鬼滷

營業中

休息中

在銅鑼灣找到了一間的新派潮州菜。餐廳以酒紅色及新西式風格裝修為主，營造出一種時尚而獨特的用餐環境，與傳統的潮州菜感覺不同。前菜用爆谷作為前菜，非常新穎。甜甜的焦糖味爆谷很容易令人吃不停。潮式滷水拼盤（三選）拼盤選了滷水鵝片、墨魚和豬腩肉。份量十足的拼盤，滷水鵝片薄切嫩滑，肉質鮮美，散發著濃郁的滷味。腩肉片則入口感覺肥瘦適中，不會很膩。墨魚片薄切易咬，非常彈牙。椒鹽普寧豆腐豆腐炸得外脆內嫩，椒鹽微辣惹味，跟配有一碗韭菜水，用來點豆腐吃可減低熱氣的感覺，別有一番風味。豆豉蜆炒蜆鮮嫩多汁，醬汁香濃，豆豉味重。黑松露蔥油拌麵好香的黑松露味，第一次吃伊麵配上黑松露醬，充滿異國風味，黑松露的香味為整道菜增添了豐富的層次感。

星期五同老婆去銅鑼灣，想搵間野食，見到呢間好似評價唔錯就上左去食。無 book 位但去到walk in 等左陣就有得入。入到去空間唔大，大約坐20人左右。食物點了潮式滷水火鍋及潮式滷水拼盤（三餸：滷水鵝肉、慢煮鹽香雞及豬仔髀）。飲品點了鬼佬 Mojitos 及可樂。潮式滷水拼盤先到，原本幾有期待，一食發覺滷水鵝肉味道好淡… 鹽香雞都算滑但都係淡味，豬仔髀正常無乜特別。墊底嘅豆腐有啲酸味怪怪地。跟住覺得太淡想拎個辣椒油嚟點吓，等左五分鐘都見唔到個侍應，見到佢又唔得閒理我。辣椒油都正常嘅，普普通通。潮式滷水火鍋先大鑊。因為我地兩個人坐張二人枱，根本同時放唔到火鍋同拼盤，咁啱旁邊張枱無人，侍應就拍埋果張枱俾我地，點知十分鐘唔夠又有人嚟，要我地俾番張枱佢，個侍應話要拎走碟拼盤，我地唯有急急腳夾晒啲嘢落個碗度…火鍋食物有牛肉、墨魚、鴨血、牛丸及生菜，質素唔係差又唔係好。講番個火鍋個鍋本身係完全唔make sense嘅。底部用一個正方形燃燒物料去煲個鍋，但用10分鐘左右就會燒完，連煲滾啲水都有困難。個鍋啲水差唔多全滿，根本唔敢落咁多嘢食，驚啲水滿到走出嚟。換咗3舊燃料都食唔晒啲嘢，最後我唯有同侍應

潮州食就食得多，呢間新式潮州fusion餐廳果然夠哂「潮」😎，不論裝修同野食都同其他打冷舖好唔同。一入去就有個小食，估都估唔到係爆谷，好特別🤩兩個人食唔到太多野，希望下次可以食埋其他菜式🥰舖頭細所以記住book定位喇～😋椒鹽普寧豆腐 $68豆腐又滑又香，同椒鹽一齊令到成個豆腐外脆內軟。額外有另上一碗湯，配嚟食就別有一番風味，冇咁熱氣。好推介食！❤️🤩🦪蘭王蛋蠔餅 $78蠔餅味道正常，未去到嘩一聲，但都唔錯～🍲滷水拼盤 (三拼）$208三拼包括滷水鵝肉、墨魚、慢煮鹽香雞。三款來講最鍾意係墨魚，索到啲滷水味同埋比想像中多片🥰但比較失望嘅係鵝肉，肉質比想像中鞋口🐤韭菜鴨血 $78呢個好好食，就算唔係鴨血愛好者應該都會愛上咗😭😭❤️好大舊又份量都唔少，食唔停！推介✨

一行6人訂左枱食晚飯，見到食評都OK, 之前BOOK 唔到，趁暑假尾再BOOK, 竟然有位，好開心。上到去見到原來餐廳好細，得幾張枱，因為枱唔大，D野食都唔夠位放，要食得比較急，食完收左D先放到。食物質數都可以，蠔仔粥，蠔餅D蠔都大隻，滷水併盤也可以。難得BOOK到位，又見網上多人話個火鍋有特色，都叫了，不過枱都唔太夠位放，個火又好快熄左。最重要係，食左2日朋友話個火鍋應該比漏左碟牛，因為記得餐牌上寫有2樣野係牛，但當天只得牛丸食完當晚回家途中同家人傾開，覺得呢個火鍋好貴，又冇特式，差不多$300，但得2碟野，1碟只得4粒牛丸、4鴨血及墨魚，另1碟生菜。但由於當時枱上已太多野冇位放，又限時90分鐘，所以唔多覺。

