RAPL

營業中

休息中

🍽 Custard Cream Apple Pie💰 HK$ 160/4RAPL brings mouth watering apple pies all along the way from Japan. This golden apple pie is freshly baked and warm in my hand. There was a sweet sticky glaze on the top and gave you a crunchy sound on every single bite. Well balanced with the sweetness and warm custard. I’d probably purchase again as long as there is no line. Lovely treats for afternoon tea!

🌟現烤吉士醬蘋果批🍎($42/1pc)依間比起Mille既價錢雖然貴d但係幾次食質素都比較穩定 保持水準👍蘋果批全部大細一致 賣相討好 個皮夠酥咬落係爆醬 食既時候要小心辣親🤣吉士夠香同滑 比起Mille蘋果相對較淋 無咁有咬口😫==============================⚠️ Mille特色就係蘋果夠爽口 入面既cream比較特別 而Rapl就係皮夠酥 吉士夠滑⚠️任何批類都要趁熱食喔(以後都係食Rapl 水準同衛生都好d 對得起日本過江龍個名🙃)

本來想食第二間日本過江龍蘋果批，但太夜個間收左，就黎喱間試下。眼見喱間鋪，冇咩人幫襯，隔離店嘅章魚燒超多人排，就會不自覺咁認為個蘋果批可能麻麻。但食完完全改觀，佢值得再買黎食，真係好食。連我朋友本身唔好蘋果嘅野食，都覺好好食，一啖接一啖咁食。蘋果批：一口即刻見到好多蘋果比入面，外皮薄且鬆脆，蘋果食落外微軟，入面仲有啲蘋果有嘅微脆，唔會軟到泥咁。吉士醬就咬入啲先有，量唔多，但吉士醬嘅味都唔會太比蘋果搶曬，仲食到佢嘅風味。平時都唔太喜食蘋果批，都覺蘋果太軟，冇咩蘋果味，唔好食，但今次真係改變左對佢觀感。佢值得再試。

蘋果批黎講，個人本書好鐘意食M字頭連鎖店既，但佢水準不太穩定，有時會甜到癲，有時又個皮未食就淋哂行開sogo見佢有個牌話10分鐘後出爐，就一於試下啦。我見我前面啲人幾個幾個甘買，我一心諗住買一個試下，都心諗：係咪真係甘正啊結果食完第一啖，我就後悔自己無買多幾個😂😂😂佢個皮係勁鬆脆，完全唔膩。蘋果甜味完全唔係假甜，係真係有蘋果新鮮甜味既感覺，40幾蚊一個蘋果批，雖然完全唔平，但真係好好食。希望快啲去到日本，然後我係當地食可以平啲hahaha!

前兩日經過SOGO，走左去試超人氣既RAPL🍎之前係日本食過，真心勁好味，熱辣辣酥皮好鬆化，mix埋吉士醬同蘋果粒真係好match ❤️但係香港呢間RAPL就有點名過於實..首先，我買完即刻食.. 但佢係凍既 同埋 入面既餡又唔多.. 得好少蘋果，$42一個，呢個價錢真係唔係好值。

Rapl and Kobe Beef Meat Pie are right next to each other. Both sell apple pies. I decided to try both for comparison and Rapl won.Their apple pie looks less appealing than the other store. However, the pastry is quite thin and there was a lot of fillings inside. Not only was it had lots of apple puree inside, there were plenty of apple pieces as well giving it extra flavor. It was also warmer than the other store. Definitely Rapl is the winner.

去日本周圍食甜品係好基本😋不過疫情底下周圍都去唔到諗起就心酸😔不過依家SOGO幫到手👏🏻👏🏻👏🏻香港終於開咗RAPL啦🍎其實就係日本有名蘋果批店RINGO不過嚟到香港改咗個名大家喺日本食過應該唔陌生食一次簡直係一試難忘香港分店RAPL🍎無論裝修同包裝都傳承在日本嘅靈感有日本食品嘅精緻包裝有質感而簡約嘅造型喺日本，我淨係試過傳統蘋果加吉士味道依家香港有士多啤梨味吉士限定版梗係唔可以錯過啦🔸烤吉士醬蘋果批當然，最有名嘅一定係完美層層酥脆嘅酥皮加上上面有少少焦香嘅焦糖味玉桂味好香而且帶酸味嘅蘋果餡配搭微甜香滑嘅吉士醬完美配搭，質感同味道都好清新🔸烤士多啤梨吉士醬蘋果批酥皮同完美一樣都係咁酥脆蘋果批嘅上面加咗士多啤梨topping所以外觀上非常之容易分辨兩個味道最特別嘅係佢嘅吉士加咗士多啤梨🍓令到成個味道更加豐富不過又因為加咗士多啤梨如果唔鍾意食太酸嘅味道就建議食原味多啲嚟個總結，兩個味道都好推薦當然，如果想重溫日本嘅味道原味係必須嘅👍🏻👍🏻👍🏻👍🏻👍🏻食埋個士多啤梨味就錦上添花🌟建議買咗即刻食，因為真係熱辣辣新鮮出爐不過外帶返屋企擺咗三四個鐘再食酥皮依然保持到剛出爐嘅水準，非常難得❣️

