影片
開飯介紹
店舖以白色為主，並以大量花飾增添仙氣感覺，食物精緻，打卡一流。餐廳提供各种沙律、意粉和扒餐，適合朋友聚會。
繼續閱讀
營業時間
今日營業
12:00 - 22:00
星期一至日
12:00 - 22:00
以上資料只供參考, 請與餐廳確認詳情
有關獎賞計劃
食家推介
相關文章
前兩日襯放假🏖帶奶奶去左屋企附近嘅餐廳食午餐🌻🌹奶奶見餐廳好靚，成個小朋友友咁開心🥳呢間餐廳主打宮庭華麗嘅感覺🥰每一個位置都適合打卡📷有設室內同室外位,臨近聖誕 ,店舖都增添左聖誕裝飾,充滿氣氛🎄我地今次揀左坐室內，周圍好多花嘅擺設，令人感覺療愈🥰我地點左兩份set lunch,包餐湯、餐飲同主食，一份$100左右，咁靚嘅環境真係幾抵食🤤🤤全日早餐呢個全日早餐誠意十足,全部食材都新鮮及用心製作，而且擺盤精緻又美觀，最鍾意佢地塊麵包同蕃茄😋牛肝菌豬肋肉意大利飯上到枱香噴噴熱辣辣，豬肋肉煮到好腍好嫩👍牛肝菌好香，令成個意大利飯更加惹味😋😋奶奶第一次食都覺得正🥳🥳📍INN - I’m Not Nothing (裕民坊YM²) (觀塘)觀塘協和街33號裕民坊YM² 2樓205號舖#宮廷風 #打卡餐廳 #美食推介 #人氣美食 #觀塘美食 #裕民坊 #環境優美 #foodie日記 #香港探店 #yummy #nice #relax #相機食先 #聖誕燈飾 #kwuntung #foodie #chill
繼續閱讀
呢間喺裕民坊嘅宮殿風餐廳💒，都開業咗好一段日子。對上一次都係聖誕節嚟食飯，佢哋每年都會擺聖誕樹🎄、紅色聖誕花同閃閃嘅裝飾，無論坐室內定室外都咁有格調🌹，啱晒約好姊妹嚟嘆返個有質素嘅Dinner🍽️！Set Dinner 有6個選擇，+$38有餐湯同包$26以下嘅飲品。呢晚嘅餐湯係南瓜湯🎃。睇賣相就知整得好有心機，仲擺咗朵花點綴🌸，味道都好唔錯！🍛牛油香煎刺身帶子配蟹膏意大利飯 $188呢個飯冇嗌錯，好推介💛！估唔到帶子係用咗刺身，食落好爽口好鮮味又唔凍👍🏻，唔會有冰鮮帶子嗰種實淨嘅痴牙感。飯嘅質感都煮得啱啱好，掛汁得嚟唔會太濕，食到好濃郁嘅菇菌味🍄；反而蟹膏就唔係好食出喇，但整體都好好味嘅😋。🍝香蒜鮮大蜆扁意粉 $168呢個香蒜味嘅意粉好夠熱，入口嗰下有種微微茶澀感？我諗係啲香料嘅味。蜆嘅數量都唔少，雖然細細隻但都有啲爆汁，味道不過不失👌🏻。🕵🏻: 建議個麵多返啲汁，個蒜蓉味再出啲會更加好。🍹士多啤梨藍莓奶昔 +$24呢度嘅Smoothie係招牌飲品，所以都加錢追加咗杯。揀咗士多啤梨味🍓，成個感覺Refreshing啲冇咁滯。飲到尾其實都唔會好甜，仲係質感綿密但又好易飲嘅口感，係幾好飲😋！🍹Iced Lemon Tea呢度上菜速度好快，不過張二人枱好細張🥶，上完餐湯上意粉，發現唔係好夠位再擺其他嘢，會有啲趕進度咁食🥺。不過整體呢度感覺都良好嘅，坐室內好暖，環境都舒服👌🏻。
繼續閱讀
之前成日都想黎試呢間西餐廳㗎啦，因為佢都幾出名，除咗嘢食好食之外，佢而家仲有好多聖誕裝飾添 🌲 好有節日氣氛🤩 又有聖誕樹又有聖誕花🌹 佢仲有分咗室內同室外嘅座位，我就揀咗室外坐啦，最近天氣涼涼哋喺戶外食嘅好舒服同埋氣氛比較輕鬆啲😌法式香草牛油焗田螺配蒜蓉法包 𝐸𝑠𝑐𝑎𝑟𝑔𝑜𝑡 𝑏𝑜𝑢𝑟𝑔𝑢𝑖𝑔𝑛𝑜𝑛𝑛𝑒 𝑚𝑎𝑠ℎ𝑒𝑑 𝑝𝑜𝑡𝑎𝑡𝑜, 𝑔𝑎𝑟𝑙𝑖𝑐 𝑏𝑟𝑒𝑎𝑑 🥖Starter方面佢已經有好多好吸引嘅選擇，全部都好想試😍 最尾揀咗呢個法式焗田螺😋 賣相已經好吸引😌 好鍾意佢嘅焗薯蓉，好香滑香口，忍唔住食飯食吓就食晒啦😍 田螺已經幫你除咗殼啦，方便你食👍 佢嘅法包都整得好出色👏牛油香煎刺身帶子配蟹膏意大利飯 𝑆𝑒𝑎𝑟𝑒𝑑 𝑠𝑐𝑎𝑙𝑙𝑜𝑝 𝑐𝑟𝑎𝑏 𝑝𝑎𝑡𝑒 𝑟𝑖𝑠𝑜𝑡𝑡𝑜 𝑤𝑖𝑡ℎ 𝐻𝑜𝑘𝑘𝑎𝑖𝑑𝑜 𝑠𝑐𝑎𝑙𝑙𝑜𝑝, 