影片
港鐵旺角站 E2 出口, 步行約6分鐘
繼續閱讀
電話號碼
90383638
開飯介紹
位於旺角，主打新派粵菜及私房菜的中菜館，海鮮菜式尤為出色。
繼續閱讀
營業時間
今日營業
17:30 - 02:00
星期一至日
17:30 - 02:00
以上資料只供參考, 請與餐廳確認詳情
有關獎賞計劃
話說早排凍冰冰約埋成班朋友去左呢間金玉滿堂食羊腩煲，個Gas爐一放低就斜左一邊，原來無左隻腳，同店員講，佢竟然回覆「係咁架啦」聽完真係成個人暖晒～發滾添呀～不過佢之後都有換過個企得穩既爐比我。① 雙冬扣黑草羊腩煲 $368賣相唔錯，但可能羊腩鋪面浸唔到個汁，成班人一見到滾就搶食，食落件件都唔腍，徙晒！其實羊腩都幾大件，不過我地再等佢滾耐啲都唔夠腍。② 金玉麻辣花雕雞煲 $498被喻為店家必食雞煲，個煲好大個，一打開…都算好多料，花膠夠多夠大件，但雞就唔係好入味，肉質唔係好嫰。③ 黃金珍寶蝦球 $158呢個黃金蝦球一上枱就搶，相都無影，好食！個黃金醬撈飯一流！④ 黑椒薯仔牛柳粒 $138⑤ 魚香茄子煲 $108⑥ 生拆蟹粉扒豆苗 $138牛柳粒同茄子煲都係正常大排檔質素，至於個蟹粉扒豆苗就一般般，唔係好有蟹味。.整體覺得餐廳環境同服務都一般，特別一黎比侍應既回應拋疾左。當晚隔離枱有個客一坐落張櫈就爛左，成個人撻落地發出巨響！好彩人無事，餐廳除左致歉都識做送左兩枝啤酒。唔計個羊腩煲我唔知係咪我自己問題，其他食物質素就正正常常，唔突出，價錢唔算平，性價比唔算高。
繼續閱讀
經常經過這條街, 這次才能發掘到這間隱蔽餐廳 😁 餐廳門口有寫“旺角鯉魚門”, 除了多款雞煲外, 餐廳還著重海鮮, 都有很多不同類型的小菜, 餐廳招牌也顯示私房菜, 更看到旁邊客人點了酸菜魚, 種類之廣不用多說! 🤗金玉南非鮑魚烤雞煲 (小) $468鮑魚可以單隻叫, 每隻$75, 所以直接點雞煲感覺便宜了 😆 雞煲總共有四隻鮑魚, 每一隻都超大, 全部新鮮彈牙, 不過醬汁偏濃味會把本身的鮮味稍為遮蓋了, 不過也不是什麼大問題 🙂 輕輕用筷子支撐再用匙羹拉一拉就可以把鮑魚跟殼分開, 另外有海量雞件, 雞肉完全吸收了醬汁, 非常惹味! 😚 配料有香菇, 洋蔥, 少許辣椒, 整個煲都相當惹味 😋 母親說吃到有點麻脾, 我自己則不覺得有麻脾感, 況且有另一個雞煲是寫明是麻辣的! 廚師之前已經煮了整個煲, 但洋蔥還是有點生, 所以才煲多一陣子, 不過不能煲太久, 否則雞肉會變老。黑椒薯仔牛柳粒 $138牛肉切成細粒, 黑椒更加入味, 但又不至於過咸或過甜, 味道剛剛好 👍🏻 通常這菜肴師傅都會先走油, 所以先經過油炸, 它的牛柳粒口感稍有脆邊, 但絕對不會乾如柴, 牛肉軟腍味美 😃 而薯仔都炆得很淋, 又不會淋到全沒口感, 真的吃過不停! 😬脆皮炸大腸 $108其脆無比, 脆得像乳豬皮那種, 當然未有那般誇張, 但口感比較類同 😝 剛剛煮起熱吃最滋味, 有部份會帶少許肥膏, 但普遍都是瘦的, 有肥膏就多種外脆內軟的口感, 加配甜酸醬最合適!餐廳除了環境上扣了點分, 食物質素好, 另外一定要讚讚一位載眼鏡的員工, 態度超好, 面帶笑容, 而且十分勤力, 離開時稍讚餐廳食物, 老闆在旁邊還靜靜聽著, 他已經落力推銷 🤭 感受到這位員工當餐廳是自己的, 有強大的歸屬感 👍🏻 餐廳雖然不大, 但很整潔, 我會再找機會試其他食物! 👏🏻
