NUTMAD cafe and dining

營業中

休息中

NUTMAD cafe and dining📍：觀塘觀塘道398-402號Eastcore1樓3號舖🚗：觀塘地鐵B3出口 步行6分鐘📞：+852 3565-6422💲：~HKD160/head for lunchFood quality✔️：煙燻豬豬卡邦尼 👌🏼：經典法式多士 、慢煮西班牙伊比利亞黑毛豬 ❌：冷泡花茶總結：🥹舊舖食咗三次 但新舖食咗一次後就冇咩動力再二訪 說實話仲係好食嘅 但質素真心跌咗 我嗰心有點痛🥲🥹整體都跌咗watt 已經係叫咗最招牌嘅三碟都咁樣😋豬豬卡邦尼都仲幾推薦 可惜唔夠煙韌 不過混埋蛋汁都仲係好食嘅😋環境比舊舖大好多 坐得都算舒服 同埋喺個商場入面方便好多🤔️法式多士就真係差咗啦 份量少咗不特只 多士本身太淋身 得嗰軟字就算外面煎脆都於事無補 焦糖香蕉🍌同雪糕就正常 但普通🤔️黑毛豬就三碟中最麻麻 但nutmad出品伏極有限 比出面cafe好啲啲但都係失望之作😨杯冷泡茶說實話普通放題質素 加錢一啲都唔值

餐廳主打中西融合菜式，使用中式食材及配搭，以西式烹飪方式呈現，味道非常驚喜特別，值得一試!!🔥- 四川擔擔﹒古岡左拉藍芝士﹒水管麵 HK$135 🐷🧀🍝藍芝士與榨菜激列碰撞!!將四川擔擔麵中的免治豬肉及榨菜加入菜式中，味道微辣豬肉香氣濃郁。藍芝士濃烈香氣非常突出，水管麵完全包裹在香濃醬汁中，非常美味濃厚!!中西元素配合相當出色!!- 宮保雞丁﹒辣椒﹒意大利卷粉 HK$135 🌶️🐣🍝香辣意粉全新演繹!!使用大量指天椒及麻子加入雞肉炒香，味道微微麻辣相當過癮，非常有層次感!!意大利卷粉質感半硬半軟，配搭麻辣醬汁岩岩好，愛辣人士必食!!- 本地蔬菜﹒檸檬，鼠尾草﹒意大利寬扁麵 HK$125 🥦🍝

入到嚟嘅時候就見到枱面有支駱駝牌歡迎我，餐廳感覺好復古，侍應哥哥都好好心特登走埋嚟同我哋推薦是日special，仲有餐廳最多人食嘅係啲咩，啱晒一啲有選擇困難嘅朋友仔。呢到位置都好方便，喺APM行幾步就到。‣ Piggy Carbonara $125好鍾意佢嘅Carbonara，佢講到明係冇用cream，全部都係用蛋。佢哋嘅煙肉都爆得好香，食落夠晒香口濃郁。果然侍應哥哥係冇推薦錯，值得一試。‣ Special Pizza $178兩個人share食其實都真係幾大份，我哋嗌甜品之前侍應姐姐都有同我哋講話諗清楚係咪真係要咁樣嗌，因為都好大份，最後其實我哋都係要打包少少返去。pizza係脆薄邊，食落去都有好香濃嘅芝士味，水牛芝士真係香到不得了。雖然呢個pizza未必啱食肉獸，但配蕃茄清清地其實都幾解膩。‣ Classic French Toast $95本身想像中諗住同平時食開嘅西多士差唔多，點知佢個口感真係相當之紮實。如果鍾意食疏乎厘嘅，可能未必咁鍾意咁紮實嘅口感，但係因為近期都冇食過呢種口感，對我嚟講都幾新鮮。充滿住濃郁蛋味，雖然有啲誇張，但係真係諗起玉子燒。幾得意但飽嘅程度真係Max。#

