通記麵食專家

營業中

休息中

依家媒體發達，好多時食店嘅資訊都係由短視頻睇完，然後「出動」去食下，呢間都係其中一間～通記。都係去開旺角買嘢，順便去試吓佢哋嘅牛丸，十二點半到達，原來老闆至剛剛「拉閘」，叫我哋先入去座，諗住係頭籌，入到去原來已經七成滿座，揀好視頻內推介嘅食物，即時落單，由於剛開店，食物都等咗廿幾分鐘，利害嘅地方係好快爆棚，有人食完走，又有人入場，絡繹不絕～利害。入返正題，叫咗～一碗牛筋牛肚河，淨牛丸墨魚丸雙拼，牛腩河同二支忌廉。牛腩～炆得好淋好入味牛筋同牛肚正常水準，不過份量很足牛丸～一咬落去，好彈牙，同有種似曾相識嘅味道湧出嚟，好正。墨丸都不俗，佢哋話牛丸同墨丸都係自家製，咁我覺得牛丸出色啲。另一樣野係，如果食得辣，可以試吓佢個辣椒油，唔識形容果隻辣度，超辣？勁辣？不如叫超勁辣吧😂😂

喺我大學做暑期工，已經開始食依間舖頭相隔10幾年，今日再去食，味道依然咁好味，叫咗牛腩牛丸河粉，雖然有啲麵店價錢會平啲，但係食得出真係真材實料好好味，希望佢長做長有

簡單醫肚,想食魚蛋粉. 但係墨丸始終係我所愛, 所以叫曬兩樣 ！簡單招呼, 街坊生意！簡單裝修, 沒有花巧 ！簡單食材, 三粒魚蛋兩粒墨魚丸河粉湯葱花, 沒有多餘的其他 ！ 其實如果附加兩條菜我會感激㗎！湯頭正常, 河粉滑； 魚蛋魚味香, 墨丸爽甜！ 提醒小心- 辣椒油辣死人！

早兩日忽然想食粉麵，想起很久沒光顧通記，兩公婆就去食個late lunch。人一般多，有位坐低，叫咗豬手撈麵、牛腩湯米、淨魚蛋和蠔油芥蘭，因為冇㗎啡茶，叫咗支烏龍茶。豬手夠腍夠味，很久沒有食到咁正，牛腩係柱侯味，亦好有水準，魚蛋係傳統大牌擋風味，夠味彈牙，油菜亦正，整體頗有水準，價錢只一百六十幾，經濟實惠，值得推薦。

諗住食啲菜就喺旺角搵雲吞麵舖！ 誤打誤撞 嚟咗呢間食牛筋腩米粉！ 點知啲菜賣哂🥲🥲 但竟然搵到寶！啲牛筋腩好夠冧， 超入味！個湯底話係用豬骨同地魚整，唔會感覺好多味精，又夠濃味！爭啲連湯都飲哂！ 食呢類面食 點可以冇辣椒醬，個辣椒醬又係冇得輸！不過都好辣！🌶️🌶️🌶️加埋辣椒醬成碗即刻昇華咗！一定要再黎試埋啲魚蛋魚片 牛丸 墨魚丸！利申：我係夜晚差唔多8:30pm去， 差不多係最後一個客！唔知係咪咁夜所以更加入味同冧！

呢一間通記幾年前，聽過舊同事介紹今日終於有機會行過😂一試呢條街又係好多嘢食呢間老店經營左幾廿年入面都有一啲招牌寫住始於1xxx年招牌入面寫咗有好多都係由自己出品墨丸魚蛋豬肉丸我就叫咗個墨丸米加碟油菜全走墨丸係非常非常非常之好食超有咬口又有濃郁嘅墨魚香味最勁係佢嘅辣椒油！真心真心真心現時仲未喺其他地方食到一個好似佢咁勁嘅辣椒油真正可以做到一滴入魂平時食辣都鍾意喺啲菜式加少少辣呢個真係只需要+2滴就已經成碗麵辣哂係真係只係兩滴，如果要去試嘅話，呢個辣椒油係要循序漸進咁加同埋我留意到佢嘅辣椒油有得一罐罐咁買可以買返屋企送面或者煮嘢食我都留意到，唔怪得知佢賣得咁貴，$120/罐但佢嘅辣椒油，真心好食好香好辣，不會死辣，正！如果個鍾意食得惹味啲嘅話可以叫佢加腩汁喺個面度呢間舖頭係仲未被國內遊客攻佔嘅一間

之前幾次經過這間通記，都在心想，怎麼屹立在九龍旺角女人街這個位置那麼久的牛丸舖，點解我哋自小便在旺角、何文田一帶返學，一直都沒有留意到。於是在有一天在旺角有工程，於是便前來這間通記試一試它的牛丸麵條。一向都深深明白面麵舖雙拼總比單拼少，例如單拼麵有五粒牛丸，要雙拼就只得3粒牛丸加3粒其它丸，但是加了$5/$8。看網上的食評這間都算是比較好吃的牛丸麵檔，不過來到之後，發覺這兒的牛丸比起成記的還差一截。牛丸都算大大粒，比起交貨來的那些牛丸或是街市的牛丸爽彈，而且咬開一半，仍然見到內裏有很多肉汁，賣相都不算太差，不過整體的大小比較細，而且內裏肉汁都沒有那麼香濃，因此我判斷新蒲崗的成記還是贏他一截。有人指這兒的辣油很正斗，有些又說太鹹，我不覺太鹹，但感覺像潮州辣椒油，太辣，辣到蓋過所有味道

