金鳳茶餐廳

營業中

休息中

Friend was having a drink and egg tart as was early for lunch, I went over to meet my friend to go to lunch together, sat down and waited for my friend to finish the tart and drink... waiter comes over and says that he will charge me $10 just to sit! Restaurant was not full and the lunch rush had not started, and obviously would have vacated our table if they were getting full... Now I know why people are heading to Shenzhen to eat and drink!

今次來到同前兩日為大家介紹嘅新景園咖喱小廚對面嘅【🌟金鳳茶餐廳🌟】呢間又係長期好多人排隊嘅地道茶餐廳☕️今次咁啱唔洗排 所以就入左去食😌金鳳啲侍應服務態度好好 無論對本地人定遊客都係👍🏻但入面座位比較窄 所以大家都坐得好近～我地今次叫左：❶ 特價午餐+凍檸茶🍋 💰𝟓𝟑+𝟑我揀左火腿奄列、菠蘿包、沙嗲鮮牛肉麵🥩火腿奄列味道不錯 不過如果蛋煎得唔好咁熟會更好🙌🏻菠蘿包比我想像中無咁好食🥲因為佢係好實淨個種菠蘿包完全無空氣感同埋唔鬆軟 唔係好啱我口味🥹下次都係叫返餐包算🤣沙嗲鮮牛肉麵因為用鮮牛肉嘅關係🥩所以唔會有個種用完鬆肉粉好淋嘅感覺 但又唔會太韌👍🏻沙嗲汁調得好好 香得嚟又唔會過鹹😋公仔麵軟硬適中 就算食到尾都唔會太淋所以如果大家嚟嘅話建議試下佢地嘅沙嗲鮮牛肉麵✨凍檸茶正常飛揮～❷ 乾炒鮮牛肉烏冬 💰𝟓𝟖鮮牛肉份量好多🥩塊塊都好大塊 唔會太韌😋烏冬炒得好乾身 夠香口又唔會太油👅值得一試👍🏻味道😋：𝟑.𝟓/𝟓 性價比🤩：𝟑.𝟓/𝟓回頭率🔙🥳：𝟑.𝟓/𝟓• ─── @𝓱𝓮𝓲.𝓵𝓮𝓽𝓼.𝓯𝓮𝓪𝓼𝓽 ─── •👧🏻｜香港𝟎𝟎後𝐅𝐨𝐨𝐝𝐢𝐞🤤🇭🇰❤️‍🔥｜美食情報💥｜真實食評🫦💰｜尋覓𝐂𝐏值高嘅美食👅

營養午餐，選沙嗲牛公仔面，火腿奄列，菠蘿包，凍奶茶，合共58。附近打工仔，食了數次，食評如下:沙嗲牛汁味濃，牛肉同面份量足，係餐厅招牌，火腿奄列大份，凍奶茶係预先調制雪凍而成，冇冰，茶味較濃。菠蘿包較其他面包店的實淨，重身，請留意，最好加5元加鮮牛油，才会由門口包框取出最新鮮的包比客人，如不加5元鮮牛油，包就不是取門口包框內取出，而係由廚房那出，会比耐一点的包比客，疊在奄列上出，菠蘿皮會較淋身，食過數次觀察到一樣做法，所以要有心理準備。

金鳳最出名係菠蘿包，但我偷聽到排隊嘅人講，雞批、蛋撻都唔錯。茶記都係主打快食快走，金鳳屬於正常速度啦！*特價午餐 $55雪菜肉絲米粉：齋米粉少湯配雪菜肉絲。肉絲有咬口肉感，雪菜又唔會太鹹，但米粉索唔到味，變咗撈麵咁款。大多數人都係叫沙嗲牛肉公仔麵，可惜我唔食牛。煎雙蛋：師傅要時間煎，所以最遲上。啱啱好煎到有半熟蛋黃漿。*菠蘿包 (鮮油+$5)最快上，菠蘿包身有牛油香、蛋香，頭一兩啖有少少酸味，質感扎實而濕軟，絕唔會係空氣包。菠蘿皮有相對厚度，香甜酥脆。中間夾住牛油塊，但好可惜菠蘿包係凍嘅，冇熱包凍牛油嘅對比🥲雖然係凍，但都好食，如果係熱嘅會更好！*熱奶茶：奶茶薄身，入口順滑，但淡奶、茶底未夠香。

