉，清甜可口！ 芒果雪媚娘 外層煙糯，包著鮮甜的芒果和Cream,非常美味！ 麻糬曲奇 每一款曲奇都包裹著麻糬，咬下去，曲奇的鬆脆口感和麻糬的彈性完美結合。 獅子王肉鬆拉絲芝士包 獅子頭外型可愛，打卡一流，芝士拉絲好玩，鹹甜配搭特別。 除了有傳統包類，這家麵包店有許多特別的蛋糕選擇，我最鍾意賽馬蛋糕，我想爸爸一定會很喜歡的！👍👍👍🤣

同屋企人好耐冇去世貿食飯，今次見到呢一間泰國菜，見到價錢唔係太貴，門面幾靚，有隻大白兔仔喺門口守住，樓面又唔幾高，環境優雅，入面仲可以望到維多利亞海景，但係一條條嘅窗花阻住晒，同埋我哋太多人要坐出邊大枱，食物質素不錯， CP值高，總括嚟講屋企人都好滿意，下次可以再嚟過！入邊有幾隻白兔，都幾特色！呢個生蝦幾好味，同出邊的不同，個醬汁不錯！ 燒烤蝦就貴咗少少，魷魚都幾好味！ 冬陰功細細碗一個人飲晒！價錢唔貴！ 可以試埋其他湯品！

冇得講，呢度係情意結，就算餐廳變得幾咁殘舊，呢度嘅鐵板餐都係好味！ 霓虹燈，喺灣仔裏邊有好多霓虹燈已經拆卸，但係呢個波士頓餐廳霓虹燈仍然存在！老一輩應該非常喜歡！門口都係一樣！餐湯選咗紅白兩款有餐包！熱辣辣！ 鐵板餐依然大大份，可以選擇薯條或者係飯或者意粉！上鐵板餐時SaSa聲，需要用一張大紙巾遮住前邊，等啲汁唔可以彈到自己！ 食咗鴛鴦扒餐，魚柳餐，海鮮雜扒！味道如一！睇住 啲 餐具 同埋 蕃茄汁，李派林喼汁！非常有童年回憶！學生時代最喜歡！

今日同屋企人拜完山， book咗晚上6:00來這裏晚飯，這裏座位算寬敞，天花上有好幾盞吊燈，環境算唔錯，食到晚上8:30也沒有太多人，食物質素一般，不太大碟，片皮鴨和燒腩肉，算不錯，燒腩肉非常脆口！這裏的員工有一個比較熱心，其他都態度一般，如果以這價錢，在銅鑼灣茶樓算中上價錢！ 燉湯龍蝦餐，有燉湯三盅，龍蝦一隻，老虎斑一條，另外片皮鴨假日優惠一鴨兩食👍 起初問員工有冇糖水送？個員工叫我地自己叫，但後尾都送咗紅豆沙俾我哋食！算佢啦。服務可以再好啲嘅要留住個客唔好咁吝嗇。🤣

呢度嘅甜食係比較出名，下午茶價錢都唔係太平，用誠品會員有九折，果茶個杯都幾搞笑，有個波頂住造型得意！下午茶都要$100 ，蛋糕甜品加埋一，其實都過100 ，所以一啲都唔抵！同埋員工服務都一般般！我個人唔係好鍾意食蛋糕，呢度嘅果茶都比較貴，如果單叫我覺得唔係好化算，不過如果行開shopping就腳，呢到確係一個其中一個選擇，但係其實太古城3樓有好多餐廳比這裏更好！ 3樓的甜品店有很多，我在這裏附近住，我不推薦這間。因為座位不太好坐！座位太窄！

同細妹，細佬喺太古城睇完戲，要醫肚如果想搵最平嘅地方，就喺地庫，即係以前supermarket旁邊嘅food court，但係佢哋而家轉左去同層一個比較僻靜嘅位置，要問人先知，可能因為而家轉咗係一個比較靜啲嘅位置，所以啲食物普遍都平過太古城3樓的food court，$6x有肉，有飯、有嘢飲，算不錯！在太古城區裏邊，真係搵唔到咁平嘅日式鐵板餐！我最鍾意食三文魚拼照燒雞鐵板餐，又大份又有營養！$58 蚊😝😍🥰 如果喺樓上睇完展覽，或者睇完戲都可以落嚟醫吓肚，除咗呢間之外仲有其他小店都係價錢相宜！ 一家大細唔使下下百幾蚊一個人！

