譚仔雲南米線

營業中

休息中

做運動之後最喜歡食譚仔雲南過橋米線因為肉多可以補充蛋白質需要也很多菜一般我喜歡走火腿（人造肉）加芫茜山這間分店肉片很完整和多食材又新鮮湖南酸辣湯底配搭剛剛好我喜歡譚仔的炸醬因為肉質較瘦放在湯中沉底不是浮面的

就咁食脆肉鯇木瓜魚湯米線會太清，記得一定要配埋一人小食！ 整體正常發揮，無特別地方，唯一要挑剔既係脆肉鯇太少，成碗米線得6舊左右，男仔食唔會飽。 舖頭阿姐態度有點串，仲有抹枱毛巾會抹埋櫈同扶手，有點嘔心。

我經常說屯門碼頭區的素食選擇非常有限。每當有新發現時會令我感興奮。因為假日不一定只有在家煮食來解決肚餓的問題。最近，譚仔雲南米線終於有素食選擇了！蟲草花素湯Omni新豬肉芹菜餃子配青通菜菜底，$42。可將菜底改成米線。外帶餐盒加$1。餐盒是米線和湯頭分開盛裝。媽媽少到米線店進食，不知道有韮菜等配料。我已叫她下單時要求走掉韮菜，但她看漏了我的訊息……有很多韮菜，幸好不難挑出來。湯頭的味道以鹹味為主。味道不算特別。媽媽說她比較喜歡番茄湯頭。應該是譚仔三哥米線那一種。可惜，我們住處附近沒有譚仔三哥米線……湯頭內有腐皮和蟲草花。我喜歡吃蟲草花，口感爽滑。沒有想過米線也有不同口感。這裡的米線吃起來感覺有點粗糙。不是滑溜的。嗯……都是譚仔三哥米線好吃。大概有五隻Omni新豬肉芹菜餃子。餃子皮偏厚一點。口感尚算滑。其實餐廳願意提供素食是好事。希望味道可以再豐富一點。便可以吸引客人點餐。

其實我係7粉😆，上星期疾情嚴重，至愛嘅譚仔唔做堂食，日日經過有得睇冇得食🥲，呢個星期見到佢做返堂食🤗，立即入去支持下7師傅🥰。譚仔成日食有咩好分享，寫得一定係試新嘢😏，今日就試咗7粉必試嘅魚湯米線同一個新款小食💯。💎 紫菜珍寶三寶泡椒酸菜魚湯米線有一塊紫菜，仿蟹柳，帶子，魚片頭。配菜有韮菜，芽菜。魚湯味算鮮甜，蟹柳好巨型，帶子似仿帶子多啲，紫菜乾上覺得幾讚，唔怕淋哂，自己可以選擇爽口度。💎 十三香辣小食雜錦有陳皮魚蛋，鱈魚燒賣，麵筋，唔算辣但可能我都辣得下，陳皮魚蛋算彈牙，燒賣唔會細粒，麵筋索哂啲辣汁，都惹味。人均消費💰 ： ＄ 61總結✍ ： 譚仔有新款米線及小食供應，一定會試。NatNat評分💎💎💎💎(5💎為最高)

星期五，12點同同事去食，不用排隊直入👍譚仔既裝修係我去過既最高級的🤣，有設計感，不是普通平時見到的裝修，感覺新鮮左我選擇了新出的湖南酸辣湯底另外加生菜＋墨魚春卷，$41味道方面：湯底我覺得一般，應該有酸辣的口味，但食落只有麻辣沒有酸，感覺有點怪怪配料就正常的沒有太大特別，不過份量足夠

譚仔米線~我食過超過數十次了，也相信在香港應該超過7成人試過，在香港~有很多米線的食肆，都有很多選擇，但譚仔雖說不上好食到飛天，但它獨特的味道確實，其他米線店舖做不來，譚仔不靠蔥花、芫茜等配菜令米線和湯底變重。 湯底分酸辣、麻辣、湖辣、清湯，而我最愛吃的就是酸辣，米線從不讓人失望，不過今次叫的小食~ 蒜泥白肉就有點失色，因為白肉都是凍的，令到牠的肥膏呈白色固體，沾著蒜泥吃，感覺有點難消化。

譚仔同譚仔三哥係同一個老細呢點就個個人都知🙆‍♀️ 名字雖然相似但我覺得味道就完全吾相同啦🙇‍♀️.以蕃茄米線為例（三哥最近都出左蕃茄米線👈）不論價錢，只講米線，湯底，配料.🔥米線三哥🌕🌕🌕米線份量較多，但偏軟.譚仔🌕🌕🌕🌕譚仔米線口感較爽身，富有彈性.P.S. 我比較中意食有口感嘅米線質地太軟好似食緊老人家米線🤣.🔥湯底三哥🌕🌕吾夠酸，而且混入左大量嘅蕃茄蓉，味道吾多真實.譚仔🌕🌕🌕🌕🌕湯底係好自然嘅鮮蕃茄酸甜，仲有粒粒蕃茄，目測冇加蕃茄蓉，好似飲緊蕃茄湯，大讚👍另外，即使加左辣，表面都吾多油，食都食得健康D☺️.🔥配料。雞肉三哥🌕🌕🌕🌓雞肉係一粒粒的，有D似雞肉團，易入口，但份量吾係好多。.譚仔🌕🌕🌕🌓一條條大塊嘅雞塊，口感雖然更佳，但會食到根位。.總結，始終都係譚仔比較岩我口味🙈酸酸辣辣，味道又自然，油份吾多，食得更健康.P.S. 侍應姐姐其實幾Nice，但可吾可以勤力D 抺枱呀😅

