402
16
11
| 餐廳: | Le Paradis Cafe & Restaurant |
|---|---|
| 優惠: |
於此國泰夥伴餐廳用餐賺里 ! 國泰會員於夥伴餐廳消費可賺高達HKD4 = 2里數。受有關條款約束。 |
|
條款及細則:
|
|
|
|
港鐵尖沙咀/尖東站 B1 出口, 步行約5分鐘
繼續閱讀
電話號碼
23110101
開飯介紹
坐落尖沙咀鬧市中的精緻法國餐廳，為客人帶來浪漫舒適的用餐環境，法國菜式由頭盤，餐湯到主菜及甜品，均由大廚自行研製，別出心裁
講求原材料質素及醬料的完美配搭
繼續閱讀
營業時間
今日營業
18:00 - 23:00
星期一至日
18:00 - 23:00
公眾假期
18:00 - 23:00
公眾假期前夕
18:00 - 23:00
以上資料只供參考, 請與餐廳確認詳情
有關獎賞計劃
優惠
88折
【油尖旺】$100 通用現金劵，歎盡中西日美食 **無限兌換**
$88
$100
| 餐廳: | Le Paradis Cafe & Restaurant |
|---|---|
| 優惠: | 國泰會員於夥伴餐廳消費可賺高達HKD4 = 2里數。受有關條款約束。 |
|
條款及細則:
|
|
|
|
食家推介
疫情原因，冇見我呢位老朋友兩年，係時候又要date下。 食咩？緊係要上嚟開飯搵下，碌下碌下搵到呢間餐廳食法國菜。原來前幾日，餐廳已經wts我想食咩，但係我已經完美miss左，咁厨師幫我set左個今晚menu.前菜有風乾火腿沙律， 蟹肉牛油果他他，磯煮鮑魚，煎鵝肝。 湯就有黑松露蘑菇湯同龍蝦湯選擇。之後有水果雪芭俾你清清味蕾，就到主菜，有和牛，黑毛豬同鯛魚俾你選，我地就選左牛同魚。 最後我地加錢要左個心太軟，補祝返我地兩個既生日。4前菜，1湯，1主菜加1份甜點。$1088 for 2 ppl. 呢個價錢食到咁優質既法國菜其實好抵. 份量咁係太多，我地兩個女人仔剛好，超滿足。雖然餐廳外表唔算吸引，但通常呢d都係禾稈冚珍珠😁朋友好滿意我既介紹，仲話要同老公再嚟😁
繼續閱讀
開頭搭lift時對大廈門面無咩好感，食物質素好高令我覺得好正完全忘記咗個環境，材料新鮮又高質，睇得出廚師好有心去做每一道菜，每道菜都好有驚喜，無諗過味道會出乎我意料之外，連餐前麵包都係廚師校準預定到店時間新鮮做, 好正宗的法國菜而且價錢非常合理，呢間餐廳我諗我之後會繼續無限repeat, 今日係我生日我未食完都忍唔住寫好評，平時嘅我從來都唔會浪費時間去做呢啲嘢，今次真係真心極力推介，希望之後有更多人都可以試到呢啲好嘢。
繼續閱讀
最近想搵間有少少儀式感嘅西餐廳，發現原來有間法式西餐廳係尖沙咀, 望望價錢都覺得幾合理, 於是就試試佢當日叫左個$1288 set, Set total有前菜x5、湯x2、雪葩x2、主菜x2、甜品x2前菜都係2人分享，前菜有冷盤有熱盤，每道菜都有驚喜，同埋份量都唔少，我最欣賞就係佢隻南非鮑魚，幾入味同埋口感好好，再加埋魚子醬一齊食，諗番起個鮑魚，宜家打緊食評呢刻都流緊口水。