這個位於太子西洋菜街嘅東京街日本料理，服務差已經出曬名，估唔到食物質素可以更加差，基本上係俾垃圾人食，而且價錢亦一D都平⋯ 先上咗個北寄貝，超薄嘅2皮，原綠壽司D都厚過佢，－隻北寄貝點可能得2片，搵笨！肉身硬咬嚟咬去都咬唔開，結果叫圖返出嚟⋯ 再上刺身拼盤，$488唔係平價貨，買相好似可以，點知放入口D魚生全部都係唔新鮮，有陣怪味，食咗2舊就放低⋯ 最後來個東京蟹皇飯$138，今次真係火都嚟！D肉係唔梅嘅，而且有大強勁腥臭味，頂唔順要出聲，侍應竟然同我講係飛機貨，乜飛機貨就可以嗅？我同佢講不如我請你食，你幫我食咗佢，佢當然唔肯，跟住話問吓老闆，回覆更加經典中既經典，佢食D野食過，唔可以換，我頂唔食過點知你嗅⋯ 錢我照俾，不過祝你早日執笠，唔好係度害人⋯

隱世潮州菜老店，因為我老婆係 Ga KE Lun 所以我哋經常走訪不同潮州菜館，今日嚟到深水埗，見呢間潮州菜門口點解咁多人，膽粗粗入去搏一搏啦，點知不得了⋯ 大部分食物價錢，都係介乎百尾去到百頭左右，性價比相當高，由其是而家香港食潮州菜越嚟越貴，呢個價錢真係好難再搵到⋯ 先上咗個方魚肉碎粥，好鮮好甜，係兒時嘅味道⋯ 再嚟一個鹵水3併，分別係鵝肉拼鵝脹同墨魚，先講佢個鹵水膽，－試就知有經歷，唔係一朝一夕可以做到，真係一試便知龍與鳳⋯ 鵝肉味香濃，肉有彈性；鵝脹非常香滑，最緊要係有脹羔，香港地而家真係買小見小；墨魚亦都唔孤寒係呀，份量十足又彈牙；最後一個沙嗲牛肉炒介蘭成為今餐一個美句號，潮州沙嗲一向出名味濃，牛肉係新鮮嘅，介蘭夠晒脆口，－個字正！ －間我一定會再返來食嘅小店✌🏻✌🏻✌🏻 #香港[话题]# #深水埗[话题]##潮味苑[话题]##潮州菜[话题]#

今時今日香港地，仲有手推車賣點心，應該已經係小之又少啦！位處旺角嘅倫敦大酒樓就係其中一間⋯ 樓高5層，3樓可以搭枱，好多－支公想嘆吓一中兩件，就最好不過，而且分分鐘可以識到新朋友，正所謂呃水吹⋯ 😅😅😅 但如果你鈡意靜D，咁就上4樓，三唔知己，圍爐吹水正好不過啦⋯ 大、中、小點全部$28/碟，茶錢3樓同4樓都只係差一蚊雞，都係果句，今時今日香港邊度搵⋯ 坦白講佢哋D點心，唔係超級正，不過咁嘅價錢性價比已經好高，同最重要呢度係食氣氛⋯ 同様佢D炒粉炒麵非常唔錯，今日叫咗個菜遠排骨炒麵+兩面王，$95但味道真係相當唔錯，今日兩個人叫咗兩碟點心+ －個炒麵，共銀$195胞胞回⋯

位置係太子/旺角交限嘅麵留香，性價比真係冇得輸⋯ 今朝一早起身，心思思於是就落咗去食個靚早餐，叫咗兩份－個係沙嗲牛肉公仔麵，配炒蛋+多士；另外一份就係最傳統嘅火腿𢇁配防鮑魚𢇁通粉，再跟煎蛋+多士，兩份早餐都係配熱奶茶⋯ 乜都唔使講，當然係試啖茶先啦，好夠茶味，奶亦都好滑，早上飲返杯，真係各位師兄即刻歸位⋯ 再食啖沙嗲牛肉，唔係死實果隻，沙嗲亦都好夠味，用嘅係大光麵，點會有得輸；炒蛋好滑，配多士食一流⋯ 另外嘅火腿通同煎蛋，係正常嘅水準，所以唔多講啦！總括依然$36個早餐，今時今日香港地，你仲想有乜嘢投訴？😅😅😅

之前聽過好多人讃呢肥哥車仔麵，但因為唔太就腳，所以－直冇嚟幫襯，咁啱今日經開呢頭，咁當然唔好錯過啦⋯⋯ 價錢要比文記貴，傳聞佢哋嘅辣椒漿，食過返唔轉頭！叫咗兩碗3餸麵，－個配粗麵，另一個要咗油麵，個人覺得始終粗麵掛湯係正好多⋯ 餸就叫咗豬手$17，佢哋個豬手醃製，有D似薑醋味道，但非常彈口；豬大脹係清潔得好乾淨，冇肥榚果隻，減肥－流又係$17；另外咖喱水魷魚，好爽身味道好唔錯；咖喱鷄亦尖，味道方面比較普通咗$15；最後有豬皮，呢個吸汁真係冇得頂；最後一個鮮牛肉，呢個最失望$17⋯ 再嚟嘅機會都好高吓✌🏻✌🏻✌🏻

