金玡居

營業中

休息中

一間好不知所謂嘅餐廳，擺明係呃遊客錢清燉牛肉細面話係安格斯牛肉片，其實係一碗吉x家細牛飯size嘅肥牛面，個湯係廢嘅，豉油溝水？ 收我$108花雕雞湯面，一樣係咁細，個湯冇味，唔係淨係話冇花雕味，而係乜味都冇。$128呢兩個面仲要等左勁耐黎到係唔熱嘅，全場得三枱客都搞咁耐。咁嘅食物質素點解可以擺得上枱，仲要索天價，呢碗野比$50都唔值，求其一間面檔都好食一百倍，落單係自己剔紙仲要收加一。埋單$323，完全破壞左美好嘅一日！

跟朋友行到攰，望過價錢唔算貴，食物係即叫即制，仲有個全海景任睇，感覺幾好! 入座後點了以下食物：1. 沙薑雞翼：可惜鹽蘇雞售罄，肉質夠爽，醬汁味道夠濃，最重要係夠熱盪口。 2. 蒜片香腸：得2條，都夠熱，又皮脆香口，有啲唔夠喉，表面上灑了蒜片，味道更昇華。 3. 無骨酸辣雞腳：味道適中不俗，唔係好辣。 4. 飲品：西柚綠茶梳打、玫瑰蜜桃沙冰、水蜜桃果茶服務員帶位有點亂，皆因中間道門開左，其他客人不知道要先取飛等候入座，就直入自行入座，餐廳指示有點亂，建議用同一門口出入避免誤會。服務員態度親切有禮，讚讚讚!!!

喺旅遊景點食嘢，從來不會有任何要求。座位舒適、乾淨，食物到位，醫飽個肚，價錢可以接受，食完再行過。黃金鷄湯貴妃飯同清燉牛肉粗麵再加杯奶茶，好快上菜。食晒落肚。最欣賞嘅係員工001嘅服務態度。假期人多，每分鐘都係生意。前面幾間舖慢好多呢。請無撳飛嘅顧客出去撳返飛，座位自有安排。睇住全埸，快手快腳抹枱，安排座位、執嘢兼收錢睇住錢櫃。一腳踢！久違嘅打工仔拼勁香港人精神返晒嚟，勁過澳牛。發哥話：大聲講嘢唔等如無禮貌，招呼到位喎！除咗即刻讚妳，呢度讚多一次！

你嚟得西九就預咗要俾錢，話晒政府唔知幾千億打造，喺度開鋪嘅又咁靚嘅海景，又有藝術氣息，鋪租一定唔平，自然就要轉嫁俾我哋呢啲遊客，比較所謂又chill有感覺高級嘅咖啡餐，呢間嘅食物味道算係啱我哋本土居民，我知道呢間嘢有明星效應，另一間分店喺山頂食過都係貴㗎，相對之下期比起其他算係叫做平啲咁多，我淨係嗌咗佢一個撈麵同埋一杯免費嘅熱水，記住有+1 㗎，埋單$140，唔係特別好食，但係我知道要等好耐，算啦，今日抱住本土旅行嘅感覺，佢有佢Hea做我有我Hea等.本身約咗第一場睇三星堆，所以早咗落嚟食，舖頭人唔係太多可以揀梳化位，之前有留言話佢服務一般，預咗，香港今時今日有邊間服務特別好，除非你去酒店或者好貴嗰啲囉，百零蚊食一個lunch你想點？乾隆咩？Btw, 隻蛋係雪櫃攞出嚟嘅感覺，真係要聽佢講撈埋一齊食.