潮流呢排興大光麵用大光麵嘅茶記都有個本土光環😇唔少朋友為咗食麵突登揀返有用大光麵嘅茶記🥸呢間灣仔區嘅著名茶記 — 「金鳳 」就係其中一間好早標榜用大光麵嘅茶餐廳🙌🏻門口會痴住選用頂好大光麵嚟招搖客人🍜港島區嚟講 提起沙嗲牛肉麵「金鳳」必定係榜上有名呢啲排行榜嘅野唔試唔知伏唔伏🚁🚁🚁我自己試過兩次 ✌🏼就覺得最出名嘅沙牛麵還好首先頂好大光麵一直都唔係貴野👀麵底好唔好食其實好睇廚房師傅點處理兩次去食都覺得麵底無咩特別 中規中矩牛肉就好麻麻 好韌好乾😖係好平價嘅牛肉再落粉乸鬆佢至於沙嗲 係成個沙牛麵中最好嘅味道不錯👅👍🏻常餐嘅奄列睇顏色都知唔好食好熟 唔夠滑 ☹️☹️ 整體嚟講 野食係好普通茶記水準🌞排幾張檯都可以嘅 排半個鐘就唔值得啦而且啲位真係真係好逼⋯⋯肥小小都會比伙記哥哥撞開🥶🙈🙈因為鋪頭有做埋麵包 啲伙記哥哥會不停拎一盤盤熱嘅麵包行出鋪面♨️如果經過個頭 不妨試下佢地嘅麵包🍞新年出爐 熱辣辣好Jeng🔥🔥🔥✨金鳳茶餐廳 (灣仔)📍灣仔春園街41號春園大廈地舖

「金鳳茶餐廳」灣仔老字號，充滿咗港式情懷，好窄的空間，超級窄的雙人卡位，侍應叔叔們無論係落單定係上菜都快靚正。裝修都算乾淨企理，但係奈何舖頭真係比較細。火腿通粉餐 $46，份量足夠，大大個菠蘿包，碟旁邊配有少少的牛油，傳統茶餐廳味道。沙嗲牛肉通粉餐 $46 ， 沙嗲牛肉唔錯，牛肉嫩滑，沙嗲味不算太濃郁，但亦都唔會死鹹，同其他茶餐廳比的確好食好多。叫咗熱奶茶，奶茶不過不失，茶味比較淡，奶味突出。星期日早上，早餐時間都比較多人，要等位，但流轉非常之快，見到有不少遊客都慕名而來。還未有試過午餐，聽聞雞批也不錯，但就沙嗲牛肉就可以再來多次。

同為foodie的同事推介這家茶餐廳的菠蘿包。於是，摸黑5:30am起床，7:15am到達餐廳，可幸仍有空位，可以靜靜地享受。奶茶的茶味好濃!如要量化，茶和奶的比例是8:2。甫入口，茶味好澀，但未算是苦。喝光後，依稀還有一絲回甘。奶茶是凍奶茶，當中沒有加冰，而是直接由雪櫃取出。奶茶的味道跟平常重奶味的奶茶不同!沙嗲牛肉麵的沙嗲是甜沙嗲，跟平常的微辣不同! 即食麵不是我所愛的略硬質地，而是頗軟而帶彈力，可以一口氣吸入。牛肉即好鮮嫩，同事說是鮮牛肉。脆脆的菠蘿包殼是必需!咬下菠蘿包之時，掉下一小塊在碟上，要執回放入口中，浪費太可惜。菠蘿包的主體好黃，好特別! 外層(紅圈)是一整層外皮，質地就如香印提子的提子皮或荷蘭豆的豆莢，需要稍加用力才可咬穿，好有趣!內裏的麵包好軟熟、綿密和煙韌，吃來好滿足!吃過這個早餐，不用再吃午餐了!

今次嚟到灣仔街坊介紹嘅金鳳茶餐廳，當然必選喺沙嗲牛肉公仔麵加菠蘿油，再配上個火腿奄列就是一個午餐D約$55。牛肉果然喺新鮮牛肉，食落都比較嫩口，菠蘿油方面，包身鬆軟，夾心住整片牛油真喺超邪惡嘅配搭。作為女生，喱個牛餐喺絕對要打包走，食完個麵同奄列後已經9成飽，個菠蘿油食咗兩啖唯有打包帶走。舊式港味茶餐廳喺香港已經買少見少，搭枱加上伙記大嗌茶記暗號都喺其中一種除咗美道之餘嘅特色享受。不過街坊就話，今次未喺最新鮮嘅菠蘿油，有時遇唔遇到出爐時間就好睇運氣了。

多次傳媒報道此老字號，事實也試過幫襯，但門口等侯大長隊，都放棄了。那天周二，往灣仔區辦事，早上十點完成，路過此店，空位很多。進入餐廳，前面兩排坐滿都是老客戶，收銀阿姐招呼，談天，不易樂乎。我是陌生人，自己找了單坐，一個有纹身的中年大哥伙記走過，愛理不理，我叫了奶茶及波蘿飽。茶杯熱的，茶味一般，飽重量十足，味道一般。比較太子金華，比它好很多，價錢$32。離開付款，收銀阿姐，愛理不理。以後我都不會再去，沒有什麼理由再去。

