辛安東元祖奶奶雞 (已結業)

「辛安東元祖奶奶雞」相信香港人並不陌生，是一間具名氣的燉雞店 ，係亞洲已超過二百間分店，十年前左右殺入香港，屬人氣高企的韓式餐廳。環境闊落，設樓上雅座，兩層皆配上木系餐桌，加上牆上嘅裝飾和各款藝術海報，別有一番地道風味！芝士玉子燒$88 玉子軟綿有層次，包著滿滿的流心芝士，可以拉絲，蛋香與芝士完美融合。如想芝士味再濃d，可沾上side dish額外的芝士粉。傳統韓卷 $68味道不錯，傳統口味，室溫不是冷冰冰和死實，點上沙律醬，倍感滋味真露煮蜆 $88 蜆肉脹卜卜，酒味不算太強烈，湯底清甜，加上大蔥一併煮沸， 熱辣辣配搭椰菜，健康之選。士多啤梨泡沫 $ 58 分量滿滿，士多啤梨味亦帶奶香，口感比砂冰更幽甜度屬少甜，清新解辣。雖然食物質素未算十分驚艷， 食物價位及環境尚算令人滿意。🐔辛安東元祖奶奶雞 (旺角) 📍地址:旺角白布街20號地下

#旺角 @andonghk經過多次都因為人太多而無機會食, 早前閨蜜都表示想食, 就早早訂定位吧! 🪑餐廳樓高2層, 坐位都算闊! 同店員閒談, 表示係香港第供應韓式燉雞的餐廳, 終於有機會一試! 🐥辛安東元袓奶奶雞 $178/半隻 ~ 辣度可選, 我們選小辣, 剛剛好! 入口微微辛辣, 越食越有勁! 雞肉好入味, 肉質嫩滑, 配菜蔬菜同樣入味, 是食得出的新鮮! 發現最愛水晶薯粉, 吸晒所有醬汁, 煙靱又滿足! 🐖泡菜豚肉卷 $78 ~ 原來係泡菜醬, 估唔到又幾好, 無平時食泡菜咁多水, 一口一件, 飯唔會太濕, 讚! 🐚真露煮蜆 $88 ~ 濃濃的真露味, 湯頭清甜, 愛好酒味的可以飲, 蜆無砂, 隻隻肥美又鮮甜! 🥭芒果泡沫 $58 ~ 芒果沙冰, 但又無平時沙冰的碎冰, 濃濃的芒果味, 比預期中好飲! 🍈蜜瓜果味梳打 $48 ~ 朋友的! 

依間奶奶雞已經由讀書開始食到依家出黎做都仲係係白布街屹立不倒😛😛🙈🙈咁多年每次幫襯都覺得好好食同埋抵食👍🏻兩個人叫半隻雞已經好夠👍🏻除左雞之外仲有其他配菜例如紅蘿蔔，薯仔等等，仲有最最最好食既薯粉😋😋每樣野都煮得好入味，薯粉吸哂d汁真係會不停食，非常之煙靭今次因為唔想太滯而無加到芝士，但見到隔壁枱叫都好似好好食，下次一定會再試😍餐廳環境坐得舒服，而且裝修都幾特別，都幾岩一班朋友去食🤭不過預左夜晚會多人要排隊。

覺得冇之前咁好食，多味精，食完會有d頂胃。可能因為今次全部都叫鍋物：奶奶雞、辣炒年糕。尤其辣炒年糕醬汁好「結」，年糕qq 幾好食，都好多配菜，大把菜同菇類。奶奶雞冇之前咁滑。不過呢到始終好多回憶

