雲川 米線．紅薯粉 (富麗大廈)

營業中

休息中

平時都無咩機會入屯門🤭（九龍人表示好遠😂）難得咁啱有野做要入去 緊係要嚟試一試😍人稱屯門名物嘅雲川！✨✨有個住屯門嘅朋友話以前中學走堂都要去食🤣唔知有無屯門人都係咁？！🤣🤣今次嚟到紅橋分店 叫左最出名嘅豬頸肉米線🐷呢到仲有啲比較特別嘅湯底 包括：豬骨湯🐷、鮮魚湯🐟、酸辣湯同埋麻辣湯仲有得揀熱拌👍🏻 我朋友就推薦鮮魚湯同熱拌 餸就必揀豬頸肉！💫但究竟有無其他人講到咁好食？🧐想知就要睇埋落去啦😆🌶 酸麻金湯豬頸肉腩肉小鍋米線🐷（小辣）💰$𝟓𝟒 （$𝟒𝟒+$𝟏𝟎腩肉）首先緊係要講一講米線嘅靈魂所在 —— 湯底😆今次叫呢個係新登場嘅湯底！叫做酸麻金湯🌶～集合麻酸辣三種口味 一次過滿足我三種慾望！🥰三樣野都𝐛𝐚𝐥𝐚𝐧𝐜𝐞得好好 夠酸又夠辣 唔會太麻👍🏻雲川嘅辣唔會好嗆喉 食落係舒服個種😂可以話係我食過嘅米線鋪入面湯底令我最滿意嘅一間🥰豬頸肉肥瘦均匀 好香口 份量亦都好多！但朋友話自從變左連鎖之後份量細左好多😿但係係市區食嘅話 呢個價錢應該得幾條😂所以已經好滿意了🤣🤣腩肉切得好薄 但都好大條👍🏻都係肥瘦均匀 夠入味💫至於米線軟硬適中 夠彈牙 係我鍾意嗰種👍🏻整體嚟講雲川暫時係我心目中嘅𝐓𝐨𝐩 𝟏！

今次分別試食了小酸辣的湯底，一碗的餸就叫腐皮蝦卷、冬菇和螺旋藻，推薦大家叫冬菇，因為冬菇好滑又夠厚，再加上吸了湯底的汁，好夠味👍🏼👍🏼👍🏼第二碗就叫了豬頸肉和魚腐，豬頸肉的分量好多好抵食，仲有經過炸過，好值得大家食😋小食就叫了好多人都推薦的雞軟骨，果然係好好味❤️

每位屯門人必定大讚嘅米線次次食都叫 少酸辣湯米線($44)，秘製豬頸肉($11)，腐皮蝦春卷($10)又係會令人食上癮嘅湯底，非常濃厚、酸味又夠；豬頸肉切成一條條好吸湯，香口美味

熱拌薯粉🍜包一個餸💰44豬頸肉 +💰1❤️‍🔥8.5/10分豬頸肉肥瘦適中，香，有咬口，好食到停唔到口👍🏻辣豬肉碎其實唔辣，但都香，有豬肉味🐖撈薯粉個汁，酸酸地，好開胃🤤我去食嘅時候係一點半，一個人都要等位（3分鐘到），可見有幾受歡迎🤣一個餸依個價對學生黨有少少貴🤏🏻就算喺附近都唔會日日食🫠 不過係值得一試嘅🤘🏻想睇更多相可以search翻ig @foodjobdacon❤️‍🔥

今日咁啱經過又想食米線，所以就入咗去試吓餐廳環境格局新淨因為疫情嘅關係繁忙時間卡位都要隔住塊板，每邊坐兩個所以坐喺度食嘢嘅時候都有少少迫夾今次就叫咗佢哋嘅酸辣米線配豬頸肉同一般嘅酸辣湯底相比佢哋嘅湯底比較甜😮豬頸肉都係甜甜地嘅佢哋嘅酸味就好似泰國嗰隻咁加咗少少香料喺入邊另外亦叫咗魚湯紅薯粉配炸豬扒魚湯反而有啲特別， 魚味濃郁👍🏻紅薯粉煮得啱啱好煙煙韌韌好有咬口每一碗麵都會配一個飲品有啲唔同嘅款式嘅飲品就要額外加錢鍾意飲酸酸甜甜嘅朋友就記得叫個鹹檸七飲啦

