薯仔屋電影餐廳

營業中

休息中

如果想睇戲又想食西餐，最近發現喺柴灣地鐵站附近，有一間以電影院為主題嘅西餐廳<薯仔屋電影餐廳>，餐廳位置就喺戲院隔離，非常方便，容易搵到。餐廳環境充滿懷舊電影院嘅氣氛，而且仲有兩部夾公仔機，同埋一個畀小朋友玩嘅小角落。令在場的小朋友食得開心之餘，亦玩得好開心。食物款式方面，以西餐為主，有不同嘅套餐，二人餐，兒童餐，飲品和甜品都應有盡有。價格方面，亦都非常親民抵食，人均消費都係百多元左右，絕對超值。<香煎美國穀飼西冷牛扒配舖天薯條>西冷牛扒用上明火加鐵板來上，可以一邊煮一邊食，而且餐廳仲供應咗蒜蓉牛油，令輕輕煎過嘅牛扒充滿非常濃厚嘅蒜蓉牛油香味，非常好食。<舖天薯條配豬肋骨半條>豬肋骨份量都好多好大份，足夠二人分享，而且豬肋骨咬落去肉多惹味。另外，薯條份量好多，上面有好多肉醬同埋芝士，半溶芝士入口仲有拉絲嘅感覺，非常好食。另外我哋仲加配咗咖啡特飲同朱古力特飲，同樣美味。整體來講，餐廳無論環境、食物質素、服務同衛生，都非常理想，而且價格仲非常抵食，值得再來，值得推薦。

食得又玩得🍟懷舊電影餐廳🎬🥔薯仔屋電影餐廳 (柴灣)今次同豬仔特登嚟到柴灣，哩度有間薯仔屋主題既特色餐廳，佢既環境設計好得意，仲有夾公仔機，每個角落嘅設計都好有心機🥰有心心牆，好多玩具，仲有好多花花💐好啱一家大細嚟邊食邊玩😆特別一提，呢度嘅飲品仲好靚添，打卡一流啊🥰隔離仲有電影院，睇埋場戲就啱晒🎬✨慢煮鮮茄牛肋條飯 $88每件牛肋條大大舊，炆得好軟腍，仲好入味，蕃茄味好香濃，仲有啲香葉味，配上紅蘿蔔，營養均勻，配飯一流😋✨ 香煎美國穀飼西冷牛扒+舗天薯條 $206牛扒煎得好香，配上黑椒同鹽，味道最天然最鮮美😋我哋叫咗七成熟，好容易切開，顏色粉粉，仲有新鮮沙律菜配上芝麻醬，薯條超脆，仲要連皮，口感更佳😝✨韓國柚子雜果梳打 +$18一上枱好驚艷😍超大杯，造型好精緻，滿滿嘅生果，配上柚子味梳打，非常清新😍✨雪耳雪梨杞子茶 +$16好溫純既味道，冰糖甜甜的，配上新鮮雪梨，腍滑既雪耳，冬天飲用非常滋潤😋食物✨✨✨✨環境✨✨✨✨衛生✨✨✨✨價錢✨✨✨✨

柴灣戲院地面有間《薯仔屋電影餐廳》餐廳，而佢哋嘅Menu選擇非常多而且價錢親民，店員安排完位置之後先去櫃位比錢落單，然後就可以等店員送餐，呢度坐得都幾舒服，仲有個corner位可以比小朋友喺入邊玩，而且場地仲好適合搞生日會，不論係睇戲之前或者想輕輕鬆鬆食下野呢度都好適合🥢西多士配軟雪糕+薯餅西多士中間係夾住牛油嘅，上面配雲呢拿雪糕同朱古力醬，呢個配搭我都係第一次食，感覺唔會好漏，味道都唔錯喎，不過西多士嚟到熱辣辣，所以上面嘅雪糕比較快溶🥢兒童餐【小餐B】卡邦尼意粉、蜜汁芝士腸、西蘭花、芝士舖天薯條、飲品一杯、迷你雪糕呢個兒童餐有驚喜喎，卡邦尼意粉做得出色，味道比出邊某啲餐廳整得好食，而芝士薯條即叫即炸，而且炸得啱啱好食落冇油冧冧感覺

