Running 燒

營業中

休息中

不錯的燒肉今日同朋友3個人上黎食燒肉，有在book左，如果冇book可能冇位，因為星期一1730 去到得3 枱客，到1800後開始多人，1900 爆晒棚。地方不大，得10幾張枱，地方乾淨，但燒肉始終好大煙。野食不過不失啦，有牛豬雞海鮮，種類不多但夠食。帶子好細隻，阿根廷牛冇牛味。夠大火，有舊白蘿蔔比人擦鐵板，幾得意。野食黎得夠快，用電話嘟code落單，幾分鐘就拎黎了。一直燒，燒到完場，埋單$222/人不過1900 last order有d早囉，可能驚燒唔切。Overall環境同食物都唔錯既，不過正價就未必會食(268+10%) 成$300大把選擇

長假期，帶小孩，三人行，食韓燒。爐旺煙輕，有肉有素，蝦蠔貝魚，樣樣俱全。飲料夠凍樣齊，調味足料到位，包肉生菜新鮮。環境企理，員工像樣，景觀不錯。最後甜點-韓式雪條有驚喜。論款式，真的有其他店比這裏多樣，但個人覺得已經足夠，因為此店調的味道和肉的鮮度是不錯的。亦有其他店舖面積比這裏大，但個人覺得空間感仍是足夠的，尤其只是三六成一兩群。位置不難找，食完一樣全身韓Q味。另外，如喜歡自助取食物的樂趣，此店便不能滿足了，主要食物都是手機下單，但送餐速度可以，賣相亦比自取的好。當然，因為是手機下單，如用餐時間可以多加30分鐘便更好，尤其是如果人數有4人或以上。洗手間大細剛好。是次用餐，店舖大概6-7成滿，高峰時的服務或質素可能不同，但個人認為其安排的設施應夠力處理高峰時候。

個日唔係好肚餓，但夜晚又想食燒肉，就揾到running燒21:30後入座6折嘅優惠😋，見到咁抵即刻衝去食啦。嗰度食飯長期播住啲韓文歌，好似返咗韓國，舖頭細細間，但係幾乾淨，食物選擇都幾多，落完單之後嘢食好快就到，個人最推薦牛肋條同埋蝦，食落去幾滋味❤️，最好就叫埋泡菜同生菜一齊食，減低夜晚食宵夜嘅罪惡感😈。最後仲會一人送一條雪條，埋單連加一只係每人$200，想過吓燒肉引又想平平哋咁食，呢間係一個唔錯嘅選擇👍🏻。

未食過咁既燒肉見佢上book牛午餐放題有6折就帶小朋友去開心下去到環境都ok飲品唔算多選擇D燒肉黎到都ok既但一夾起滴晒水以為醃肉汁但每一碟都水汪汪海鮮係咁，燒肉都係咁諗唔明點解會水流流海鮮未解凍好蝦就有啲霉霉爛爛係炸嘢叫做可以埋單嘅時候收我正價兩位成人我問職員係唔係有六折？佢話係就幫我改咗張單跟住我問小朋友係咪小朋友收費佢先幫我再轉返小朋友收費如果我唔睇單應該會收咗2個成人正價冇咩要求可以去食既

同屋企人食下嘢,地方唔大一定要book位,四眼哥哥應該係主管或者老細級數,非常有禮貌熱情,坐低qr code有問題我以為send咗出去,原來係冇,哥哥就話點解你咁得閒嘅?係咪冇send到出去呢?大家記住叫嘢要睇清楚,因為佢唔係所有系統嘅qr code都會用到食物ok樣樣嘢都好唔錯,冷麵好食,炸雞好食但係記住佢炸雞呢方面好孤寒,我哋四個人每樣味叫八粒,佢結果都係畀四粒,叫咗兩三次都係咁樣,其實唔可以按返個份量畀人呢?另外泡菜亦都係咁,四人一人叫一碟結果佢只畀一碟,叫咗兩三次,每次都叫兩三碟,佢都係畀一碟,反而其他肉類,生蠔你叫幾多份量佢畀幾多你,呢度就好鬼奇怪,前菜小食點解唔按我哋叫嘅份量畀我哋?係咁要我哋再叫,你係咁出單嘥曬啲紙,一啲都唔環保,我哋叫幾多完全食幾多,絕對唔會浪費!呢部分希望公司睇到可以改善下,客人叫幾多盡量跟返我哋想要嘅份量,四個人三個味每款叫八粒炸雞,每人6粒都唔係好過份啫!總括好抵食環境幾好坐得亦都舒服,不過四眼哥哥走咗之後,其他員工即刻變得冷漠,問嘢唔係好理睬,佢有幫你做嘅不過冇咩反應!都唔知佢有冇聽到,起碼畀個反應或者畀個眼神我哋都好呀!女廁地下好滑,希望鋪防滑

老實說食物味道 速度真係幾好無乜問題但真係希望大家 可以認住呢個雪櫃對住雪櫃呢張枱真係不能坐 不能坐 不能坐除左 枱既周邊都無冷氣機外 食住韓燒黎講真係感受唔到風 所以希望會黎食既大家寧願等耐d 都要避開呢張枱因為燒肉同打邊爐一樣 冷氣很重要!!!!!希望大家可以避開呢個地雷 免受熱傷害～

在網上買了買一送一的餐券，今天就去試一試。餐廳的佈置像街頭吃飯一樣，鐵筒上的爐灶，長條抽氣筒，不用特別裝飾，十分隨意。這裡提供燒肉海鲜任食120分鐘，我們主力燒海鲜，要了很多生蠔，體積適中，蒜蓉芝士的生蟓，十分惹味。海蝦彈牙，蒜蓉牛油帶子也不錯。肉類選擇也很多，牛，豬，鷄都有，但最好吃是牛板鍵，夠嫩滑。燒肉多油會膩，所以要了两盆沙律菜伴吃，沙律菜清爽。還有一些韓式小吃，芽菜，炒年糕也有供應。有一款漿爆黑糖糍粑，流心黑糖，不太甜，外皮黏糯，吃完一次再叫一次。結賬時會送每人一條雪條，味道也可以。總的來說，雖然是冰鲜食物但質素不差。