朋友對於鬼滷這個名字很感興趣，選址這餐廳聚會。店面小小的，一共也就十多枱。由氣炸鍋新鮮爆出的爆谷香甜可口，香氣四溢。荔枝接骨木花梳打(左)荔枝味很香，香甜而清新，清爽又解渴！蜜糖柚子梳打(右)蜜糖味道很突出，不是一般的柚子蜜梳打。蜆仔肉生菜包蜆仔細小份量很多，與肉碎同炒，再夾著生菜一起吃，單吃略鹹，建議不要夾太多肉碎。滷水拼盤味道淡淨，對比起蜆仔肉生菜包，顯得異常清淡。魷魚入口很軟稔，鵝腸份量很多，略有脂肪，味道比較普通，但整體勝在份量很足！黑松露蔥油拌麵黑松露味香而不嗆，麵質細滑，相當不錯！蘭王蛋蠔餅外層香脆，餅富蛋香，蠔仔肥美飽滿，很滿足！

已經不下三四次幫襯鬼 滷， 每次落單前都想全部叫一些未試過的新菜式， 但每一次都忍唔住必叫他的蘭王蛋蠔餅和潮式鹵水拼盤， 今次稍微幸運輕微忍到手鹵水拼盤只叫三款 而不是五款， 所以才可以試試每間鹵水店必備的韭菜菜色但配搭的不是較普遍的豬紅而是鴨紅。蘭王蛋蠔餅邊度會有那麽香脆那麽香口的蛋蠔餅呢？蠔餅的脆邊不只脆那麼簡單， 而真真正正的做到酥脆還要不太油膩， 選用的雞蛋蛋香十足， 令到餅底本身 已經十級好味， 配上十多粒非常飽滿的蠔仔， 鮮而不腥， 搭配 餐廳自家秘製的鮮露和辣椒油， 真的下次再來也要照叫蠔餅。潮式鹵水拼盤今次選了鵝肉，鵝腸和豬仔髀。 鵝肉是半肥瘦那種， 入味而軟滑， 配搭上皮下一層 鵝脂，鵝汁在口腔爆炸，最緊要是香而不騷。 鵝腸處理得非常乾淨， 烹煮的火喉亦剛好， 脆口之餘亦都吃得出鵝腸的甘香。 豬仔髀亦煮到一咬即化， 鹵水的香料和豬肉非常搭配， 同時提升肉的香甜氣。韭菜鴨紅  韭菜新鮮嫩滑程度十足， 不枉我用上一個新的名額品嚐， 韭菜已經填滿鹵水汁， 夾住實的的而又幼滑的鴨紅， 鸭香和韭菜香相互找到美味平衡， 出色！

想試<鬼滷>都有一段日子，可惜時間上配合唔到，見有得預先訂座，就book定和T先生放工後來試試😆😆 大概8點鐘來到，餐廳比想像中細間，竟然安排了4人座位不用搭枱果種，我估可能因為餐桌位置，唔方便出入🤔🤔 但這不是重點既😅📍椒鹽普寧豆腐見多人讚，我都想試試😇 豆腐外脆內非常嫩滑，相信要好比心機慢慢地煎到變脆和金黃色，灑上椒鹽會令到味道更突出和惹味。跟豆腐配上一配熱韭菜湯，可以沾下湯汁食，一餸兩味。📍韭菜鴨血 想試下濕潤些既食物，就揀選左鴨血⋯麻辣味，鴨血札實而且算入味，韭菜都都不錯；其實呢款前菜係可以配白飯食，而我和T先生都order 了😆😆📍凍烏頭魚是晚都有限量凍烏頭魚，潮式/打冷都要食返一條凍魚試試味道呀。一整條魚上，算幾大條，比埋刀叉自己開動，隨凍魚附上蔥油，辣椒油和普寧豆醬。魚肉算扎實，配辣椒油好夾，好惹味，係會有點搶了魚的味道的；而普寧豆醬都幾好食，傳統潮州醬料配凍魚食，帶出魚鮮⋯亦都係配白飯一齊食😇😇用饍期間，都見有些walk-in, 但似摸門釘🤷🏻‍♀️ 餐牌上選擇不多，主食都已售罄。只剩返餐廳想推的滷水火鍋或滷味，再唔係就係小食或潮洲蠔仔粥，款式真的幾有限，