柴灣嘅薯仔屋餐廳位於地標Cinema City 真真正正與戲院相連 戲院嘅主題餐廳 有些小食更可以帶進戲院食 十分便利 而其實今次我同媽咪去買餸經過來下午茶😁 餐牌好多選擇 店員推介我食下午茶餐內嘅店招牌薯仔炸雞 開頭諗住係普通炸雞 點之嚟到原來有香濃creamy芝士醬響面 炸雞惹味Juicy 食到唔停得口 媽咪揀左午餐香煎帶子雞柳喇沙湯參參麵份量十足 估唔到馬來喇沙湯底都做得好足帶馬拉風味香濃之餘帶椰香 阿媽都比個like重點左每人一杯特色飲品熱 橙加青黃檸檬蜜糖茶 夠潤西班牙咖啡 打咭一流 有軟雪糕好正😊而且店有好幾部電視 播放最新電影預告剛見到新上映九龍城寨之圍城 破墓 等等十分精彩 下次要嚟食返個dinner又係好吸引嘅板燒美國穀飼西冷牛扒 再入場睇戲🎬薯仔屋電影餐廳 (柴灣)柴灣柴灣道333號永利中心地下J號舖B單位#薯仔屋電影餐廳#柴灣美食#hkfoodblogger#hkfoodblog#hkfoodie

柴灣除咗叉燒、魚柳包、雪糕waffle，就係”薯仔屋電影餐廳”。雖然佢啲嘢食還可以，而且唔貴。但呢度嘅特色係親子餐廳，餐廳會開放啲雀仔俾小朋友餵，又有個玩具圖書corner。而食物質素只係其次。

有得玩有得食之《薯仔屋電影餐廳》每次經過，女女都好想去呢間西餐廳，因為門口有夾公仔機，餐廳環境有電影院氣氛，仲有一個小玩具角比小朋友玩，門口仲有4隻鸚鵡睇，好得意，職員安排座底後，仲比左顏色同填色紙比女女油顏色，真係有得玩有得食，Menu都好多選擇，有不同Set套餐，飲品同甜品都好吸引，價錢非常抵食，餐廳可以包場開Party，一個價唔限人數，絕對抵玩，餐廳位置係戲院隔離，買完小食仲可以入去睇戲，晚餐Set 意式香煎芥茉豬扒忌廉汁意粉：意粉口感好好，彈牙爽口，豬扒份量大，肉質鬆軟，芥茉味唔算重，忌廉汁質地唔爽傑身，食完唔會膩，晚餐Set 鐵板燒汁肉眼扒配薯菜：肉眼扒份量超大塊，而且肉質十分軟淋，唔會煎到過左火位，薯條唔會炸到乾哂，每條都好粗身，晚餐Set加配 $10(每份) 黑松露忌廉湯：味道好濃，黑松露味重，湯質地滑身，容易入口，+$18雜錦串燒3串(豬、雞、牛)兒童餐A (芝士肉醬意粉、蜜汁雞翼、牛油粟米、西蘭花、飲品、迷你雪糕)：呢個兒童餐應該好好食，女女自已一個食哂個兒童餐，我有試過牛油粟米都甜甜地，總結，價錢真係唔算貴，而且食物幾好食。

「薯仔屋電影餐廳」真係一間好正嘅地方啊！今次我試咗佢哋嘅西冷牛扒，牛肉雙層漢堡同埋西班牙雪糕咖啡。呢度嘅食物真係令人讚不絕口！首先講西冷牛扒，真係一個打卡一流👍🏾！你可以自己燒牛扒，真係好有趣！佢哋會提供一個燒烤爐俾你，你可以將牛扒燒到你鍾意嘅程度，每一口都帶有蒜蓉同牛油嘅香味，好滿足呀！牛肉雙層漢堡亦都冇得頂！牛肉夠多汁，夾埋鬆軟嘅漢堡包，每一口都好滿足！加埋番茄同生菜，真係好開胃！如果你鍾意漢堡，呢度絕對係你嘅首選！最後，西班牙雪糕咖啡係呢度嘅一個亮點！雪糕好滑順，咖啡香濃，兩者結合得天衣無縫！如果你鍾意甜品同埋咖啡，一定要試吓啦！

