鍋處

營業中

休息中

早前來過東薈城行街，肚餓了來到一間一人鍋放題的火鍋🍲餐廳，絕對性價比好高， 各種和牛放題超吸引！其中我選了澳洲🦘純和牛M9+任食放題套餐！-壽喜燒-昆布鰹魚湯底尤其壽喜燒湯底配料豐富，有燒豆腐、 金菇、洋蔥 🧅等惹味啊霜降SRF和牛極吸引，油脂分布平均，雪花❄️超靚，食落果然入口即溶又肉味濃郁！仲有豬肉可選熊本白豚都十分可口啊！蔬菜🥬、飲品及甜品🍮選擇都夠多，輕輕鬆鬆同朋友聚聚打邊爐🍲實在滿足！鍋處 東涌達東路20號東薈城名店倉3樓317號舖

星期日行東薈城，突如心血來潮想食涮涮鍋，見到呢間唔洗等，一於試吓，鋪頭任食自選蔬菜區域較細，有雪糕同少量甜品，但其實主要食牛，都冇咩所謂啦。不得不讚，牛肉質素相當高，牛肉同脂肪比率一流，👍🏼👍🏼👍🏼，甚至有d脂肪多過牛肉🤩🤩, 加上佢壽喜燒湯底，真係一試難忘，極度推介，下次一定再黎食😍。唯一要改善就係入席個陣冇張單，食得興奮個陣都唔記得仲有幾耐時間剩🤣 同埋冇得QR落單，每次叫牛都要搵人落單，有得自助落就perfect喇！，

消費劵出咗都兩星期有多，相信大家都差不多燒哂？😂上週六就同隊友去東涌東薈城度買下靚衫褲，執下筍嘢🛍️ 行到攰又餓，就去咗二期嘅『鍋處』，係一間日式壽喜燒及涮涮鍋嘅放題專門店 🍲店舖木系裝潢簡約舒適，最欣賞座位夠寬敞，檯又大張，放好多碟嘢食都冇問題！😆 地方都整潔企理，見到店員都好積極添食材或飲品，同清潔地方 👍😀Shop Hard Eat Hard嘛 😂🥳要對自己好d，所以6個放題plan之中揀最貴嘅食 😁==============================🥩 澳洲純和牛 M9+ (90分鐘放題) 🐂有分2種：🔸定量套餐以下肉類款式任食，(澳洲純和牛M9+ 此指定款 每位供應2碟) 🔹任食放題套餐以下所有肉類款式任食🔹上選牛肉🔹熊本白豚🔹嚴選美國牛肉🔹澳洲安格斯牛肉🔹美國極黑和牛🔹霜降美國 SRF 和牛🔹霜降美國牛小排🔸澳洲純和牛M9+==============================一坐低就先揀湯底，有7種湯底揀：壽喜燒、九洲豬骨湯、塩麴野菜湯、龍蝦湯、昆布鰹魚湯、泡菜味噌湯、飛鳥牛乳湯一人一鍋形式，可以叫兩個唔同湯底大家share都得 😄平時食火鍋放題就多，呢度有壽

位於東薈城的3樓，鍋處，有午市定量，放題，同埋定食。我選擇左和牛溫泉蛋定食，因為定量的和牛要$255，定量價錢更優惠。定食包括沙律，拌柚子醋，泡菜爽口送飯一流，帶子群邊清爽，蒸蛋，有一塊菇，都算滑，同埋日本人每餐都飲既味噌湯，餐飲是玄米茶，茶味芳香。碗飯好多和牛，好有牛味，有金菇同娃娃菜，味道十分好，溫泉蛋十分流心，拌著食十分滋味。跟餐仲有甜品，是清新既芒果布丁，好甜的芒果味，質地似啫喱。場內座位十分寬敞，以梳化位為主，中間有隔板，形成私人空間，侍應服務十分好。