喺旺角唔知食咩好，冇咩胃口之際見到呢間韓國嘢，太耐冇去過韓國啦好掛住韓國食物，食完又覺得呢間嘢幾好食可以再去食喎，所以都幾推介大家去試吓🥳呢個燉雞係佢哋嘅招牌菜式，見到差唔多每一台客人都會有叫，所以我都唔執輸要叫一份試吓！😝爆茜奶奶雞 $218呢款雞我哋揀咗小辣，佢哋製作嘅時間大概需要10分鐘都唔算太耐🤓 小辣其實都已經食到辣味，但係又唔會太辣辣到食唔到入口☺️ 比較上係惹味，開胃，需頭仲有大量新鮮芫荽😆雞嘅份量都唔會太少，超大一盤，入邊嘅配菜有青瓜，紅蘿蔔同埋薯仔🥔仲會有一啲嘅薯粉索晒啲汁超入味好食😋所以我係咁食嗰啲薯粉😳泡菜海鮮煎餅 $88另外我哋仲叫咗泡菜煎餅煎餅面頭有啲沙律醬，伴碟仲會有少少泡菜，泡菜煎餅唔會話煎到太脆，入邊會有少少類似元貝仔的海鮮，實際係咩我就唔太清楚啦，但係都幾鮮甜，有啲泡菜餸嚟食感覺幾清新😊韓式泡菜小籠包 $58見到佢有泡菜小籠包，好似幾特別咁然後都試吓啦😜 入邊啲餡應該係豬肉，粉絲同埋泡菜🤪唔會太辣但係都會見到佢係紅色嘅， 其實有少少似餃子🥟，但係佢個皮又唔會好似餃子咁厚，都好食的嘢飲方面我哋揀咗兩杯青檸柚子梳打 $53爆檸梳打 $53一杯係柚子梳打另一杯

話就話已經通咗關，無左0＋3, 但朋友仍然都好懷念韓國嘅炸雞， 所以我地就相約咗去旺角食炸雞🍗🍗🍗🍗門口嘅locker令我諗起首爾tower☺️有情人真係可以試下😍2個女仔食，份量都够架😍☺️豚王生菜包蛋($98)豚肉一原條上，有手擘甘長同闊，一半肥一半瘦，而且豚肉本身己好够醬汁味，再配燒汁泡菜，蒜蓉薑，辣椒，口感又再提升重點生菜爽脆清甜，而且當包住豚肉，食既時候感覺無甘肥，仲有豚肉份量幾大都係由自己話事☺️黃金芫荽炸雞 ($78)上菜既時候已經聞到勁香炸雞味，食落仲外脆內嫩， 滑到連肉汁都流出嚟，而且勁多咸蛋黃金粉，食一口一咀也是，但也不搶芫荽味，芫荽控必試雞件大份，一大啖都咬唔晒泡菜小籠包$58又想食泡菜，但又想試新野，決定叫呢fusion 菜，感覺特別，泡菜同肉好爽，咬落爆肉汁，皮薄💙青檸柚子梳打够凍，青檸中和柚子的甜，味道岩好同朋友決定下次搵多個朋友，再叫奶奶雞☺️🤣

辛安東元祖奶奶雞係香港第一間提供正宗韓式燉雞嘅餐廳，亦有各式各樣嘅小食同飲品，唔洗飛去韓國都可以食到當地嘅美食🇰🇷 佢哋有兩層高，雖然裝黃無乜特別，但勝在啲座位夠闊落，嗌多啲都唔洗驚擺唔落🤭 They are the first restaurant in HK to bring Andong Chicken back from Korea, of course also providing many other traditional dishes and drinks.韓式泡菜小籠包 $58Kimchi Dumpling有別於中式小籠包，佢地嘅外皮係用左水晶皮，咬落去煙煙靭靭😝 裡面個餡料有泡菜、豬肉同埋韭菜，酸酸辣辣非常開胃🥟Instead of using flour as their dumpling skin, they use tapioca which gives them a unique chewy texture. The filling was a combination of kimchi, pork and veggies. 辛安東元祖奶奶雞 $178And

