18樓雞煲火鍋專門店

營業中

休息中

18樓雞煲火鍋專門店荃灣眾安街55號大鴻輝中心18樓真係18樓😂👀歷久不衰的打邊爐，港人最愛 涮羊肉、牛肉、海鮮、蔬菜等食材，配以豆腐、粉絲、麵條等配料，放在中央熱鍋內煮熟後，再沾上各種調味料食！打邊爐已經流行到全世界 外國人都鍾意打邊爐地方大 多卡位 唔需太多裝修 QR code落單 上菜快 呢個價錢$218 抵食食完雞煲自己加湯打邊爐小辣滋味 麻香風味 唔洗食到滴晒汗唔會期望有咩頂級肉食 不過真係唔差留肚最後食軟雪糕 有兩種味道 抹茶和乳酪鮮蝦 芝心丸 咖喱魚蛋 沙白 鮮魷魚 自家製響鈴 生根炸魚皮 墨魚丸 牛丸 雞柳肉 👀

呢間18樓雞煲🐔🐓火鍋專門店位於荃灣大鴻輝大廈18樓，餐廳面積都幾大坐得闊落，抽風系統幾好唔會太大煙，餐廳標榜食雞煲打邊爐唔使點豉油嘅，於是上去試一試。呢間火鍋店都是用QR code手機落單叫嘢食，飲品🧃🥤、蔬菜🥦🥬和雪糕🍦🍨🍧就自己任取。套餐有ABC三種選擇A精選美國雪花肥牛B嚴選美國安格斯牛C極上澳洲和牛我哋揀咗套餐A，雞煲🐔選了小辣，七點前交枱$196首先就係先食雞煲🐔，食完再加湯打邊爐，呢間得一種湯底選擇，枱上有一樽乳白色嘅湯畀你自己加，加完冇曬就可以叫職員再畀你。每間雞煲🐔都有自己秘製醬汁，這間的醬汁亦十分之野味唔會太鹹，有少少麻辣，越食越停唔到口🤤，煲內望落有半隻雞🐔，而雞件切得正好，唔會太細或太大件，亦好入味，雞肉煮過後仍然很嫰滑，好正！👍😋🫶A餐雖然選擇唔多，但都有豬🐷、牛🐮、雞🐔、羊🐑、海鮮🦐🐟和丸類🍡等......海鮮我哋叫了海中蝦🦐、沙白和白鱔片，全部都好新鮮。沙白煮到開口即食，冇沙之餘又大大隻肉😍海中蝦🦐和白鱔片也很新鮮，肉質爽口😋👍飲品方面有兩款自家製，分別為冬瓜茶同桂花烏龍茶，冬瓜茶味道得宜唔會偏甜，仲有其他汽水和飲料選擇。雪糕🍦🍨🍧方面就有兩種味道嘅雪糕畀

我地叫左兩人份的雞煲太約有半隻雞，雞煲有不同辣既程度可以揀，我揀既係微辣（bb辣），一坐底5分鐘唔洗店員就已經拎左煲雞煲上枱，一上枱已經食得時間掌握到非常好，我覺得一開始唔係好入味，但再煮一下就愈煮愈入味加小小菜入去一齊煮就更加好，菜的種類選擇都好多加任何的菜都非常夾，大家一定要試下😋雞煲之後當然就係打邊爐的環節啦，餐廳的打邊爐食料都非常多，除左有常見的肥牛之外，都有花膠之類比較小見的材料，可以先叫小小比d時間煮下花膠先，另外鴨血都好好食，仲有海蝦🦐🦐🦐，好新鮮😍另外食完都有乳酪味同巨𡶶提子味的雪糕可以食😋😋菜和飲品都要自助去取，飲品都有好多選擇，記得要去睇唔同既雪櫃，每一個都有唔同，有自家推薦冷泡茶同冬瓜茶味道適中…岩哂打邊爐的時候可以中和一下。