經平台買了4位午市放題，每人不用200元，食物種類豐富，牛、豬、雞、海鮮樣樣齊全，炸物和熱食都很多選擇，而且味道不錯。食材不是自己夾的，是用手機落單後再送來的，直接由廚房出菜，可以避免食物長時間暴露係空氣中，又唔會畀不同人挑挑揀揀，感覺衛生很多。服務員在最後半小時放下帳單，是用來付加一費用的，但原來帳單下還夾了一張order 紙，當時沒有留意，是看到其他枱的顧客在食雪條，才知道還有這樣是最後order的，差點就錯過了美味的雪條。整體用餐體驗良好，美中不足是時間太短，120分鐘要食咁多種類的食物比較趕，如果可以加長半小時，加錢也可以接受。

平到你唔信嘅燒肉放題，原價二百幾，而家六折，無睇錯，係六折，埋單兩舊水都唔洗，會有咩食呢？首先牛、豬、雞都有齊，仲有羊肉，最靚嘅肉應該係雪花牛粒，豬同雞嘅種類都好多，仲有醃過嘅雞件同豬頸肉，連豬大腸都有。以為得肉？海鮮都有，帶子、大蝦、元貝、生蠔。。。全部都有得食，我見隔離枱食生蠔，一打打咁叫，仲有得揀蒜蓉或者芝士。熟食都好多選擇，炸雞同炸魷魚鬚都唔錯，一定要試。另外仲有冷麵、年糕等熟食，不過太飽冇試到。最後記得揀返條韓國雪條食啦☺️

任食海鮮韓燒放題，水準高，性價比高，樣樣好食冇甩拖，店員細心無得彈。一定會泥再encore~意想不到的出色炸物，個蔬菜天婦羅有係日本大阪食嘅水準，外層炸漿好薄，南瓜食落好清甜又唔會太油膩。脆而唔油。值得一讚！海鮮最有驚喜竟然有大蝦，魷魚，帶子，芝士焗蠔。小食選擇多，上枱仲熱辣辣脆卜卜。呢度整體比我嘅感覺都好好，唔會大油煙，上菜速度快，擺盤靚，望落新鮮乾淨。最後梗係要食返枝Melona作為圓滿嘅總結。食完今餐真係好令我回味，一定會再光顧。大滿足的一天~

今晚同朋友食買一送一優惠韓燒，款式多又美味，有海鮮，牛，豬，雞，蔬菜同熟食，比起一般韓燒優秀值得一試，特別一提是職員夠主動服務用心親切，環境都幾舒適抽風又好，食完吾會成身韓燒味，會再光顧。

之前有平台做買一送一優惠就買左。食完真係覺得超值，人均$150就可以食120分鐘，6:30入座。餐廳不太但坐滿人，油烟有少少大，但食物味道同服務搭救。非常推薦牛板腱，好好食，我地encoure左好多次。海鮮都ok，估唔到泡菜都好好食。有自助飲品區但無雪糕任拎，要埋單比錢的時候先會比一人一條。上菜速度好快，但小食果D就要等耐D~食物種類都多元化，如果再有折扣會再去！

有陣時諗唔到食咩，都會走過來食韓式燒烤放題😜中意呢度乜都有，一家大細都啱食😍而且最緊要係價錢相宜！呢度除咗好多烤肉食之外，海鮮種類都唔少，燒魷魚同帆立貝都係我最鍾意嘅🤤燒魷魚用咗咖喱汁醃製，入味又爽口，燒完都唔會太乾。帆立貝個size估唔到有咁大，放題嚟講真係好質了👍🏻我同屋企人每人都食咗幾隻😀肉類方面牛頸脊同肥牛真係好正。兩款肉厚薄切得啱啱好，啱晒用嚟燒烤，而且望落去啲肉都好新鮮😝最後梗係要食返枝Melona🤩作為圓滿嘅總結。又是大滿足的一天

難得weekend同朋友出嚟食飯，當然要搵間正嘢😍之前食過Running燒覺得唔錯，趁住而家做優惠，上星期再去第二轉。我鍾意呢度因為選擇真係好多，不論係食物還是小食，甚至係調味醬汁都係🥰平時韓燒好少見到嘅生蒜，泰式醬呢度都有。肉類🥩叫咗幾樣都唔錯，但係最有驚喜竟然係海鮮，當中有大蝦，魷魚，帶子，芝士焗蠔，每種都係大大件🤣燒完都仲好有口感又新鮮。另外小食之中天婦羅都好好食，外層炸漿好薄，南瓜食落好清甜又唔會太油膩。呢度放題除咗食得飽之餘，食物環境質素都好高質，一定會再黎。

最近親戚喺外國返嚟，佢哋好想食韓燒，一路做緊research嘅時候搵到Running燒。咁啱仲要做緊優惠，只要身份證有一個8😆就會有9折，有四個8就半價🥳仲要外國身份證都得㗎😜大家唔好錯過啊❗️餐廳環境不錯，感覺令人置身於韓國燒肉店😝整體肉類質素都唔錯，我哋叫咗腸仔豬頸肉牛扒等等，每款嘅調味都唔一樣，感覺冇咁單一。另外其實小食選擇都多，炸餃子我encore咗多次🤩大隻又足料，上枱仲熱辣辣脆卜卜。其實價錢都幾合理，尤其有優惠嘅時候食就更加抵