之前一直睇米線關注組，呢間米線好紅，但淨係紅磡仙遊，後來見佢喺北角開咗分店，已經book mark咗。 今日特登去試⋯ 下晝兩點幾去到，都多人 用手機點餐，但係比兩張QR code 都用唔到。 點完餐，我哋兩個人，第一碗麵要20分鐘後先到。 腩肉比較乾同柴，酸辣湯偏甜。 再過多5分鐘，我叫果碗豬軟骨白蘿蔔青花椒湯黎到，但係個豬軟骨都仲話要後補。 差唔多食晒之後個豬軟骨先嚟⋯ 連杯豆漿都要最先到。 青花椒湯，我叫咗大辣都係唔辣，得個麻字，完全唔掂！同自己淥麵、粉沖出嚟嘅湯感覺差唔多。 白蘿蔔係清水煮，完全冇味，開始啦，係清甜冇渣囉

第一次黎 V Walk，如果唔係朋友住樓上，應該唔會特登嚟行街。 我同我個朋友都係食辣之人，所以佢推介我黎食呢一間。 我真係差啲搵唔到，因為個門口，成間鋪係粉紅色，裝修勁少女，冇諗過係食辣嘢😂 午餐好平，酸菜魚同水煮魚 $108，水煮牛肉就 $98，仲有個麻辣豬手，仲有麻辣燙⋯ 唉！以上嗰啲我全部都想食呀 最後，我揀咗清新藤椒湯嘅麻辣燙，因為平時好少見藤椒湯底。 可以3款葷菜 同3款素菜。 我揀咗魚片、嫩牛肉、牛柏葉，蔬菜我揀咗萵筍片、金菇同豆皮。 黎到真係嚇我一跳，大碗到癲！ 見到豆皮呢樣嘢真係好開心，我係以前返大陸食嘢，好多時都有豆皮，先至認識，喺香港好似好少食到。 湯底好清新，我揀咗多麻，好正 揀咗寬薯粉條，就係寬嘅薯粉、好煙韌。 魚片同牛肉好滑，魚片又冇骨。 萵筍片好入味。 另外叫咗呢期好Hit嘅手打檸檬茶👍🏻

今日同表妹慶祝生日，帶佢食和牛開心下 勁黐線， $500唔使，有和牛壽喜燒放題。 唔單止有和牛、仲有刺身、天婦羅，係全部都會先嚟一次，之後鍾意邊樣就再追加邊一樣！ 三小碟勁好食 蟹膏豆腐、龍蝦仔沙律、海蜇 今日刺身有蝦、帶子同埋魚。 天婦羅有蝦、魚、南瓜、菇。 主角出場，一嚟有四片和牛 啲雪花靚到呢 有職員先幫我哋燒，用一舊牛脂肪起鑊。 之後放一塊和牛、再淋上壽喜燒汁。 記得要打隻蛋落個碗度，就算我唔鍾意食蛋，但沾左蛋嘅牛更加嫩滑，非沾不可 除左和牛、仲有豬同雞，但係一開始食牛，就唔記得咗影豬同雞。 阿波尾雞唔知係咪雞髀部份，非常之嫩。 最後梗係唔少得甜品，有四款。 但係非常之飽，試唔晒，叫咗雪糕同卷蛋。

難得自己去接放學 等個女期間、搵甜品食下 開心大發現！！！ 原來呢間響九龍開過黎 好出名的 網民話好好食 即刻衝去試啦 呢期好 craving 芋圓同涼粉 （其實仙草同涼粉係咪同一樣野？🤣） 每一款都想試呀 先試芋香仙草芋圓加（$8）雪燕 勁多料，三色芋圓、仙草、薏米、珍珠 煙煙韌韌勁好食 唔會太甜 好足料嘅原固 食完真係會好飽啊 但我無食 lunch😏 所以仲有 quota 食食食 見網民推薦炸物 順便叫埋炸花枝丸 新鮮炸起、有花枝粒粒 仲叫左支冷泡桂花烏龍 近近地 要黎多幾次試晒每一款

本來想去公園坐、睇商場播大電影 點知落雨⋯🥲 唯有入商場搵野食 比呢個餐牌吸引左入去⋯ 但最後無食到🤣因為太多選擇了 想食海膽，咁啱有 lunch set 三文魚子海膽吞拿魚腩蓉定食 有前菜（芥末八爪魚）、沙律同埋麵豉湯 超抵！ 全部嘢都好新鮮 海膽鮮甜 仲要左個北寄貝刺身 點解唔食過拉麵呢，因為太多嘢要食，估唔到呢度有鵝肝多士 勁大塊！唔會煎得過熟啱啱好 又唔會好油 串燒仲有好多選擇，但係淨係食得落牛舌 燒得好香 好juicy 其實估唔到呢個商場會有間咁高質嘅日本野食

