金玉滿堂

營業中

休息中

今日同朋友聚餐，佢話呢間係佢近期食過最好食嘅餐廳，所以我今日決定同佢試吓係咪真係咁好食😉雖然佢喺旺角嗰頭，但係其實都要搵到都唔容易，如果佢冇介紹我都冇留意過呢度有間餐廳，入到去時間尚早，都可以Walk in度，坐低就嗌咗個招牌海蝦花甲雞煲食住先😚之後侍應就叫我哋可以join佢嘅WhatsApp group，咁就可以得到一份麻油魚皮，魚皮都夠爽脆而且麻油味好香而不濃，作為一個前菜都係一個唔錯嘅選擇👍🏻之後雞煲好快就拎上枱，要再喺枱上面滾多幾分鐘之後就可以食，店員一開個蓋即刻香味撲鼻，再炒多兩炒氣味更加濃郁，俾佢搞到食指大動，急不及待已經夾雞嚟食，首先佢雞皮已經呈現焦香狀態，香口到不得了，而且每件雞size亦都唔會好細有足夠嘅肉食到落肚，而且個味道非常濃郁，令人一食再想再食，果然係我近期食過最好食嘅雞煲🤤入面都有唔少花甲，每個花甲都沾滿着濃濃嘅雞煲汁，簡直係完美配搭，鮮甜又惹味，而佢個海蝦都好大隻，食落都中規中矩😝見佢呢度啲煲整得咁出色，所以就再叫多個沙嗲肥牛粉絲煲嚟送飯，呢個亦都係冇錯，味道絕對令人滿意，每方面到相當平衡，粉絲肥牛都相當有沙嗲嘅香味，送飯一流，唔使一陣就已經有清晒成個煲🤣