La Famille (國際金融中心商場)

營業中

休息中

 La Famille cheesecakes never disappoint me. I tried their Japanese Yuzu Cheese cake this time. It was very light, fluffy and creamy. The Yuzu also gave the cake a refreshing note. It’s especially perfect for celebrations because of its taste and beautifully decorated appearance. The soufflé cheese cake is made of Hokkaido soft cheese and France Kiri cream cheese. It gives a refreshing mix together with Japan Yuzu. The Hokkaido Nakazawa cream and cream cheese form a very smooth, light but rich l

其實呢間戚風蛋糕專門店la familie 既小蛋糕我諗大家都買過，因為好精緻而且CP值高～ 佢哋嘅戚風蛋糕鬆軟而且有回彈感，軟綿綿空氣感十足！今次行過IFC又忍唔到買左幾個返屋企食🤤🤤今次揀左白桃，法國玫瑰、青森蘋果吉士紅茶同榛果咖啡朱古力呢五款。法國玫瑰： 真係好濃玫瑰味而且賣相好靚~~~至於味道同土耳其啲turkish delight 玫瑰糖味一樣！ 兩老話有啲過濃，我就覺得幾清香hahaha! 白桃：上面好多桃肉，一啖桃肉加北海道忌廉，好香一啲都唔膩，正呀～～開心果：呢個大人氣item, 梗係一定要試啦！入口真係好有開心果味，再加埋士多啤梨 好好味呀～～～青森蘋果吉士紅茶：其實我係衝住青森蘋果而揀佢，上面好多蘋果肉，同下面紅茶底好夾 兩者一甜一淡茶香 剛好互補返～～榛果咖啡朱古力：兩老就最鐘意呢個味，因為好濃咖啡味！再加埋榛果好鬼香！

前排連續幾日早餐都食大大舊台式古早味蛋糕，食到厭，要過一過冷河先掂，今次黎到La Famille，食返d無咁膩嘅戚風蛋糕。蛋糕輕盈鬆軟，味道較清新，食兩個都唔會飽，仲不時有期間限定味道，可惜下午去到已經賣晒，唯有食其他常駐口味。🍴焦糖完熟香蕉 HK$54焦糖配香蕉，仲要係完熟香蕉，睇個名都覺得甜死，食落又唔係喎，淡淡焦糖甜味加上香蕉香氣，仲食到d香蕉蓉，比例剛剛好。🍴英國伯爵茶 HK$54伯爵茶味道唔算濃，茶味唔係一啖就爆出，茶香較甘醇，要一啖一啖品嚐先滲出芳香，記得慢慢細味。🍴雙重朱古力 HK$54食完兩款味道較低調嘅蛋糕之後，輪到濃厚朱古力出場。用左兩種唔同濃度嘅朱古力製成，蛋糕底味係無咁濃嘅朱古力，再加上較濃郁嘅冧酒朱古力忌廉，甘甜配酒香，令人陶醉，表面嘅朱古力脆脆亦都增添不少口感。🍴盛莓藍蝶 HK$54名符其實，「盛莓」由士多啤梨、藍莓、覆盆子等多種莓類製成，不過我就唔太好莓類所以無食，朋友就話酸酸甜甜，味道幾有層次，而奪目嘅紫紅色係來自天然蝶豆花同紫羅蘭，可以放心食。📍La Famille中環港景街1號國際金融中心商場3樓3098B號舖

🔹La Famille 出名佢嘅戚風蛋糕，次次去都多款到唔知揀咩味好🤣 平時特別中意買佢地細細個嘅蛋糕，$50大細啱啱好❤️ 啱晒買黎食完飯慶生用，唔使驚食到太飽食唔落生日蛋糕🥳 佢嘅花系果凍都好出名，可惜嗰日我哋去已經冇晒🥺1️⃣⭐️沖繩黑糖栗子蒙布朗⭐️ $54 (8/10)Polaf都大推哩個😍 唔怪得去到得返一個，因為真係好食😋 初初擔心佢係Mont Blanc，所以會好多栗子蓉好飽🌰 但原只係外層係，裡面依然係佢地出名嘅戚風蛋糕😚 用咗黑糖，所以唔怕食落好死甜❤️ 暫時食過咁多款，哩款最正👍🏻2️⃣ 日本柚子 $54 (7/10)柚子味比想像中出，唔錯😚 中意柚子嘅人一定啱哩個💕 上面仲有啲莓類，少少酸，令到成個蛋糕好開胃🤤 Cream份量啱啱好，唔會太多唔怕膩😗3️⃣ 香濃開心果 $65 (7/10)戚風蛋糕要做到個蛋糕本身有味唔容易，但呢個香濃開心果蛋糕就做到，蛋糕本身有淡淡嘅開心果味，加上開心果粒係入邊，好有咬感🤤Cream一樣唔會膩，喺個蛋糕中間都有😋可以一啖cream一啖蛋糕4️⃣ 法式香梨無花果 $54 (7/10)如果唔鍾意食甜野，呢個香梨無花果蛋糕就啱晒你😉Cream嘅比例比其他款式

