韓嘉嵐韓國料理 (QRE Plaza)

營業中

休息中

昨晚（2月23日）6時致電預訂第2日的午市，6人。留了電話和稱呼，服務員並叮囑1點前要到餐廳否則未能確保預訂座位。2月24日，我們準時1點到達餐廳，口操韓式英文的服務員A以極不友善的態度表示她並不負責安排入座。大約過了5分鐘，服務員B前來查看預約簿，以敷衍無禮的極差態度表示看不見相關預訂，就回到收拾枱面的崗位...突又折返表示「轉頭安排」無奈之下，拿出通話記錄走去跟服務員B再度確認，未料他竟粗暴回應「我收唔到通知喎!」這是有史以來如果最差的服務態度，兩位服務員不願意幫忙了解，而且態度極差...以後不會再光顧，送也不要。

📍#韓嘉嵐韓國料理#MFJ灣仔 #MFJ韓國菜人均消費: HKD500唔搵都唔知原來灣仔咁少韓燒食，結果揀咗QTE Plaza嘅韓嘉嵐試下！餐牌好多野揀！樣樣都好吸引！⭐️ 醬油蝦6隻 $240 醬油蝦有6隻，都算大隻！味道醃得幾唔錯！蝦肉黏黏口感好好，好味！🆗 醬油蟹2隻 $430醬油醬$430得兩隻唔算平！但上枱仲有雪，要擺埋一邊解凍先得…不過興幸蟹都幾肥同鮮甜，口感都唔錯！係太凍扣咗啲分🆗 蛋伴生牛肉 $240生牛肉都係有少少冰，睇落好似西瓜咁😅 牛肉真係冇咩味，口感唔夠，但唔難食⭐️ 石頭飯 $130石頭飯係牛肉石頭飯，配料都係啲蔬菜絲，牛肉同配料都唔算多，但勝在上枱夠香，食落熱辣辣，有少少飯蕉，不過無俾辣醬撈飯就爭少少⭐️ 芝士泡菜煎餅 $170泡菜煎餅俾多$20有芝士，比較淨泡菜會更香口，煎餅味道夠濃，微微帶辣，少許泡菜爽口感，芝士少許中和辣味，如果好辣，建議淨泡菜好啲⭐️ 韓宮式炒牛肉粉絲 $180牛肉炒粉好味，粉絲係蕃薯粉，好煙韌，同蔬菜菇真係絕配！牛肉味都幾濃，但$180唔算平🆗 鮮雜錦牛肉拼盤 $980人多揀咗大拼盤，有肉眼扒，牛肋骨，雪花肥牛，牛胸片，我覺得牛胸片同牛肋骨

喺QRE附近返工，可選擇的美食很多，但韓國菜就很少，想不到有一間咁美味，令我久唔久都會相約同事嚟呢度相聚吃午餐！呢日我就揀咗個烤豬肉。同我都韓國餐廳樣，返錢都會送上好多唔同大大小小嘅伴菜。包括魚糕、泡菜、芽菜等等，呢啲伴菜嘅份量都唔少，我同同事都戲稱正餐未到，只係食啲涼菜就已經好飽肚，而且味道一啲都唔錯，影真開胃。好快食食吓伴菜，正餐已經上場，吼豬肉份量好大，肉質嫩滑，肉味濃郁，配合上一大碗白飯，感覺滿足。而佢午餐時段其實有好多個套餐可以選，而我啲同事就次次獨愛愛人蔘雞湯，真係食過返尋味唷！

六佰幾元就能给2人吃飽的正宗韓牛餐廳。我和太太只在餐牌上叫了一set小的韓牛肉拼盤。就能吃個飽飽了。當中7小碟都交足功課，碟碟足料。我起初覺得只叫一set小的韓牛肉拼盤會不太夠，於是叫了大海佈上標誌用40小時煮的牛膝湯。這個湯非常多骨翏原，沒有失亡。我們全碗打包回家了。回家放到冰箱，今天吃時全碗 凝結 成膠狀。發現真的全是足料的骨膠原啊。超級正!