呢間女人街所謂老字號，上星期食撈麵45元 今日入去食50元，呢間鋪衛生程度欠缺，坐得辛苦，啲位又細，仲要幾個人迫係一張細枱，食物真心唔覺好食，呢間鋪仲有樣特色就係今日開12點，聽日可以開1點，後日直頭唔開門，但熟客就可以敲門入去食，咩野玩法， 呢間鋪就係俾香港人寵壞了。香港自從有消費券，跟本對市民冇幫助，食肆博命加價，以前派現金仲可以唔用，而家消費券絕對係益咗商家，人工唔加，食肆交通係咁加，香港到底變成點，以前加一，兩元好大件事，今日分分鐘每星期都加，成個旺角餐廳粉麵鋪都係到迎接消費券來臨

今日食咗通記麵食專家嘅紫菜四寶麵，真係好正啊！😋以前打完波嘅時候就會黎食，而家都係一樣嘅好味。紫菜四寶麵係用嚟自製嘅麵條，口感好有嚼勁，而四種配料都好新鮮好美味。墨魚丸彈牙有勁，魚皮餃餡料豐富好鮮美，豬肉丸韌而不膩，魚旦滑嫩好吸收麵汁。佢哋嘅湯底都好鮮甜，唔會太過濃郁，好順口。👍份量方面都啱啱好，啲麵條同配料份量啱啱好，唔會太多或者太少，好啱啱好。😍不過，通記麵食專家嘅環境相對來講就比較簡陋，冇咩裝修同埋設計，而且位置都唔夠，有啲擠迫。不過如果你係鍾意食麵嘅話，呢度係一個唔錯嘅選擇。👌總括一句，通記麵食專家嘅紫菜四寶麵係一道好有特色又好味嘅美食，麵條同四種配料都好新鮮美味。不過環境相對簡陋，但味道足以彌補。我會俾佢4顆星評分！⭐️⭐️⭐️⭐️

有時一個人想來個quick lunch, 就會想起通記，喜歡其性質比高和快速。由於是地道的平價港式粉麵檔，對餐廳環境的要求不能太高，但侍應每次都會快速清理枱面，衞生情況尚算可接受。牛筋牛丸米（$45）想一次過有兩種滿足，就會叫雙併。通記的牛丸彈牙有牛味，內裏的肉汁多，很香油脂味，是我吃過最好吃的牛丸～牛筋份量多，亦不會碎濕濕，炆得很淋和入味，嚼起來是非常軟滑。鳳爪米（$35）鳳爪很厚肉，炆得亦很淋，一咬開就能做到骨肉分離。

呢間真係由我喺媽媽個肚裏面已經開始食！🍜魚片頭米 $35記得細個嗰時覺得佢哋嘅辣椒油超級辣要仔細數著落4滴已經好足夠近幾年去食覺得辣度明顯低咗 可能係太多食客話太辣🤣湯底真材實料用大地魚熬製 味道鮮甜而且唔會話好油好味精所以每次落辣椒之前我都會飲幾啖湯先呢度嘅米粉同其他相比更加爽彈 而且唔會碎濕濕魚片頭一碗有6大粒 粒粒都好厚切 超有口感食到魚香味毫無腥味之餘帶點鹹香最緊要係要叫多蔥 蔥花加埋蔥白就更上一層樓🤤

見人地話個牛丸同辣椒油好正，就去試下我要左牛丸牛筋米 $45個牛丸堅好食、好 juicy得三粒真係唔夠喉，我聽見有人食淨牛丸牛筋份量都幾多跟住⋯個辣椒油真心辣但係唔知點解食到一粒一粒嘅鹽初時我以為係碗麵但係我每一啖都夾少少辣椒油我先至發現其實係啲辣椒油、有一粒粒嘅鹽係食得到佢存在嘅鹽呀、鹹到XX本來想買一樽辣椒油走 $120但係食咗幾粒鹽之後、我真係怕咗為咗牛丸係可以再去嘅或者可以俾多次機會佢個辣椒油因為真係辣得好過癮

又再試通記，今日試牛筋腩粉，牛筋好淋，有口感，牛腩就有D硬，可能煮過火了⋯湯永遠係佢嘅靈魂，唔會口渴，而D米粉煮到剛剛好，又滑又好味⋯至於不能不加佢哋嘅辣椒油，其實成日過嚟食，100%係因為佢嘅辣椒油，味道馬上提升，正！

行過路過，一定冇錯過，再戰通記：筋腩米⋯可惜今日D牛筋太零碎，原全夾唔到，牛腩好死實，咬落去起渣，而且D米粉好似有D over cooked⋯ 😩😩😩不過我有理由懷疑佢D辣油係會上癮，我都唔知今日係想食麵，定係辣椒油⋯ 😅😅🤪

之前試過通記的爆汁牛丸和鳳爪，牛丸超级脆，汁液在口中澎湃著，美味可口，鳳爪淋滑入味，今日路經通菜街，又唔想食飯，便行入通記，坐低就叫咗個牛腩撈麵和芥蘭。當時正是午飯時間，店内都非常爆，通記在女人街頭都開咗幾十年了，店内裝修頗為殘舊，大蓋有七八將枱啦。牛腩撈先到，五香牛腩蓋滿了半個碟，色澤鲜明，麵底金黃，沒有梘水味，加些荔枝醋，味道更好，軟硬度適中，不油脷，但略嫌有些過醎，$45 一碟五香牛腩撈麵一定係用雪藏牛肋條啦，没有牛味，但炆得剛剛好，有咬口，跟麵碗湯也略嫌過醎。這碟牛腩撈，麵好食過牛腩！油菜灼得剛剛好，青青綠綠其實通記出名在魚蛋粉、牛丸和鳳爪，外賣片頭魚片，約要$200一斤比别店貴一倍多，只不過一般人喜歡吃牛腩牛筋，貪佢濃味又飽肚。此行吃的五香牛腩只是一般般，吃新鮮又有牛味的都係清湯腩好些。