第一次食既時候係姨姨買俾我食！果陣已經覺得好好食！！！！！！因為佢既蘋果醬不太甜，甜而不膩💕💕💕💕再加埋佢既吉士係絕配啊❤️❤️❤️今次我係係現場食既！甘岩新既一批出爐☺️即整即食👍🏻👍🏻👍🏻👍🏻完全不一樣啊！暖暖地更加好食！不過價錢方面就真係有少少貴啦！$40蚊一個，買5個$198😩😩😩吾係成日都會想買，因為真係afford 吾到😭😭佢新出左士多啤梨味批 未食過！希望下次試下！

平時行過見到好多人排隊，但為咗一個咁貴嘅批我都唔會排隊去買。今日同事經過SOGO買咗請我食，當然要試吓啦！➡️ 士多啤梨吉士醬蘋果批 (期間限定) ($42)士多啤梨吉士醬酸酸甜甜，食落唔會太甜，再加埋佢個酥皮，真係配合得好好，口感非常正。酥皮食落係好多層，但講真真係食唔出佢聲稱嘅144層😂記住食嘅時間要跟住指示翻熱啊🙂RAPL地址📍: 銅鑼灣軒尼詩道555號崇光百貨B2樓14D號舖.............................. 味道😋: ⭐️⭐️⭐️⭐️抵食💰: ⭐️⭐️💫

星期五六點幾去到，打左個小蛇餅。都呆左一呆，大家為左買甜品可以幾哂時間。不過反正得閒就等下。其實條隊都郁得快既！望到啲pieeee好滾動。加埋句crafted goodness for hong kong，令人好奇待。買左兩個，拎上手係暖既，不過疫症關係就無得暖昱昱時食。佢既instructions係叫大家即日食。如果聽日食都得，就要雪一晚，多一晚就唔得喇。食落去幾正既，果肉大大粒，吉士香濃。不過我會希望肉桂重啲，之後皮薄啲。

「日本」兩個字絕對招牌保證，特別係日式包點甜品，感覺絕不中伏。今次途經Sogo，緊係要幫襯！招牌蘋果吉士撻，酸酸甜甜，兩隻味好夾，配埋酥皮同滿滿嘅吉士，一啲都唔會膩，無負「日本」兩個字😂

永遠都咁旺嘅銅鑼灣SOGO supermarket ,對我嚟講唔就腳，不過經開附近都必行，因為久唔久就有新店進駐，呢個蘋果批都幾紅，雖然無位食，有啲狼狽，不過都想試下。無人買，心諗會唔會唔新鮮呢…點知食落係熱辣辣，好新鮮，面係甜甜地，fb講嘅144層酥皮我就真係食唔出，我食倒得幾層，不過係好鬆脆好香嘅，咬落去好大粒嘅蘋果，好有囗感，感覺係用心選料同製作，不過咁講，42蚊一個蘋果批，無得坐，連一張細檯仔企位都無實在係有啲奢侈嘅……

自從朋友介紹左ringo比我，我每次去日本都會食返個。因為香港無，所以都會好珍惜咁食。 最近，佢終於黎左香港啦！(仲改埋名)其實我都捕左好多次，一時就太多人，一時就賣晒要等一個鍾先出爐，今次好好彩，終於可以得嘗所願🤗仲要咁岩唔使排隊一個吉士蘋果批，42大元。 睇佢外表同包裝都係同日本一樣，咬落口都係好鬆脆， 表面甜甜地， 入面包住吉士同酸酸甜甜既蘋果醬，仲有一粒粒既果肉。 甜味同酸味好balance. 就係日本既味道！ 食落有d尼hea，要企定定係一邊食，唔可以邊行邊食

今日同朋友嚟到SOGO底層supermarket覓食，見到呢間日本過江龍RAPL主打現烤吉士醬蘋果批!! 香港賣緊$42/件///$160/4件 (價錢係有啲貴，不過食落真係回到本)蘋果批以北海道新鮮牛油揉製而成，裏面仲有新鮮蘋果方粒同埋新鮮現打嘅吉士醬！蘋果批仲要係現場烘烤，去到每次都見人排隊買！食落去好有口感同層次，果酸同埋吉士醬嘅甜都做到balance

喺多種因素影響下，已經好耐無喺香港潮聖過，通常都係完左個熱潮見到無咩人先去試，而且係順路先去🙈🙈現烤吉士醬蘋果批($160/4個)有原味同朱古力味可選，拎到返屋企仲有少少暖，酥皮雖然唔錯，但講到有144層就唔多覺，感覺係十層內🧐。而原味嘅吉士醬就比較少，多啲會更佳；朱古力味就較比較多醬，唔會過甜或過苦，加上酸酸甜甜嘅蘋果幾match😝，整體而言味道無令人失望，不過一次過食兩個會滯🙊🙊。