NeNe Chicken (東港城) (已結業)

自從餐廳沒有再做會員之後，真的去少了很多次，更何況我一直都喜歡麻蒲那邊的韓燒多於炸雞，認為炸雞一來更加油膩，二來不會當成正餐，因此最後我也加了一個飯來吃，但是那個芝士很奇怪，有一種酒味我們都吃不到慣。至於炸雞左面很乾，右面醬油味很濕，只不過也很複雜地覺得很辣，左面原味一點辣味都感覺到不到。今次是因為有優惠，雖然是外賣自取，但是味道與期望都有點落差，可能下次都是吃比較正常的仍然會有一點信心，比如是甜酸味炸雞和炒粉絲，口味比較能夠接受，畢竟我都不知道芝士蛋飯的芝士是否真的有酒味之類。

7:35下了訂一份炸雞，預計取餐時間8:05已經好誇張啦，但最後去到8:30先有。其實等一個鐘唔緊要，你可以事先講清楚要等一個鐘架麻。服務態度先最令人討厭，問個門口waiter追單，問完可以扮聽唔到，轉頭做自己野！！！！！！！！！！利申：身邊一齊等既人個個都中晒伏。個個都等超過45分鐘之上。有個人問個經理，個經理話：「係咁架啦！ 個時間唔準架，唔好信」咁我心唸，點解其他餐廳都可以準時準備到？分明佢餐廳有問題啦！

突然口痕又想吃炸雞🐥今次全部都係未食過嘅菜式！今次發現拌烏冬好食過拌麵！烏冬彈牙，加上芝士，微辣，絕配！炸物、魚糕同年糕都好食，只係黑黑的紫菜那個有少少怪，但都可以一試的。食過咁多次都未試過原味，發現原味係最juicy同鬆軟！白群主其實都係原味嘅炸雞，只是上面加了sour and cream和洋蔥的汁。吾點汁其實都夠味👍🏻原本泡菜有小昆蟲在內🥴最後都有換俾我地，衛生程度有待改善喔！中午和晚飯時間店舖都多人排隊，或等外賣，外賣質素都不錯，下次希望試九種味道炸雞盒🐥🐥

自從上年去完韓國之後都冇食過炸雞,係香港食到平嘅炸雞就更加難。之前NeNe Chicken做炸雞放題食唔切,唯有而家去食返補數。。。🔘 秘風糖炸雞(半份) | $96評分: 🌕🌕🌕🌕🌑評語: 呢個係NeNe Chicken最新炸雞口味。本身睇錯”避風塘”😂食食下先覺得唔似”避風塘”味道😂但錯有錯著,又覺得幾好食。炸雞一d都唔油膩,咬落仲有好多肉汁,熱辣辣好鮮嫩,佢哋個甜甜地嘅醬汁亦都好好食。。。🔘 芝士年糕伴拉麵 | $112評分: 🌕🌕🌕🌑🌑評語: 年糕煙煙韌韌,有三塊魚餅幾好食,拉麵亦都好爽口。其中仲有個韓式炸米粉紫菜卷口感幾特別,配合佢鍋底醬汁食好野味。唯一不滿之處係唔夠芝士,因為本身係一個芝士撈麵形式嘅撈麵,芝士太少,做唔到撈麵嘅效果。。。🔻平價韓式炸雞之選👍🏼推介指數:⭐️⭐️⭐️

疫情好轉的期間， 預著星期六的見客日，喺人山人海既商場要搵間野食都難， 最想就係先填飽個肚先見客， 誰知道間間都排隊，仲要好似得NeNe Chicken 唔使排， 以平時嘅我一定覺得冇人排就好易中伏，不過時間緊迫，照入啦！ 坐低後叫咗個海鮮豆腐鍋，加$15飲左杯青提梳打，不太甜，不錯。個海鮮鍋因為用石鍋上菜， 溫度好夠熱， 附送白飯， 一食個湯味道適中， 帶有海鮮甜味，有驚喜， 湯入面嘅海鮮仲有青口、蜆、蝦， 尚算足料， 下次都會返嚟再食

Home Office期間梗係外賣返屋企食， 唔係堂食，接觸少啲人可能會更加衛生更加有保障。今日lunch嘅係NeNe Chicken 韓式炸雞， 呢間炸雞店好耐冇食啦。今日就食叫咗雙拼，係甜辣炸雞+蒜香炸雞，為咗方便屋企老人家食，所以都係冇骨嘅; 甜辣炸雞其實唔係好辣，相反有啲酸酸甜甜嘅感覺，炸雞皮脆肉嫩，好多肉汁， 覺得個sauce都幾多，如果一早煲定個飯，撈飯食就更正。蒜香炸雞，味道超級香口，雖然係外賣但係仍然保持到色香味俱全，食落去比較乾身更加顯得疲夠脆，香口惹味，真係一流，不過味道都幾重。