屯門都算係米線天堂，間間質素都唔差，近乎有種百花齊放嘅感覺。雲川燒更係遍佈屯門，暫時共有5間分店。💡豬頸肉麻辣米線 +  凍檸茶 $46今次唔係第一次食，以前試過酸辣，個人覺得太酸，所以食麻辣湯底，加埋炸醬等各種配料，每啖都好濃味。米線份量還好，食完仲有少少未滿足咁。🥲第一次食呢度最出名嘅豬頸肉，同其他地方切到一片片唔同，而係切到一條條，方便同米線一啖食。香口但係有少少偏硬，下次應該都會試吓其他餸。味道係唔錯，只係整體份量唔多，男仔可能就更唔夠飽了，建議同朋友叫吓小食，冇咁dry又會飽肚。

作為米線控 之前都聽過朋友介紹呢間米線 今次係屯門shopping完順便試下 晚餐嘅時間要等一陣位 平時應該唔洗等今日試咗推介嘅豬頸肉 同雞翼小酸辣米線 上枱時啲湯好夠熱 酸辣味都幾正 最重要嘅豬頸肉同雞翼都好夠味 下次會再幫襯👍🏻

相信大家對雲川都唔會陌生，睇住佢由一間開到愈黎愈多分店，米線群組推介酸辣湯底，但我同朋友一致認為佢魚湯先係最出色！好濃厚既魚味，飲落唔會腥，亦唔會飲到係味精味道。魚湯同米線出奇地夾，建議大家一定要試下！餸方面，豬頸肉係必點！！！！！唔好見佢細細條，一樣好有咬口，燒到好香，分量亦好多，而其他餸就正正常常，但豬頸肉絕對係每人必點！小食方面，手撕雞都唔錯，每次都會叫，雞肉算嫩滑，分量都適中，唔會太辣，再加上麻醬，味道更佳。至於個蝦卷就一般般，唔算太出色。

05.01.2023 星期四 晚雲川米線．紅薯粉 今晚要到演藝學院欣賞「短暫的婚姻2022」，因為放工時間比較緊迫，所以在屯門食個快飯，於是選擇了位於虹橋的雲川。以前很喜歡吃這間米線店的腐竹、豬頸肉、花枝丸鮮魚湯米線，加上一杯凍柚子，非常美味。周圍多了很多食肆選擇，所以少了吃，今晚再重臨，發覺店舖裝修過新淨了，地方寬敞，座位不會擠迫，卡位舒適。轉用QR code下單，除了多款湯底，還有廿六種食材之多，比較特別有墨魚咀、煙燻鴨胸，豬頸肉乃必選；另外多了很多細心的選項，例如湯底可揀全走(走蔥,走芽菜）、或只走蔥或芽菜、多蔥，米線又可以淋D、爽D扣底等；飲品又可淡D、少冰、少少冰等。小食也不少，滷水雞中翼、麻辣牛柏葉、脆皮花枝丸、香茅豬扒、脆皮豬大腸、秘制豬頸肉、酸辣豬耳、淨韭菜雲吞等。米線-鮮魚湯扣底豬潤、冬菇、腐竹、竹笙魚湯底鮮甜，豬膶爽口，冬菇大大隻，腐竹切成一條條，不會散開，加埋竹笙很美味凍柚子茶+$6元淡D、少少冰味道可新界油菜_生菜走油、走蠔油生菜新鮮，份量足米線美味，地方舒適，下次再來