想搵個地方慢慢坐，同朋友食餐好同傾下偈，就嚟咗呢度，餐廳好光猛同乾淨，幾乎全場座位都係卡位，又闊落又好坐，加上餐廳喺18樓，坐窗邊望落去好開揚，感覺好舒服我哋揀咗$218嘅套餐A，首先上咗個小辣嘅雞煲雞嘅份量好足，雞件好滑，味道香濃。食到七七八八，就點各款火鍋配料，準備打邊爐。火鍋配料有好多唔同種類，有店家推薦嘅熟食、牛、豬、雞、海鮮、丸、蔬菜同其他例如鵝腸、餃子等嘅食材，所有種類嘅選擇都好多食材好新鮮，洗得好乾淨，而且每款嘅份量都剛剛好，夠食得嚟唔會浪費醬料區好乾淨，提供嘅選擇都好足夠仲有好多唔同嘅飲品，有自家嘅冷泡茶、樽裝茶、樽裝飲品、各式汽水、茶包等等，選擇好多，總有幾款啱飲，想讚店家嘅冷泡茶，好濃好夠味呢度仲提供乳酪同雪糕，今次試咗原味乳酪同巨峰提子雪糕，兩款個質地都好好，好香滑，仲有唔同嘅toppings俾大家加整體質素高，選擇多，環境舒服，我覺得幾抵食

疫情復常後，終於可以安心地食一餐雞煲火鍋喇！呢間係荃灣同旺角都有分店既18樓雞煲火鍋專門店，名符其實位於18樓架！🤪今次黎荃灣店打大佬，睇下食到幾多野🤪店內除左每枱可用QR code落單點配料食材外，亦有飲品區同蔬菜區比客人出黎「走走」。各區都有好多選擇，菜亦好新鮮。我地分別拎台灣冬瓜茶（左），同冷泡茉莉茶（右），最後我個杯冬瓜茶獲勝，因為連朋友續杯時都係拎冬瓜茶😎，兩杯味道得宜，唔會偏甜偏濃味，正正可以係雞煲火鍋之間取得平衡。同朋友點左個A餐食，值得欣賞既係我地一坐低就會有職員送上雞煲啦，仲要係已經可以食得，唔使等佢慢慢熟先可以食呢！對於做任食火鍋黎講，真係好有良心！咁我地唔客氣，就可以即刻品嘗啦！☺️雞件切得正好，唔會太細或太大件，每件亦好入味，我地點左bb辣，有好微既辣加埋濃濃雞煲牆味，好正👍🏻A餐雖然無咁多選擇，但亦已好滿足啦，有豬、雞、牛、羊、海鮮、丸、菜等等，同埋每份肉都堅係新鮮的，最中意羊肉，羊酥味突出，過足口癮呀🥰海鮮類別亦要一讚，蝦、沙白、鯇魚片…全部都好新鮮，沙白煮到開口後即食，無沙之餘亦有鮮味，鯇魚片爽口，切成厚片好口感十足！ 呢度仲有花膠食架🤤索哂啲味好正！呢餐食

📍18樓雞煲火鍋專門店友人捨命陪君子，岩岩腸胃炎好返都陪我食雞煲，於是特登揀咗微辣雞煲就返佢。今日搭升降機上去嗰時，有個健談嘅叔叔仲話佢都食過，話幾好食。我就第一次食，食完我都同意佢！🥰平日夜晚都已經爆曬場，兩個鐘食到飽一飽咁走😚門面同餐廳都乾淨企理，餐廳環境闊落唔逼。我同友人兩個人都可以坐到卡位，又唔洗搭枱。有自助醬料區比客人準備火鍋配料 (蔥、辣椒、炸蒜、生蒜)。附近仲有部雪糕機比客人自己整雪糕🍦飲品有好多種款式，每個飲品櫃都有小小唔同架！重頭戲雞煲，雞全部都好入味，濃味岩晒我😍雞嘅份量都多，大約半隻雞到其他打邊爐嘅餸呢就要用QR code落單啦，菜就要自己係出面雪櫃拎，我一開始上雞煲就已經落左單，點知落左單5分鐘內就送左晒所有野黎，超級快呀！呢個價錢、食物質素同服務態度超值呀！海鮮都好新鮮，食落去啲蝦肉都好爽口🍤肥牛嘅肉同油脂分配都好平均，唔似有啲舖頭比啲肥牛得啲肥膏😍麻辣鴨血大推忌廉芝士煙肉薯波，勁好食！！趣趣炸🦐蝦片其他配料:特色野:

