EXP

營業中

休息中

又一城溜冰場隔離嘅EXP係高質又親民嘅輕食西餐廳🍴由我哋讀大學個陣已經幫襯😛最啱行完街或者等小朋友溜冰放電時，大人細路都可以嘆個輕食☺️ 今次再黎成個環境唔同晒，餐牌多咗好多特飲同甜品嘅選擇，尤其係甜品，款式超多，款款都好啱打卡🥹 出面飲品櫃檯以前賣果汁嘅，而家竟然仲有軟雪糕賣，啱晒想邊行邊食既你哋啦🫰🏻😋😋🔸橘香燒烤醬炸雞翼醬汁有啲似水牛城雞翼不過甜啲同唔辣，香濃醬汁包裏住炸雞翼，勁香口又惹味！🔸燒帶子墨魚忌廉汁意粉燒帶子有成三粒，份量都幾大下，燒到啱啱好唔會過熟。墨汁忌廉意粉調味香濃，意粉爽口，咸香得黎又唔會太膩👌🏻🔸椰子班蘭奶昔💚有驚喜😍椰子味勁香🥥仲咬到細細粒嘅椰子肉，相比之下班蘭味較淡，係小小嘅點綴。🔸紅豆奶蓋梳乎厘班戟🫘🫘梳乎厘唔算太甜，有蛋香麵粉香，配上綿蜜紅豆同微甜奶蓋平衡返啱啱好，加上賣相夠靚影相一流，價錢合理。📍 #EXP @maximshongkong 九龍塘達之路80號又一城UG樓UG-23號舖#savouringourtime #EXP #EXP美食體驗

又一城都有唔少餐廳，這間位於⛸️溜冰場旁的日式西餐廳開業多年依然屹立不倒，環境舒適，而且食物質素唔錯，價錢合理👍🏻部份座位仲可以望到溜冰場，最適合來個休閒下午，可以一邊品嘗特色甜點和飲品，一邊欣賞溜冰表演✨.🥥椰子斑斕奶昔 $56充滿東南亞風情的奶昔，富椰香之外，斑斕味濃郁。.🍋香水檸檬泰式綠茶 $48用上泰國手標綠茶，檸檬清香和綠茶甘香互相碰撞，帶著獨特的美味，仲咬到粒粒香水檸檬肉，飲得又食得。.🥞紅豆奶蓋梳乎釐班戟 $118想不到甜品有驚喜，疏乎釐班戟口感鬆軟富空氣感，甜度適中富蛋香，加上紅豆奶蓋，香甜滋味。.🍝燒帶子墨魚忌廉汁意粉 $148意粉口感彈牙，每條都沾滿墨魚忌廉汁，帶子厚身鮮嫩。.🥔芝士焗薯塊配煙肉牛油果醬 $78焗薯塊份量不少，而且好香脆，配上芝士、煙肉、牛油果醬，味道不錯。.🍦日本3.5牛乳軟雪糕脆筒 $35食完飯仲心思思想食個雪糕，餐廳門口的小賣部，有多款飲品、蛋糕、雪糕選擇。雪糕用上日本3.5牛乳製成，口感軟滑，奶香濃郁，值得一試。

最近在九龍塘又一城的一間新開輕食西餐廳Exp度過了一頓美味的晚餐😋這家餐廳的人均價位約為150元 非常親民🫶🏻✨我推薦大家嘗試他們的招牌菜——封門牛柳紅酒燒汁蛋包香茹飯🥩🍳這道菜的牛柳燒得香氣撲鼻，肉質輕熟多汁，非常美味。蛋包上淋上紅酒燒汁，配以香茹飯，營造出絕妙的口感和風味。每一口都令人愉悅🥰🥰除了封門牛柳紅酒燒汁蛋包香茹飯，我也嚐試了他們的照燒汁牛扒湯稻庭烏冬。這道菜的水準較為正常，沒有太多特色，但味道仍然不錯👌🏻這家九龍塘又一城的新開輕食西餐廳給人一種親切和舒適的感覺，價格也相當合理。如果你想要品嚐美味的輕食西餐，這絕對是一個值得嘗試的地方🤙🏻