因為早幾日已經book 好星期六7:15pm，亦已經收到OpenRice 訂座確認電郵，點知無端端booking 前一日被餐廳取消左的booking，又無收到任何通知，有無搞錯，最低限度都要收到一個被取消的電郵通知。餐廳亦從來沒有聯絡過我，如果我不是自己click 入booking 入面睇，都唔知個booking一早被餐廳取消咗。如果我專登黎到先知原來booking 已被餐廳單方便取消左真係雖然未食過，但亦都唔會再去食。

朋友介紹之下去試一試，果然是新派潮州菜，菜式唔算好多，但都幾好食😋環境裝修都幾精心的，唯一要挑剔就係個火鍋/加熱的「火種」會飄出嚟嘅煙會令眼唔舒服，不過唔知係咪個個都會呢，最後我地叫佢拎走滷水拼盤個加熱火種就無事了。

最近朋友同我講話佢想試銅鑼灣呢間打冷，所以我哋專登揾一日得閑就走咗去食。我地係食潮式滷水火鍋，裡面有牛小排、墨魚仔、鴨血、生菜同潮汕牛丸。呢個真係好適合喺寒冷天氣食，暖暖哋。首先，我要讚下佢哋嘅滷水底。滷水底濃郁香濃，有啲甜甜嘅味道，加埋啲香料，好開胃。牛小排肉質軟滑多汁，夠鮮味。墨魚仔彈牙又鮮甜。鴨血係嗰種軟軟嘅質感，入口即溶。生菜就好新鮮，煮熟之後都保留住啲脆度，好開胃。潮汕牛丸就係啲鮮嫩嘅牛肉丸，入口有啲彈性，好好食。而蘭王蛋蠔餅都好出色。蘭王蛋煎得金黃酥脆，裡面嘅蛋液熟度啱啱好，好滑好香。蠔餅入面嘅蠔好新鮮。另外，我哋仲點咗二人份嘅蠔仔粥。粥煮得濃稠滑順，啲蠔仔新鮮又多汁，每口粥都有海鮮嘅鮮甜味道。真係滋味啊，食完粥都覺得好滿足。整體嚟講，鬼滷嘅潮式滷水火鍋同蘭王蛋蠔餅真係好好食，值得一試。食物新鮮，味道豐富，服務亦都好友善。如果鍾意滷水同打冷嘅朋友，一定要嚟呢度試下！下次我一定會再嚟食。

之前曾經在YouTube看到YouTuber介紹這裏的滷水火鍋，覺得很新奇有趣，今晚便來這裏一試。潮州烏頭$148，店員推介這裏的芋頭，因為每日限量發售，售完即止，便點一條烏頭來試。烏頭的油脂呈現金黃色，在魚皮和魚肉中間，魚肉紮實美味，點些普寧豆漿，便更加鮮味可口。蠔仔粥（二人份）$108，蠔仔鮮甜美味，尺寸頗大，如果蠔仔再煮熟一些會更好。另外由於湯底味道鮮甜，覺得再多一點會更好。潮式滷水拼盤（三選）$208，滷水鵝肉、慢煮鹽香雞、鵝腸，整個拼盤有酒精坐着，令到滷水的香味四溢，滷水香而不鹹，八角味道香濃。滷水鵝肉的鵝皮爽脆可口，鵝肉鮮嫩美味。鹽香雞雞肉鮮嫩，鵝腸爽脆可口。

呢一晚同老公食飯 想試下新野😋記得早前睇過有間新色潮洲菜🧡係位於銅鑼灣的鬼滷📍-整個環境以棗紅色為主♥️新式同乾淨呢🔎一坐低便有爆谷送上~ 熱辣辣好脆口!🍿食物方面以潮洲菜為主，選擇唔算好多的📝我地首先點左蠔仔粥（二人份）🥣份量好多上菜時好精緻，配菜可以自己按份量加!而且蠔仔好大粒✅-另外點了黑松露蔥油拌麵🍝呢個相對偏油同少少淡‼️建議加埋佢地特製的辣椒油🌶食落就惹味好多不過相對就簡單D⚠️-老公點左八爪魚沙律🐙酸酸甜甜的選擇呢個配搭都幾FUSHION 但幾開胃😋-我就點了潮式方魚bb西蘭花🥦原來係以澳洲西蘭花，所以好長好大條😆以魚湯做底就相對小清新! 簡單的💚-飲品方面玩味十足，原來係以罐裝盛上 幾岩打卡🔎我地點了荔枝接骨木梳打同蜜桃香茅烏龍茶🧃夠大杯不過就偏甜😛-幾有新鮮感既晚上，中價價錢, 可以一試✅不過要留意位置唔多算‼️見外面都有人等待最好先BOOK位呢💡