男朋友爺爺慶祝生日，出去食飯慶祝，放工行過ifc又黎到依間御用生日蛋糕店🎂記得幾個月前喺旺角分店買左好多件小蛋糕，全部都好滿意呀！今次決定買個大既，一齊happy share🤞🏻果日大約3點幾去到，都仲有幾多款，之前試過5 6點去到款式已經無咁多了🤣 所以特登早左少少去。咁記得上次買過迷你版BAVAROIS，屋企人既第一反應一律都係「哇咁靚既！」但又隨即俾依個日本柚子蛋糕吸引到👻 雖然外貌唔係好花巧，但望落去既賣相清新高貴，加上老人家都唔鐘意食啲太甜既味道。所以最後決定買依個😛食落去就正如佢標榜嘅咁鬆軟清新，甚至連蛋糕上面嘅馬卡龍都唔會好似平時既咁甜滯。 食落去有淡淡既柚子香，好輕盈，食多舊都唔會有平時食蛋糕既罪惡感。對比上次去買，今次覺得好impressed既係佢有保溫袋，就算買完幾個鐘未食得都唔驚會溶！😝

❀ La Famille #中環 ❀❗️堅持用上乘食材多種口味鬆軟戚風蛋糕❗️——————————————————戚風蛋糕係近年深受歡迎嘅蛋糕，比起傳統用大量牛油製成嘅蛋糕更加輕盈鬆軟，而且感覺較為健康(*^▽^*)但要製作一個好嘅戚風蛋糕絕對唔簡單，蛋白同蛋黃嘅黃金比例要拿捏得好。La Famille 係市面上較為罕見主打戚風蛋糕嘅連鎖店，幾年前見佢開業到而家港九都有數間分店，絕對唔簡單🔥佢地堅持採用本地新鮮雞蛋、外國入口生果茶葉、日本北海道新鮮忌廉，而且仲經常推出新口味添，價錢最貴都係$60左右，款款都非常吸引🥰！.✷𝑀𝑒𝓃𝓊✷☞ 戚風蛋糕🍰手掌咁大嘅圓形戚風蛋糕，口感鬆軟輕盈，回單力強👍🏻不過唔知係咪我擺咗一晚喺雪櫃，所以就有少少乾，建議大家買咗都係快啲食用。內裏會擺滿新鮮日本忌廉奶油，濃郁得來唔會太膩，表面再按照唔同口味放滿裝飾生果等✨。.♥日本原宿蜜瓜🧡$60Seasonal flavour！一向麻麻哋蜜瓜口味產品嘅我都覺得呢一個真係好味！無論係忌廉定蛋糕都會感受到香甜嘅蜜瓜味，味道一啲都唔假👍🏻表面再加上粒粒鮮甜多汁嘅日本蜜瓜，真係有驚喜！味道: 4.2/5 性價比: 4.2

今日同事生日就落咗公司樓下La Famille買咗2個蛋糕仔同佢慶祝👏🏻👏🏻👏🏻買佢嘅原因佢地啲蛋糕性價比好高,價錢平平地外觀又靚😍女仔用嚟打卡就啱唒😍但唔好睇佢咁細個以為佢唔足料,一切開就爆出濃濃嘅忌廉!外層嘅蛋糕仲好鬆軟添！而且甜度適中適合怕甜嘅朋友仔👍🏻