1718年開始食依間米線，到到依加都喺會一個月幫襯兩三次度。因為唔喺住個頭或個頭做嘢，所以好小特登去。但假日有時諗唔到食咩，或去開個頭都會幫襯。一路幫襯就見住佢愈開愈多間分店，證明佢喺有一定吸引力。同埋紅橋依間喺堅多人，平日假期都要排隊。今次埋單108蚊，叫左兩碗兩餸魚湯米線，（因為我地都唔食得辣，所以一直都叫魚湯米線，有時個魚湯會偏薑，偏辣。可能驚腥，飲落唔算好腥，我地平時都會飲吓佢個湯。鮮甜鮮甜有啲薑辣咁，幾好飲👍🏻👍🏻）叫左一杯凍飲同一杯熱飲。凍飲加錢，普通熱飲免費，特色熱飲都要加錢。今日格隔個女仔叫左兩餸定三餸仲要加底。我就突然間發覺，個麵又真喺偏少。諗返起次次食米線好似都喺岩岩夠。如果正值青春期嘅您，或平時大食都可能要加底今次都喺叫返平時叫開嘅餸：豬扒，豬頸肉，墨丸同腐皮蝦卷。餸方面無咩特別伏，都好食。豬扒好香香茅味，豬頸肉爽，但同行話今次無咁爽，墨丸又香又彈牙。無得輸總結：唔喺得人氣兩個字。認為喺有實力先咁多人食。麵方面偏少，但餸真喺無得輸。CP值如果唔比較個少麵量，已算喺唔錯。服務都正常。都唔會諗啲姐姐服務會點好。

今天也很感謝在屯門提早下班，所以就去到附近的餐廳吃下午茶。很感謝當時就發現有雲川這個餐廳，聽說這間餐廳的米線很出名，所以就二話不說走進了這間餐廳。🙆‍♀️進入這間餐廳時看到環境寬闊、燈光明亮，進到去就已經有位可以坐。聽說這一間店的豬頸肉很好吃，所以很快便點了一碗豬頸肉魚蛋米線吃，下單後不到5分鐘就上菜了。看去這碗很足料，吃下去感到米線很滑、湯味很濃，頸肉很好爽口、美味，魚蛋就很彈牙，再加上小辣的酸菜湯底，就感到十分滋味了。津津有味不知不覺就很快吃完了。😋整體而言，食物環境也不錯，價錢也不貴，所以下次再來到元朗就一定會再吃這一間的米線。😝❣️

作為米線關注組組員 見到屯門有呢間榜上有名既雲川米線、紅薯粉對食米線既宗旨係有食錯冇放過既我 緊係諗都唔駛諗就入去試下 酸辣豬頸肉小鍋米線 8/10湯既味道味道好厚身 味道層次豐富 唔係一味得個酸字湯中亦有跟辣肉碎同酸菜 所以個湯係愈食得耐愈出味米線就偏向爽身 我就鍾意硬食少少 如果鍾意食林少少既人可能要同餐廳要求豬頸肉都好惹味 略帶甜味 店舖亦都好細心將每條豬頸肉切細 方便入口鮮魚湯豬腩肉小鍋米線 8/10平時唔食得辣既人食雲南米線既清湯會好無癮 呢到既鮮魚湯幫到你個湯係真係有魚湯既味道 但要注意魚湯米線係唔跟辣肉碎嫁豬腩肉既肉就乾左少少 但味道都ok 而且自帶少少辣 唔食辣既朋友要注意熱拌香矛豬扒紅薯粉 6.5/10上面都係同酸辣湯一樣有辣肉碎 紅薯粉唔會好un煮得岩岩好而調味方面就唔係重口味 係岩岩好夠味 有齊鹹甜辣既元素香矛豬扒都幾入味 食落都幾香口 保留到肉汁 大大塊幾抵食但佢係不設自選辣度 係餐廳set好左 想試既朋友要留意下呀以上都可以自選米線定紅薯粉 唔駛另外加錢想試既朋友要入黎屯門先有得食喇 因為雖然雲川米線。紅薯粉有分店但分店都係分部係屯門區 有興趣既朋友不妨參考