平日未夠晚上7:00，已經人頭湧湧，門口已堆滿等候入座的客人。店內位置不大，大約有廿多個位，所以到訪支持記得訂位啊前菜很特別，是焦糖爆谷，還是暖暖的，相信是新鮮出爐。餐廳是吃新派潮州菜，以獨特的滷水菜品聞名👍🏻====—====—====—====—· 前菜 ·🥬蜆仔肉生菜包（$88）鮮嫩的蜆仔和肉碎炒成，配搭炸粉絲，再夾著生菜一起吃。清爽的生菜配以咸香鮮味道，口感豐富，味道鮮美😋⋄🦪蘭王蛋蠔餅（$78）🥚以蘭王蛋招徠的蠔餅幾乎是每枱每點，蠔粒肥美新鮮，經過炸製而成的蠔餅，外酥內軟，帶有豐富蛋香和蠔粒鮮味，非常出色😜—· 澱粉 ·🍲蠔仔粥（$108/2人份）新鮮的蠔仔粥賣相非常精緻，旁邊還配有蔥花、菜　甫和芫荽。以新鮮肥美的蠔仔和肉碎熬煮而成，香氣撲鼻，啖啖大地魚香，口感綿密，入口即化，美味😋—· 主菜 ·🦆滷水拼盤（$208/3項；$278/5項）🪿滷水鵝肉拼盤中包含了滷水鵝肉、鵝腸和慢煮鹽香雞。滷水鵝肉肉質鮮嫩，搭配著濃郁的滷汁，入口鮮香可口😍⋄🐦‍⬛鵝腸鵝腸肥美大條，帶有嚼勁，口感豐富👍🏻⋄🐤慢煮鹽香雞慢煮鹽香雞經過慢煮的雞肉，肉質鮮嫩多汁，非常滑溜，散發出迷人的鹽香味😗====

呢間餐廳好得意，入到去前菜竟然係爆谷，成大碗，估唔到又幾好食。同朋友兩個人叫左以下食物，包括蘭王蛋蠔餅、黑松露蔥油拌麵，黎到呢度有咩可能唔叫滷水！我地叫了滷水拼盤，拼盤有豬仔脾、鵝腸、鹽香雞、滷水鵝肉、豬肚、下面仲有豆腐。野飲就要左可樂。我最中意係蠔餅，個造型都好靚，蘭王蛋真係唔同d，蛋香好出又金黃d，仲要d蠔既份量都唔少。拌麵好大兜，超級多黑松露，好彩淨係叫左一碗，唔係食唔晒。拼盤方面我最中意就係鵝肉同雞肉，非常之嫰滑。

這次來到朋友推介的樓上店，吃一個潮式菜。店內以朱紅色為主調，以靠窗和牆的座位為主，入口旁有吧台，不論兩人聚會還是家庭聚會都很適合。店員先端上一碗爆谷，香脆可口的爆谷，取替一般中餐的花生，是特別的開胃前菜。椒鹽普寧豆腐($68)，外層是濃郁的椒鹽脆皮，內層是嫩滑的滑豆腐。另外有一碗醬汁，醬汁頂層是韮菜碎，蘸點醬汁會更突顯豆腐的嫩滑。蘭王蛋蠔餅($78)，我比較喜歡這個蠔餅。蛋香十足，金黃色蠔餅，炸得非常香脆。頂層灑上柴魚片，增加海鮮的香氣和味道，店員端上來時，柴魚片在熱燙的蛋上舞動。蠔肉味鮮，配上蛋香和柴魚片香相輔相成。這個必點。潮式方魚BB西蘭花($88)，新鮮爽口的西蘭花配方魚，提升西蘭花的鮮味而不會過鹹。潮式滷水拼盤(三選)($208)，滷水鵝肉、鵝腸、墨魚。店員端上一個盤，底下點了蠟燭，以保持上層食物的温度。個人最喜歡爽口的墨魚片嚼後無渣，還有更爽口的鵝腸。滷水入味，三種食物都能掛上滷水醬汁。滷水也沒有蓋過鵝肉的味道。白飯($12)一個，點了各種下飯菜，當然要點兩個白飯。滷水汁拌白飯，香郁的味道更讓人胃口大開。荔枝接骨木梳打($42)，不像一般以杯送上，這杯梳打是以密封罐裝送上。