HOLA

營業中

休息中

香港比較少pet friendly 餐廳，呢間餐廳寵物可以坐室內，座位都算寬闊，假期可以帶埋寵物黎呢度chill 👍🏻 任何一款主菜加 $38仲有湯，麵包同飲品Sunny burger 太陽雞堡 ($98)Burger 份量好大😳 雞排炸得幾脆，但肉質鮮嫩👍🏻挪威煙三文魚野菌意大利飯 ($98)煙三文魚只有1塊，意大利飯調味可以再重啲會更好

同老公間唔中都會揸車去錦田天空之城食野，因為近我地做義工嘅地點，又有得泊車今次入去HOLA試下，餐廳內裡空間唔算好大，不過裝修幾精緻，睇得出有花心機去設計我地二人都叫咗兩份All Day Breakfast，大大份，好好味All Day Breakfast - Vegetarian  $88有牛乳炒蛋、白磨菇、英式茄汁焗豆、香煎蕃茄、牛油焗粟米、波特菇、沙律菜、香酥小牛角包All Day Breakfast - Deluxe $128有挪威煙三文魚、德國煙燻香腸、牛乳炒蛋、雙份楓糖煙肉、波特菇、英式茄汁焗豆、香煎萫茄、牛油焗栗米、沙律菜、香酥小牛角包飲品冰薄荷朱古力奶 $38Mocha咖啡 $38

今日入到元朗錦田，睇吓有咩餐廳可以好舒服咁坐下，嘆下星期六😜想食西餐，見到呢間西式感覺嘅餐廳就黎試下😎餐廳裝修係歐洲feel，座位都可以，不過夏天好多蚊，咬到一腳都係🙈食物質素幾好，不過週末係無set，要散叫，價錢還好啦，around $100一份set。整體感覺都舒服、悠閑，而且可以帶寵物嚟，好chill 㗎🥰

又係每日晨早最重要第一餐唔想又食餐旦面，五香肉丁面今日決定食個豐富早餐對自己好啲♥️經典全天早餐+飲品HOLA Classic All-day breakfast💁🏻‍♀️溫馨提示 : 侍應係姐姐要用英文落單黎到嘩左聲真係好大碟🫣🍳 炒蛋香滑，炒得幾嫩唔過火🌽 粟米係有煮過的甜甜地🥓 兩片煙肉香口唔太咸反而有少少甜🥐 鬆軟牛角包細細個早餐食啱啱好🍹凍檸茶夠大杯，小提示：唔洗刻意叫少甜，因為糖漿另上飲幾甜自己落🧡 ——————💁🏻‍♀️ 總結早市時間人唔太多，可以僈慢享受下🥢 食物/性價比食物選擇多份量大價錢正常，而且餐廳亦設有素食選擇👍🏻🔔 服務員工們有禮又殷勤，見客人帶埋寵物一齊都好歡迎❤️注：HOLA係一間動物友善餐廳🌿 環境小店環境唔算大但幾舒服，牆上不規則掛滿多幅大大小小相框作裝飾，有種歐式cafe感

話說Emi成日都好唔捨得留底個小毛孩喺屋企，所以都會搵D寵物友善餐廳帶埋佢去，今次就去左錦田天空之城嘅一間西餐廳食野，呢間餐廳有室外室內，外面有位置泊車，店員都係外籍人士而且十分歡迎狗狗，野食都相當唔錯呢🥰 .挪威班尼迪蛋 $98 意大利包配沙律菜、水波蛋及煙三文魚，水波蛋煮嘅時間啱啱好，一切開就流心，超正呀🤤 德國腸拼盤 $168Meaty meaty 🤪🤪 四款唔同嘅德國腸都好好味，其中Emi最鍾意就係香草豬肉腸，啲herbs嘅味道好濃，食完真係好有罪惡感🤭🤭 柏林德國豬手 $238 呢個豬手係慢煮左8小時，外層有楓糖漿，超級入味，無論係外層豬皮定係入面嘅肉都做到入口即化嘅效果，旁邊仲配左酸瓜，為啖啖肉嘅口感帶黎一點點小清新，非常推薦俾各位朋友🍖.HOLA 地址 ｜元朗錦田天空之城16座地舖