呢間野嘅炸雞一直都好鍾意朋友都好鍾意食感覺上熱辣辣而且味道都好多份量都足夠我覺得有骨嘅冇咁方便冇骨嘅，就會比較方便入口同埋食起嚟都好快捷～但我覺得公仔麵就麻麻哋啦價錢比較偏貴而且比較少唔係咁值得呢個價錢分量唔算多都係炸雞比較吸引店舖環境算安靜可能因為比較早人都唔係好多服務方面如果可以主動俾前菜就好啦好鍾意食佢哋嘅蘿蔔覺得好開胃而且同炸雞真係好夾下次有時間都會再嚟～不過主食就應該唔再考慮啦，因為大家都覺得公仔麵麻麻地

閒日想食炸雞 特別想食韓國炸雞今次lunch time 走咗入去食下個UFO炸雞我地兩人行就叫咗UFO 炸雞178🤩炸雞件好好食 一黎夠熱 會爆汁烤雞都好入味 但就有啲辣仲可以係個麵包度點啲奶酪黎食 幾過癮包住啲雞黎食仲好味😋😋😋仲有個魷魚條就分開上 都好好食反而我覺得魷魚條就有啲油兩個人食啱啱好 又唔會話好滯🤭🤭🤭最後仲可以食埋個cream包 都幾特別兩個人食飽200蚊埋單都算不錯👍🏻👍🏻👍🏻

Chimaek!! pairing of fried chicken and beer🥳🥳Risky fried chicken from nene never disappoints me! I like the snowy cheesy flavour which is dusted with cheese powder! The sweet and spicy one is coated with a sweet sauce. The outer layer is crispy and the inner meat is juciy!

上網買個陣顯示等30分鐘有得攞所以落單，最後等左一個鐘，企係門口乾等左勁耐，問侍應只係話多單要等，外送個啲紙袋就係咁出。如果唔係因為網上落單信用卡俾左錢真係唔鬼等。

下午時段到將軍澳東港城吃炸雞，入到NeNe Chicken， 散叫一碟招牌和甜辣炸雞$168， 然後點午餐蘑菇炒粉絲$49，Hoegaarden $58，Detox Pink Lemonade $38 和熱柚子茶( 跟餐) 。坐低之後店員送上一碟泡菜， 泡菜味道不夠辣， 招牌炸雞和甜辣炸雞兩者都帶有韓國風味， 炸起熱辣辣但不油膩， 招牌炸雞皮脆肉嫩， 可以配上芥末醬和沙律醬食用。甜辣炸雞味道香濃， 甜甜的帶點微辣， 入口好惹味。 蘑菇炒粉絲， Q彈有口感， 份量很多非常飽肚。 酒類很抵飲六點前可以買一送一，但Detox Pink Lemonade完全飲不到lemonade味道，好像人工色素加梳打水似的。總括而言炸雞有水準， 但服務質素有待改善， 每次叫服務員的時候，他們帶住沒有笑容和沒有眼神交流面孔， 差不多是黑口黑面的接待客人。

Boo一直都覺得Goobne Chicken幾出色，但食到悶悶地就諗住試下都幾hit既Nene Chicken🐓🤣我地叫左半份芝辣初雪炸雞🍗($94)，無骨既所以可以啖啖肉🤣不過真係好後悔叫左個辣雞😢雖然有芝士粉，但嗰雞真!係!好!辣!🌶🌶🌶辣到我地要食幾啖就飲啖水🙈😂另外仲叫左個韓式手爪飯(呑拿魚)($90)，又有得食又有得玩，有紫菜，青瓜，蟹子，泡菜飯，沙律醬，可以自己握做飯團🍙🤗份量都幾多☺️飲品我地叫左杯Shark Attack Season 2🦈 ($58)，藍莓味好似沙冰咁🧉，糖水都可以自己落決定甜度😝，但相對之Goobne杯shark🦈好飲啲🤣🙊

見沒有人在這家等位已經覺得奇怪，點知早伏！員工態度非常差，炸雞點了有骨的，但點知俾上黎嘅係全骨，感覺就好似俾啲頭頭尾尾咁，非常失望！對比葵芳，荃灣，真係差天共地。

年近歲晚，梗係要同屋企人出去辦年貨，shopping啦！最近走咗去東港城，知道佢有唔同嘅攤位遊戲可以畀小朋友玩，阿仔玩咗 一陣之後，我哋就喺東港城入面搵食 。最後揀咗之前有朋友介紹過嘅Nene chicken， 但係食雞又會覺得太飽，最後揀咗個芝士炒年糕拌拉麵，同埋芝士泡菜炒飯。炒飯嚟到， 賣相都幾吸引，見到有 炒蛋圍著中間嘅炒飯，飯返上面亦都有好濃郁嘅芝士，啱曬我哋啲芝士愛好者。之後就嚟埋個芝士炒年糕拌拉麵， 原來兩樣嘢係一齊上，撈埋一碟，估唔到芝士炒年糕比起炒飯會更加辣！只不過公仔麵索曬啲芝士同埋泡菜嘅味道，好香好濃味

自己一條友行街心血來潮想食韓國野 就貢左入去嗌左個韓式拌飯 素菜嗰款個份量好細🤨一上枱已經打左個突佢d配菜都有d咋咋地🤨冇乜睇頭 佢有豆卜係幾得意既 係拌飯新口感體驗 要俾like既 但整體上就係少 分量少 配菜都少可一不可再😂😂😂