見佢有個黄金芝士雞煲，一直 bookmark 左想去食，因為兩個女超鍾意食芝士火鍋。 book 晒枱、但兩個女病左、出唔到街食🫢我就可以食辣、同老公改變主意食麻辣火焰雞煲。 scan QR code 手機落單，個雞煲可以揀爆茜🤤 我揀左最辣、爆茜、多洋蔥，洋蔥好索汁架！ 滾左之後、有人黎點火，之後加個汁落去！ 最辣係有好多辣椒、睇見都流口水⋯ 識食一定要叫蘿蔔或者萵筍，未加湯之前就落，煮到仲入晒味。 講返雞煲，細雞煲都好多雞，仲件件都啖啖肉，肉嫩、唔係又乾又鞋。 同埋真係夠辣、好惹味 叫左白鱔片，大大塊、新鮮！ 仲叫左澳洲牛舌，份量多，爽口、好抵食。 服務好好，主動加湯又快手。

有一次經過見到呢間野排晒隊，原來係食花膠雞、又龍蝦咁，今日終於過海，試試⋯

lunch 時間仍然都係要排隊（都要成百幾蚊碗，lunch 都咁多人食，而家啲人食個 lunch 都好豪氣🙈）但係⋯
真心值回票價！

我響花膠雞湯同龍蝦泡飯之間，選擇困難症！
見真《盛》海鮮龍蝦泡飯有半隻龍蝦、咁好打卡，試左呢個先。一黎先飲啖湯，個湯我真係飲晒，完全冇味精，最誇張係咩，勁多海鮮，青口，蜆，魷魚，帆立貝，仲有一嚿花膠筒螺肉。個碗係full到冇位倒個飯落去，因為海鮮下面仲有勁多生菜！最後淨係食到兩啖飯，熄晒菜同海鮮已經係飽到上心口

呢間真係要encore再encore
要嚟試埋佢個花膠雞

嘩！ 呢間應該係我食過咁多吃到飽嘅任食火鍋黎講、目前係最高質、性價比最高嘅一間！ 之前我嘅最愛係牛XX 陪男朋友黎買 sim card，黎到先搵食咩，咁一出地鐵站就見到，原來新開嘅！見平平地、又可以食個半鐘，試下囉，點知有驚喜！ 其實夜晚食兩個鐘、先 $168，好鬼抵！ 揀左麻辣湯底，跟住我哋就出去攞嘢食！ 熟食有炸花枝丸，炸甜不辣，炸地瓜球，炸雞扒，炸番薯條。 有肉燥飯、鮮蚵粥。 前菜有木耳、雞翼、蒜泥白肉、雞腎、泰式 鳳爪⋯ 係勁多選擇！ 打邊爐配料嘅丸、菜，幾乾淨企理，菜都好新鮮。 樽裝茶、罐裝嘢飲、最開心係有玻璃樽裝可樂！ 手機QR code落單、點牛肉果啲。 佢性價比高，因為啲牛肉好好食，雖然選擇唔多；魚片新鮮。 有個炸蚵仔，即點即炸！

早兩日叫過外賣 想過嚟試佢個刨冰 完全唔想做咁嘅款 剛開門、12:40 去到 我兩個大人兩個小朋友 佢話每人最低消費 $45、兩個小朋友都要 其實如果係繁忙時段我都明白 一個刨冰$95 本來諗住叫個刨冰加個盛盤 都係唔夠 min charge 佢提議我叫兩個刨冰 我心諗，一個刨冰兩個大人都食唔到 兩個細路點樣食得到 其實呢啲位，完全冇人，係咪可以彈性啲

見人地話個牛丸同辣椒油好正，就去試下 我要左牛丸牛筋米 $45 個牛丸堅好食、好 juicy 得三粒真係唔夠喉，我聽見有人食淨牛丸 牛筋份量都幾多 跟住⋯ 個辣椒油真心辣 但係唔知點解食到一粒一粒嘅鹽 初時我以為係碗麵 但係我每一啖都夾少少辣椒油 我先至發現其實係啲辣椒油、有一粒粒嘅鹽 係食得到佢存在嘅鹽呀、鹹到XX 本來想買一樽辣椒油走 $120 但係食咗幾粒鹽之後、我真係怕咗 為咗牛丸係可以再去嘅 或者可以俾多次機會佢個辣椒油 因為真係辣得好過癮