3年前去韓國竟然錯過左安東燉雞！等到頸都長都未開關，好彩香港就有得食！一於繼續 #食左當去左旅行系列 ！餐牌主打招牌安東燉雞，仲有韓式小菜、火鍋、石鍋飯、水冷麵等； 餐廳裝潢以韓式型格工業風，坐位濶落，一邊聽住我地熟悉嘅韓文歌一邊食更加好feel ! 🐔元祖奶奶雞 $178/半隻 餐廳鎮店之寶 - 元祖奶奶雞，落單時會問辣度，我地揀左小辣，估唔到都幾辛辣！獨特嘅自家製醬汁，香濃而不膩仲帶點甘甜，令雞肉更香口更惹味！配料有紅蘿蔔、薯仔、青瓜同薯粉，煮得非常淋又入味，仲有口感煙靭又超掛湯嘅薯粉，好豐富好大碟！🐚真露煮蜆 $88 一向鐘意食清酒煮蜆，梗係要試試真露煮蜆！酒味比清酒更清香，粒粒蜆肉厚爽甜，加上大蔥同胡椒等令成個湯爽辣甘香！超正！🍙泡菜豚肉飯卷 $78面層嘅醬汁帶點泡菜味，而飯卷入面就有豚肉、青瓜、紅蘿蔔、酸蘿蔔、蛋同火腿。不過不失，想食小小澱粉質我覺得份量啱啱好！🧉飲品點了芒果泡沬$58同蜜瓜味梳打$48 ，兩杯都夠哂大杯，清甜可解解辣！辛安東元祖奶奶雞  地址📍 ：旺角白布街20號地下

💕一直都想食韓式燉雞，而元祖奶奶雞都一直係bookmark之中，果然真係好好食🤤┈✨辛安東元祖奶奶雞(半隻) $178- 睇到餐牌見到寫住「鎮店之寶」，就當然要試試啦！我地叫左小辣，雞件嫩滑同好入味，好滋味(˶‾᷄ ⁻̫ ‾᷅˵)除咗雞，仲有紅蘿蔔、薯仔、瓜同好多薯粉，好豐富😋原本以為半隻雞唔多，但佢份量都比得足，兩個人食都好飽～✨芝士拉絲卷 $78- 見到有最愛既芝士就即刻話要食🤩傳統飯卷上面鋪上芝士片，淋上燒汁，再點一點旁邊既沙律醬，令傳統飯卷更滋味～(๑´ڡ`๑)┈💕今次叫既野食都好好食，特別鍾意奶奶雞，啲雞嫩滑，汁又惹味，可惜同朋友兩個人叫唔到好多，呢間餐廳仲有芝士奶奶雞都係鎮店之寶，下次一於試埋佢٩(˃̶͈̀௰˂̶͈́)و

餐廳：辛安東元祖奶奶雞 (旺角)地址：旺角白布街20號地下身為一個香港人，如果你無去過旺角白布街食嘢咁就真喺要去嗰邊打個白鴿轉喇😎，嗰度有多間餐廳🍴，有唔同嘅菜式俾你選擇，有好幾間我都已經食過，今次就揀咗辛安東元祖奶奶雞 @andonghk 呢間韓國餐廳🇰🇷90年代開始，韓式燉雞就開始喺韓國南部安東流行，可以話喺當地人嘅家常小菜，慢慢流傳開去就開滿韓國各地，而「辛安東元祖奶奶雞」喺當地數一數二最具名氣嘅燉雞店🐓，仲喺亞洲開咗超過二百間分店，十年前左右開到嚟香港成為旺角其中一間人氣餐廳🔥✝️辛安東元祖奶奶雞(半隻) $178既然喺餐廳嘅招牌菜緊喺唔可以唔試🤓。店主親自去到韓國學藝一年，將最傳統嘅韓式燉雞帶到香港，其中唔少材料都喺由韓國入口。奶奶雞用咗水晶粉墊底，配埋韓國農場雞隻🐔、薯仔🥔、紅蘿蔔🥕、青瓜🥒、洋蔥等，用咗6 吋大碟去裝住滿滿嘅食材，即叫即煮，要等接近20分鐘先有得食。「奶奶雞」可以揀唔同辣度🌶，而成碟雞最講究嘅就喺個醬汁，食落香濃帶甜有微微辣香，雞肉肉質新鮮嫩滑，煙韌彈牙嘅水晶粉同其他配料索晒醬汁嘅精華，食到Lam Lam脷😋，唯獨喺食到最尾會有少少油膩嘅感覺🤏✝️火焰韓牛飯