今早喺東涌行完山，落番去東薈城己經下午兩點幾，見到呢間火鍋放題有牛肉食，而且仲係午市時間，就揀在美國嚴選牛肉放題90分鐘$185,另外再揀湯底加$10，揀左龍蝦湯，加一後$214揀好餐後好快可以入座，呢個嚴選牛肉放題包左上選牛肉，嚴選牛肉同豚肉，全部肉類可以無限追加，兩款牛肉嘅味道幾好，牛肉味幾重，豚肉豬肉味幾好，呢三款肉之後追加左幾次，龍蝦湯味幾濃，其他自助區火鍋配料都唔錯，墨魚丸，魚蛋，牛丸，仲有其他蔬菜如生菜，豆苗，金菇，南瓜等，全部幾新鮮，但甜品選擇較少只食左海鹽棉花杯雪糕同草莓雪條，不過飲品可以全部任飲，呢餐火鍋放題都算抵食

呢間火鍋店主打係日式一人一鍋，因此可以選擇自己喜歡的湯底，唔洗同朋友傾要點邊一款。款湯底有好多種，例如麵麴野菜鍋湯，昆布鰹魚湯等等。部分湯底都幾有特色，但對我黎講咩湯底都差唔多，因為最終都會俾啲邊爐配料蓋過。肉類質素還可以。美國極黑和牛肉質都嫩同有牛肉味。雖然每一片肉都比較薄，但岩岩好一放落湯就熟。除左牛肉，餐廳仲有配菜可以自行自取，例如很多菜、丸子、鳥冬、腸、菇類等等。如果經過outlet, 大家都可以一試。

我係係星期六下午大約7點開始食，我眼見5:45開始要排隊等候，大部分人都係揀左掃壽喜燒同龍蝦湯，湯底味道非常好，而我係揀澳洲純和牛M9+同埋加多左兩隻蛋，可惜唔係日本蛋係普通泰國蛋。不過食肉同湯底同甜品movenpick雪糕可以無限任拎，我認為呢間餐廳非常之抵食，值得為大家推薦可以去試一試。 上肉速度快肉味濃郁湯底正常唯一可惜係冇得電子落單，要不停叫店員。店員服務好會是不是留醫枱上有冇吉碟可以收走，同埋有時留意到會主動加水。

天氣涼涼地，好想嚟個暖笠笠嘅邊爐驅下寒🥶，今次去咗位於東薈城嘅鍋處食邊爐放題啦🍲~ 店外內都採用日系木質嘅簡約風再配上光猛嘅招牌，同市面其他日式放題鋪頭唔同。雖然鍋處鋪內面積不大，但每枱座位之間都分得幾開👍🏻，寬敞嘅空間令人坐得好舒服😌，而鍋處係一人一鍋嘅食法，依種食法可以食到自己鐘意嘅湯底之餘又唔驚得失朋友，係相當偉大嘅發明呀XD-澳洲安格斯牛肉放題🐂 (晚市) - HKD 265/一位鍋處提供六款唔同嘅牛以及七種湯底俾客人選擇，我地叫咗中間價嘅澳洲安格斯牛肉🐂啦，雖然係中間價但係牛肉質素相當唔錯😋，我地叫嘅每盤牛肉嘅油脂都分佈平均，唔會有某幾盤過肥或瘦，口感彈牙，咬口又不失牛肉味，中等價位嘅牛肉都可以有依種質素，令我地喜出望外🤩-鋪頭中間嘅自助區都有唔少食物選擇，常見嘅蔬菜🥬及丸類🍢都有，蔬菜都幾新鮮，水份充足之餘又無乜爛菜，雖然款式唔算太多但勝在質素搭救😉。而自助區一旁就有個玻璃雪櫃，內有甜點🍮，甜品嘅選擇比較少，有芝士蛋糕及和菓子等小品甜點，味道唔差，但泡菜嘅味道比較失色，食落泡菜味好淡😖，不過雪糕櫃內有MOVENPICK🍦俾食客揀，依樣大大加分呀！-至於飲品區嘅選擇就唔算多，