今日行過見到有位就入去食個早餐啦，見上網啲人話佢個菠蘿包好食、叫左個早餐$44….有沙嗲牛肉麵、菠蘿包、一隻煎蛋同埋一杯熱奶茶。沙嗲牛肉得個咸字個麵又唔好食、個菠蘿包死實實一啲都唔好食、杯熱奶茶一啲都唔滑…唔好飲，一定無下次。見到都有唔少遊客同大陸人去幫襯，不過個服務員就好好態度。

之前喺沙嗲牛肉關注組見到呢間茶餐廳,已經好想試,呢間茶餐廳最出名係沙嗲牛肉.蛋撻.雞批😍午餐 沙嗲牛肉麵 $53 +火腿奄列+菠蘿油(加$5)沙嗲牛肉麵沙嗲牛肉份量有好多🤩味道香濃😍牛肉軟腍,唔會韌👍🏻麵嘅軟硬度適中😋火腿奄列雞蛋份量好足,有蛋香😍裏面大量一絲絲火腿😋菠蘿油麵包微熱,質地鬆軟,面頭嘅菠蘿皮有香,裏面嘅鮮牛油未溶,所以有少少失色雞批 $14雞批咁岩喺新鮮出爐熱辣辣🤩批皮富有牛油香😍裏面嘅餡料有白汁.雞肉同火腿,唔會好鹹,味道好好味😋

金鳳茶餐廳嘅人潮總係絡繹不絕，最多人叫嘅就係沙嗲牛肉麵同菠蘿油，但我覺得最特別嘅係有唔少甜品，例如牛奶通粉同蓮子茶，我未食過鮮奶糊($28)所以就決定試吓，見蛋撻新鮮出爐就順便買個($9)😆碗甜品一打開就聞到好香奶黃味，撈起發現底係有啲類似蛋黃嘅物體，應該就係吉士粉開水再加隻生蛋，可惜食落去只有好淡嘅吉士粉味，同聞落好大離差😢杰身得來又唔算好順滑，所以都唔係好知食緊咩，睇嚟要問返上一代人鮮奶糊係咪呢種味道同質感🤣酥皮蛋撻亦都令人失望，雖然望落去係一層層好分明，但咬落就變咗一坺嘢，完全冇餅皮應有嘅酥脆感，好在蛋漿都唔會太老太硬，但整體來講一般般😗其實之前都買過佢哋嘅餐包嚟試，可以話好實在亦都可以話有啲硬，可能唔太啱我哋口味☹️

今日lunch唔係好肚餓，所以喺金鳳茶餐廳叫咗杯凍奶茶營養C餐，少少哋過吓口隱首先茶餐廳最重要係杯凍奶茶！少甜唔代表淡，茶味香濃夠滑，少少甜真係好正金鳳嘅菠蘿包係偏甜，係黐口嘅，我就係鍾意呢個口感佢個菠蘿皮係唔脆，比較傳統嗰隻，如果翻熱嗰陣時可以改善下就好啦！個火腿奄列都好味，唔算非常油膩👌🏻火腿絲勁粗！口感特別好！蛋味濃不過個外賣包裝就好差外賣收一蚊就俾個好啲嘅容器！隻紙碟和膠袋掂住個奄列真係唔OK整體嘢食係冇問題👍🏻只係外賣包裝有待改進

未食過咁難食嘅茶餐廳，好普通同簡單嘅港式茶餐可以整到樣樣都難食，其實都幾高難度：1）沙嗲牛肉公仔麵 - 個麵林到發哂水，沙嗲牛肉同啲汁好似膠水咁。食咗有想作嘔嘅感覺2）菠蘿包 - 一咬落去好似食緊粉漿咁，連麵包都可以整到咁難食，都幾誇張3）奄烈 - 蛋煎到過熟，好乾，加上中間的火腿好明顯係非常廉價劣質，咸到苦，可以直接掉垃圾筒4）蛋撻 - 一咬開，發現中間係未熟！！5）奶茶 - 味道似奶溝水🤮🤮🤮🤮🤮🤮🤮咁垃圾嘅茶餐廳，仲見好多遊客去食，簡直影衰香港🤮🤮🤮

灣仔近囍滙附近既老店金鳳，係好傳統既茶記叫咗個快餐，一個米粉、一個麵個牛肉既份量好多 都係新鮮既，幾好味可以揀跟餐包或者菠蘿包，個包係好傳統嗰d餐包味，味道一般奶茶就叫咗一凍一熱好飲，不過唔記得影相