以前中學年代成日嚟食，嗰時好多分店，估唔到眨眼間就得返旺角呢一間，唔好睇佢門面細細間，其實有兩層，所以都可以容納到好多人。今次叫咗碗冷麵，普普通通，過得去，覺得個湯底調得幾好，有醋味但係又唔會過濃。但係個柚子梳打我就發得唔係幾好，就算撈勻成杯，都冇乜味，不過以呢個價錢，我覺得都可以接受。

喺旺角嘅鬧市一條比較寂靜嘅小街上面有一間好食嘅韓國嘢💛呢間韓國嘢相對價錢都唔算好貴，晚市去到都好多人幫襯🍽我好鍾意食石鍋拌飯，所以我嗌咗一個🐷陸軍豬肉拌飯一嚟到個鍋係超級熱，份量好多，佢嘅豬肉係咸豬手嗰種🐽 配料有紫菜、木魚、泡菜，加上豆瓣醬一齊撈，再加上有少少飯焦🤗火焰韓牛飯🔥 呢個真係好犀利好有睇頭，店員會喺你面前用火槍燒一燒，成個鐵板就着咗火😱 食落係好似pepper lunch咁，鐵板牛肉飯青檸柚子梳打🍸幾清新，食完咁多咸野，飲返一啖清清個口😉

耐唔耐都會出下旺角行吓街 喺旺角有條街名幾得意 叫做白布街 仲有黑布街 但又唔關賣布事喺轉角位行前少少有一間樓高兩層嘅韓國餐廳間餐廳好有格調 播住韓國嘅音樂 以水泥牆為基調 配上大張實木木枱 鐵網間隔再加上牆上嘅裝飾 唔同嘅藝術海報原來樓上嘅面積好大 喺樓下嘅一倍 我就安排早上坐樓上嘅座位 睇咗餐單有好多唔同嘅嘢食選擇
♥︎陸軍牛肉拌飯 $88
我鍾意食韓國拌飯因為有好多種唔同嘅配料撈埋一齊再加上一個特製醬汁 係暖笠笠嘅石鍋裏面暖住啲飯 有時候仲有飯焦添
♥︎真露煮蜆 $88 超級重酒味 加上好多大蔥煮 好香都係用石頭鍋上 熱辣辣 ♥︎蜜桃梳打 $48雖然係一杯好簡單嘅飲品 啲梳打好有氣係好鍾意

呢間餐廳真係由我中學年代新興嘅時候已經想食（又暴露自己年齡），到依家得返一間分店，我終於試到啦！ 我都係上個月經過無意咁講咗句，估唔到老公就約咗我黎，仲好叻咁幫我叫埋spicy fried rice cake （原諒佢唔食雞所以個menu佢睇都冇睇雞嘅items😅despite係人地餐廳嘅招牌名物😆）個辣炒年糕用熱鍋上，出哂煙，除咗見到開心，聞到都高興。年糕夠辣之餘，都好濃味，好感激入面有好多菜！再加埋杯柚子soda，食完飽到暈。佢自己就叫咗碗冷面，都幾好食，清爽。湯底醋比例幾好。

今日三號風球好大風，打算求其快食d野返屋企。見呢間雖然多人但門口仲有一張檯就走咗入去食。聞到好香鐵板燒食物味，但自己想食冷面就叫左一碗。好快就有得食，麵嘅軟硬度剛剛好，湯底調味都唔錯，醋既ratio份量幾好，加埋mustard食就好清新，但又好飽肚。 唯一覺得可以改良就係加更多青瓜絲！