La Famille近年係香港愈開愈多分店，以輕形、清新的戚風蛋糕取勝，玻璃櫃內一個個蛋糕用高身保濕玻璃罩蓋著，有一份華麗典雅之餘，從味道上是希望可以保持最佳的口感🤤今次去到中環IFC分店，不設堂食，店方沒有附上冰袋或冰包，建議室溫放1小時內就食，雖然是外賣店，但好多人光顧，我4點左右去到，大部分既款式已經清空，好在早一步到，如果唔係連朱古力味都冇埋🙈－－－－－－1. 榛果咖啡朱古力 $54外型非常精緻😍仲有一粒榛果朱古力上面，蛋糕咖啡味比較重，鍾意咖啡既朋友一定很喜歡，香醇咖啡再配上榛子堅果的香氣，兩者相當之夾，而且整體甜度唔高，唔會好膩2. 英國伯爵茶 $54伯爵茶係其中一款很受歡迎既款式，蛋糕內有伯爵茶碎屑，充斥住伯爵茶香☺️清香而不澀，奶油忌廉輕滑不會過甜，蛋糕綿密濕潤，仲有馬卡龍做裝飾，低調而典雅3. 香濃開心果 $64整個蛋糕都係綠色，蛋糕內有一粒粒開心果碎屑，提升了開心果味道之餘，又增添左不少口感，蛋糕上仲有士多啤梨作點綴，萬綠叢中一點紅，簡單得黎又幾突出😌4. 雙重朱古力 $54作為朱古力控不能不叫雙重朱古力🥰真係好好食，一切開蛋糕裏面有一層朱古力餡，有點似幕斯，質地軟滑

老婆生日，梗係要買個又靚又好味既蛋糕同佢慶祝一下，La Famille既戚風蛋糕係我既首選，今次揀咗榛果炭燒咖啡，預先打電話訂貨，唔怕到時買唔到鋪頭響apple store隔離，好易搵原個蛋糕會俾埋個靚靚保溫袋，仲有乾冰，坐車耐少少都唔怕，店員提醒可以保存大約一個小時左右，之後要放雪櫃，好貼心蛋糕賣相非常精美蛋糕濕潤鬆軟，蛋糕同埋忌廉都充滿咖啡香味，一啲都唔會漏，甜度又岩岩好，蛋糕又靚又好味，極速掃清

適逢食生日飯，朋友買咗呢一個蛋糕仔同我慶祝細細件，啱晒兩個人食！呢件係法國玫瑰，上面嘅玫瑰係可食用，而軟綿綿嘅戚風亦食到淡淡的玫瑰味，但我最欣賞係佢嘅忌廉只係少少甜，而且唔膩，就算我平日唔鍾意食cream，都忍唔住食晒佢上面仲配搭咗紅桑莓，酸酸地平衡番成個味道。 呢間舖頭嘅蛋糕全部都好靚，又好味，真係睇得又食得！

男人買咗柚子蛋糕獎勵我，蛋糕好迷你，兩個人食岩岩好！口感好鬆軟，柚子味清香，內餡有些少柚子皮，感覺有啲似飲緊柚子茶。配上頂層嘅雜梅同忌廉，好清新，甜度適中。價錢合理，50幾蚊，夠兩個人食。

抹茶瑪德蓮蛋糕，抹茶茶味濃郁、有回甘，表面鋪上左抹茶白朱古力醬、粉紅莓果碎粒、檸檬皮絲，為蛋糕增添甜味、酸味、檸檬嘅清香，口味上、層次上更豐富。香濃開心果戚風蛋糕，蛋糕帶淡淡嘅開心果味道，內裏加入左粒粒開心果，蛋糕口感較為厚實、略為乾身、帶脆口；內裏加入左鮮忌廉，令蛋糕食落較濕潤、香滑。雙重朱古力戚風蛋糕，朱古力牌、朱古力漿夾心、朱古力戚風蛋糕、朱古力忌廉、朱古力脆餅、朱古力醬，採用70%濃度朱古力製作，朱古力味道非常濃郁、甜而不膩；朱古力醬口感如同生朱古力口感嘅幼滑；朱古力忌廉口感厚身、幼滑；蛋糕口感鬆軟、綿密。日本柚子戚風蛋糕，採用高知縣直送嘅柚子，忌廉、蛋糕內裏混入左柚子肉，食落有柚子香味，好清新；蛋糕軟彈、輕盈、有空氣感，整體味道好清甜意式香草奶凍戚風蛋糕，奶凍口感入口即化、滑溜，牛乳、香草味道濃厚；蛋糕表面鋪滿藍莓，整體味道香甜。