繼續閱讀
金玉麻辣花膠雞煲（細），$268💰花膠雞煲新鮮的花膠和嫩滑的雞肉為主要材料，配以辣椒和蔥香料烹飪而成。香氣撲鼻而來，花膠的彈牙口感，麻辣味道濃郁，花膠質地彈牙，雞肉鮮美多汁🐔金玉滿堂一品炒飯，$138💰炒飯色澤金黃，米粒飽滿，每一口都散發著香氣。炒飯中加入了新鮮蔬菜和蝦仁，口感豐富多樣，米粒保持了彈性，配料的鮮美口感米飯粒粒分明，帶有濃郁的鑊氣🍚黑椒牛仔骨，$148💰牛仔骨都帶著濃郁的黑椒香氣。咬下去，肉質鮮嫩多汁，配合著黑椒的香辣味道，簡直是一種美味的享受。內裡肉質柔嫩🐮椒鹽脆鮮魷，$108💰外層裹上了一層酥脆的椒鹽粉，每一口都帶著脆爽酥脆的口感。鮮魷肉質鮮嫩，椒鹽的香氣鹹香味道完美，魷魚新鮮，椒鹽味道恰到好處🦑整體環境坐得幾舒適😀服務態度店員好服務親切☺️食物份量夠哂大份，適合同朋友一齊聚餐😁
繼續閱讀
跟老友在旺角開餐，佢帶我到呢間位於煙廠街的#金玉滿堂，品嘗一下特制雞煲，一齊嘆下慢慢享用，邊飲住啤酒邊嘆下美食，就過左一晚開心又滿足的晚上了🌃。金玉招牌龍蝦雞煲，招牌菜之一，店舖用了秘製醬汁，上菜時香噴噴又好大煲，足料夠晒2人享用，小的辣度令更香口惹味，食落味道香甜爽辣非常之讚。龍蝦🦞新鮮，咬落肉質爽彈鮮甜，雞肉的份量亦很多，煮得夠晒入味，配菜的紫洋蔥、菇菌都很索汁，再加配了小白菜，我哋都食到舔舔脷，好快就比我地清左佢了。本想再點其他菜式，但大家都飽飽，要留待下次約多些朋友黎，一齊食多啲了。
繼續閱讀
今日同朋友聚餐，佢話呢間係佢近期食過最好食嘅餐廳，所以我今日決定同佢試吓係咪真係咁好食😉雖然佢喺旺角嗰頭，但係其實都要搵到都唔容易，如果佢冇介紹我都冇留意過呢度有間餐廳，入到去時間尚早，都可以Walk in度，坐低就嗌咗個招牌海蝦花甲雞煲食住先😚之後侍應就叫我哋可以join佢嘅WhatsApp group，咁就可以得到一份麻油魚皮，魚皮都夠爽脆而且麻油味好香而不濃，作為一個前菜都係一個唔錯嘅選擇👍🏻之後雞煲好快就拎上枱，要再喺枱上面滾多幾分鐘之後就可以食，店員一開個蓋即刻香味撲鼻，再炒多兩炒氣味更加濃郁，俾佢搞到食指大動，急不及待已經夾雞嚟食，首先佢雞皮已經呈現焦香狀態，香口到不得了，而且每件雞size亦都唔會好細有足夠嘅肉食到落肚，而且個味道非常濃郁，令人一食再想再食，果然係我近期食過最好食嘅雞煲🤤入面都有唔少花甲，每個花甲都沾滿着濃濃嘅雞煲汁，簡直係完美配搭，鮮甜又惹味，而佢個海蝦都好大隻，食落都中規中矩😝見佢呢度啲煲整得咁出色，所以就再叫多個沙嗲肥牛粉絲煲嚟送飯，呢個亦都係冇錯，味道絕對令人滿意，每方面到相當平衡，粉絲肥牛都相當有沙嗲嘅香味，送飯一流，唔使一陣就已經有清晒成個煲🤣而呢間餐廳應該仲有好多撚手小菜可以試，希望下次可以再叫多啲人一齊嚟再可以試多啲嘢😚😚😚之後都聽到不斷有人有Booking入嚟，所以如果多人嘅話都預早book定枱好啲🤔
繼續閱讀
您可能會有興趣的...