係之前已經食過一次，今次又再試下佢既水準有冇保持到。因為平日加早入座，相對比較少人。雖然我地兩個人胃口比較細，只係叫左套餐A，可以任食雪花肥牛同特級肥牛及其他配料。一坐低，雞煲好快就上台啦，我地叫左ＢＢ辣。二人大概有半隻雞份量，從顏色上一睇就知夠惹味啦，同以前一樣雞既份量都多，而且仲要啖啖肉。食完雞之後，可以倒上一早放係台既湯底，就可以轉做打邊爐。邊爐既配料選擇五花八門，先講下海鮮，一食就知係新鮮既海中蝦，因佢肉質一點都唔霉、又有鱔片同鯇魚片、甚至有墨魚鬚添提提大家，呢啲都唔洗淥太耐嫁，如果唔係就老了。打邊爐唔少得既肉，雖然只有兩款牛肉揀，但兩種牛都唔差嫁，。個人就中意雪花肥牛多啲，因為佢油脂比較多，口感豐富啲之外，又唔會肥得過份。其他配料真係多到食唔曬，有各色各樣既丸，例如，墨魚丸、芝士腸同魚腐等，仲有脆卜卜既炸魚皮同響鈴等。野飲方面，除左有普通既汽水之外，仲有自家製嘅茶，我就試左冬瓜茶，好怕甜既我，覺得呢個甜到岩岩好！好加分！十

18樓雞煲火鍋專門店早幾日中同突然打比我話想出去打邊爐，如果佢早少少打嚟就一定會留肚，中午先食完刀削麵，真係好鬼飽！輪椅人士去呢度要注意，要搭貨，貨喺大鴻輝後面近休憩處，上到18樓穿過後巷就入到火鍋店，入面算闊落，方便大家約成班輪椅朋友上去打邊爐！呢間18樓雞煲火鍋店應該大家都唔陌生，今次我哋揀咗套套B，呢個套餐有扇貝、手打蝦滑、 雪花肥牛、特級肥牛、廣島蠔、美國安格斯牛頸脊同指定啤酒任飲，打邊爐就任食2小時。呢間火鍋店都係用QR Code手機落單叫野食，有超過90款食物比人叫，首先就係先食雞煲，食完再打邊爐，呢間無湯底揀，枱上只有乳白色無咩味嘅湯就係比你加，加完無哂可以叫店員再比你！飲品方面有2款係自家製，包括有冬瓜茶同桂花烏龍茶，仲有其他大路罐裝同支裝飲品，唔洗加錢任飲啤酒有嘉士伯、藍冰同獅威！雪糕方面就有兩種味嘅雪糕比人任食任唧，有乳酪同抹茶味，仲可以加朱古力針同迷你棉花糖。我今次必食推介有：美國安格斯牛頸脊、廣島蠔、牛柏葉、麻辣鴨血、響鈴、 黑椒牛丸、胡椒豬肚丸、包心芝士丸、牛筋丸、炸台灣一口腸、海蝦、芝士豆腐、山根、金菇、鯇魚片、炸魚皮、蟹爪肉棒、滋補花膠等等......

18樓雞煲主打食完雞煲打邊爐。餐廳環境好大，坐得好舒服。任食火鍋套餐有3款選擇:A. 雪花肥牛、特級肥牛B. 有埋美國安格斯牛頸脊、廣島蠔、手打蝦滑、半殼扇貝C. 再加埋美國安格斯牛小排、澳洲M5和牛肩卷除左肉之外，仲有好多火鍋配料，可以掃QR code落單；菜就擺喺雪櫃自己拎；飲品就有罐裝飲品、自家製桂花烏龍茶和台灣冬瓜茶；另外有雪糕機，全部任飲任食。自助醬料區有蒜頭、炸蒜粒、蔥、辣椒，不過我覺得淨係加上湯都已經好夠味。雞煲可以揀唔同辣度，我哋揀左微辣，好香。雞肉都幾多，非常嫩滑，而且每一件雞都吸滿醬汁，加左紫洋蔥、芹菜、芫荽等，令成個雞煲更加惹味，食完雞煲就可以加上湯打邊爐。總結：雞煲放題選擇種類好多，食物新鮮美味，令我哋呢餐大滿足。