觀塘區一向選擇多多，之前仲係嗰頭返工時lunch想食好啲就同同事去Eastcore棵大廈飲下茶/食泰式嘢，今次揀咗呢間單價比較高的cafe，平時太多人排隊都等唔到架，今次難得無咩人排令我期望值飆升😙❤️醃漬海藻x阿根廷紅蝦x青口意粉$160❤️都幾足料，啖啖意粉都食到配料。海藻幾個口感幾特別，我會當前菜咁食，紅蝦彈牙且肉質甜，青口食落一般，但坐得幾舒服，隔離就係沖咖啡station，飄來陣陣香氣，一時之間令你忘記咗要趕住返公司做嘢。PS 啲staff態度幾好，會再嚟食。

⁂⁎◝#觀塘🇭🇰 值得二訪的精緻Fusion西餐廳⁎◜⁂.又是一間Bookmark很久的餐廳🍴由觀塘工廠大廈越做越大，搬到去Eastcore，仲喺銅鑼灣開埋分店，呢日趁住朋友生日終於黎食 ٩(˃̶͈̀௰˂̶͈́)و.𝓢𝓽𝓪𝓻𝓽𝓮𝓻🔸墨西哥烤餅·芝士·港式雞肉·手拍青瓜 $𝟗𝟖🌟有驚喜嘅墨西哥烤餅，作為前菜嚟講份量都好多，有四份～ 中間有芝士，配埋雞肉同青瓜，感覺好fresh.🔸魚條·薯條·咖喱蛋黃醬 $𝟕𝟖不過不失嘅魚條&薯條，咖喱蛋黃醬點薯條幾好食.𝓜𝓪𝓲𝓷 𝓓𝓲𝓼𝓱🔸慢煮西班牙伊比利亞黑毛豬 $𝟐𝟏𝟎🌟黑毛豬超好食🤩 個豬煎得岩岩好，唔會過熟，肉質嫩滑彈牙有肉汁，有蜜糖甜味 配埋少少咖啡粉中和返，食落唔會好膩🫣 絕對會為咗呢個黑毛豬而二訪！.🔸水煮香草比目魚 $𝟐𝟑𝟖上菜時店員會淋上醬汁，有鷹嘴豆伴碟，不過略嫌比目魚偏淡，冇咩味，但賣相不錯.𝓟𝓪𝓼𝓽𝓪🔸煙燻豬豬卡邦尼 $𝟏𝟐𝟓🌟卡邦尼意粉配埋脆脆甜甜嘅煙燻豬肉，仲有薄芝士脆片，配搭很好，口感幾新鮮，唔似平時出面食嘅卡邦尼.𝓓𝓮𝓼𝓼𝓮𝓻𝓽🔸經典法式多士·焦糖香蕉·雪糕 $𝟗𝟐🌟餐廳必食嘅dessert😽 好大份嘅法式多士，同朋友慶祝生日orde

因為有驚喜，第一次寫review。 朋友帶路介紹食午，起初冇乜期望， 觀塘喎！ 價錢又唔平，但黑毛豬外脆內有肉汁， 咖啡味加醬汁好夾。本人一向唔太鍾意 Carbonara， 朋友食我就試下， 竟然做得出色，醬汁唔肥膩, 煙肉配搭好. 甜品咖央多士一讚， 甜美！ 咬落去唔會一pat油， 而係外脆內鬆。環境佈置唔錯， 檯同檯空間充足。 玻璃卡位首選， 但遲咗嚟要坐大堂中間。 因為全場爆滿噪音偏大， 可容忍。要搵機會返嚟再試其他食物！

見證着這小店由工廠頂層的小店, 搬到地點更方便, 裝修更美, 面積更大的店舖, Nutmad的水準, 特別是招牌菜的慢煮伊比利亞豬鞍, 依然保持出色的水準. 外面是咖啡和焦糖結合的脆皮, 內裏是口感和肉味肉汁豐富的豬鞍, 口感和味道的層次豐富, 就算是如此厚身的, 烹調的火候也剛剛好, 只要保持這水準, 它必定能夠在如此艱辛的環境繼續活下去.甜品除了西多士外, 提拉米蘇也很推薦. 這裏的做法將傳統的拆解, Mascarpone Cheese上鋪滿甘香的可可粉, 乾爽香脆的手指餅和特濃咖啡分開上, 吃的時候可以將手指餅沾上咖啡先, 然後再在上面鋪上芝士, 這種食法更有玩味, 手指餅的口感也令整體口感豐富起來.