湯方面，我同朋友試晒2個湯野菌忌廉湯有好多細細嘅菌粒，口感好好，而且好creamy龍蝦湯味道好濃郁，仲有2粒龍蝦仔添水果味雪葩係用黎清口腔，正正常常，無咩好評價主菜方面，試左魚同埋牛柳配鵝肝(需加+98蚊)魚鱗好脆口，而且魚係岩岩好熟，所以魚質好滑，配埋菠菜同埋番茄醬，平時西餐都係食開比目魚、鱈魚，所以今次食到甘鯛松笠燒，我覺得都幾值得一試我自己本身都幾鍾意牛柳，因為肉質比較淋，今次order左要5成熟，有時出街食好怕overcooked，不過當我切開牛柳個陣入面仲要粉嫩粉嫩，真係忍唔住要講真煎得好好! 牛柳本身無咩脂肪，配埋鵝肝食，牛柳係質感配上鵝肝嘅油香，一個字，正! 食牛本身都唔平, 呢度仲要 $+98蚊就有牛同鵝肝，我個人都5粒星推介!十分值!跟餐甜品係奶凍，我地另外加左+48蚊轉一個心太軟奶凍口感好滑，食到奶香味心太軟好流心，配埋雲尼拿雪糕中和番心太軟嘅味道，口感凍凍熱熱，我個人幾鍾意餐廳係續碟續碟上，進餐節奏都幾好，可以慢慢同朋友食野同傾計。進食時間大概2個鐘鬆啲。
繼續閱讀
見OpenRice 咁多，安排左慶祝生日。上到去，侍應態度良好。一早安排左$1088個set , 但係上菜極慢，頭盤有鮑魚 鵝肝 沙律哈密瓜，味道正常 無咩特別，想叫杯咖啡，話咖啡機壞左🤨🤨聲稱高級餐廳，連咖啡都冇一杯。食完頭盤 等左半個鐘好耐先上 餐湯，擇左蘑菇湯，正常味道，望下成個場 原來得一個待應serve 成個場（前前後後應該都有8張桌），待應勁忙，想叫佢過黎都難😵💫之後吹左好耐先上main course, 我地叫左豬扒同牛扒🥩（要另加錢）。牛扒本身要叫$1088 個course先有，仲要再另加錢$88😵💫😵💫，味道都係正常，似普通西餐廳。前前後後攪左二小時先上到甜品 等到眼瞓💤又加左錢$38先有朱古力心太軟😅味道都係正常 似叮出黎個d …總括而言，呢一間餐廳絕對冇法國嘅味道，食物正常，不過不失，侍應係熱情有禮，但係可惜成個場10圍枱得一個侍應，廚房懷疑都係得一個廚師😅似一間好普通嘅西餐廳。埋單都唔平 成$1400 呢個價錢，有更多更好既選擇！
繼續閱讀
💝一年365天，男人可能唔似女人咁成日搵機會嚟慶祝，但係偶爾為對方製造驚喜，例如去一間情調餐廳，已經足夠令女人終身難忘啦！🕯️✨呢間法式私房菜真係好唔錯，份量夠足，味道好出色！上次我哋坐係室內，今次就揀咗戶外位置，燈光柔和昏暗，氣氛好Chill啊！🦐先嚟咗前菜，有西班牙辣肉腸沙律同蒜片燴蝦，都好好味。特別係蒜片繪蝦，蒜片炸到好香口，夾住大蝦食，好彈牙好惹味！😍另外一定要試，香草焗法國田螺同法式鵝肝多士，田螺好鮮嫩，香草味勁濃郁；鵝肝好大件肥美，口感絲滑甘香，超級好食呀！🫕餐湯有黑松露蘑菇湯同法式龍蝦湯。兩款湯都好濃郁順滑，黑松露啖啖都食到粒粒菇菌，口感一流；龍蝦湯比較幼滑，鮮味十足！👍🏻主菜揀咗西班牙黑毛豬配蜜糖芥末汁，同法國油封鴨髀配雜莓紅酒汁，各有千秋。黑毛豬肉質鮮甜，蜜糖芥末汁香甜微辣；油封鴨髀香脆外皮，肉質咸香嫩滑，加埋雜莓紅酒汁，酸甜開胃！🤭最後食埋甜品，心太軟配雪糕同奶凍。成餐飯真係勁滿足呀！記住收藏同轉發比你另一半呀！
繼續閱讀