Chiller

營業中

休息中

今日嗰陣大肚餓，就諗住行入去土瓜灣嗰間我長期光顧嘅店，每次去我都會叫成串嘅蒜心。咩叫「脆身」？啱啦，就係游水之後爽口到爆，而且個香蒜味，真係令人一再回味。緊係要拎碟沙律丸嚟湊對啦，唔知點解啲沙律爆漿嘅感覺就係咁令我痛快！想像下啖啖嘅酸甜爆發，啱哂解膩。千祈唔好錯過佢地嘅五花肉，咬落去個「滑溜溜」嘅口感，仲有醬汁嘅「醇厚」好味道，噢嘩，真係得意過癮！虎蝦又點少得，蝦膏呀，嗰個鮮呀，簡直就係海鮮嘅王者風範！另外，燒茄子同燒娃娃菜，一樣都令我拍手叫好，蒜香、青脆，無人能擋！岩燒雞全翼就真係畀個「香脆」兩字形容啦，雞翼外脆內嫩，想叫第二份都未算過分。最後甜品炸饅頭配煉奶，啲饅頭香得嚟，煉奶甜得嚟，真係食到「甜蜜蜜」。總之呢間店，食物水準一流，口感層次豐富，而且溫馨得嚟，就算身處市中心都有種鄉下嘅溫暖。絕對係我「打卡」嘅秘密基地！👅💥🎉

【九龍城區】【Chiller】大家有睇過我之前嘅酒店 post 都知我有一晚意外地住咗土瓜灣嘅酒店，預備咗做好多嘢但係最後乜都做唔到，反而孑然一身咁去搵宵夜食。喺酒店對面有間串燒檔，一場嚟到就去會一會佢，估唔到話畀間冷氣房我坐咁好喎。食嘢喇，首先叫咗隻 $48 嘅「蒜蓉聖子王」，店家推介嘅咁我就留一隻啦。都幾新鮮嘅，一條過味道可以。之後 $32 嘅三片「脆皮三文魚腩」唔知點解冇咗張相，但我記得係三條好細嘅燒三文魚肉，唔係幾認同咁整會好食。跟住講 $15 嘅「雞腎」、$12 一串嘅「雞皮」、$24 嘅「牛脷」同 $58 嘅「法式羊架」，點解將呢四樣嘢集中嚟講因為佢哋加埋都舊零水，但係我覺得冇乜亮點，尤其係牛脷令我幾失望，個羊架都係非常普通，唔知食咗乜咁。咁成餐嚟講都有驚喜嘅，$30 嘅「雞皮雞肉卷」就係台灣嘅雞腿卷，永恒嘅愛，好食。另外 $12 嘅「流心芝士雞肉腸」都估唔到幾好食，全部嘢落 BB 辣係可接受範圍。嘢飲我飲 $12 嘅「無糖可樂」，加埋就 $243 埋單咁囉。。。（地址：土瓜灣馬頭角道50號迎豐地下18號舖）#1amfoodie #foodie #hkfoodie #tha

今日黎到呢間燒烤店試下，之前行過幾次以為係酒吧無食過，今次見到有其他客食先知係燒烤店。。。點知俾我撞岩有特式海鮮食已經夠驚喜，點知味道更喜出望外，北寄貝二食真係出色，高湯煮肉夠鮮味，裙邊另外串起燒又夠惹味。。。肉類又係另一驚喜，幾款每一款嘅醃製或調味方式都唔一樣，無千編一律嘅感覺，連雞中翼同雞全翼都唔同醃法，完全食得出誠意同心思羊架嘅火喉同生熟度岩岩好，正佢食物種類都幾多，除左一般常見嘅款式外，仲有川式冷牛脷(冷盤)，脆炸白蝦仔呢啲佐酒小食又講下環境先，有露天坐位，衛生環境唔算最好，但感覺反而好貼地，有些少大排檔feel，但見唔會坐得好迫或好嘈吵，氣氛其實唔錯，佢地另外都有房間，唔鐘意坐露天位，佢地都歡迎walk in客入坐，只要無人book都ok咁話老闆同員工都好吹得，食得好開心，又有生啤飲，以呢個服務同食物質素黎講價錢算唔貴，會多啲幫襯或介紹朋友

