金煲印度餐廳

營業中

休息中

我今日午餐去咗一間超正嘅印度菜餐廳，已經食過好幾次喇。佢哋嘅自助點餐好方便，掃QR碼就可以用手機點餐。最正嘅係佢哋嘅咖喱菜餚，你可以自己揀辣度，預設辣度就好似譚仔五小差唔多。我今日點咗一份咖喱牛套餐，大約7X蚊。份量好啱女仔食，有5-6塊嘅牛肉同一片Naan餅。咖喱嘅汁好勁，好滑好滋味，最好食就係用Naan餅蘸住食，真係好正！呢道咖喱牛，我講真，係我食過最正嘅印度菜之一。我同同事仲叫咗個12吋嘅披薩（大約12X蚊）。我個人覺得佢嘅餅底有啲濕濕地，唔係我嘅最愛，但係佢嘅優勢係材料新鮮靚味。總括而言，呢間印度菜餐廳嘅咖喱牛真係驚艷，咖喱汁煮得好正，配埋Naan餅就更加一流。至於披薩，質感唔係我最鍾意，但係成份新鮮同埋好好味。如果你想食正宗嘅印度菜，呢間餐廳絕對係一個好選擇。不過，如果你對披薩有啲特別要求，可能要考慮其他選擇啦。

天氣好,嚟想過行山前幾個fd食個lunch就去呢間之前係疫情前食過，再來食感覺更好又滿足，每人叫一份自家咖喱角set咖啡羊😋，咖喱牛，同咖喱雞包春卷同湯，兩個揀選配手酥餅，三份送來咖喱味不同，好juicy 嘅羊冇酥味但偏辣😋，用來點手抓餅就最好，鍾意濃郁可以揀呢個，雞反而有香料椰香味重，但入口好味配飯就 啱啲。牛腩肉汁就好腍，☺ 正 ！呢間係正宗印度人煮，所以地道啲，休閒入來hea下行下都係不錯嘅揀選。

今次第一次中午時間過嚟呢邊行過，見到有一間印度菜，中午是否冇乜人，睇吓個餐牌又OK喎，都係50到$70有個set。 咁我就去食下啦估唔到又幾好食首先係個蘑菇湯，真係用蘑菇整，冇落到忌廉牛奶，好聽感覺都幾健康杯奶茶好特別，叫咗佢少冰少甜，真係好少冰。糖就另外係糖漿咁樣想。但係嗰個奶茶用咗印度嘅茶葉，有好大浸嘅印度香料味。好睇個人口味至於主菜，真係好好食。佢嘅咖喱羊肉，啲汁係好濃郁嘅香料味，甜甜地，羊肉嘅話就正嘅。然後個包非常鬆軟熱辣辣嘅包點啊呢個場真係好享受又係一個美好的下午啦

由於朋友偏愛印度菜，咁岩又見東涌有間地道印度菜🤣見佢價錢合宜，款式又多，就膽操操試下😜🌟咖喱角Samosa-羊加雞（配薄荷醬） 本身鐘意食脆口野，就試試呢款印式咖哩角有羊肉或雞肉選擇，當時兩款都想試於是問下老闆可唔可雙併！然後又得Wor！兩款咖喱角都非常足料，脹卜卜😜個人比較鐘意羊肉多啲，羊肉粒爆香脆口，而且唔會太羶，好香口！熱辣辣既咖哩角，配上清新既薄荷醬，配搭剛剛好！而雞肉相對較乾，口感一般，唔算好特別🫣🌟咖喱牛肉+蒜蓉烤餅個人覺得剩食咖哩時相對較鹹，唔辣但若果配合番蒜蓉烤餅食，味道就岩岩好，更易入口，更香！而且食得出老闆真係落左好多款地道香料係好傳統果款印式咖哩😋！而蒜蓉烤餅烤得好金黃香口🥹齋食都好好食！🌟GOSHT MASALA - 羊見menu有星星推薦，就試下🤣雖然佢餐單顯示話呢款菜式會辣但其實佢唔算太辣，反而食得出老闆落咗好多款唔同嘅香料去配搭而製成醬汁！呢款醬同羊肉出奇地夾！羊肉亦好鮮嫩唔羶，羊肉粉絲既朋友表示十分滿意！超級好食🤣最後，餐廳餐牌中英對照，印度老闆亦識講廣東話，唔洗擔心溝通問題🤣餐廳裝修亦都好地道，好有印度嘅色彩，晚餐當晚亦有一台印度客人用餐，令小編同朋友

朋友推介，一起來到印度餐廳聚餐🇮🇳我們點了三個set lunch，有羊肉Naan、雞肉Naan及印度炒飯，每個餐都配有湯及飲品，味道正宗又抵食😋 我們還加配了咖哩角及春卷呢，都十分美味，值得推介😋

細細間座位唔算好多餐牌中英對照都多種類服務唔錯溝通還可以不過都要注意上菜因為可能會錯單整體來講值得推介🔆CHICKEN TIKKA大大塊 惹味可口🔆GOSHT MASALA唔會好辣 略帶甜味羊肉煮到剛剛好肉質鮮嫩多汁 沾上薄餅😋😋😋好好味🔆BEEF VINDALOO？相對比較辣略為過熟 煮到好硬咬落好難𡁻但汁好好味😋不過唔多😂🔆CHICKEN TIKKA BARYANI惹味可口份量足🔆SAMOSA - Lamb個人本身就一般般但佢黎到竟然十分之飽滿仲要香脆皮薄再加上滿滿既羊肉碎完全停唔到口🔅特制香料奶茶香料味太勁加糖後 剛剛好用平時茶餐廳玻璃杯半滿感覺好似好少咁😿

‼️老闆係印度人，但好nice，好好傾！‼️老闆話啲雞肉咖哩角係佢自己包嘅🤣🤣‼️唔好見所有店員都係印度人就錯過間餐廳，其實佢地識講廣東話㗎！(🙈小編英文都馬馬，起初都驚唔識點餐)我地嗌左「咖哩羊配蒜蓉烤餅」、「芝士菠菜」、「咖哩角」、「蛋黃烤雞球」（可能翻譯錯㗎～）👍👍😋😋大推蒜蓉烤餅！！！！！全部餸都係好好味！餐廳又舒服、睇落都企理乾淨，仲有免費泊車🚗!!!3個人食，4百蚊鬆啲賣單，啲食物分量唔算多，但真材實料，個人覺得都可以接受！尼間嘅咖喱係好清新嘅，食完唔會覺得喉嚨好乾好想飲水👍👍👍👍

由於工作需要黎到滿東邨附近，到午飯時間又要搵野食啦。然後見到呢間印度餐廳，佢坐落係一棟村屋既地鋪，就姑且一試吧。 點左個咖哩牛，味道好正宗，而且份量超足，我老公都食到飽飽，性價比非常好，值得再黎

Excellent Indian food, and good service. The serving size was bigger than elsewhere, and the flavours were great - especially the paneer. Highly recommend partner with a Kingfisher beer. The setting is basic and it’s a bit out of the way, but worth the walk if you are around tung chung (it’s near the start of some great trails if you are not too full for a hike afterward).