平時會黎食晚飯韓燒，今次食set lunch, 叫左燒雞肉餐🐓，包一碗飯，個燒雞真係好一般，仲要冇乜味有啲失望😮‍💨朋友叫左牛骨湯，佢話好味，好正宗，夠濃，最滿意佢有好多餐前小碗，埋單後送左兩片西瓜🍉

喺灣仔區想食韓國嘢小薯諗唔到有好多選擇🤔🤔韓嘉嵐係其中一間會即刻諗起嘅韓嘉嵐好受灣仔區嘅打工仔歡迎，遲遲去到已經好多人排緊隊，我同朋友都要等一陣先有位。叫咗烤芝士辣雞肉（$139 plus 10%)同人參雞湯（半份）（$118 plus 10%)，兩個都連飯。老實講，味道唔係特別出色，不過味道夠authentic，有好地道嘅感覺。人參雞味好出唔會苦，芝士都好足，入晒味正👍🏻。我覺得韓嘉嵐最出色嘅係佢嘅前菜😆😆😆，份量種類味道都好好。我最鍾意薯仔🤡，甜甜地，texture粉粉地易入口。茄子都出色，入味夠軟林。Overall都ok，因為價錢喺灣仔區嚟講尚算可以，而且味道餐廳環境都好韓國，真係有少少去咗韓國咁🤣。如果想食下韓國嘢都可以，但特登嚟就免。不過有點麻麻地，坐低之後店家想我哋轉位，但指示好唔清晰，問佢哋應該坐邊又講唔出，好似根本無位比我哋坐。我哋嘅食物嚟咗都因為咁我哋食唔到，要搞完一輪先settled🙄

中午時段去到已經差唔多座滿，我同朋友都係啱啱好有位。之前weekend嚟食過韓燒同炸雞翼，好好食，本來想食過返尋味，點知原來星期一至五就只有Set Lunch供應。我哋諗住都既然嚟到，見款式選擇都好多，所以就試吓啦！前菜小食多達七款，而且可以免費添加😋🐓烤雞肉 （$99）份量頗多，無骨、不過肉質比較嚡，味道一般般。🐂炆牛肋骨 （$128）牛肉炆得好淋，D汁好濃味，配白飯一流🍚🌶海鮮豆腐辣湯（$108）上枱嘅時候仲係熱辣辣♨️湯底鮮甜，海鮮配料亦好豐富，有蝦、蜆、青口、魷魚；豆腐都好嫩滑。總括來講，食物質素唔錯，價錢亦合理。如果想快快脆脆食一餐美味嘅韓國餐，韓嘉南都係一個唔錯嘅選擇💕

今日和老婆往灣仔韓嘉嵐食韓國菜,我們點了海帶湯,韓式包朱肉和海鮮煎韮菜餅,主菜上菜前,侍應提供了前菜,有泡菜,薯仔,芽菜,菠菜,魚糕,茄子和磨菇,泡菜有片裝和條裝,辣度適中,薯仔香甜,芽菜和菠菜食落爽口,魚糕彈牙,茄子熱辣辣,磨菇爽滑,海帶湯飲落熱辣辣,甜度適中,海帶爽口,蜆食落鮮甜,海帶湯飲落口感十足,韓式包朱肉賣相吸引,朱肉食落有油花,肉味香濃,配菜青瓜和羅白食落鮮甜,生菜食落爽口,整份韓式包朱肉口感豐富,味道十足,最後海鮮煎韮菜餅蛋味香滑,韮菜爽口,帶子食落彈牙,整份海鮮煎韮菜餅食落不油膩,佐酒一流,最後西瓜夠哂冰凍,甜度十足,餐廳座位舒適,食物美味高質,份量十足,食了一頓美味韓國菜

Called to make reservation to try the restaurant. Told they don’t take reservation for 2 people. Gave up and went somewhere else

呢間舖頭我幫襯咗好多年,老闆娘同經理招呼好好,次次都有野飲小食送,嘢食亦非常好食,價錢合理。可惜，今日打電話去訂位夜晚食飯時,一位相信是韓國籍的男仕（之前係舖頭見過佢）接聽電話,當知道我想預約兩位晚飯時, 即時以極度不禮貌的語氣回覆，兩位？自己上嚟等位, 無得訂. 跟住就火速收線.我哋去開好多次都係咁訂位,而且每次都食唔少嘢同飲酒. 原來而家興咁做生意？枉我地疫情時無晚市都個個禮拜去。老闆娘同其他人招呼咁好, 就被呢位人士一舖清袋.以後我地會去啲可以比兩個人訂枱既地方咯。

今日和老婆往韓嘉嵐韓國料理食午餐,我們點了安東炆辣雞和韓式燒鰻魚。主菜來之前,侍應提供了前菜,有泡菜,薯仔,茄子,粉絲,魷魚豆角和菠菜牙菜。泡菜辣度適中醒胃,薯仔爽口香甜,茄子食落鮮甜,粉絲食落爽口,魷魚彈牙豆角香甜,最後菠菜和牙菜爽口。安東炆辣雞材料豐富,除了安東雞外,還有薯仔,年糕,紅椒,青椒和冬粉。雞肉肉質鮮嫩,辣度適中,食落啖啖肉,配上醬汁食落惹味,薯仔食落爽脆,紅椒和青椒食落爽口,冬粉吸收醬汁,食落美味,整份安東炆辣雞材料豐味,食落美味;最後韓式燒鰻魚鰻魚食落香脆,肉質鮮甜肥美,配上醬汁食落惹味。餐廳座位舒適,食物美味高質,我和太太食了一頓高質韓國菜。