同男朋友係屋企附近搵野食，巧遇士瓜灣串燒舖，見價錢又唔係貴，仲有海鮮食，就走入去試下。意想不到,無論味道、質素，都竟然比周邊的串燒舖好，無諗過係土瓜灣區呢啲小區都搵到呢種高質素的舖頭。廚師話今日有新鮮海鮮，估唔到呢啲小店都會肯預備成本甘高既身材！既然係甘，都本住比下面試下既心態叫啦！望住個menu,心諗咩料呀，串燒舖竟然有北寄貝，仲要係兩食？不過因為太心急食，唔記得咗影埋另一個食法😖😖（佢食法食1. 浸北寄貝，同時會附上2.燒裙邊），簡直係1次過滿足2個願望！平時去到潮州舖食烏頭，我都覺得有陣泥味，但男朋友話試下，咪叫囉，點知廚師整既烏頭，我又食唔到泥味喎！另外，廚師極力推介off menu 既吊貝，佢話同平時食既扇貝唔同，佢厚肉好多，而且仲要係再鮮甜啲，以我甘中意食甲殼類海鮮，一定要食啦！(廚師話隻吊貝係仲活生生，佢仲拎出黎比我睇，個殼仲識自己開合）食物好食,老闆好客,會抽時間同客人傾談，了解食客既意見,聽聞佢地間唔中仲會做off menu 既野食，而且廚師都好好，話如果提前訂座，想食咩特別野食都可以問下佢，隨時有機會食物仲可以係為你而設添嫁，令我都忍唔住book 左枱order 海

一日係土瓜灣街頭嘅轉角位，見到呢間本地燒烤店，好好奇，所以就諗住搵日去試。今次星期日晚市時間去到，發現餐廳竟然只有一枱可以坐，又好好采咁岩俾我坐到。 老闆話生意差係咁，唯有做下外賣生意，外賣串燒又點夠新鮮好食呢，所以梗係要坐底慢慢試。海鮮、燒肉、蔬菜都試左，係度就淨係Highlight幾樣。「珍寶紐西蘭肉眼扒」好大塊，店員都會問你要幾成熟，我地嗌左5成熟。嚟到會切好俾你，食落好夠肉汁。「蒜蓉燒蠔」嘅蒜蓉似係自家製，好香濃，但稍嫌蓋過蠔本身嘅味。蔬菜類嘅串燒都好足料，串到滿一滿，孜然茄子更係大份夾抵食，必食之選。

😉土瓜灣雖然未有港鐵站卻隱藏好多性價比高嘅 #香港小店@hkchiller 以休閒為主題嘅餐廳希望帶出「Chill Out」嘅感覺。堂食係半outdoor型式一邊食住串燒、飲住啤酒🍺睇下波⚽吹下水，非常chill😎。老闆係本土香港人👍🏻貼地又貼心會聆聽食客意見不斷創作新菜式❤️［推介美食💞］燒紐西蘭肉眼扒四川雞全翼King size燒茄子燒鵝肝生啤🍺(😎有外賣專用袋)。😍而家外賣自取仲有8折#支持香港小店 #外賣自取。外賣真心都1樣好好食！😋💪🏻。我唔係住土瓜灣，搭車來回都有一段路程不過 #搭車方唔方便都要支持 😏😌如果怕串燒凍咗番去用焗爐/氣炸鍋reheat就無問題💓#香港人靠自己 #加油#黃店 #有心串燒店 #小店 #串燒

【#宅在家 🏠 安坐家中食串燒】防疫期間, 我都盡量避免外出用餐🍴, 想食好嘢都要搵一啲有外送服務嘅餐廳。正呀正呀! 串燒都有外送服務🚚 , 喺屋企食都仲好好味! 起初都會擔心啲串燒黎到既時候會變得乾身, 但今次既外送體驗有驚喜! 串燒直送到家仲係暖暖的, 而且唔乾身。食物調味得不錯, 燒得剛剛好, 食串燒可以配埋生啤🍻, 爽!!✦ 豬頸肉 - 很好吃, 有油香✦ 雞腎 - 爽口, 有口感✦ 紐西蘭肉眼扒 - 牛肉肉質軟嫩, 油脂分布平均, 仲會附上鹽同芥末以調味✦ 羊架 - 有肉汁, 幾juicy, 不會太油膩✦ 牛舌 - 牛舌串燒充滿孜然味, 好惹味, 肉質爽口彈牙

