荷華庭園景餐廳 (已結業)

位置距離大路一段距離，但尚算方便。餐廳前有一露天空間，假山流水，可以打卡。價格中規中矩，食物質素有改善空間，服務還算可以，整體而言，性價比一般，偶爾一去，也無妨的。

同朋友喺新年嘅時候嚟到林村許願，之前專登book咗呢間餐廳。入面嘅人手好似唔係好多，所以等咗好耐先有人嚟招呼。咁事前book位嘅時候就已經預留咗坐屋仔，可能因為遲咗少少所以有冷氣嗰啲就已經俾人坐左，所以坐左喺間木造嘅屋仔度，好彩嗰日唔算熱，但係都幾多蚊， 咁我哋就叫左幾樣野試下，分別叫咗個焗田螺，煎三文魚，同埋一個軟殼蟹黑松露意大利飯。咁每個餐之前都會有個湯啦，一個係周打魚湯，一個係洋蔥湯，咁個人就比較鍾意周打魚湯多啲，洋蔥湯就好似洋蔥水咁😂煮食方面個意大利飯就不過不失啦，都算creamy ，呢個三文魚都唔會煎到好老。反而係個田螺做得幾好食，再加埋側邊薯蓉，口感好好，都去左d雪藏味

本來帶屋企人一齊去晚餐，成間餐廳只得我哋一台，服務員態度真的真的真的極其差！問問題完全唔想答！我食完飯之後直接同佢講你咁嘅態度真係拖垮香港經濟！香港經濟已經好差，咁嘅服務態度着緊留得住客人

餐廳環境非常舒適，讓人非常放鬆。香煎三文魚柳配柚子汁 呢道香煎三文魚柳配柚子汁真係好美味！三文魚柳煎得剛剛好，外皮酥脆，內裡鮮嫩多汁。柚子汁帶有微酸的清新口感，與魚柳的鮮味完美結合。味道清爽，令人胃口大開。黑松露軟殼蟹意大利飯呢碗黑松露軟殼蟹意大利飯好食！意大利飯煮得剛剛好，米粒Q彈有嚼勁。軟殼蟹炸得香脆，肉質鮮美。

餐廳係林村許願樹旁邊，都相當隱世！餐廳係園林設計，好多花花草草🌴，有荷花池、鯉魚池、小木屋，充滿打卡位！假日都有set lunch供應，淨係頭盤已經有6個選擇！🔹周打魚忌廉湯呢個湯夠晒creamy，而且落足料，好味🔹凱撒沙律羅馬生菜新鮮爽脆 ，即使係跟餐頭盤，份量都好多🔹檸檬蜜糖單骨雞翼甜甜酸酸好開胃🔹法式焗田螺田螺好大隻，肉質軟林，滿滿蒜蓉牛油香味～ 仲有綿綿既薯蓉鋪底！🔹蒜蓉包好多蒜蓉鋪係面，焗得好香脆！🔹鵝肝醬焗豬扒飯好特別既醬汁，每口都充滿住非常濃郁既鵝肝醬味道🔹黃金軟殼蟹尖通粉滿滿既黃金蛋黃醬包住啲通粉，係邪惡既味道🔹脆炸德國咸豬手配蜜糖芥末籽汁外皮脆卜卜，忍唔住食左幾塊～ 肉質唔會好乾硬，好食🔹朱古力心太軟配雪糕中間既流心效果好好，濃郁朱古力味又唔會太甜🔹焦糖燉蛋面層既焦糖略為厚左啲，但燉蛋好香蛋味又夠晒滑，整體都唔會過甜

一行5人，準時到達，餐廳安排了獨立房間，本來好好，但房間內的，空氣清新機，好鬼嘈😕食物一般般，沒有網評食得咁好食，火焰雪糕有新鮮感，食落麻麻地免費泊車 ，環境一流，冇蚊，寧靜舒服😌