放工去咗東涌嘅鍋處嘆牛肉放題，我地揀咗澳洲安格斯放題，呢個餐嘅肉類就包咗澳洲安格斯牛、嚴選美國牛，上選牛肉、美國豚肉～除咗牛肉，仲包晒所有火鍋配料～自助區嘅食物選擇種類都好多，唔同蔬菜同丸類、生菜、油麥菜、皇帝菜、豆苗、南瓜、豆腐，豆腐仲係燒過嘅所以特別香口～因為係一人一鍋所以可以自己揀鍾意嘅湯底～我哋揀咗飛鳥牛乳湯，味道都幾濃郁～安格斯牛肉肉味香濃，質感結實，食落無筋有嚼勁，吸收埋湯汁咬落都好juicy～飲品方面，有自家製嘅白桃烏龍茶同玫瑰紅茶，兩款都好清新好好飲～甜品有芝士蛋糕、和果子、布甸同多款雪糕，我就食咗沖繩海鹽雪糕～食完真係飽晒～大滿足啦～

$158 的set menu 係一塊好薄的牛扒，多筋，仲係overcooked. 牛扒本身無乜味，要靠燒汁，但燒汁較稀，掛唔到塊扒，好似分開咗放入口咁。東涌價比市區價貴好多。

當日和太太來到東涌逛outlet，不知不覺就到晚上，決定在東薈城食過晚飯才回家，然後走到較多餐廳的三樓，找到這間感覺高質的一人火鍋店😊✏️位置（8/10）：名店城二期，位置稍偏✏️環境（8/10）：樓底高，抽風環境都不錯✏️衛生（8/10）：食材分區清晰，乾凈整潔✏️服務（9/10）：侍應有禮，出餐很快✏️食物（9/10）：牛肉質素高，自助區選擇多🍱澳洲純和牛M9+ 任食放題套餐 - $365/位難得來到，不多想選了較貴的澳洲純和牛套餐，下單要找侍應幫忙，同時可隨時到自取區拿蔬菜、醬料、飲品及甜品🤩🌟澳洲純和牛M9+牛肉大大片，油花均勻，看得出的高質，口感相當嫩滑，而且有牛香，重點是無限任食，讓人滿足。除了這款牛肉，同時還可點霜降美國牛小排等多款牛肉，當然有最好的肯定都點最好的吧😍🌟熊本白豚除了牛肉，還可無限添加來自熊本的豬肉，豬肉味很香，口感亦夠鮮嫩😃🌟自助食材區自助區不算大，丸類有魚蛋、貢丸、墨魚丸及芝士腸等，蔬菜則有生菜、豆苗、皇帝菜、豆卜、豆腐、雞髀菇、冬菇、秀珍菇、金菇、粟米、粟米芯、蕃茄、南瓜、芋絲、花生豆芽等等，一人火鍋反而可自選自己想食的，比較不會浪費😆🌟咖哩飯餐廳特色是有日式咖

是日到了東薈城outlet行街，當血拼過後便到了鍋處吃火鍋放題。看到餐廳門外也很多人等位，已經是差不多八點，也有很多人在門外等候。我跟朋友也等了一會才入座。入座前，首先想想想吃什麼款式的套餐。每款套餐也配上了不同的肉類任食。每款的價格也有不同。我們點選了美國極黑和牛套餐。這個套餐有四款牛肉和一款豚肉可以選擇。牛肉方面有上選牛肉、嚴選美國牛肉、澳洲安格斯牛肉和美國極黑和牛。這間餐廳是一人一鍋，所以自己可以點自己喜歡的湯底。一款點選麵麴野菜鍋，另一款點了昆布鰹魚湯。兩款湯底各有特色，麵麴野菜鍋湯底香濃，咸咸的，所以食材經過湯底，加熱會帶出爭鮮甜的肉味，這樣食材不用再加上醬油都已色香味俱全。所以這款湯底十分推介。另一款昆布鰹魚湯湯底較為清新，吃起來不會蓋過肉的味道。餐廳還有很多配菜可以自行自取，例如很多菜、丸子、烏冬、腸、菇類等等。我最喜愛的是松葉蟹棒。松葉蟹棒真的很鮮甜，而且又長又大條，吃起來啖啖肉，很鮮，所以都忍不住吃了很多條，這裏的松葉蟹棒十分出色。另外肉類當然也十分出色。這一款美國極黑和牛是我跟朋友的大愛，我們無限量添加，吃得飽飽。和牛肉質嫩，又濃牛肉味，而且薄薄的一片，放落湯內很快