第二次嚟 Hola 食，依家開得一邊，雖然地方唔大，但環境依舊係好寫意，室外可以帶寵物一齊嚟，仲可以坐遙遠椅，時間唔趕可以慢慢坐慢慢傾計。室內有輕音樂播放，唔嘈，好舒服。今次星期六夜晚嚟，七點左右室內無人坐，同上次一樣，夠位放 BB 車。今次嚟 Hola 係食晚餐，兩大人揀咗德國豬手 Set (Pork Knuckle Combo Set) 同海陸空拼盤 (Sky, Ocean and Earth Platter)。豬手 Set 只係加 $20 就會包埋麵包同湯，同埋用套餐價叫飲品，仲可以加錢要沙律或者主食等等。豬手好滑好腍唔咸，份量好足夠，如果兩人食，加多個飯應該都好足夠。不過今次我哋想食其他嘢，所以揀咗海陸空拼盤。拼盤入面有鷄翼，鴨胸，腸，菇，煙三文魚，燒蝦，係有一隻鷄翼表面較為乾少少之外，其他都唔錯，蝦都新鮮的。嘢飲叫咗生啤 (只有嘉士伯) 同埋奇異果加青瓜梳打 (Kiwi and Cucumber Soda)，奇異果同青瓜都好清新，食完豬手再飲都幾解膩，飲完可以繼續食食食。天空之城星期六日係要收泊車錢，但最後埋單時如果有泊車飛，餐廳係會有返 Discount 比，最後只係比幾蚊

原本諗住帶狗狗🐶到隔離Hola食好西，見到呢間乾淨又企理，狗狗又可以入來的歺廳。原來喺食素的，款式選擇很多，要了一客全日早餐，一客泡菜蕎麥麵，食物水準很高，咖啡拉花很靚，也很有水準，環境也很舒適，狗狗坐在半戶外的地方，也有打卡位。高埔村一向的餐廳，給人感覺是茶餐廳多，這裏令人喜出望外，之後有多一個狗狗蒲點了。

元朗錦田高埔村《天空之城》有間特色餐廳《HOLA》主打英國菜！遠離鬧市，見到靚靚餐廳即時眼前一亮！餐廳裝飾令人置身歐洲小屋，座位舒適，食物質素高，性價比冇得輸！我哋一行七個人，慢慢坐左成個半鐘，感覺好relax，好舒服！最吸引係特色梳打！冰涼解渴有好多種口味，賣相又靚，＄48超抵飲！-德國腸拼盤-大蘑菇菠菜汁意大利飯-煙鴨胸香蒜炒意大利粉-三女神漢堡-香脆炸薯條-梳打特飲(多種口味）-抹茶latte

第一次過嚟食英倫菜我哋2 人點了：- 煙鴨胸香蒜意大利粉德國腸拼盤香橙熱情果梳打特飲藍莓菠蘿梳打特飲冇諗過煙鴨胸 甜甜地又軟身感覺像叉燒，炒得香口，意粉爽口彈牙，中西融為一體，好好食😋😋😋德國腸拼盤： 份量也好夠，配芥末醬、酸瓜，一樣冇失水準，正中好好味😋😋😋兩杯梳打特飲，消暑解渴，配搭合宜，好飲！！外觀我都好鍾意😍

入開元朗聽朋友講不錯的一間coffee，就去試下！試左all day breakfast,同埋蔬菜汁雞肉野菌扁意粉，all day 不過不失，正常發揮🤓不過個蔬菜汁雞肉意粉就超級一般🥲可能我自己本身係鍾意食重口味嘅嘢，但佢個意粉就冇乜味道，個人就覺得不太適合🥸🥸

星期日去食，去到點餐待應都奇奇怪怪，六個人份，筆都唔攞就咁諗住記低晒我地食乜，叫咗兩碟又記唔住，要拎返部iPad。落完單之後大半個鐘有第一碟意粉，到第一碟食完之後第二碟all day breakfast先黎，又過一兩個字第三四碟先到。到第三四點差唔多食完，野飲都未到，話未到就唔要，終於點餐後成個幾鐘先至上第一杯野飲，飲完諗住快啲走。叫埋單，5分鐘都出唔到張單，火都黎，行埋去counter叫佢幫我收錢，門口又窄，待應想拎食物出門口，唔該都冇聲推我背脊，係咪痴線架。人手唔夠唔好開咁多台，食法國菜咩，食左兩個鐘，同埋比返小小禮貌，乜服務都無學人收加一。食評:食物一般無特別無驚喜，對我黎講有啲咸，份量夠飽，一個普通意粉加野飲加一要百二百三蚊，一般價錢但唔會再黎，除非你唔肚餓可以慢慢等+想慢慢坐

