越一越南牛肉粉專門店 (已結業)

由於今日夜收工，見到呢間餐廳收夜晚10點，所以9點就入去試下。我地叫左綜合牛肉河粉，海南雞飯春卷，同埋椰汁紅豆冰。一開始，綜合牛肉粉同椰汁紅豆冰好快黎，湯底偏咸，中規中舉，野飲幾好夠大杯。其他兩樣野，等左二十分鐘都未黎，催佢先知漏單。海南雞飯好肥，啲皮肥都食唔到，啲雞一係好大件一係得一舊仔，亂咁切。重點，係炸春卷，42蚊4條，外表都窿窿地，點知個皮係硬到咬唔到。真係好過份，係我人生中食過最差既春卷，我懷疑係無融雪就拎去炸，所以啲皮實晒。好失望。同職員強烈反映後 佢話唔好意思可能職員趕收工，最後佢無收我春卷錢，但過程中，仲好似未明啲春卷幾大問題。如果越一老闆見到呢篇食評，請你好好正視下。我唔會再幫襯，大家千祈唔好叫春卷。

去食果時佢寫到明試業緊，但都已經有好多人係店出面排隊。好在唔係等左好耐就入到去食野喇。我同男友好好彩坐到個二人卡位，闊落d又舒服d，最緊要係張枱大d可以叫多d野食！先講個酸辣鳳爪，份量好多而且酸酸辣辣好開胃，不過個人覺得辣左少少。之後我地叫左兩個米紙卷，賣相好靚而且食落感覺到好足料，個軟殼蟹米紙卷最surprise，我地唔係最先食佢，但包住左咁耐入面嘅軟殼蟹都仲係非常酥脆！個撈檬就有少少失望，加左魚露準備撈果時發現d檬粉呈餅狀，不過燒牛肉好好食唔會韌。扎肉蒸粉包個扎肉好好食，粉包就外皮煙韌但個味道唔夠濃。去到最尾個咖哩都好好食，但無奈我地果時已經太飽，食左一兩啖已經食唔落要打包。整體尼講，無論裝修，出菜等候時間至食物質素都係中上水準，希望佢試業完左之後都露以keep返一樣水準！

搬入粉嶺住已經2個星期，睇完戲就食晚餐啦！諗住見呢間越南嘢新開，反正粉嶺中心無咩好食就去食下啦，叫咗1份串燒（有雞，牛，豬），味道一般，無咩味道，無醬汁整來食，完全唔人似燒出來個效果，之後跟住叫左個豬扒湯濛粉，味道還可以，豬扒唔算炸得太乾，現場等位要企出門口等，無拎飛紙派我地坐得無耐就勁多人排隊，整體來講真心覺得呢度一般，唔多嘢食，店務員態度都ok，都係來一次無下次。雖然另一半話佢好食過越棧但我覺得麻麻地，所以唔推介比朋友食

粉嶺終於有間越南餐廳了!星期日晚上7時多，去到越一見人龍，不過倒想試試看。等了半小時，其實餐廳裡有好多張"吉"枱，只是不明白為何一直不叫入座! 可能是試業中，侍應都太生手了吧！速點了生牛肉拼牛腩片湯河、雞絲扎肉湯河、香芒軟殼蟹米紙卷、 小食拼盤。爸爸一邊吃一邊讚的生牛肉拼牛腩片湯河，就說連白蘿蔔都特別鮮甜入味。我和囡囡的雞絲扎肉湯河也不錯，三片厚切扎肉以及大量嫩滑雞肉(雞絲)， 有驚喜!小食拼盤有越式蒸粉包、春卷、脆炸牛油雞翼、竹蔗蝦，每款3件，件件即製，好熱騰美味，還附送生菜包著吃，省減熱氣感呢！香芒軟殼蟹米紙卷，勁多沙律菜，好足料，清新開胃! 若再多一點點香芒會更美味!

串燒$38/3串，算平，但一分錢一分貨 ， 幾咸同係炸，不是燒的， 超油！大蝦菠蘿炒飯，$108 好一般，個菠蘿倒轉蓋住炒飯， 出面再曬一些炒飯， 想點？ 拎起就會跌飯出枱 甜品西米燉蛋唔熟， 話係西米出水？！ 好明顯中間未熟喎.......可惜無影佢相全場要問先俾水， 連食生牛河都要問先有金不換芽菜， 湯河叫做食得下， 但唔好叫專門店啦！ 可一不可再， 仲要無籌拎， 要人排隊， 不值一試， 全場男待應都係麻麻地， 係女待應好一點， 正常

今日放工去粉嶺送年貨，朋友帶我去咗間新開的越南餐廳，8點半，不用等位食物選擇也不少 : 點了生牛肉河粉、海南雞飯、牛油雞翼、炸蝦餅、田園米紙卷、椰青等生牛肉河粉-河粉很軟滑，牛肉僅熟鮮嫩，有紫洋蔥和青蔥吊味，可惜湯底太咸，扣分海南雞飯，雞嫩滑大件，皮爽還去了骨，油飯又熱又香，很贊牛油雞翼即點即炸熱騰騰，可惜炸得有點過火炸蝦餅很彈牙有蝦味，不過份量有點少田園米紙卷得清新爽口，正好中和了各款炸物肉類的油膩