基本上我都成日黎譚仔，每次必點酸辣湯底，真係食極都唔厭，勁開胃好味。我最喜歡的配料係竹笙，索晒酸辣湯底後味道提升十倍！有時另外會加配菜如雞肉，有時又會叫小食，睇心情啦！

收工接老婆放工，見屋企雪櫃及零食櫃清空，諗住去百佳掃貨，掃貨前食過晚飯先啦。 路經冇食過嘅譚仔， 因為我淨係食(三哥)。入去整番個麻辣十小先， 老婆話唔太肚餓， 同埋晚上唔想食咁多嘢 ， 咁就淨返個大大碗過橋米線一齊share食 (但係我食開係三小辣囉)， 碗嘢嚟到都好大碗 ， 有好多餸，有火腿、腩肉、牛肉、雞肉、竹笙、豆卜、墨魚丸、魚蛋、牛筋丸、炸醬、酸菜、生菜、芽菜、支竹、韭菜， 好滿足啊一次過可以食咁多款餸，但真係一啲都唔辣囉………………。

天氣咁凍放工返到屋企梗係唔想煮飯啦， 問下老公想食咩啦， 佢就提議咗佢好鍾意食嘅譚仔啦。 一落到去唔使排隊，正！ 竹笙麻辣十小米線， 再叫個腩肉麻辣三小米線。 平時淨係叫兩個米線嘅啫可能天氣凍總想食多啲就叫多咗個紅油青瓜， 一心諗住個青瓜應該都好好食， 點知只有辣味沒有其他酸辣嘅味道， 味道普通。 竹笙米線就好正常平時都食開好穩陣。 至於腩肉米線呢……就有啲肥嘅肉同埋啲瘦嘅肉，肥嗰啲咬落去有肥油標出嚟。 題外話， 原來譚仔有成五十幾間分店， 做米線都做得好勁呀！

譚仔係我既最愛食米線店之一。 食過佢既重慶酸辣，酸辣都好好食。 但呢個最新推出既蕃茄酸辣係呢3種味最最最好味既👍🏻👍🏻既有重慶中酸辣既辣，又有普通酸辣既酸，仲有好多粒新鮮蕃茄。 第一次食果時仲以為會放蕃膏同罐頭蕃茄呢所以呢個湯底真係至的一讚👍🏻👍🏻👍🏻👍🏻

前兩日番左屯門,同屋企人食下飯,就近近地去譚仔食啦,咁岩譚仔癮起嘛,晚飯時間,附近餐廳都好多人,咁唯有等等喇,都等左差唔多20min,入到去落單,個譚仔阿姐都幾搞笑,唔知係咪新黎既呢,做野速度有d慢,講野又無譚仔口音,聽落又真係有d唔慣,不過算啦,好既一餐唔好既一餐,都係食個面姐,點知我地問佢拎杯水,等左成10分鐘都無,但係又唔係特忙喎,好彩黎到既野食無比錯,都成8:30,醫左肚再算喇,食完果下筷子都未放低,個阿姐本身收緊隔離台d碗,另轉頭就即刻收埋我果個,好似好趕收工喎😳

海翠坊食店唔多，今日同母親入來辦事，順便食個午飯。因為多年無食過譚仔，今日心血來潮食一食，睇下變成點。以前必叫的套餐，樣樣都有，唔駛諗食咩好，而且今次諗住兩人分，所以叫套餐好點，相隔多年，都知縮水唔少，多年後也感到餸少了麵少了。不過湯底幾好，夠味。以前多數食蒜泥白肉，今次則叫雞翼，當食新野，感覺唔錯，肉嫩，香口。如果早十幾年前已經食譚仔就知，套餐無可能一人食晒（不過以前小弟是一人食清光），但記得以前食都知，一次比一次少份量，但價錢就一次比一次多。今次一食就更加少得可憐。其實通脹就人人都要接受，加價都無可厚非，但又加價同時減份量就有點過份。所以下次食譚仔，可能又十年八年後。

作為譚仔粉絲的我一向都係在九龍區朝聖，今次剛巧入嚟屯門探朋友，見到有譚仔，咁啱又係午餐時間當然唔會錯過啦。朋友話呢間譚仔喺屯門區嚟講都算比較新，試過之後我就覺得，服務畀九龍區嘅譚仔呀姐好，味道方面都是一樣啦。我自己本人每次都係食酸辣口味，要知道一間譚仔味道出唔出色，一定要睇酸辣才知道佢嘅口味有冇分別，加上今次同友人一齊午膳就可以嗌多個小食，就係土匪雞翼喇，這裏的土匪雞翼尚算出色，焗得個雞翼皮好香脆，同埋肉質都幾juicy，如果下次去開屯門，譚仔都係一個唔錯嘅選擇。

三哥米線一貫的質素，食辣米線一定一定要飲冰凍嘅可樂，解辣又有氣，每一啖都配上一下gur氣為之最爽。豆卜索哂啲湯勁正，豬潤過左火太老了，炸醬真係好好味，米線今次淋左少少，希望下次可以改善！