-◾️#Hola至尊全日早餐 HKD$128第一眼被嚇到了🤣滿滿的都是茄汁焗豆,粟米,炒蛋其他的還有沙律🥗煙肉🥓煙三文魚牛角包🥐大啡菇🍄蕃茄🍅德國腸份量很大食材又新鮮豐富又令人滿足的早餐😋◾️#Hola厚多士 HKD$89這款厚多士是這裏的招牌之一果然有驚喜😳鋪上滿滿的肉醬和芝士醬經過烤焗後放上新鮮蛋黃超級豐富的層次感😻而且調味剛好不咸不淡的讓人停不了口🙊◾️#白咖啡+$8◾️#朱古力咖啡+$12白咖啡奶香重很順口！朱古力咖啡偏甜環境寬敞坐得很舒適有半户外的座位可以帶著寵物一同去🐶🐱適合假日去吃早餐😙(各項滿分為5分)餐飲分數: 🌕🌕🌕🌕🌑環境分數: 🌕🌕🌕🌗🌑服務分數: 🌕🌕🌕🌗🌑價錢分數: 🌕🌕🌕🌑🌑回頭分數: 🌕🌕🌕🌑🌑-#HOLA (元朗)📍元朗錦田天空之城16座地舖📞 5332 2667🕐 09:00-21:00

🥳早前好友特登入黎錦田探我，我緊係要帶佢地去間又大坐得又舒服而食物質素又高嘅餐廳chill下啦！喺我屋企附近都有一系列高質餐廳，今次就同佢地去Hola啦！ 👍位於錦田天空之城的餐廳，是一間 pet friendly cafe，以英輪風裝修，好似置身英國咁呀！我地揀左坐室外，坐位闊落，空氣流通又chill 🤩 食物方面：🍝菠菜汁雞肉野菌扁意粉 $98 HKD麵質好煙韌，唔太軟，菠菜汁好濃好入味！ 🍔太陽雞堡 $98 HKD 太陽雞堡有厚薯條伴碟，大大塊鬆脆雞，配上太陽蛋，好好味啊！ ​🥗炸魚薯條 $88 HKD同樣好大塊嘅炸魚炸得好金黃，外層脆卜卜，肉質軟滑，配上千島醬食更惹味！ 🍹仲有兩杯梳打特飲，顏色好吸引！ ☀️HOLA@hola.hk📍香港元朗錦田天空之城16座地下#元朗美食 #錦田美食 #香港西餐 #西餐 #美食推薦 #香港美食#炸魚薯條 #fishandchips #burgerporn #hkfood #hkfoodblogger #hkfoodie #foodieblogger #foodlover #foodporn #sohappy◽️ #soyummy

事隔冇耐，又帶狗狗再嚟Hola搵食，不過，今次真係失望。首先，一入餐廳，發現原本寬敞的戶外區竟然放咗好多檯櫈，檯櫈數量差唔多係之前的一倍有多，通道變窄。大家養狗都知，寵物之間都需要有社交距離架，有啲狗狗好容易緊張，見到同類會吠，甚至襲擊。Hola話曬係元朗區寵物友善餐廳之一，而家搞到環境咁擠擁，對寵物真係唔理想。於是，我向店員提出想好似上次咁坐餐廳入面，但對方一口拒絕話唔得..... 我唔明，點解上次得，今次就唔得呢？最後，就只能坐外面啦。今次點咗Big Breakfast、菠菜大啡菇意大利飯同埋凍朱古力。Big Breakfast一如以往，份量大，食物種類多，食完十分滿足。因為早餐多蔬菜，所以人狗都可以分嚐。菠菜大啡菇意大利飯應該係餐廳的招牌菜之一，我見餐廳都掛啲佢既食物推介照片，於是就點嚟試試。不過期望越大，失望越大。意大利飯的顏色係幾靚，青綠色，睇落好開胃。但係隻大啡菇較細粒，呢個飯主要就係得隻菇點綴，所以而家睇落冇乜睇頭。不過，食幾啖後，我發覺最大問題都唔係隻菇，而係啲飯。意大利飯應該有少少米芯，而我碟飯直頭有少少「爛」，雖然軟棉棉的飯可能比較適合一般香港人的胃口，但就真係失色

這間位於元朗天空之城的餐廳，是一間 pet friendly cafe，晚上在這裡進餐不久，已有兩三隻狗狗光臨，氣氛非常熱鬧🐶 來到這餐廳，通常會點全日早餐，這次就點了英式全天早餐 (Kings Fry-up) 和太陽雞堡 (Sunny Burger)，全天早餐份量依然夠大，味道不錯🍳 而太陽雞堡有厚薯條伴碟，雞扒大塊很入味，還配上煎太陽蛋，材料很豐富喔🍔 至於我吃的是香煎雞肉沙律配牛油果、煎蛋和法式麵包 (Fried Chicken Salad with Avocado, Egg and Bread)，牛油果和其他配料都好味，但煎雞肉是切成碎粒的，亦煎得較為乾身，吃起來感覺普通，相比全天早餐和漢堡就略為遜色🥗 另外還點了兩杯梳打特飲，是藍莓菠蘿和香橙熱情果梳打，飲品外型和顏色都漂亮，喝著這梳打特飲，心情也愉悅起來🍹