Rating: 9/10 Price: $400 p.p Felt like I was in Thailand . The vibe is very chill and the food are great too! Tried the french escargot and lobster soup as starter which is super tasty, the escargot is so fresh and matches well with the mashed potato 法式焗田螺大蒜和香草牛油烹調的帶殼法國田螺，田螺入口鮮甜軟嫩，而底部的薯蓉好香滑，現在己經很少地方可以吃到。酥皮龍蝦湯配蒜茸包酥皮酥脆而富牛油香，龍蝦湯味道香濃，入口creamy! For main, we had the BBQ spare ribs which is flavourful and the meat is super tender 😋 The highlight of the meal is the baked alaska 😍 The portion is so huge

大埔林村個個都聽過，但其實依到都有間隱世餐廳就真係未必人人知。Lotus Courtyard Restaurant 已經有30年歷史，面積非常大，有小橋流水、荷花錦鯉魚池、茅草涼亭、獨立小屋廂房，充滿異國風情既感覺。小食拼盤（4位） $298 - 拼盤有啤酒薯條，魷魚圈，檸檬蜜糖單骨雞翼6支，鮮炸蠔春卷4條，超豐富！本身寫住4位用，我地得兩個人，但太吸引忍唔住點埋😆薯條同魷魚🦑圈都炸得酥脆香口，薯條🍟係我鐘意既幼薯條，食完唔會口乾。魷魚圈食得出新鮮，配埋黑松露醬真係一流！而雞翼煎得好惹味，甜甜地好開胃，單骨食落啖啖肉，令人滿足。鮮炸蠔春卷夠曬特別，真係第一次試，春卷皮炸過之後口感很脆，蠔仔飽滿，一咬鮮味湧出，美味非常！燒美國肉眼扒 $298 - lunch set包一個前菜同飲品，我地簡左周打魚忌廉湯，味道濃郁，忌廉香滑，飲完個胃好舒服😆肉眼扒燒得香口，肉質鮮嫩多汁，肉味濃郁，令人齒頰留香！仲有兩款醬（燒汁、芥末醬）可以點，一個扒兩種滋味～配菜有沙律🥗同薯蓉，夠曬豐富！芝士焗大蝦配香草蕃茄醬意粉🍝 $228 - 大蝦肉質厚實鮮甜，芝士落得毫不吝嗇，又係一個完美配搭。蕃茄醬🥫酸酸甜甜更開

大埔林村許願樹有一間環境優美的多國菜餐廳，一入門口就會由一條小橋進入餐廳，橋下面的池有唔同顏色嘅錦鯉魚🐟💯法式焗田螺 （1打）底層既薯蓉承托住一粒粒田螺，薯蓉好稔，中間咬到有薯仔粒，田螺啖啖肉，同薯蓉嘅味道好夾呢款菜式係其他餐廳唔常見，有機會真係要試試看～✨美國辣肉腸pizza，屬薄身類別辣肉腸份量足夠，唔會好辣薄餅🍕餅身算脆👏🏻👏🏻燒紐西蘭羊鞍（半份） 4件羊架點上麵包糠一齊燒至7成熟，肉汁仍能保留，又唔會太生，羊架肥瘦適中，算幾大隻 汁料有幾款，薄荷青醬，燒汁，芥辣，薄荷青醬+芥辣呢個配搭係幾好味😋底層有薯蓉去襯托着羊架，旁邊伴碟有沙律菜🥗🍛🍄黑松露大啡菇野菌意大利飯大大隻啡菇，咬落好juicy, 意大利飯軟硬適中，好多黑松露醬料，飯粒吸收晒黑松露嘅味道，食落幾creamy 焗火焰雪山 （細）雖然話細，但係都好大個，職員會淋酒，點火，雪山即刻着火🔥，我係用黎同朋友慶生，佢都睇得好開心外層蛋白燒完會有微脆的感覺，內層有海綿蛋糕，雲呢拿雪糕，一冷一熱係味覺的享受