雖然已經食過幾次la famille, 但係好食既蛋糕就係會令你係咁回購! Haha 最好既係佢有細細個蛋糕 可以用平時一個蛋糕既價錢已經買到4款唔同既蛋糕!!法國香梨無花果 ($54)唔係太食到無花果味, 但呢個蛋糕好清 唔中意食太濃/太濟既朋友應該會中意! 而且上面d 梨好好味 haha 配返杯熱茶飲就perfect😝-雙重朱古力 ($54)雙重朱古力真係my forever no. 1 !!!! 佢中間D cream真係好濃朱古力味 上面都脆脆都好好味 成日都好想自己食哂佢wahaha 未食過既朋友仔一定要試下呀!!🥰🥰🥰-意式香草奶凍 ($54)呢個都比我想像中清 上面有d panna cotta 好creamy!! 而中間真係普通 cream 個蛋糕就有好香既牛奶同雲尼拿味🍼 配埋藍莓一齊食 一啖酸配一啖甜 好有層次好好味!-青森蘋果吉士紅茶 ($54)D吉士cream好正 !!! 甜得來又唔會太漏 呢個係我心目中no.2!! 再配埋淡淡紅茶香既蛋糕 真係好岩做下午茶😋

📍La Famille (中環)🔍中環港景街1號國際金融中心商場3樓3098B號舖-----下個月就係👩🏻阿媽節，本來Plan左同家姐一齊煮個大餐同Mami慶祝，點知佢前兩日竟然同我地講話母親節約左好耐無見嘅x師奶、y師奶同z師奶打牌......既然係咁，我地就唯有提早同佢慶祝啦～每年嘅母親節我地都習慣會買蛋糕比Mami，而今年就試左La Famille嘅母親節蛋糕，貪佢顏值高，少女心滿滿嘅Mami一定中意😊。-Dearest Mom 香芋椰子戚風蛋糕 （$398）：雅緻嘅粉紫色忌廉唧花配合仙氣嘅藍色繡球鮮花花瓣，蛋糕雍容華貴嘅外型同Mami嘅氣質非常匹配☺️。芬郁嘅椰子香氣令人未食已經垂涎，香芋椰子忌廉食落質感滑如絲，戚風蛋糕則綿如雲，加埋台灣大甲芋頭蓉，每一啖入口都感覺到澎湃嘅芋椰香，而且中間仲夾有一層香糯嘅麻薯同爽口嘅椰肉，令蛋糕整體輕盈中亦不失咬口。-PS：本身個蛋糕再靚啲，可惜B仔手殘......攞返屋企嘅時候毁壞左少少😂，圖中係我盡力修復之後嘅樣子。-👶🏻B仔整體評價：8/10個👍🏻👶🏻B仔抵食程度：7/10個👍🏻 👶🏻B仔環境評分：買走yo👶🏻B仔味道評分：8.5/10個👍

/la famille 🇭🇰/#sa中環篇 #sa蛋糕篇➖➖➖La famille 蛋糕有時候都會食夠迷你 多口味 價錢都實惠 而且賣相都幾靚有時自己一個清一個又得 同朋友慶生都得今次要左以下口味✨➖➖➖1️⃣黑糖栗子蒙布朗蛋糕 $54 個人最鍾意呢款 有大量栗子蓉係面帶微沙沙地嘅口感 底部嘅係栗子蛋糕夠鬆軟 口味應該係栗子味 但唔算好出面頭仲有栗子粒同蔓越莓 酸酸甜甜 幾開胃➖➖➖2️⃣日本白桃蛋糕 $60鍾意食生果嘅呢個唔錯 有大概5-6 件桃🙆🏻‍♀️而且味道天然 無藥水味雖然係較多cream 但都幾重奶香🥰➖➖➖3️⃣榛果咖啡朱古力蛋糕 $54 蛋糕底係咖啡口味 裝飾係咖啡同朱古力忌廉、朱古力豆同朱古力球 仲有合桃粒 呢個配搭口感層次較豐富✨➖➖➖4️⃣香濃開心果蛋糕 $65面頭係新鮮士多啤梨🍓蛋糕係開心果口味 仲有開心果碎 口感豐富！不過最後先食呢個 個蛋糕無之前食嘅咁鬆軟較乾硬 所以買左後要襯快食➖➖➖5️⃣朱古力瑪德蓮蛋糕 $18 最近都幾熱門嘅一款甜品～見仲有抹茶但感覺朱古力無咁甜😝蛋糕口感 較戚風蛋糕厚實 幾香牛油味而且朱古力味都幾香濃但唔會太甜最鍾意就係嗰層朱古力coating🙆🏻‍♀️仲