影片
更多
2022-02-03
704 瀏覽
事隔冇耐，又帶狗狗再嚟Hola搵食，不過，今次真係失望。首先，一入餐廳，發現原本寬敞的戶外區竟然放咗好多檯櫈，檯櫈數量差唔多係之前的一倍有多，通道變窄。大家養狗都知，寵物之間都需要有社交距離架，有啲狗狗好容易緊張，見到同類會吠，甚至襲擊。Hola話曬係元朗區寵物友善餐廳之一，而家搞到環境咁擠擁，對寵物真係唔理想。於是，我向店員提出想好似上次咁坐餐廳入面，但對方一口拒絕話唔得..... 我唔明，點解上次得，今次就唔得呢？最後，就只能坐外面啦。今次點咗Big Breakfast、菠菜大啡菇意大利飯同埋凍朱古力。Big Breakfast一如以往，份量大，食物種類多，食完十分滿足。因為早餐多蔬菜，所以人狗都可以分嚐。菠菜大啡菇意大利飯應該係餐廳的招牌菜之一，我見餐廳都掛啲佢既食物推介照片，於是就點嚟試試。不過期望越大，失望越大。意大利飯的顏色係幾靚，青綠色，睇落好開胃。但係隻大啡菇較細粒，呢個飯主要就係得隻菇點綴，所以而家睇落冇乜睇頭。不過，食幾啖後，我發覺最大問題都唔係隻菇，而係啲飯。意大利飯應該有少少米芯，而我碟飯直頭有少少「爛」，雖然軟棉棉的飯可能比較適合一般香港人的胃口，但就真係失色
首先，一入餐廳，發現原本寬敞的戶外區竟然放咗好多檯櫈，檯櫈數量差唔多係之前的一倍有多，通道變窄。大家養狗都知，寵物之間都需要有社交距離架，有啲狗狗好容易緊張，見到同類會吠，甚至襲擊。Hola話曬係元朗區寵物友善餐廳之一，而家搞到環境咁擠擁，對寵物真係唔理想。於是，我向店員提出想好似上次咁坐餐廳入面，但對方一口拒絕話唔得..... 我唔明，點解上次得，今次就唔得呢？最後，就只能坐外面啦。
今次點咗Big Breakfast、菠菜大啡菇意大利飯同埋凍朱古力。
Big Breakfast一如以往，份量大，食物種類多，食完十分滿足。因為早餐多蔬菜，所以人狗都可以分嚐。
Big Breakfast
$1
17 瀏覽
0 讚好
0 留言
菠菜大啡菇意大利飯應該係餐廳的招牌菜之一，我見餐廳都掛啲佢既食物推介照片，於是就點嚟試試。不過期望越大，失望越大。意大利飯的顏色係幾靚，青綠色，睇落好開胃。但係隻大啡菇較細粒，呢個飯主要就係得隻菇點綴，所以而家睇落冇乜睇頭。不過，食幾啖後，我發覺最大問題都唔係隻菇，而係啲飯。意大利飯應該有少少米芯，而我碟飯直頭有少少「爛」，雖然軟棉棉的飯可能比較適合一般香港人的胃口，但就真係失色。而飯中的菠菜汁醬亦唔impressive，令人失望。
菠菜大啡菇意大利飯
$88
18 瀏覽
0 讚好
0 留言
呢度啲飲品無論賣相同味道都幾好，而凍朱古力亦有一般的水平。
凍朱古力
$38
36 瀏覽
0 讚好
0 留言
最後，我想提番啲檯櫈。由於店員唔准我哋坐餐廳裡面，所以我哋就同狗狗坐咗出面。冇幾耐，有食客帶住2隻比較壯碩的唐狗嚟食嘢，想坐喺我哋隔離張檯。其實2張檯的通道只有約一隻手臂的距離，亦俾我哋放咗狗狗的寵物手推車。兩隻狗見到我的狗狗已有少少攻擊性，又吠又想向前撲，要2個主人拉住，而我隻狗狗亦容易緊張，因為冇位走，於是狗狗就衝動跳車（跳出寵物車），成隻跌咗出嚟，擦損個嘴流血。當時有啲食客目擊，都戥我哋緊張。而本來想坐低的食客就唯有轉去另一張檯。我覺得今次係幾唔愉快的人狗用餐經驗，餐廳喺疫情下仲額外要放咁多檯櫈出嚟，就抗疫而言，已經係反其道而行，亦令狗狗之間失去私人空間~~咁樣真係寵物友善嗎？
張貼