#米線關注組 屯門必試既雲川米線🍜〰️突然想食米線就一於試下🤣假日1 2點去 要排隊 大約等咗15-20分鐘 環境方面 座位都幾狹窄 四人卡位都要兩pair人坐 好迫 但無辦法 大部分米線店都是這樣的😚〰️酸辣湯 中辣 米線/薯粉(跟一餸) $42我哋叫咗兩碗湯底一樣 係麵唔同 米線較煙靭 有口感 薯粉就相對普通啲 都係睇個人喜好〰️你係米線派/薯粉派😳？湯底超級濃 中辣好夠辣 但唔會死辣 酸辣比較啱啱好 好正😋！配料方面嗌咗最多人推薦既豬頸肉之外 仲有香茅豬扒 香辣腩肉 墨魚咀 腐皮蝦卷〰️💓勁足料 真係食餸都飽🤣！味道正常發揮 墨魚咀幾彈口 豬頸肉都好食的 但我比較欣賞湯底多啲😋〰️雲川分別愈黎愈多 大家去屯門不坊試下🤓！

屯門用餐體驗良好嘅人氣米線店用餐當日係星期六，人流相當多。但店員人流安排都十分好，好快就可以入餐廳叫野食。當日叫左麻辣小鍋米線（小辣），餸就叫左三樣人氣之選1. 豬頸肉2. 香茅豬扒3. 腐皮蝦卷湯底嘅味道十分濃厚，鐘意食重口味米線嘅朋友一定會鐘意呢間人氣米線舖，但事後都會有少少口渴辣道我選擇咗小辣，麻辣嘅應覺自己覺得岩岩好。都唔會因為太辣而食唔到同飲唔到湯米線份量同餸嘅份量都好足夠豬頸肉睇落切得好細件，但係份量都好多。細細件相對食落仲好啲，因為十分爽口，掛埋湯一齊食好正，十分推薦香茅豬扒估唔到會分開上，但我食左一件之後都放晒落碗線到，掛埋湯汁一齊食真係好正原味食就同普通香茅豬扒無咩分別，但係索咗一陣麻辣湯之後就好味咗好多，但都可以保持到香口腐皮蝦卷十分出色，因為又係索晒湯嘅關事，味道就唔洗多形容，蝦肉都係爽口 呢樣值得讚，唔似有啲餐廳啲蝦卷係唔爽口的

😋味道：8/10 🏡環境：7/10💰性價比：8/10 👍🏻推薦度：7.6/10.🐼作為米線關注組一定有聽過呢間大西北嘅米線舖😛原來佢有好多間分店不過全部都係喺屯門😂去到咁遠 仲要排隊 一路都好想知究竟值唔值🤣好彩唔係等咗好耐 餐廳環境都算新同乾淨 米線舖來講算係好好🤪味道方面 個人覺得餸幾好味 湯就唔算好特別🤔整體唔錯 都可以試吓嘅~.👍🏻🍲酸辣湯小鍋紅薯粉$42 (8/10)叫咗小辣 酸同辣比例均衡覺得湯底濃 不過唔算好香紅薯粉好煙銀有咬口😙👍🏻+ 豬頸肉$10 (9/10)好impressed! 果然係呢度嘅招牌🤤豬頸肉非常足料 切成一條條好厚肉地又唔會太肥 肥瘦啱啱好 仲好入味 好香口😋🍜酸辣湯小鍋米線$42 + 香茅豬扒$10 (6.8/10)豬扒醃得好香 不過略嫌太乾瘦口感一般🧆酸辣豬耳 $28 (7.8/10)個人覺得呢度嘅小食幾抵食😋食落都幾足料豬耳質素不錯 肥瘦啱啱好👍🏻食落爽口入味 酸酸地幾開胃👍🏻🧆椒鹽雞軟骨 $28 (8.5/10)呢個出色！炸得好香脆😆