影片
營業時間
今日營業
12:00 - 15:00
18:00 - 21:00
星期一
12:00 - 15:00
18:00 - 21:00
星期二
全日休息
星期三至日
12:00 - 15:00
18:00 - 21:00
以上資料只供參考, 請與餐廳確認詳情
麵屋丸京是一家位於深水埗的日本菜拉麵餐廳，我最近在香港能仁專上學院開會後來到這裡用午餐。進入餐廳後，我立刻被它充滿日本風格的裝潢所吸引，整個氛圍讓人感到舒適且溫馨。餐廳內的點餐系統非常簡單，和日本的拉麵店一樣，讓我能夠輕鬆地選擇想要的菜單。儘管餐廳人潮眾多，但是我們等候大概十分鐘後還是能找到一個舒適的座位。我點了他們家的招牌菜丸京拉麵，這碗湯頭非常豐富濃郁，讓人垂涎欲滴。拉麵本身的口感彈牙，配上鮮嫩的叉燒肉，每一口都充滿著美味。另外，我還點了他們的香蔥沙律炸雞。這道菜給人留下了深刻的印象，雞肉鮮嫩多汁，外層的麵衣炸得酥脆，搭配美味的蛋黃醬，簡直是絕配！而且還有免費的軟飲料供應，為整餐增添了一份愉悅。整體而言，麵屋丸京給我留下了極為深刻的印象。這裡的食物美味可口，服務態度也非常友好。雖然餐廳有些擁擠，但這也證明了它的受歡迎程度。
繼續閱讀
呢間拉麵店想試好耐，因為佢個真•叉燒拉麵個圖吸引到，於是上星期拉左個朋友黎深水埗分店食。一嚟到門口見到要排隊，就知道呢間嘢一啲都唔簡單，等就唔係好耐，大約15分鐘就安排到入去坐。然後就同朋友叫左兩碗真•叉燒拉麵🍜，朋友嗰碗走蔥同加麵（+$15）（遠啲嗰碗），而我就再加咗3塊普通叉燒（+$15）（近嗰碗），想試下同真•叉燒有咩分別。點知真係冇令我失望，兩款叉燒味道係冇咩分別，純粹大塊同細塊嘅分別（我認為），叉燒偏瘦但唔鞋口同冇渣，唔錯；個麵幾煙韌彈口，軟硬適中；湯底幾濃郁唔太稀，加上個湯底有層油脂，令個湯底幾滑；至於麵上嘅配菜，例如荀同溏心蛋就正正常常🥲。唔知點解每次食拉麵嘅溏心蛋用筷子開半總係有種治愈🤤然後同朋友食個七味炸雞就有點失色🥲🥲🍗，炸粉偏厚，七味粉唔多唔太夠味，要點沙律醬先抵觸到。下次再有機會食的話，轉食佢個香蔥沙律炸雞，可能會畀呢個好食啲😗。總括成餐飯再加一人一罐可樂，$308理單，不過不失，價錢正常合理，叉燒拉麵賣相有特色，可以再返食。
繼續閱讀
閒日8:00食，難得唔係好使排隊，但同時都好傷心，賣晒濃湯，所以焗住揀其他湯底～.🍴丸京拉麵+背脂湯底 （要+$10)- 因為被迫揀第二隻湯底，先試到原來呢度嘅背脂湯底係咁好食，超有驚喜，又香又滑口- 叉燒有兩款之分，真叉燒口感好嫩滑，好好食- 麵質都好彈牙.🍴丸京拉麵 + 蝦湯（要加$12）- 朋友就叫咗呢個湯底試，櫻花蝦好充足，只係略嫌鹹咗啲啲，但都好香濃- 其餘嘢同上面碗拉麵冇咩分別.見餐廳仲有其他特色湯底，可以留意日子嘗試。.Overall, 覺得丸京拉麵算係香港A級拉麵👍🏻
繼續閱讀
我黎過2次，一次等左一陣，放棄了，一次，原來例休日。今次辛勞工作宁，想獎勵下自己，就一條冷黎食個麵。本來想食個限定丸京拉麵，但係我又驚食唔到餃子，餃子狂迷嘅我決定食個極上拉麵自，為嘅係食到餃子而又唔會過飽嘛！一黎到係餃子，本來想等，但係真係要等十分鐘左右，真係太肚餓了等唔切了，食左2件，個麵先到。個餃子皮夠薄，其實都似係超巿買到嘅日本餃子，水平不錯。煎得夠脆夠香，肉菜同皮比例很好，食到晒咁多嘢味道，誰也無搶誰嘅味！主角出場，個麵質感係爽硬嘅，啱我口味，湯底我要了濃湯，所以一路飲湯，係好厚實，但不口渴，當然拉麵店做得住肯定無味精，濃得黎唔太咸，總體個叉燒薄左少少，不過掛湯後同夠林入口即溶，都滿足嘅。整體啱我口味，難怪長期排隊。我會再來的。我會再來的。
繼續閱讀
今日去咗間人氣勁旺既拉麵店，真係行到攞號碼牌就已經開始流口水。坐低之後，點咗份濃厚豬骨湯底拉麵，湯底郁到差點頂到個天花板，既濃郁又唔膩口，係每一啖都品嚐到豬骨既真髓。叉燒嘅話，啖啖肉感，腍到化喺口，再加上啲筍片脆得嚟又唔失多汁，真係啱晒我呢啲愛食之人。撈埋嗰陣薄脆既炸雞皮，加上沙律醬味道更加鮮美難擋🤤。面條部分，我係鍾意啲Q彈牙硬，所以今次食得特別開心。食物之外，仲要提提店員，服務貼心又唔急躁，即管大排長龍，顧客多到爆煲，佢地都係面帶微笑，提供熱情服務。總括來講，今次來呢間拉麵店食飯真係滿足到我，對個豬骨湯底同叉燒真係讚唔絕口，會推介比啲朋友嚟試吓。下次要早啲嚟，希望下次可以搶到個蝦湯底試下新滋味啦！😋🍜👍
繼續閱讀
您可能會有興趣的...