Rubbish Dont tryprob my worst dining experience so far.服務極差又貴經理態度超差無服務可言， 要我哋三個坐一張二人台都算，佢仲話得呢張台格硬話係三人台，最簡單嘅服務語氣都無， 食物普通完全唔值呢個價， 完全係揾氣受，雖然故宮附近唔係好多餐廳但建議大家唔好食呢間嘢。而且，餐廳嘅服務速度都好慢，等嘢等咗好耐，味道好一般，完全冇創意同埋質素唔夠好。總之，呢間餐廳嘅整體體驗真係差到爆，我唔會再去。

Was looking for something non-expensive after taking a walk at the West Kowloon district and we found Jin Ya Ju Noodle Bar for dinner. The store is decorated with huge glass windows so it’s gonna be a bit shiny when it’s at sunset hour. The food was not bad but of course not excellent, think it’s good to just have a simple meal here when you don’t want to do anything fancy.🥂Preserved Egg & Stinky Tofu $78If the stinky tofu is smoother in texture that would be better. The flavour was alright but

黃昏時段同女朋友睇完故宮睇完展覽，滿足左對眼，係時候滿足下個肚，三間餐廳選一間，最後選左金玡居，舖位小小，但裝橫落足本，樓底高加落地玻璃，睇日落打卡位置一流；到點餐時候，由於我地都有選擇困難症，加上見到個餐單，樣樣都好以似好好味咁，最後店員好好為我地耐心幾款必食推介，出菜好快手，轉個頭已經有得食；推介黃金雞湯貴妃麵，名符其實真係金色雞湯，夠濃滿滿雞湯味道，一點都唔油膩，華生雞看似豉油雞，但非一般豉油雞，非常入味同夠滑，好耐無食過咁滑嘅雞；雲南酸菜雞湯麵配魚，魚夠滑，湯夠酸夠辣，無介紹錯；鹹蛋黃苦瓜，鹹蛋金香配苦瓜甘爽絕配；松阪豬頸肉，炭香豬肉味再配特制醬汁，滿足味蕾；點左兩支啤酒，店員夠醒目安排戶外位置比我地睇日落，幸福滿滿；總結直得一試，服務一流，出菜夠快，環境更加唔洗講，西九無敵大海境加日落打卡，必翻兜

同女朋友叫左佢地招牌既金芽居拌麵👍🏻，雞湯麵加個小食黃金泡菜，大慨10分鐘都上晒台比我地。果然係招牌拌麵，拌麵嘅口感個人黎講岩晒我口味，最特別系拌麵嘅蘑菇好入味雞湯麵價錢尚可，樓面員工解釋佢地既雞湯冇落任何調味料，個麵都係手工麵，令我好好奇去試下，雞湯堅👍🏻手工麵系唔同啲好食，連埋海景低食👍🏻！最令我驚艷既估唔到系個小食泡菜，佢同出邊韓國傳統泡菜唔同，但味道真係好好食👍🏻Btw員工有耐性解釋餐牌比我聽👍🏻，服務態度唔錯，環境唔洗講西九故宮海旁！一流👍🏻最衰系天氣太熱唔想坐出面，唔系對住個海食野都真系幾寫意👍🏻👍🏻

安格斯牛肉油撥拌麵 +花生黑珍珠燕麥冰於故宮博物館參觀完展覽，時間關係，直接在地下層的餐廳午膳。 一進餐廳，座位相當親密，於是我哋選擇坐吧台。朋友另外點了黃金雞湯貴妃麵配華生豉油雞貴妃面感覺比較糊一點，味道亦唔見突出，我跟朋友都不太喜歡。油拌麵的安格斯牛肉分量有沒有吝嗇，味道清新微辣， 味道算正常水平。 由於我哋坐吧台，直接見到店員以花生醬製作發散黑珍珠燕麥冰，還擔心會像飲skippy般，結果很不錯，名字裡的所有配料都搭配得很和諧。花生味自然溫和，加上粒粒燕麥煙韌咬口，good good~

叫一個麵加底，可以話冇湯跟係合理，本身嗰碗啲湯已經唔係滿，未食完已經俾個麵索晒，加底嗰個麵分開上，已經結埋一舊，仲可以講係冇跟㗎喎！其實廚房師傅知唔知個麵係好索湯，佢哋根本冇跟夠