其實經過呢間店很多次，早2晚行過去想一試，點知啲員工在店內唯一張枱上排排坐傾計，店外無開枱，行過去都無人理，無所謂啦，咁咪唔食囉。今晚再行過，見到有一枱客，所以再行過去問有冇位，店員很快就幫我開多一張枱坐底，比點菜紙我下單，分別有(本人有些懶惰，沒有分開一串串咁影🤪😝😛😬😂😅😅)燒牛舌($18 /2粒)食左2串，其中一串過火韌晒，雞中亦($18/2隻)滑牛肉($18/3件)，翠肉瓜($12/2塊)，娃娃菜($12/3片)食串燒當然唔少得就係配啤酒啦藍妹生啤($68/ half pint)嘢食本身味度尚算ok, 都係果句~孜然粉太多，都唔係一件好事。另啤酒呢個必須品，$68half pint，本人覺得有點兒貴(黃埔區呢常呢個價錢係 1 pint)，點菜紙上無寫明size，所以黎到先知係細柸。🙄🙄🙄價錢方面，從點菜紙上睇到，的而且確唔係貴，但出到黎有份量就......顯貴啦(本人覺得)，不過，無問題，要試過先知。價錢呢家嘢，平定貴，見仁見智啦！🤑🤑🤑P.S. 服務方面樓面店員有禮，但燒串燒果位就間唔中聽到佢大聲講粗口，堅 無拘無束， 放蕩自我， 不被服務業嘅枷鎖 所牽制 🤪🤪🤣🤣

呢間位於土瓜灣的串燒店吾算大但仍吸引好多客人幫襯💛. 所有食物都即叫即燒🔥但吾知點解食落只係微熱既感覺😅本人覺得食物味道偏淡少左份串燒應有的惹味. 值得一提 舖頭2位員工要同時兼顧廚房及招待工作但對客人態度仍係非常好❤️👍👍👍👍👍

真係伏到忍唔住寫食評等候時間勁耐 45分鐘先食到第一串 個半鐘先食到娃娃菜坦白講食物唔算勁差 但同樣地唔係特別出色 , 海鮮扇貝同蠔都好細粒 完全唔值35蚊/25蚊一粒 牛扒好鞋 -環境, 室外位置只係係後巷開張枱 店內位置空間混亂-服務, 0服務, 因為忙到不可開交, 主要係每桌都需要等好耐, 大家都等到好無奈- 食物,唔值,食左個半鐘,最後都要去食多餐呢到比較適合食飽去飲野 再叫兩串串燒作小食, 不可能會再食既餐廳......

Book左630pm, 625pm去到，台都未開，不過店員都即時開番俾我。一坐低就話冇雞中翼/雞全翼，個心已經不滿，串燒鋪點可以冇雞翼ga，仲要岩岩開門。算，點雞脾肉，點知落單後又話冇，隔離台點湯丸又話冇. 問佢係未未準備好，一陣會有定點，冇反應，店員溝通唔到， 明顯地佢地都唔知自己做緊咩.點左5串加條茄子算，結果都搞到成730pm先黎齊，浪費時間.同埋食物份量以坐街邊黎講偏貴偏少，加上係橫巷，上面係無數冷氣機，其實都幾危險，上面有機會掟野落黎，唔會再幫襯.

諗住食餐生日飯，未試過去咁差既餐廳。去到企係門口完全無人理我地，要去問佢係咪要等位先開張枱俾我地坐，落左10樣野，佢同我講炸湯圓無，ok, 取消左，即叫即燒我都知等得耐，我張枱係未試過同時有2樣野食，食完一樣要等好耐先有第二樣，份量又少，上左7樣到，我等左一陣去問佢係咪已經上哂，佢話係，我話仲有炸燒賣同雞脾肉，佢話雞脾肉無，燒賣你係咪要一串，我話無你唔會講無既咩，態度差到！我成餐好似食風咁，完全唔飽！