前陣子見佢裝修，開返之後，第一次入去試下😉，個menu都改咗好多， 我哋四個人(三個大人一個小朋友)， 用qr code落單， 嗌咗 五樣餸菜加一杯嘢飲， 埋單連加一$647蚊， 又一城嚟講性價比算做不錯😅 。我哋嗌咗all day breakfast🍳 ，仲有個泡菜石頭鍋飯， 春卷， 煙肉pizza， 同埋肉醬意粉& 開心果熱豆奶。 除咗個開心果豆奶 同埋 個pizza之外，我覺得其他嘢真係好一般🤐， 又設有時限，食得比較急啲， 下次都未必會再嚟😒。

每逢星期二就係囡囡學溜冰既時間, 我同爸爸通常都會快快趣同囡囡食完就俾佢上堂.(小朋友食野又幾心散同慢吞吞, 做媽的都會懂).係冰場邊既EXP. 囡囡已經講過好多次想食 (一路食野一路可以望住人溜冰, 係幾吸引既). 今日就食呢間啦.一入到去就問可唔可以要睇到冰場既位.可能因為只係6點幾, 所以仲有位. 囡囡一坐低就係咁睇人溜冰 (其實都有可能係睇電視).侍應生過黎問我地有冇裝呢個app. 買$500 送給50, 仲有一張pizza半價既卷. 咁岩我地真係會叫pizza.所以爸爸就買佐啦.我地叫佐3樣野, 燒帶子墨魚忌廉汁意粉. 松露雜菌薄餅同馬來西亞喇沙油麵. ( 喇沙爸爸一黎就即食...完全唔俾機會我影返張相).  薄餅拉曬絲咁. 真係好正. 

溜冰場旁邊嘅餐廳，可以一路望住人哋溜冰一路食嘢，如果家長帶小朋友上溜冰堂自己就可以喺餐廳食住嘢望住佢上堂😄肉醬千層麵配田園沙律🍝🥗千層麵係我最中意食既意大利麵之一🤩原本見佢好似細細兜仲諗緊夠唔夠，估唔到配埋個沙律🥗麵幾夠飽😋千層麵上面舖滿芝士入焗爐焗一焗充滿芝士香氣🤤，肉醬份量充足又唔會成兜太水👍🏻雜菜咖喱蒟蒻烏冬🥬🥘朋友叫左蒟蒻烏冬，食落彈牙同咖哩十分配合😋咖哩唔會太辣。好適合香港人口味，素食人士之選👍🏻餐廳資料：EXP (九龍塘)九龍塘達之路80號又一城UG樓UG-23號舖

EXP位於又一城溜冰場旁邊可以一邊品嘗食物一邊睇人溜冰店內環境寛敞闊落，設有開放式廚房可以欣賞店員即場製作薄餅同甜品翻身裝修重開後更加添了好多特式飲品和甜品款式 😋門外仲設有外賣飲品櫃檯，售賣多款果汁、特式飲品和奶昔，更有軟雪糕和新地添😉✾ 櫻花蝦薄餅 $148餅底香口鬆軟富麵粉香，批邊香脆表面灑上滿滿酥脆的櫻花蝦入口鹹香，濃濃櫻花蝦香味而沙律醬微微甜味同大蔥絲令薄餅口感更柔和✾ 燒帶子墨魚忌廉汁意粉 $148帶子燒得剛剛好，入口鮮嫩多汁仲有小山丘般的橙黃蟹籽意粉係自家製富濃濃小麥香味且有咬口每條意粉都沾滿鮮味濃滑墨魚忌廉汁食完大家個咀都烏卒卒😆✾ 芝士雜莓茉莉 $56酸甜雜莓配搭清香茉莉花茶芝士奶蓋綿密濃厚，鹹香中帶點奶香且有雜莓果肉令口感更豐富✾ 椰子斑蘭奶昔 $56奶昔即點即製，粉綠奶昔杯邊加以粉紅莓醬顏色奪目，相當吸引💚入口濃醇幼滑，濃濃椰子香味中夾雜斑蘭幽香

