RAPL

營業中

休息中

看到介紹這間蘋果批十分出名，在香港唯一一間分店，慕名而來試試它的吉士蘋果批，一定要趁熱食。蘋果據說是富士山蘋果，有粒粒果肉，吉士配搭也好好味，整體入口香甜，價錢就比較貴。

—適逢sogo thankful weeks Rapl 都有折扣優惠 🍎現烤吉士醬蘋果批($150/4個)夜晚7點鬆d新鮮出爐 買咗一盒4件第二日用焗爐烤翻熱 預熱之後160度焗6,7分鐘左右 個皮變得脆身批皮酥脆唔會話好油膩每啖都咬到蘋果粒 酸酸甜甜反而吉士醬被掩蓋?!見到但味道唔係好出下次現場即食 睇睇有冇唔同—————————————————————RAPL (銅鑼灣)銅鑼灣軒尼詩道555號崇光百貨B2樓14D號舖

每次經過SOGO都會買返幾個蘋果批返屋企我哋一家人都好鍾意食超級好味😋酥皮好香脆，暖暖地中間有吉士同埋新鮮嘅蘋果而家除咗蘋果批仲有芝士撻本身今日嚟到想試吓芝士撻但係已經賣晒了下次嚟到再試下

行經SOGO嘅時候比櫥窗嘅蘋果批吸引，而且店舖傳來好香嘅烤焗嘅香氣，職員講現烤吉士醬蘋果批$42，買四個就$160 ， 咁就買4個啦，$42個嘅蘋果批唔係特別平，但係當你食完之後你就會覺得佢值呢個價錢，蘋果批其實都幾大個，入邊嘅蘋果肉好大粒，而且好香蘋果味，蘋果唔會好淋，仲保持一定嘅口感，微酸既蘋果混合埋吉士醬一齊食甜而不膩，外層酥脆層次分明，口感非常好，好香嘅牛油味，而且一啲都唔乾，一口氣食咗兩個🤣

🇯🇵近排Sogo真係好多日本甜品買😍成日見到好長嘅人龍，發現係新開嘅BAKE WORKS集合咗早年進駐香港嘅Bake Cheese Tart同RAPL，梗係要試吓啦！RAPL必食嘅招牌吉士醬蘋果批都好正！批皮有成144層咁多，雖然數唔到，但一咬就好酥脆，咬開係好新鮮滿滿嘅蘋果果肉，酸酸甜甜好開胃，吉士醬味道又岩岩好中和酸味，食唔停口呀！😋😋 現場目測好多人排緊隊，想食記得要早少少去排啦！ 拎返屋但再焗返黎食一樣好脆！

.📍Rarl Apple Pie📍 #饅頭去銅鑼灣 #饅頭食日本菜 #饅頭食甜品------------------------------現烤吉士醬蘋果批 ($42)蘋果批係新鮮出爐，要趁熱食。蘋果批外皮焗到金黃色閃令令😍，批皮層數好多冇硬皮，咬落去酥脆層次分明，「咔嚓」聲出曬嚟；批皮散熱住淡淡嘅牛油香，但唔會有多餘油份，食到成口油。餡料份量好多，邊咬邊爆出嚟🤤。吉士醬份量適中，挺身不稀，夾埋外皮形成外暖內溫嘅感覺，而且味道香甜，有淡淡地嘅雲呢嗱同蛋香🍦，配埋囗感介乎軟腍同爽口之間嘅蘋果粒🍎，就真係冇得彈。蘋果鮮甜而不膩，應該冇額外再落砂糖同果醬果蓉，亦感受到肉桂香。整體嚟呢個甜品口感非常之豐富，連唔好甜品嘅阿媽都話好食。但價錢真係太貴，所以一年食一次就好🤓，不過今次唔使自己比錢就冇所謂啦。------------------------------整體評分：8.4/10小編回頭率：6.5/10

RAPL Apple Pie $42朋友買來的日本過江龍蘋果批回家後稍稍把它焗熱一咬下去，鬆鬆的酥皮爆開內裏creamy的吉士湧出來配合粒粒蘋果，口感豐富不太甜，作為甜點剛剛好⚎⚎⚎Recommendation 🅙🅙🅙🅙/5⚍⚍⚍

第一次食咁好食既蘋果批 ♥︎$42位於銅鑼灣sogo既一間賣蘋果批店🧡蘋果批外層係北海道牛油所製成既酥皮，內餡採用青森蘋果加埋吉士醬！咬落好脆好creamy🥰值得一試♡︎