Nutmad其實唔係第一次食，觀塘區呢間由佢係工廈食到佢搬去商場，只可惜離我公司實在太遠，如果唔係應該會成日食，係一間「lunch不如食好啲」就會諗到嘅餐廳～估唔到叫同事推薦nice. d嘅farewell飯，佢哋都仲係推薦呢間😂，證明大家都認同無論環境同食物方面，佢都好見得人！黑毛豬扒招牌菜，唔需多講，每次必點！肉質juicy,超級香口，醬調得非常好味，夠味，但唔過濃，又唔膩，第一次食嘅上司（平時食好多好野）都講左句「得喎」豬豬卡邦尼另一心頭好，意粉軟硬度算中等（可能算偏少少硬？）芝士脆片同香煎左嘅豬肉粒超香口，yummy腐乳凱薩沙律作為肉食動物嘅我平時係絕對唔會點嘅一道菜，上台呆一呆，第一次見成棵菜上嘅沙律😂腐乳味聽個名就夠晒fusion,但其實入口腐乳味只係淡淡地，唔會太搶，所以唔使擔心。整體冇咩特別，成棵上亦進食不便，不推薦😅Tiramisu因為驚多士等得耐就試左Tiramisu,跟左杯expresso 同finger biscuit上，個tiramisu係軟到慕士狀咁，好易溶，所以要點一下食一啖，咖啡味超濃，風味不俗～今次感想係食物質素一如既往keep到，但可能人手唔夠，服務

以前呢間𝖢𝖺𝖿𝖾係上樓價錢好親民又有餐湯隨著價格上調我閒時都會黎食佢地個黑毛豬真係好好味配埋個咖啡粉係出奇地夾但可惜呢二次去食𝖽豬又硬又韌又冇咁𝖩𝗎𝗂𝖼𝗒但其他意大利粉，意大利粉都仍然好好食好木食返以前個世一黑毛豬😣

今次唔係第一次食，一開始知道依間都係朋友同我講依度嘅卡邦尼係全港最好食結果又真係覺得好好食座位都幾闊舒適，而且裝修好靚好特別於是今次同埋一班朋友嚟食生日飯款式望落都好特別好得意，西式加埋港式嘅融合 墨西哥烤餅‧芝士‧港式雞肉‧手拍青瓜 $98 雖然佢係前菜嘅分類，但份量一啲都唔少當佢主菜咁都無咩問題雞肉煎到好脆口，醬汁同青瓜加埋一齊之後中和返個味道 煙燻豬豬卡邦尼 $125 每片煙肉都煎到好香好脆口仲有大大塊芝士舖喺面每塊都脆到好似薯片咁卡邦尼好creamy，完全唔膩每次嚟到都必點! 四川擔擔古岡左拉藍芝士‧水管麵 $135法式油封鴨腿‧青瓜沙沙北京填鴨醬 $198 兩樣都好好食啊! 經典法式多士 焦糖香蕉‧雪糕 $95 NUTMAD 提拉米蘇 $78 提拉米蘇好creamy好軟滑仲有杯好似咖啡嘅醬汁用嚟點麵包好得意又好好味

nutmud 搬咗之後第一次嚟，環境清新明亮，仲有大量卡位坐得舒舒服服。我就叫左classic frenchtoast ，賣相好好，焦糖香蕉加上雪糕 已經係絕配 ，大大份鬆軟又富有蛋香嘅法式西多士 更令人停唔到口。