今日一個人嚟到柴灣，食哂好呢？試吓呢間喺戲院隔離嘅薯仔屋餐廳😍發現原來午餐都好多選擇，除咗西餐都仲有好多特色嘢👍🏻叫咗都需時等一陣，大約二十分鐘到所以如果趕時間就可能要電話嗌定或者下次先食🙆🏻‍♀️等咗二十分鐘到終於有啦😍肉眼扒淋，份量足夠，黑椒汁另上，一倒落去即刻渣渣聲，仲有少量蔬菜💯粗薯條夠熱，真係即叫即炸🔥臨走發現餐廳有個角落係轉俾小朋友玩真係kids friendly😍後記：嘢食質素唔錯，唔怪得咁好生意😆不過真係要等，下次有機會再嚟食😍☺️

位於柴灣嘅薯仔屋電影餐廳，肥雞好少過去嗰邊，但係見到門口有好多雀仔籠同埋入邊都有好多好得意嘅擺設，所以就入去睇吓，發覺佢啲食品價錢唔貴，而且睇落去都OK就是一試啦。肥雞嗌咗個安格斯牛扒五成熟，佢嘅牛扒真係幾好，啖啖肉得來佢一啲都唔柴，肉汁非常之Juicy，配埋香脆嘅薯條同埋清爽嘅沙律菜，以一間西餐廳嚟講都幾高水準。再嗌多個豬肋骨，佢嘅醬汁BBQ醬，份量都幾多，啲肉係烤到脫晒骨，一食就甩，配埋煙熏味十足嘅BBQ醬，真係幾好味。

🥔薯仔屋電影餐廳 🎥 呢間餐廳個名好得意呀原來係聯同Cinema City開設以電影為主題既餐廳外面養左鸚鵡同彩色雀仔仲有夾公仔機同玩具角俾細路玩🥬 鐵板黑椒汁肉眼扒配薯菜肉眼扒都幾大塊外層煎到少少金黃色 食落肉質滑嫩識食一定鐵板上倒黑椒汁時滋滋聲好好吸引呀薯條係我鐘意既粗薯連皮份量都幾多 點埋茄汁同黑椒汁好食🍔 美國安格斯牛肉雙層芝士蘑菇汁漢堡配薯條中間安格斯牛肉好厚身咬落好Juicy好有肉味 配上雙層車打芝士加蘑菇汁呢份粗薯仲有熱溶芝士係上面真係食到停唔到口呀🍹 韓國柚子雜果梳打天氣咁熱飲柚子梳打就最啱啦柚子梳打唔會太甜又夠凍 清爽消暑同埋有啲雜果肉食下 幾正🍨 西班牙雪糕咖啡第一次飲雪糕咖啡 咖啡味都幾香仲可食到軟滑香濃既雪糕等雪糕溶左同咖啡一齊飲又得

約左屋企人係柴灣薯仔屋電影餐廳食完野睇戲餐廳門口有幾隻顏色鮮艷既雀仔 可以買糧食餵佢一入門口有兩部遊戲機 又有兒童角睇下個餐牌好多野食揀啱哂一家大細黎食野舖天薯條西醬燒豬仔骨 (半條)半條燒豬仔骨原來咁大塊有六條骨好多肉 燒烤醬甜而不膩 個舖天薯條係肉醬汁 同薯條一齊食又幾特別卡邦尼意粉醬汁夠creamy 又香意粉煙韌剛剛好 煙肉同洋蔥都唔少套餐可以半價叫特飲 特飲有好多選擇青檸梳打好清新飲完精神為之一振Affogato Espresso 好香濃 夾埋雪糕食好正