今日同朋友係東涌outlet行完街，買到滿載而歸，喺商場上面樓層搵野食上到嚟鍋處，見到門口貼滿日本和牛嘅招牌，我同朋友都係牛魔王，決定一於過黎試下，座位坐得好寬躺，兩個人都可以安排4人坐位自助區域食品擺放得好整齊，醬料區種類都好多元化有各樣丸類，有芝士腸，花枝丸，芝士獅子狗，牛丸，魚蛋等，仲有不同菜類，豆腐，蕃茄，可以根據喜好自由選擇，飲品區都有各款汽水，自家製豆漿，烏龍茶，旁邊仲有個雪糕櫃，估唔到movenpick 雪糕任食，食返幾杯已經回本，仲有榴槤雪條和甜品雪櫃，俾你嘆完火鍋再食返啲甜品今日叫咗澳洲純和牛M9+$365，可以選擇美國極黑和牛，澳洲純和牛M9+，霜降美國SRF和牛，霜降美國牛小排，澳洲安格斯牛由於一人一鍋嘅關係，我哋可以揀兩款湯底，分別揀咗壽喜燒，湯底甜甜，帶有淡淡的清酒香味，龍蝦湯，鮮味十足牛肉方面叫左每樣都叫左一碟先試下，牛肉細嫩，當中油花分佈好平均，當中澳洲純和牛M9+口感極好，入口即化，霜降美國SRF和牛油花冇咁重，但牛味比較濃，所以叫高級小小嘅牛肉，可以食到多重口感，最後仲有叫到熊本白豚，我都好鍾意，切到好薄身，我哋淥幾秒就已經係食得，入口肉味爆發，夾雜埋

今日同女朋友去咗東涌Citygate Outlet行街 夜晚去咗呢間叫做鍋處嘅日式火鍋店食Dinner 入到去坐低先知原來佢係Mr Steak集團旗下嘅餐廳 我哋叫咗美國安格斯牛肉火鍋放題 兩個都叫咗壽喜燒湯底 呢度嘅壽喜燒湯底都算係幾正宗甜甜地 唔會過淡亦唔會過濃 幾啱我地自己口味 裏面跟埋洋蔥京蔥鮮冬菇同金菇美國安格斯牛肉肉質唔錯 有脂肪得黎亦好有牛味 肉質軟淋唔會硬班班 油脂分佈都算係平均自助吧有多種蔬菜丸類麵食提供 飲品亦有大概六七款 包括自製嘅茶類同埋一啲罐裝飲品 甜品更為豐富 有movenpick雪糕任食 算係另一個回本位另外我見隔離枱有人叫咗M9和牛套餐 賣相超級吸引 而且價錢好似做緊$599買一送一 一啲都唔貴 唔知下次出開東涌嘅時候仲有冇呢個優惠呢

想打吓日式邊爐🥰嚟咗呢間叫鍋處嘅日本餐廳🤤入到去聞到好香日式邊爐嘅味道，形式可以叫做一人一鍋咁嘅做法🙂佢係放題形式，蔬菜類可以自行出去自助區選擇， 而湯底就可以揀兩個味道，因為一人一鍋😍我哋揀咗飛鳥牛乳湯，鹽麴野菜湯，兩個湯底嚟到都見到裏面有少少本菇嘅配料🤩湯底好濃郁嘅香味自助區嘅食物選擇種類都好多，真係包你食到飽，而店員亦都會睇到就嚟冇嘅配菜都會refill ，唔怕俾人攞晒自己冇得食😃飲品方面，佢哋有隻自家製嘅白桃烏龍茶，同埋玫瑰紅茶，兩隻都好香好好飲，不過會好快俾人攞晒，因為個個都飲佢哋自家製嘅茶🤩你以為佢哋得打邊爐咩？其實原來佢哋仲有日式咖喱飯，都係喺自助區嗰度自己攞，你想要幾多飯或者幾多咖喱，都由你自己決定👍🏻👍🏻最後極度誠意，推介佢哋牛乳布甸，入口超滑，好重牛奶味🤩我同朋友每人都食咗兩杯，嚟到呢度一定要試呢個甜品😍