2019年10月23日星期三，在OpenRice訂座了一位，以及九龍城區議會的土瓜灣出現了新舊交替😓，在唐樓群里出現了一些全新的樓宇。這里非常接近香港足球總會，香港五人乙組聯賽的聖地海心公園。串燒店師傅原來是香港超級聯賽球會理文FC💛🖤🐝的青年軍教練和理文二隊，香港丙組聯賽球會駿達國強💙🖤👊的球員兼教練。😊當天葛士寶朋友🧡💙☝🙌對瑞豐體育會❤💙，比賽前當然來到聊天，當天一邊看2019/2020香港菁英盃A組第二輪，傑志SC💙💗🕊 vs 理文💛🖤🐝的直播。小食種類齊全。沙律丸，$15一份，而且夠彈牙，里面的蟹子不會太燙口，慢慢吃會覺得很滋味。😊😊燒菠蘿，一份$18，而且菠蘿非常多汁，燒烤的菠蘿保持了菠蘿原本的菠蘿汁。👍👍左邊那個是雞軟骨，一份$15，雞軟骨非常爽脆，而且製作過程保持平均。👍👍💪四川雞翼，一份$22，而且是全翼，雞肉非常夠雞味，而且肉質保持均等。😊😊紫薯仔，一份$18，而且是日本紫薯，即是蕃薯的其中一種，配上蜜糖非常鮮甜。

chiller鋪面雖小，但五臟俱全，見住店員一個人默默係廚房團團轉，因為所有野食都係即叫即整，佢呢邊切完餸，就即刻拎過去另一邊燒，非常用心。紐西蘭肉眼扒：自選七成熟，旁邊配有芥末及海鹽，肉汁好多，趁熱食好滿足四川風味全雞翼：增添咗各種辣椒做調味，非常惹味原味全雞翼：試到少少酒香味，估計係用咗酒黎醃，味道唔會太寡牛舌、牛肉：兩串都好厚肉，肉質都算嫩蒜蓉燒蠔、剁椒蒜蓉燒蠔：熟度剛剛好，保留住蠔的鮮甜，剁椒款好適合嗜辣人士烤茄子：睇住廚師將一整條大大的茄子放係爐上，慢慢燒熟，切開後刷上調味醬汁、灑上蒜蓉，熱辣辣咁上碟，就知非常好味。軟軟的茄子肉，混合濃郁的醬料，一啖一啖，好快就清碟。烤饅頭：第一次食，都幾得意，好似叮咗個饅頭咁，脆卜卜座位唔係太多，兩三人一齊黎，可以坐室外，一邊食串燒，一邊睇電視，一邊傾下計。

位於土瓜灣的隱世小店，夜晚好多街坊黎食嘢睇波吹水，我地亦驚喜地食到高質既串燒啊🤩燒蒜心 $12在一般燒烤店中頗少見的蒜心，味道是比較溫和的蒜味，亦有點韭菜的影子。烤過後仍保留水份而且烤得很香，配上調味粉十分惹味。沙律丸 $15這亦是店家推薦，一般不常見的沙律丸，是爆漿丸來的。雖說會爆漿，但餡料不會燒得太熱，容易入口👍🏼餡料是沙律醬，味道酸酸甜甜，頗為特別😋五花肉 $15店家用了特別的醃料醃制，味道頗香濃而且複雜。肉烤得剛好，口感柔軟，很好吃😊原隻虎蝦 $58虎蝦一分為二，用料新鮮。燒過後的蝦肉仍保持鮮嫩多汁，不會乾身。加上那蝦頭膏的香味令層次昇華。茄子 $35原條燒茄子賣相一流，用了大量蒜頭、蔥、辣椒粉等調味，令味道十分有層次。牛油蒜香娃娃菜 $30用錫紙盤燒的娃娃菜蒜香十足 ，而且保留了菜汁，用上簡單調味就已足夠好吃。泰式鳳爪 （不在菜單上）在串燒店中有一味不是燒烤的其實挺好，有興趣可向店家問一下這隱藏料理哦😉據說這是正宗的泰式鳳爪，入口首先是辣味，然後魚露味開始出，底味充足。而且鳳爪已去骨，吃起來十分方便。岩燒雞全翼 $20雞全翼燒得不錯，外皮香脆，內裏卻仍保留肉汁，不怕辣的朋友更