咁岩有朋友送左盒蘋果批比我食！先至知道有呢間日式蘋果批過江龍平時唔食蘋果批嘅我本身係對佢無任何期望因為好怕蘋果批果種玉桂味 我朋友拎比我個時 都已經買咗一陣入口都只係暖 點知都仲係好脆第一啖食落口 一陣好香嘅吉士味湧出黎好creamy 好好食蘋果好爽果個咬口都加咗唔少分完全改變咗我對蘋果批嘅概念！呢個係唯一一個我食完會再想食嘅蘋果批( ´▽｀)不過成40幾蚊一個就貴咗少少

Sogo地庫一向都係買日式熱食作為小食既一大熱點，當中RAPL蘋果批當然響店鋪外會有長長人龍。到晚上人流比較少既時間就成為小編去拜訪既好機會。最近剛於另一間標榜自己No.1既蘋果批店試完，今晚黎到RAPL見到既，就係令我最吸晴既士多啤梨吉士醬蘋果批($45)，仲要係期間限定至6月6日，梗係要即刻買1個返屋企試試啦!雖知道蘋果與士多啤梨都係稍為品質較差都會即刻變酸，仲要係焗製或煮過既水果，所以小編望到第1刻都覺得RAPL推出係好大勇氣既事。男店員非常溫柔既裝好蘋果批後，會先俾你確認產品正確後才去包裝，而士多啤梨版本就會有貼紙封口 (最緊要就係有Limited Edition字樣)終於打開了! 士多啤梨版本上面會有士多啤梨糖粒作為識別用。雖然拎返屋企都有接近45分鐘時間，但蘋果批既酥皮仍然保持鬆脆! 蘋果批內既士多啤梨吉士醬與蘋果非常合，互相甜度都好足夠下，令整個批口感好和諧，而且用料足夠下，分開3啖食個陣，每啖都食到吉士醬及蘋果。可能大家會覺得$45個批響Sogo地庫黎計會比較貴，但對小編黎講高質而合理既蘋果批唔多。最起碼對小編剛食完No.1既版本已經有落差了! 既然係期間限定，就當然推

日本見過，一直想試。 雖然有點貴，$40/件...但如果喜歡蘋果批既人，都可以一試，甜度中上，皮好脆。食一個都好飽因為入面啲含好爆下。 唔漏得既話，建議唔好買😂😂

We had takeaway of this apple pies.Together with the other homemade desserts we had on the night, this apple pie definitely stands out from the rest. Even it had been on the road for 45mins before arriving our home, the taste and texture didn’t change a bit, and just perfect after reheating a bit in microwave. 🥰🥰😍🙌🏻 apple 🥧 As you can see, it’s not the traditional apple pie 🥧 But this twist in its texture indeed brings it to another level. The pastry is smelling so good. The apple stuffing is ri

呢間人氣日本過江龍開咗咁耐一直都未試過今次買咗四個蘋果批返屋企試吓Size幾好唔會太大個用微波爐叮30秒爆曬吉士醬加埋雲呢拿雪糕食好正當早餐或者下午茶都得佢唔會太甜同埋冇一般蘋果批咁膩外層好脆又香，隔咗三日食都冇問題下次試埋佢嘅雪糕

記得在池袋，經過會聞到濃厚吉士味的RAPL現烤吉士醬蘋果批店，銅鑼灣sogo都有得食了。.沿用了即焗即賣的製法，每個蘋果送到客人手上還是暖的。聽隔離店的店員說，今天打吉士醬的是阿仔，所以特別好食。批的酥皮有144層，牛油味香濃，十分鬆脆。內餡是每粒大概2x2cm的青森蘋果，出爐後才注入新鮮手打吉士醬餡料，吃下去酸中帶甜，暖中又有吉士醬的涼，越食就越想去日本旅行了🥲🥲.另外仲有牛奶雪糕，大得有點誇張，用北海道新鮮牛奶製成，奶味很重，香滑而且不是太甜，多吃也不膩。

一直都好想試下呢間位於Sogo既RAPL蘋果批，不過經過聞唔到香味又覺得價錢唔平，就一直都無試到。今日Happy Friday居然有同事買左一大盒請我地食，上手仲係暖暖地架，正啊！現烤吉士醬蘋果批 每個蘋果批都用紙包得好好地，原來一個都幾大個同幾重，唔怪得賣呢個價錢。酥皮幾脆口，食完成個都唔算油，又唔易散開。入面都幾多少少爽口既蘋果肉同唔過甜既蘋果醬。最驚喜係入面有好多吉士醬，邊食邊咇出來，吉士醬香滑又甜甜地，好味過蘋果醬！總括黎講都幾好食，一定要熱或暖食，凍左都要整返熱。試完覺得呢個價錢都ok既！