將軍澳海旁新開左一間黎巴嫩餐廳 “Maison Beirut” 設計非常有異國風情，有馬賽克吊燈裝飾，格仔地磗，以藍白色主調，室內有野餐籃座位，戶外座位可以望到跨灣大橋海景，無論日景、夜景都非常有情調，五星級大廚團隊主理，除了有正宗中東風味，還標榜用最高級的橄欖油做賣點😝可以提升血清素，令人好Happy ar!🤣❤️ 🐱黎巴嫩雞肉卷-雞肉卷入面包住黎巴嫩飯和特別調味料一齊烤製，食落口感似糯米卷，黏糯特別，❤️配上蕃茄蓉，味道有輕微的辣，配菜有長扁豆、西蘭花、蘿蔔條和粟米，開胃😜健康之選👍⭐️ 🐱炸鷹嘴豆餅-以鷹嘴豆泥為主要材料，配上芝麻醬，口感酥脆卻帶着柔軟與濕潤，脆而不肥膩，要一讚這裏的廚師！👍👍👍 我覺得無論大小朋友都喜歡這個豆餅！ 🐱香烤八爪鱼- 賣相非常吸引，擺盤好像一幅水墨畫，而且八爪魚烤香得宜，肉質彈牙鮮嫩！配菜有鷹嘴豆和橄欖粒，乾蕃茄，必食之選！ 🐱Arabic Mint tea -Black tea 最愛這一壺薄荷茶，每杯上面還有一塊薄荷葉，淡淡薄荷香氣撲鼻，清新解膩😍Refresh!😍👍

餐廳位於銅鑼灣Times Square附近，地段方便🥰有由花藝師精心打理的精緻花牆和夢幻鳥籠，非常浪漫💕餐廳內還有許多打卡位和道具🥰 如果朋友生日，仲一定會有驚喜。 他們會為生日壽星準備一個特別的"Happy Birthday"環節，在客人意想不到的時候突然調暗燈光，然後送上蠟燭、甜品和生日牌，令人驚喜難忘！😍除了午餐和晚餐，下午茶也CP值高！♥️♥️♥️ 二人餐晚餐 🦊南瓜湯-味道香濃，口感綿滑，湯面有花瓣碎和小瓜子碎。 🦊菠蘿照燒雞黑炭漢堡-竹炭漢堡包烘得外脆內軟，包面和菠蘿片上有焦糖脆面，雞扒大塊嫩滑又多汁，加埋大大塊蕃茄，蔬菜味道清新🤩 🦊慢煮10小時巨豬肋骨-招牌菜果然係唔同啲🤩因為用了慢煮方法，所以肉質非常鮮嫩juicy，有肉味，肉面又香又脆，size非常之巨大，每條骨都有好多肉，食肉獸必食，餐廳標榜不用鬆肉粉，醃得入味，加上醬汁酸甜，配上薯條，yummy! 🦊特飲-冰藍薄荷梳打-紫紫藍藍顏色靚，清甜好味😝🥰打卡之選！

呢間八方麵屋喺我屋企樓下，所以我成日都幫襯，但係而家加咗價！😏以前有誠品會員有折就40幾蚊好平，又有麵又有餃子，仲可以加另外一啲嘢食，有嘢飲添，而家就冇咁平！ 我今次叫咗蕃茄水餃麵，以前叫水餃麵有鍋貼送，而家冇，要另加$25 ，飲野都要加$9 ，仲有叫咗酸辣湯麵，加$8有鹽酥雞，鹽酥雞都幾好食，加埋誠品會員九折 呢間舖頭成日甩單，如果我一不留神，唔check下，返到屋企就要落嚟再攞過！都試過幾次！所以記得check咗先好走，如果叫外賣既要留意！

每逢星期日，同屋企人去完教堂，就會特登入去食返碗粥，呢一間康記粥店嘅粥品，價錢幾合理，生滾粥都只係$37 ， 而百搭粥品最平嘅白粥都係$12 ，我最鍾意食豬紅艇仔粥都係$25 ，真係非常抵，又大碗，我同屋企人好鍾意食佢嘅炸兩，同埋鹹肉糭，油菜都一定要叫！ 呢間粥店嘅營業時間係朝早七點到夜晚九點，逢星期二休息！炸兩必食啦！好味道！一碟一定唔夠喉！🤣🤣🤣油面都好好味，又唔會太油又唔會太乾！不錯🤣菜類就$27環境就一般，因為得幾張枱，好快爆滿，不過可以坐出邊門口，有兩張枱