今日嚟到柴灣嘅薯仔屋電影餐廳👍🏻店內周圍都充滿電影主題嘅氣氛。而且擺咗好多經典電影角色嘅模型😆一入門口而家有部夾公仔機😝而且有成個為小朋友而設嘅玩樂corner 😜，啱晒一家大細聚餐之餘又可以chill 下～～晚餐set包埋飲品👍🏻熱情果梳打唔會太甜 上面仲會有球牛奶雪糕😋口感豐富～～晚餐set可以加＄10有埋是日餐湯😝我地order左煎美國穀飼西冷牛扒😝牛扒外皮保持到肉汁，厚身唔會韌食落都幾嫩口～搭配埋薯條好滿足👍🏻香煎比目魚薯菜比目魚食落滑嫩唔老～份量都幾大舊👍🏻配搭嘅炸物都好新鮮😆

柴灣嘅薯仔屋電影餐廳絕對係一個讓人😍驚喜的用餐場所！當你走入呢間餐廳時，你會即刻被店內獨特嘅電影主題裝修吸引🎬🎞️。店內擺設咗好多經典電影角色嘅模型，真係帶嚟一份懷舊同埋趣味感😄。特別要講返，餐廳仲有一個專為細路而設嘅玩樂區，佢地可以一邊食飯一邊玩得開心🎮🧒。我弟弟叫咗一份香煎帶子雞柳喇沙湯參参麵🍜，加埋一杯「黑牛」特飲，即冰可樂加牛奶雪糕🥤🍨。呢碗麵睇落色香味俱全，帶子同雞柳嘅香煎口感同參参麵嘅湯頭完美結合，令佢一口接一口享受美味😋。「黑牛」特飲仲增添咗一份甜蜜同埋涼爽😍🥤。至於我，我叫咗一份鐵板黑椒汁肉眼扒配薯菜🥩🍟，再加埋一杯香濃朱古力加忌廉🍫🥛。呢份扒絕對係肉食愛好者嘅最愛🔥。肉眼扒經過鐵板煎烤，有獨特嘅炭烤風味，同埋濃郁嘅黑椒汁一齊食，口感豐富多汁😋。薯菜嘅脆嫩同埋肉眼扒嘅香氣絕配👌。最後，一杯香濃嘅朱古力加忌廉為我嘅用餐劃上完美句號🍫🥛。除咗美食之外，薯仔屋電影餐廳仲有一個獨特嘅優惠。你可以消費同埋儲集印花，然後可以去隔壁嘅Cinema City電影院換買一送一嘅電影票🎟️。呢個真係一個好吸引人嘅優惠，你可以享受美食之餘都可以欣賞到最新嘅電影作品🎥🍿。總括而言，柴灣嘅薯仔屋電影

1.泰式豬頸肉飯🇹🇭🐖🍚🍴本身我唔太鐘意食豬頸肉🐖,但當日老闆娘誠意推薦,咁我地就叫左一份,果然不錯👍🏻豬頸肉爽口又不會太厚太肥膩,而且燒得剛好😋配上泰式醬汁,十分惹味,配上一啖飯,很滿足!😋2.BBQ 汁燒野雞併豬仔骨薯菜🍗🍖🥔一上盤,我嘩左下,好大份呀!😍半隻雞加2條豬仔骨🍖仲有薯條同菜,菜係即煮,仲熱熱地,薯條都即炸好香!🍟雞同豬仔骨用上同樣BBQ 汁,好香。😋

話明係✨️親子餐廳🎈，一入門口就見到有幾部收費夾公仔機同埋有個Play Area有玩具比小朋友玩，另外餐廳仲有Boardgames可以免費借嚟玩！🍽軟殼蟹牛油果野菌天使麵原隻軟殼蟹上碟又大又吸引，未食已經嗅到香味，咬落好脆好新鮮，天使麵份量好多，麵煮得軟硬適中，彈牙有咬口。🍛兒童餐 小朋友見到車仔餐盤載住食物都特別開胃！兒童餐食物包括：芝士肉醬意粉、蜜汁雞翼、牛油粟米，西蘭花。肉醬意粉份量適合小朋友，面層芝士拉絲睇見都流口水。蜜汁雞翼又香又脆，跟餐軟雪糕又滑又重奶味。