譚仔雲南米線

營業中

休息中

晚上8:43叫外賣落order 9:13先有足足半個鐘食咩都冇味啦8點半 已經過左繁忙時間只係一碗米線加雞翼 唔通要湯雞？？？？？下次可能要還埋神先有得食！！！！！！

叫完外賣，半個鐘都冇，入去叫佢地催下，催都冇催過，仲要話返我冇耐性等，話個個都等緊外賣，已經唔係最忙戈啲時間，人地遲過我嗌，食完走我都未有，過唔過份，我亦唔係冇耐性，等左半個鐘先黎催咁都錯？

今日黎左呢間海趣坊譚仔午餐，舖面好乾淨，侍應都好有禮貌及笑容。我本身唔係太鍾意食米線，所以只係叫左「麻辣木耳」同細嘅「四川雞翼」，「麻辣木耳」 芫茜味好香，木耳好爽口，辣度適中，亦唔會太喊，太多油，而「四川雞翼」炸得好脆卜卜，好香口，唔會太濃味，雞翼面仲落左d香料，十分惹味，兩份小食加杯檸7，一人份量剛剛好。埋單$60，平民價錢。

岩岩叫左個酸辣冬菇米線同一份木耳返屋企食，一打開碗米線就見到係清湯，而唔係酸辣湯黎。米線又硬，唔知係唔係廚房轉左人既關係，所以整到咁。我係呢間譚仔既熟客黎，對上一次都冇整錯。米線仲軟硬適中tim.希望下次再去食或外賣。唔會再出現呢個問題。而家呢碗好淡，我食唔落了。只好食木耳吧！

晚餐突然又想食譚仔，無計唯有落街買啦！唔想一條友坐係果度食，咪叫個外賣囉，雞肉小辣加個尖椒皮蛋⋯⋯等又要10分鐘，回家都要10分鐘，返到屋企，個湯都仲好熱。肚餓了，急不及待拿拿聲開餐，唔知係唔係本身自己食得辣既關係，小辣對於我黎講都OK，以為雞肉會浸湯太耐會不好吃，但出奇地仲係軟身的，尖椒皮蛋不嬲都係我至愛，實在太夾了，下次要更上一層樓，挑戰中辣。

上次因為服裝態度差而俾劣,經過一段時間嘅觀察,起碼都有十幾廿次嘅光顧,眼見員工態度都有所改善就再評多佢一次啦...上次豬潤中伏,我到宜家都仲有陰影,今次食炸醬雞肉麻辣小辣,我個人覺得雞肉麻辣配搭最好吃,雞肉好似令湯更香更濃,米線又唔會過淋!覺得太辣就用炸醬嘅甜咪中和一吓，過癮！

> 今日返到屯門又吾知食咩，最後見到有譚仔，好似好耐未食過就去試下，可能因為8點時間，吾叫好多人，不用等就可入座。今次叫左腩肉酸菜4小辣米線加香草雞翼（細），大約等左5分鐘已經到晒勁快手，今次腩肉吾叫多但酸菜依然好味道。4小辣的辣剛剛好，吾會完全食吾到佢清湯味，米線有口感又吾淋，酸菜今次吾夠酸，如果分開放會更好。香草雞翼都大隻同多香料，3隻20蚊價錢還可接受，今次拿水吾洗再係度不停問未都未有。感覺良好過之前。

今日係屋企冇事做，譚仔癮又出黎，因而去左屯門海翠食個譚仔米線做下午茶。其實這間長期性都要排隊，所以等了大約十分鐘就入去食。好：地方企理乾淨，坐得都舒服。坐置闊落。吾好：要拿杯水要問3次，又要指定待應叫又要入單，一杯熱水都要搞成10分鐘。味道：今次叫左3小辣的腩肉炸醬（少）米線，如果選擇少米線可平＄1而加辣加＄1。湯底清但辣度比出面冇咁辣。米線面身煮得剛好，好有口感而吾淋。米線份量剛好，不好係配料分量偏少，腩肉成片肥多過肉，炸醬味道夠吾咸，總體味道和出面差不多。其實差不多每桌都有食孜然雞翼，見到都好乾身而吾油都好香，下次有機會都想去試下。但希望問要熱水吾需要咁煩。

屋企附近開左間譚仔一定要去試試，不過之前太多人所以而家先食，外賣都等左15分鐘攞左電話下次去叫定唔洗等咁耐，譚仔雖然配方一樣但唔知點解間間味道都有分別，D間就淡口左D,皮蛋質素唔夠穩定今次差左，好彩土匪雞翼保持到水準，仲有原來外賣碗個設計米線同湯分開放咁下次炸醬唔洗分開上，因為用個膠袋入住好嘔

身為譚仔粉絲,一星期食二三餐乃平常事。屋企附近開左間,見無所事事一於一條友去踩場。好多人,不過一人位好快有位。一坐落即落平時食開豬潤小辣,細土匪。好快到。但點解啲豬潤仲係粉紅色嘅?算喇!浸一陣食啦唯有,但食晒都仲係粉紅色,成碗豬潤只係食左一口,但見食晒啲米線都冇謂叫人換俾我,見姐姐執枱同佢講聲只係想提一提廚房整熟啲,點知姐姐回我下次落單叫佢地熟啲嘛！又唔早啲講!咩服務態度啊宜家。

屯門海翠坊譚仔一開，每次想食總要排隊。一黎鋪頭細，二黎啲員工安排座位真係非常差。是晚本人同媽媽二人九點諗住食個米線，經上次酸辣湯只有麻完全唔酸嘅經驗，今次又再挑戰。上次以為新開湯底味道有待改善，但點知依舊得個辣字，非常差。食物差都算，仲可以填飽肚。但今日令我成餐食得最唔安落係佢地安排的座位。我地被迫坐喺原本一個三人家庭獨佔全張卡位 然後再有個人坐入黎，令我同媽媽完全只得半個身坐到。真心不滿 卡位根本唔可以坐六個人!!!!!😡😡😡 最令我燥底係 當我同一個短頭髮有鄉音嘅呀姐講: 唔該 唔好意思呀呢度真係迫左啲 你地見有人走左一陣可以安排我地去另一個位坐嗎？把鬼火 串咀無禮貌呀姐： 你自己望下啦！呢度幾大呀？ 鬼揾到位比你呀？ 呢個位係比六個人坐嫁啦！其實有必要對顧客咁差態度? 我只不過想問下有無姐 你答我無唔得嫁？ Okay! Fine!呢間野食完只會受氣 員工同食物都非常有問題!唔會再黎！! 要食食三哥啦 無得比根本😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡

得個辣字,完全無酸味. 叫得酸辣就係預左個會酸, 但成碗粉得個辣字, 間野可能新開無論安排位置, 上菜都十分之混亂,希望佢地能有所改曾, 當比個機會譚仔, 下次行開去會試多一試

譚仔其他分店已食過N次,  終於喺屋企附近開了一間.  今日去完街好攰, 又唔太餓, 打算早啲食晚餐, 早啲休息. 行過唔使等位, 就入去湊熱鬧.叫咗: 豬肉清湯米線 $28.00--清湯唔太濃, 亦唔油膩. 豬肉有少許鞋, 但可接受.過橋米線 (清湯) $48.00--配料豐富 有魚蛋, 墨丸, 牛丸, 豬肉, 牛肉, 雞肉, 豬潤.......名副其實大雜會. 好大碗 足夠老公同百厭仔share. 埋單$76.00