同朋友行完M+, 佢想飲d嘢所以就嚟咗哩度我哋冇講過堂食定外賣, 阿姐見我哋買飲品就預設咗做外賣唔緊要, 我哋本身都打算坐出面, 而且佢哋都會送到嚟我哋張枱不過飲到一半, 有對情侶帶住隻金毛要搵位, 店員見出面冇位就同我哋講我哋叫外賣唔坐得哩度但其實張枱好大, 最少坐到10人, 而且中間又有塊板隔住就算搭枱, 我哋同對情侶中間都有好多空間, 我唔明點解要趕我哋走唔知係咪公司規矩, 但咁樣嘅服務我覺得係有好多空間改善另外, 飲品味道普通, 價錢同街邊比係偏貴, 不過開係哩d地方, 如果可以坐低慢慢嘆嘅其實係可接受

見附近餐廳之中，呢間人流算幾多，所以揀咗入咗去食晚餐。兩個人分別叫咗兩份麵食，等咗一陣，我哋叫完嘢食隔離枱先到，職員都主動幫手跟佢哋單，而我哋一直無人理。終於催第一次之後，其中一份餐點喺落單後二十分鐘終於送到，另一份等咗一陣都仲未有，前後通知咗三個職員，另一份餐喺落單後半個鐘先送到，等到就嚟瞓著咁濟。喺最後一份餐點送上嘅時候職員望咗一眼我哋落單時間同佢自己隻錶，係呀無誇張足足等咗半個鐘有多，最不滿係完全無人同我哋表示歉意，或者通知一吓發生緊咩事。見過鬼怕黑，食物唔平，仲要等咁耐，以後唔會再嚟。

今日去行故宮博物館係海旁見到呢間野，例牌上OpenRice 睇下評價見到都唔少講一般但又想食麵 於是照入去試下叫左兩個麵同兩杯野飲，兩個麵先上，見個碗咁細 但份量都算多再加埋杯大杯野飲，真係飽肚我叫嘅係招牌鴨血臭豆腐牛肚幼麵送上黎 臭豆腐味都好出個湯底好正，我忍唔住飲左一半另我叫左杯雪燕杏仁牛奶唔會好甜 有啲杏仁同雪燕 入口好march杏仁味唔算好濃朋友叫左杯宇治紅豆冰我試左啖 好濃抹菜味 又大份量 朋友食完杯麵再飲埋杯沙冰表示飽到唔想行下次故宮展覽出新展會再過嚟食多次

喜歡逛完博物館來這裏休息和醫肚，因為附近食肆不多，通常會避開繁忙時間，避免排大隊。餐廳裝修尚算舒服優雅，但今次選擇坐戶外，吹吹風之餘欣賞西九海景。花生黑珍珠燕麥冰（$68）有濃郁的牛油花生醬味，口感creamy，啖啖燕麥，花生同珍珠有嚼勁，是我喜歡的口味，同都幾飽肚。金玡居拌麵（$128）麵身夠煙韌，用叉燒、蘑菇同溫泉蛋拌麵，配上類似泰式酸辣汁，酸酸辣辣幾好味。金玡居香辣滷肉豆腐蓋麵配鹽酥雞三件（$128），新鮮炸起的鹽酥雞熱辣辣，配以滷肉粒和豆腐，夠惹味香口。湯底比較濃稠，更似拌麵。這裏食物選擇不多，價格也偏高。以前來過數次，覺得服務質素時好時壞。但若把這餐當作是整個博物館之旅的一個環節，還是頗寫意的。

叫左個唔知咩豆腐蓋飯，百幾蚊，味道同街邊兩餸飯差唔多，又唔夠熱，等左10幾分鐘。另叫左個金牙居拌麵，真係唔得，又百幾蚊，等成差唔多半個鐘，又係唔夠熱，味道比一般差，著黑色衫個服務員（？經理）又無禮貌，是但啦，唔會再黎，希望多一個人睇到害少個食客