又一城lunch間間都排隊，今次簡左間稍為冇咁多人排嘅試下，望落set lunch價錢都係百頭左右，環境唔錯，台同台之間有返啲距離，就入去試下。我簡左個「韓式炸雞溫泉蛋石鍋飯」，上台真係噴晒煙熱辣辣，炸雞醬係經典甜辣醬，味道不錯，質地都唔會過軟過硬，但個飯就唔多入味，本身重口味嘅我連另上嘅甜辣醬都撈埋落去都係覺得有啲唔夠惹味。同行朋友叫左泰式蟹肉pizza,一食落去滿滿冬陰功味，非常有泰式風味，幾特別～我見menu有pasta,咖哩飯等茶式，即係呢間野行大雜燴路線，下次再去上下其他～

上星期突然好想食fusion菜 所以我地就揀左好就腳而且好多獨特得黎又創新菜式既EXP😍真係好適合一家人相聚 餐廳地方都好夠寬敞 而且食飽仲可以係商場行下 真係好方便😙🧀芝士焗薯塊配煙肉牛油果醬焗薯皮食落脆卜卜 再加埋加香濃芝士同埋煙肉🥓 口感非常豐富😍 呢個簡直係Noah最愛😂 配埋牛油果醬 口感好清新 健康到我地都俾Noah dip dip 😋 🍢馬來西亞沙爹雞肉串雞肉串既肉質嫩滑得黎仲好多汁 加埋正宗既馬來西亞香料 再配埋沙爹醬 令口感層次更加昇華 呢個串燒絕對係沙爹愛好者必試既前菜🍕韓國雞肉薄餅薄餅融合左韓國風味既經典之作🇰🇷 韓式風味完美地融合係酥脆既薄餅上面😋 口感好軟熟而且食落小辣配埋雞肉同芝士真係超惹味😍完全係刷新左味蕾享受 🦪日式黑咖喱脆炸廣島蠔蛋包香菇飯呢種黑咖喱平時係出面好小見😳 我地都係第一次食！將咖喱多款香料炒香變深色 味道甘甜得黎唔會辣😋 為炸廣島蠔蛋包香菇飯增添左深度💕 廣島蠔既蠔身好飽滿 炸到金黃香脆 真係好難抗拒 再配埋香菇的日本米飯 簡直係完美既結合😍 帶黎難忘既鮮味體驗🍨竹炭窩夫雪糕三文治🧇呢個甜品一直都見好多人點😍 除外外型靚 岩哂打卡 仲要淨係

今朝帶姨甥仔返學，因為之後轉頭11點要去參加學校活動，所以我今日就去左又一城，諗住食住等🥰其實又一城可以食早餐嘅餐廳選擇唔係太多，所以我就㨂左Exp，貪佢坐得舒服，價錢又適中，咁就可以慢慢坐，慢慢等到11點。今日嘅早餐：雞蛋牛肉蕃茄湯麵 加 Cafe Latte, 總共$68，麵嘅味道確實唔錯，除咗食得飽，無論牛肉定蕃茄湯，調味確實做得好好，蕃茄湯係屬於杰身，所以更容易沾上麵條，非常入味。仲有杯咖啡，係有質素㗎，完全對得住個價錢👍🏻