餐廳逢星期一至五有lunch set供應，價錢比平時抵食好多，但食物都無偷工減料因為限聚令其中一人要自己一枱，同樣上足4個小菜一個泡菜，小菜全部都好好食，泡菜無咁酸同咁辣，味道偏甜，雖然可以免費添，但其實食完一轉小菜都好飽。辣牛肉湯唔算好辣都幾鮮味，有好多配菜湯料，配嘅珍珠米粒粒分明好煙韌兩人枱就有六個小菜配一個泡菜，款式都一樣。烤豬肉醬汁好韓式，但偏瘦所以質地比較實，洋蔥半生熟好爽口人蔘雞湯有足半隻雞，燉得好熟，軟骨位都淋哂，雞肉剩食都夠味，跟埋有一碟黑椒同鹽，點少少更鮮味。雞湯蔘味比較淡，大量蒜頭同蔥花，雞湯帶好濃蔥蒜味，好好飲食到尾聲餐廳會送上一小杯神秘飲品，飲落似梅子汁，酸酸甜甜好清新消滯。餐廳服務正常，環境乾淨，窗外景色向山好舒服，食完個lunch成個人都叉哂電

冇得去韓國，但就成日都想食韓國野。灣仔既韓國野唔多，呢間餐廳雖然由韓國人打理，但味道就唔夠正宗，餐廳環境同衛生都一般般//🧀芝士辣炒年糕($158)長條型年糕，睇落都幾紅，但食落反而係甜甜地，醬汁較杰身，但韓國野黎講年糕咁common既菜式price up左💸// 🔴泡菜煎餅 ($148)煎得燶左少少，泡菜比較酸☹️// 🍗韓式炸雞 ($208)有分有骨同無骨炸雞，呢款係有骨，炸得都幾乾身，要拎黎同韓國既橋村炸雞，一定差天共地，甚至比KFX差😾// 🍙豬肉紫菜包飯 ($128)性價比極低，kimbap係韓國14蚊有一大條，比盡豬肉貴都係賣50-60蚊到，飯太黏口，不推介🙅🏻‍♀️🙅🏻‍♀️// 🐷韓式包豬肉 ($298)蘿蔔泡菜有陣冰鮮味，豬肉較一般，有皮既豬肉賣相唔太吸引，配既泡菜酸汁或豆瓣醬都唔正宗🙈🙈🙈// 🐔人參雞湯 ($195)韓國人習慣夏天食人參雞，但呢到煮得過左火，雞肉同骨完全分離，酒味過重，有少少溝左水既感覺💧💧💧

聖誕嗰時無book定所以walk in已經無位，今次同事做到野！Book到枱所以就可以食到😎。🔅韓式紫菜包飯(辣豬肉) ($85)同事早左到所以order定先，因為要人手即刻卷，所以晏少少黎次次都無得食😂。幾足料，有青瓜嗰啲食落又爽口，口感豐富👍🏻。🔅值火烤豬肉 ($95)豬肉都幾入味，烤得幾香，少少辣，係鐵板油左少少🤣。🔅辣炒年糕 ($89)炒年糕都幾辣，夠晒入味！港平時嗰啲炒年糕腍少少，呢個似返韓國食到既炒年糕咁偏煙韌啲，有咬口。🔅牛肉石頭鍋飯 ($89)個鍋拎到黎仲「滋滋聲」，快手影完相即刻倒晒啲醬撈勻！整到有飯焦好正😋。有蔥、芽菜同粟米，所以個飯又幾香又有口感，加埋個醬無得輸！不過牛肉可以多少少就好😝。同埋飯比較多，所以如果醬都可以多啲會好啲🙈。💬野食都唔算要等好耐，又有好多前菜，大部份都唔錯😚。Staff又幾nice，會主動加水，食完仲俾coupon同vip卡😂，又係咁用韓文講多謝😂。整體感覺都唔錯，俾加一都抵既🖖🏻。

I’ve been here three times now- twice for lunch and once for dinner. This is hands down my favourite Korean restaurant, and that is saying a lot having tried tons of venues in HK. I’ve tried the seafood pancake, Buchu mandu gu (fried dumplings), the Wooguhji galbi tang (beef short rib with dried cabbage in soup), kong na mul dolsot bimbimbap (beef in stone pot), the grilled mackerel, and chilled buckwheat noodle soup, and every single dish was excellent. A lot of the staff and diners are local a