大鴻輝出名多火鍋店，今晚同朋友去左真開係18樓既18樓雞煲火鍋專門店😆😆一出lift就見到啦🤗🤗我哋星期一去食，6點半左右，還好都仲有walk in 位😚😚我哋點左套餐A（$218per head)，而雞煲辣度因為朋友唔太食得辣，所以揀左微辣🤗入座起計時120分鐘🕰️入座無耐有店員為我哋送上雞煲，快手到👍🏻而且仲好香呀！而且店員都好細心幫我哋拌勻醬汁同雞件😙電磁爐教到保溫模式，等我哋識煮都可以keep到熱而唔會燶👍🏻即使係微辣嘅雞煲，個麻辣醬同花椒粒都唔少架！個微辣連唔食辣嘅朋友仔都食到👍🏻麻中帶香，愈食愈正👍🏻👍🏻👍🏻而且醬汁一啲都唔少，每件雞都有濃濃既汁包圍住，食完仲可以加大概2吋水位既湯打邊邊，個湯底就變左香濃既麻辣火鍋啦😝😝跟住店家教，真係夠味唔駛點豉油架😆😋順帶一提，加左湯，較到大火，煲湯好快滾🕰️好慳時間本來每枱都放置左一壺湯，方便客人食完雞煲自行加湯，但餐廳都好好，係自取區放置左上湯壺俾客人係需要既時候自取，btw真係湯黎架！唔係清水黎架🤗特級肥牛油脂分布都幾平均店鋪主要以QR code下單，食物款式多，仲有熟食，麻辣鴨血好入味😋，而且上菜好快，基本上點完，1-2分鐘內已送上

食物質素普通，個人嘅口味唔同呢度唔評論，但都無所謂，最緊要係個服務態度，你服務態度咁差，幾好食都冇用，我地嚟慶祝吓，唔係特登過嚟受你氣。服務態度真係極差，朋友生日，我地就放咗個蛋糕喺店舖嘅雪櫃，跟住食到差唔多，叫佢攞出嚟嘅時候，攞出嚟嗰位侍應好大力咁放喺枱面，跟住差啲整瀉啲豉油，一句唔好意思都冇就走咗，再問佢攞打火機，仲要西面，真係…依間店，好多夥計都黑口黑面好似得罪佢咁，仲有，有啲嗌嘅嘢食同嚟嘅又唔同，全部真實反映，希望老細留意下。

今日同朋友行街行到超級肚餓，所以揀左任食雞煲打邊爐放題😎😎我地唔食得辣，所以叫左唔辣🥵🥵。好快雞煲就到了，大約等咗10min左右，啲雞十分嫩滑，而且非常入味，而且份量頗多😍😍，我哋頭半小時都係度食緊呢個雞煲😂😂火鍋料用QR code下單，我哋一路食已經急不及待用QR code下單食肥牛同其他食物！選擇種類有好多😍，海鮮，牛肉，豬肉，雞肉，菜，丸，麵類👍🏼👍🏼 好正！雪花肥牛的肉同脂肪比例分布比較平均，encore咗好多次！🤣🤣而且呢個價錢有呢個質素可以任食，非常之開心，仲要叫咗幾次都係咁高質，真係好抵呀！而且所有食物都好新鮮，上菜都好快同好齊👍🏼👍🏼，唔洗2、3分鐘就上齊！打邊爐點少得響鈴，勁大舊！好脆，吸入湯汁很惹味，所以好中意😋😋。響鈴大大件口感脆脆😜😜另外，飲品種類都算多，飲品櫃個個都有D唔同好多種類；自助醬料區可以自己準備火鍋配料鋪頭地方闊落，唔會好迫，位同位之間距離適中坐得好舒服😌，職員都好有禮貌！整體黎講，價錢超值😆😆，食物質素好好，仲係任食2小時，抵到爛呀🤩🤩