𝑝𝑎𝑟𝑚𝑒𝑠𝑎𝑛 𝑐ℎ𝑒𝑒𝑠𝑒 🍥主食方面揀咗意大利飯，呢個比較特色，用咗牛油嚟煎香刺身帶子，帶出帶子嘅香味，蟹膏味唔會太濃，不過令到意大利飯個質感比較creamy啲，值得推介 🙌西班牙黑毛豬鞍架配牛肝菌忌廉汁 𝐺𝑟𝑖𝑙𝑙𝑒𝑑 𝑆𝑝𝑎𝑛𝑖𝑠ℎ 𝐼𝑏𝑒𝑟𝑖𝑐𝑜 𝑝𝑜𝑟𝑘 𝑟𝑎𝑐𝑘 𝑤𝑖𝑡ℎ 𝑝𝑜𝑟𝑐𝑖𝑛𝑖 𝑐𝑟𝑒𝑎𝑚 𝑠𝑎𝑢𝑐𝑒 🐷 另一個主食就揀咗西班牙黑毛豬鞍架😇 肉質非常之嫩，要推介係佢嘅牛肝菌忌廉汁，整得好出色，襯托着西班牙豬鞍一流😙梳打水 🍸飲品方面就試咗佢嘅梳打水，比較清甜少少😊抹茶 𝐿𝑎𝑡𝑡𝑒 🍵另外都試咗佢嘅熱抹茶latte，一樣咁好飲，唔會太甜😉
繼續閱讀
已經嚟過INN幾次，鐘意呢度宮廷式設計，周圍佈滿花花，環境舒適，好有浪漫氣氛加上食物水準高。呢個環境、食物質素嚟講，價錢亦合理Ensalada de pulpo bell pepper、olive、apple cider vinegar 燒西班牙八爪魚沙律 $138沙律菜非常新鮮 西班牙八爪魚 鮮味彈牙 配上特色配汁 好醒胃Seared scallop crab pate risotto with Hokkaido scallop、Parmesan cheese 牛油香煎刺身帶子配蟹膏意大利飯 $188大大粒刺身帶子好鮮甜 配上香濃的蟹膏 意大利飯夠Creamy 質地煙煙韌韌 +$38 Daily Soup& Set drink南瓜湯 一上枱，拉花賣相好靚，南瓜湯仲好濃縮添凍檸檬茶Crepes 玉桂蘋果杏仁片焦糖忌廉班㦸 $78+$10 vanilla ice cream呢款Crepes甜品非常推介，陣陣肉桂香 配上粒粒蘋果杏仁 班㦸本身煙煙韌韌 但內裡是脆口的 仲有鮮忌廉 正 +$10仲有奶滑的雲呢拿雪糕🍦整體來說，環境優美，食物水準高，值得推介
繼續閱讀
【超浪漫勁溫馨—典雅花園裝潢燭光晚餐🕯️💖】上次食完尖沙咀INN體驗法式宮廷裝潢燭光晚餐，今次試埋佢係觀塘嘅分店Inn I’m not nothing！觀塘店又係另一種感覺，但一樣咁典雅高貴！環境：1️⃣ 秘密花園店外有清幽的秘密花園🌷🌹🪻，好大座天使紫色花花裝飾品，旁邊一大張沙發位打卡，有假花擺設可以拿著打卡💐有道具咁就唔怕尷尬啦～( ´▽｀)💖2️⃣宮廷風設計店內同尖沙咀店差不多，都係以白色和金色為主調，吊著一盞盞金色古典水晶燈🪔，高貴之餘亦充滿浪漫紛圍，啱哂dating，夠哂浪漫。💖Btw當晚撞正有三枱客慶生，店員會幫手送上蛋糕，同埋播放happy birthday song，相當驚喜，推薦生日去慶祝🍾🌟.食物🥘：1️⃣法式紅酒燉牛面頰肉意大利飯$168菜式以牛面頰肉為主要食材，經過法式紅酒的燉煮慢慢烹調而成。牛面頰肉非常嫩軟，搭配意大利飯，米飯顆粒飽滿，口感綿軟，令整道菜嘅口味濃郁，肉質鮮嫩，紅酒的香氣融合在肉汁和c米飯中，帶來豐富的層次感😝💖。2️⃣ 蜜糖芥末籽爙澳洲豬鞍桇配烤菠蘿 $248 菜式以澳洲豬鞍肉為主要食材，肉質嫩滑多汁，搭配蜜糖芥末籽，調味醬汁帶有微辣和甜味，給豬鞍肉增添了豐富的風味。而烤菠蘿亦正好平衡豬肉的油膩感，帶來新鮮的口感。Main course 加$38可升級套餐。$38 連餐湯及飲品。是日餐湯-磨菇湯，賣相勁靚，連湯都有拉花兼放上花瓣，好有心思，湯亦有香濃磨菇味💖香蕉朱古力奶昔$24有好邪惡嘅creammmmm！香蕉加朱古力亦好夾，好香香蕉味🍌～檸檬茶（凍）.📍：INN - I’m Not Nothing (裕民坊YM²)地址: 觀塘協和街33號裕民坊YM² 2樓205號舖電話: 29888289.......#觀塘#宮廷風#法國宮廷風#法式宮廷風#kwuntong#觀塘打卡#打卡美食#打卡#優雅風#燭光晚餐
繼續閱讀