煙燻豬豬卡邦尼 - 醬汁夠creamy，煙肉脆得嚟甜甜地(有少少似叉燒😂)芝士脆片好好食🥹*經典法式多士 - 多士入面充滿蛋漿，口感綿到好似蛋糕咁。焦糖香蕉好脆加埋雲呢拿雪糕好夾！！📍NUTMAD cafe and dining觀塘觀塘道398-402號Eastcore1樓3號舖

煙燻豬豬卡邦尼 - 醬汁夠creamy，煙肉脆得嚟甜甜地(有少少似叉燒😂)芝士脆片好好食🥹*經典法式多士 - 多士入面充滿蛋漿，口感綿到好似蛋糕咁。焦糖香蕉好脆加埋雲呢拿雪糕好夾！！📍NUTMAD cafe and dining觀塘觀塘道398-402號Eastcore1樓3號舖

Nutmad最出名嘅法式多士，真係令我間中都會回味，然後就會返去再食😛 隔咗幾個月無食，今次就決定試下新菜式～ 但衝著法式多士而來嘅我，當然都有叫到法式多士！🤤•🥢 四川擔擔•古岡左拉藍芝士•水管麵 $135睇個名有「四川擔擔」以為成碟意粉會紅紅哋色，但上枱嘅時候就發現顏色好淡，紅色嘅部份就只有臘腸片🤣 擔擔入面有榨菜、肉碎同埋花生，食落無乜辣味，花生香比較出，藍芝士味就唔太食得出～幾鍾意佢啲臘腸片，味道帶微甜又有啲鹹香😋 而啲水管麵就有啲似闊條麵咁，煮到al dente，口感比較煙韌，入面仲可以收埋好多汁👍🏻 但整體味道唔算好突出～•🥢 阿根廷紅蝦•魷魚•香草醬意大利飯 $165呢個意大利飯好足料！有幾隻紅蝦🦐但口感有啲啲腍，而飯入面仲收埋唔少彈牙嘅魷魚🦑 香草醬味道算比較溫和，上面嘅芝士碎令成個飯多一重層次～ 特別鍾意佢哋嘅意大利飯都煮得啱啱好，中間仲係有啲咬口嗰種😋•🥢 法式多士•焦糖香蕉•雪糕 $95呢個法式多士真係每次必食！😍 因為每次都係咁好食🤤 兩件多士都浸滿蛋漿，表面酥脆帶點焦糖香，入面就綿密軟嫩，充滿蛋香！ 熱焫焫嘅多士加埋凍冰冰嘅雲呢拿雪糕，呢個冰火配置超正🧊🔥 但

這間餐廳是朋友介紹，餐廳的老闆負責大廚及樓面，而這家餐廳亦僱用了年青的人，教他們一門手藝。而這家餐廳由觀塘的工廠大廈，越做越大，年多前搬到Eastcore營業，是觀塘區的一個蒲點。此外，聽說在適當的季節，餐廳會與菜農合作，推出類似特色菜，所以有時間可以去看下。今次來訪嘗試了阿根廷紅蝦、魷魚、香草醬意大利飯，及四川擔擔、古岡左拉藍芝士水管麵，而飲品方面則點了桂圓紅棗杞子花茶。阿根廷紅蝦、魷魚、香草醬意大利飯有口感，意大利飯煙靭得來不覺硬，香草汁配合得洽到好處，最開心的是有三隻大蝦，也有數件魷魚，用料十足。至於四川擔擔、古岡左拉藍芝士水管麵，第一次食水管麵，有點像意大利雲吞皮，但不黐牙；雖然說是四川擔擔，但不覺辣，最特別的是有多片臘腸。桂圓紅棗杞子花茶用料豐富，花茶是以網袋包著一粒粒的桂圓及杞子、切了片的紅棗，可以加熱水再添飲。如果用餐時間不多，可以叫餐廳以外賣紙杯上，那可以帶出去飲。