下午茶叫了卡邦尼意粉，來的意粉味道有很濃的芝士味，應該不錯，可惜很硬，未煮熟，所以我退了，過了7/8分鐘煮熟了，質地可以，可惜少了芝士味和带酸味，而且多了很多蒜片，有點辛辣，因為煮得未夠熟。其實卡邦尼意粉會加蒜片嗎？這個意粉只有两種材料，就是蒜片和煙肉。No onion, No mushrooms, 還算是卡邦尼意粉？定是onions and mushrooms are too expensive ？

小朋友要去看溜冰，所以經常到呢間餐廳度食午餐。聖誕節之後，佢哋裝修好，第一次再去。餐廳裝修完之後，餐枱多咗，同埋餐枱嘅方向改變咗，對於向住溜冰場進食嘅顧客，冇咁尷尬。人流多咗，所以有啲時候都需要排隊先至可以入到去。餐牌上面嘅選擇同裝修前有95%係一模一樣嘅，只係得一兩個菜式係唔同咗，選擇同之前差不多。我就選擇咗之前餐牌冇嘅，北海道咖喱湯雞髀烏冬。唔係每個餐廳有咖喱湯烏冬，所以想叫嚟試吓。講真，賣相一般，餸菜擺得有啲混亂，不過味道幾好，係略嫌咖喱偏辣。埋單嘅時候有同職員分享食後感，話個咖喱好似偏辣，反而佢同返我講，話個咖喱係北海道咖喱，所以係偏辣。只怪自己點餐嘅時候冇睇清楚，完全冇理過北海道三隻字，一心以為咖喱湯烏冬味道。

又一城溜冰場附近有好多高質素餐廳，價錢又合理，適合同朋友飯聚。EXP 同埋 Simplylife 都係我既飯堂，今次想食pizza，所以揀咗EXP，可以一邊睇人溜冰，一邊食好野。- 封門牛柳紅酒汁蛋包飯 (Hanger Steak Omurice with Red Wine Gravy)即叫即整，所以蛋包飯仲可以保持半熟，外形好靚。牛柳煎得啱啱好，表面有少少焦，咖哩汁係日式，甜甜地又唔辣，同蛋包飯好夾。- 迷你煙三文魚紅葱薄餅 (Mini Smoked Salmon Red Onion Pizza)驚食唔曬，所以叫咗迷你Pizza；賣相同正常 Size 真係差好遠，下次一定要叫番正常 Size。味道都係一樣咁好食，紅蔥有煮過，同煙三文魚，芝士味道好夾，餅底焗得外脆內軟。- POP (Pineapple, Orange, Passion Fruit)新鮮果汁係推薦飲品，一定要試。POP 係菠蘿，橙，百香果，三種水果混合，冇加其他野。雖然簡單，不過真係好Fresh，好好飲。

九龍塘又一城入面的輕食店在旁更有溜冰場⛸️非常適合有小孩的家庭可以一邊食一邊睇表演😍 《排隊時，記住同侍應要求坐溜冰場旁的位置》大部份食物都要等候20-30分鐘去製作最快的是肉醬意粉，不用等所以嗌咗個蕃茄肉醬意粉俾小朋友食大人就推介嘆燒烤牛肉烏冬性價比非常高👍🏽👍🏽👍🏽 厚切牛肉 肉質鮮嫩食落陣陣炭燒香味 香味非常濃郁冷氣尚可，最欣賞嘅地方係可以喺溜冰場旁欣賞其他小朋友嘅表現。相得益彰😀😀😀

見到勁多人喺門口唔知做咩，同時聞到好勁嘅五青汁味，過去睇吓有咩好野🤣睇到個果汁飲品menu😍好多款都係$37，即打果汁又幾抵喎🤪連平時出面嘅五青汁都係😌所以我就叫咗一杯Deep Green🍀裏面有羽衣甘藍、青蘋果、青瓜、西芹、生薑、檸檬🍏🫚🥒🍋好新鮮，隻杯仲要好靚💚回頭率：👅👅👅👅性價比：👅👅👅👅打卡值：👅👅👅👅