諗住多正面食評 咪諗住上去食吓 第一次去食 兩個人食叫左C餐 野飲基本野冇特別 可樂都冇zero🙄 無糖茶又冇乜選擇 1. 雞先食雞 我諗2個人應該有半隻掛 結果少得可憐 只係食到2隻脾 2隻翼 其他全部骨 雞無雞味 只有辣味冇喊味2. 打邊爐打邊爐個湯底係奶白色 但係完全冇味 啲豉油又勁咸 可能同個湯底互相balance?! 再黎叫食物 叫澳洲和牛 第一碟同last order 果碟係正常 其他d牛肉一夾落去都未放入煲已經散曬😒牛丸衰過我去譚x食米線果d 其他丸都係散 d蝦霉 凍頭腐都係散 全部d食物好似放左入雪櫃冷藏拎出黎都未溶冰就散曬咁唯一可取係d魚皮 蝦片🫰🏻D侍應收野收得好快添 快到唔問客 支茶飲左一半佢已經收埋添 唔知以為佢趕緊我走😒我用咁多年Openrice book枱食飯睇食評未試過食飯食得咁唔開心要寫負評$298加一又唔係話好平 牛大x一鍋x好食好多間餐廳再唔改善 遲早執😣😖真係食到一肚氣

今晚天氣轉冷， 又係圍爐取暖嘅好時機。 朋友介紹呢間18樓雞煲火鍋， 佢話食過好多次，都保持到水準，所以今次要帶我嚟試下。都未夠7點， 喺門外已經有幾個家人等位， 好彩呢度地方夠大，都唔洗好耐就有位了。裏面全部已卡位設計，座位十分寬敞。呢度嘅飲品選擇都很多， 醬料自己調教 仲有軟雪糕。我們先點了一個微辣雞煲， 雞件十分嫩滑， 而且好入味，麻辣很香加埋洋蔥，味道調較適中， 抵讚！之後梗係加湯開始下半場， 任食火鍋！我哋點咗一輪海鮮， 雖然我哋嗰個係a3 A餐, 都有大海蝦，魷魚，土魷，牛柏葉， 是日海鮮係蟶子仔。海蝦十分爽口彈牙， 蟶子仔亦十分鮮甜。之後點了兩款肥牛，"特級肥牛"牛味較濃厚。 ‘’美國肥牛‘’ 就較為薄身， 輕輕落水一 灼即食。其他午餐肉，芝士腸當然唔少得， 特別要讚嘅係呢度啲豬肚，好爽口而且清洗得十分乾淨企理。

餐廳地方大，每枱都有充裕空間，坐得好舒服。餐廳總共有幾個自助區域，分別係配料區、飲品區、乳酪雪糕區，同埋蔬菜區，其餘火鍋配料就經QR code落單。雖然係火鍋放題，但小食一啲都唔差，反而仲好出色添，最好食嘅一定係大汗小酥肉、麻辣鴨血。小酥肉係即炸嘅，外脆內鬆軟，表面仲灑上惹味嘅麻辣粉，令人食唔停口。而麻辣鴨血屬於微辣級數，反而突出到鴨血嘅甜味，令人食極都唔夠喉。言歸正傳，翻返嚟雞煲，今次叫左小辣雞煲，但千祈都唔好睇小佢，因為小辣其實都好辣，同時又好惹味，每一件雞同埋配菜都充分裹上醬汁，醬汁甜中帶辣，雖然比較重口味，但食落啖啖滋味，越食越辣，越食越上癮。食到咁上下，每枱上面都已經準備好一壺上湯，等客人食完雞就可以加湯打邊爐。打邊爐配料同坊間有嘅都差唔多，其中比較特別嘅就係自家製響鈴、將爆豆卜等創意手工配料，配搭唔錯，味道的確有驚喜，就留待大家自行體驗啦。餐廳整體服務到位，員工好勤力收菜碟，上菜速度又快，完全無漏單漏食物，成個晚餐體驗都全舒服，值得一大班人去勁食，食餐飽！