近期睇到谷友介紹呢個，係旺角鼓油街水記大排擋，講到好有鑊氣，D嘢又幾咁好食，今日專程過嚟試吓，點知⋯ 😰😰😰 叫咗佢好出名嘅泰式生蝦刺身$98、柚子沙律$58、無骨白雲鳳爪$78、滷水拼盤$89、胡椒豬肚湯$79（最後冇嚟到，不過都要俾錢）⋯ 首先嚟到柚子沙律同無骨鳳爪，基本上兩碟係－様嘅用木瓜沙律做底，只係分別加上柚子同鳳爪，其實點餸可以講聲，咁就唔使重複點⋯ 之後嚟咗個𣳾式生蝦刺身、老婆－啖食落去發現有D嘢，吐出來竟然係－隻細細嘅小強，細細聲叫老板過嚟睇，佢話應該係啱啱黐咗落去，真係冇乜嘢講⋯ 跟住落嚟上咗滷水拼盤，D鵝脹幾彈牙，再夾塊紅脹，我頂⋯ －隻大曱甴係上面，今次真係嬲，再叫老板過嚟，佢話應該唔會⋯ 我真係想嘔，即刻叫買單唔食，最經典係老闆照收我哋錢，連個未嚟嘅胡椒豬肚湯都照收錢， OK你肯收我肯俾，我永遠冇下次⋯ 非常過分嘅一間曱甴食店⋯ [发怒][发怒][发怒]

近排成日聽到有人講，呢間陳義興牛什粉麵有幾正幾正，咁啱旺角近期開咗一間，就茂名而去－試⋯
呢個位之前係八方雲集，地方亦都唔係好大，只係有幾個坐位，不過新裝修環境都算唔錯！聽講佢哋嘅牛什係相當唔錯，既然嚟到唔係唔試，點知⋯
今日叫咗個牛什米粉，上到嚟買相都可以，但牛什數量真係唔太多，好小可牛什份量會覆蓋唔到D米粉面，但佢就⋯
再試吓D牛什，味道唔係差，但亦未到好好味果種，再試啖湯非常之一般般，米粉亦唔多講，因為冇乜特別⋯
潮州麵家最緊要非辣椒油莫屬，－試普通過普通，失望中嘅失望⋯ $40 －碗嘅牛什粉，行落亞皆老街樂園粉麵$36碗好食過佢多多聲，人哋個辣椒油更係驚喜中嘅驚喜，呢間真係試過就算，－定唔會有下次，專登過嚟更加冇可能⋯

真係－碗連湯都可以飲曬嘅牛什米粉⋯ 每次嚟樂園都唔會失望，特別致愛佢哋嘅牛什米粉，$36呢個價錢冇嘢講⋯ 先飲啖湯，鮮加甜一飲停唔到！當然亦都唔小得加佢哋秘製辣椒油，味道馬上提鮮唔小⋯ 份量亦都唔會小，牛膀、牛脹、牛胃、金錢肚每様都有3-4件，雖然唔係用新鮮牛什，但佢哋個囟水汁，煮得個牛什非常之入味，－舊什一啖米粉，再配上－啖湯，絕對冇得輸，因為自己知自己事，搞到我每個星期，都要嚟潮拜一吓⋯ 如果唔係有三高，我諗我應該會嚟得好密吓⋯ 🤣

好耐冇去蘭貴芳食飯，今晚同老婆慶祝生日，就嚟咗加洲大廈嘅 FUMI，之前係網上面評價唔錯，果然又真係冇失望⋯ 先嚟－個北海道松葉蟹甲羅燒，配法國麵包$148，因為我哋4個人，另外再多加兩件法包$20，D膏好香蟹肉亦都唔錯⋯ 另外一個前菜，宮崎黑豚豬沙律，又係$148味道不過不失⋯ 再嚟3件三文魚子壽司$174，新鮮好味嘅⋯ 再開咗支佢哋代理純米大吟釀$780，入口比較甜，但整體還可以⋯ 再嚟一個特上8點刺身拼盤$748，雖然未致極之驚喜，但都係好新鮮⋯ 再嚟－個雜錦松葉蟹天婦羅$298，呢個就比較普通咗D，不過都可以嘅⋯ 朂後嚟個宮崎豚肉涮涮鍋$388，味道方面都係唔錯，不過又係冇驚喜⋯ 全張單結果$2780，中環消費算係咁啦，有機會都會返頭再試⋯

已經唔係第一次幫襯，呢間位於何文田嘅山林餐廳，雖然佢唔會俾到你極大嘅驚喜，起碼會次嚟都唔會失望，至於價錢方面，簡直係良心食市⋯ 今日叫咗個下午茶2餸湯麵，跟熱飲一杯，承惠$34，今時今日仲可以有幾多間會收呢個價錢⋯ 我叫左五香肉丁米粉再加紅脹，先睇吓D肉丁，唔係出面大部份茶記，俾個－蚊大餅咁大嘅你，絕冇手軟大大份，所以個湯底亦都非常夠味！紅脹煎到個邊好脆味，配合五香肉丁真係襯到－個點！鐿意配米粉，因為佢掛湯一流，成件事真係冇投訴⋯ 熱檸檬茶有大大4片，茶底亦都好夠味，食完肥膩嘢飲真係致好不過⋯