趁中秋佳節所以今年搵個特別一點的地方慶祝賞月。第一次踏足大埔林村，話說早前聽朋友講有間西餐廳環境非常優雅，所以決定節日去感受一下浪漫氣氛。餐廳戶外環境好有泰國feel, 一入門口先有小橋位置，橋兩邊還有水池養著多條鯉魚，戶外分別有幾間獨立玻璃房間，中間園林景觀設計舒服優雅，置身其中真的感到身個身心都得到放鬆。而室內都非常有空間感，裝橫舒適。法式焗田螺大蒜和香草牛油烹調的帶殼法國田螺，香氣撲鼻，田螺入口鮮甜軟嫩，而底部的薯蓉好香滑，現在已經很少地方可以吃到。酥皮龍蝦湯配蒜茸包酥皮酥脆而富牛油香，龍蝦湯味道香濃，入口creamy順喉，還有啖啖龍蝦肉，配上蒜香脆多士，更加鮮味。炸魚配啤酒味薯條炸魚薯條在製作過程混合了啤酒，所以在入口的時候，還可以嚐到淡淡的啤酒香，魚肉質保持嫩滑，另外配上他他醬，更加增添鮮味，薯條香脆可口，新鮮熱辣。燒焗紐西蘭羊鞍羊鞍完全沒有羶味，外層有少少脆口，入口有濃厚羊肉味，肉質鮮嫩多汁，配上薄荷醬多了一份清新感覺。朱古力心大軟配雪糕心太軟呈流心效果，朱古力味香濃不太甜，配搭雲尼拿雪糕，一冷一熱，最為匹配。焦糖燉蛋燉蛋滑嫩如絲並結合金黃香脆的焦糖表面，表面甜脆可口，內裏

餐廳名稱：荷華庭園景餐廳地址：大埔林村放馬莆43號地舖上次同朋友傾開偈，大家都話十年都冇去過大埔林村，不如搵日去逛逛，逛完梗係要搵間靚靚餐廳食吓嘢啦，行過去呢間餐廳只需要五分鐘，是一間以花園為主題的西式餐廳，網上說佔地超過10,000平方英尺。去到餐廳果然是跟描述一樣，地方十分寬敞，戶外座位周圍種植了很多綠色植物，環境舒適且令人放鬆。而家啲天氣仍是炎熱，所以我哋都係選擇咗室內的冷氣座位，嘆着冷氣食吓嘢傾吓偈是高級享受😬簡單啲，我倆點了一個二人套餐，包括有份量足及新鮮的凱撒沙律、熱騰騰的酥皮龍蝦湯；餐牌原有的日本黃金帆立貝因來貨問題轉為芝士味濃郁的虎蝦，蝦肉爽口，醬汁開胃，感覺很不錯；主菜點了燒伊比利亞黑豚扒及香煎魚柳，魚柳煎得皮脆肉嫰有水準，而燒伊比利亞黑豚扒絕對是水準之上👍豚肉質地細嫩，帶有濃郁的脂肪紋理，外層呈現金黃色的烤皮酥脆，內部保持著肉汁鮮美的口感；最後的甜品我地點了焗火焰雪山，由綿密的香草冰淇淋和脆口的酥皮組成，搭配著濃郁的焦糖醬和香濃的巧克力醬，我哋食得好滿足❤️整體來說，這裏環境舒適，職員服務殷勤，真是不錯的園林餐廳。另外，如果秋天來的話，可以選擇在一個像度假小木屋般的坐

第一次去呢間餐廳，店員開咗一間獨立房俾我哋，五個人可以開心暢敘！十分意外的驚喜！🤗🤗🤗間房其實係戶外搭建的獨立房，裏面冷氣充足，而且一隻蚊都無，本人超級野蚊，竟然都冇俾蚊咬，非常好👍🏻👍🏻水牛芝士大蕃茄意大利黑醋醬沙律 $158呢個大推，水牛芝士超大嚿，放在蕃茄上面，蔬菜好新鮮，芝士都好靚，用刀叉食水牛芝士真係好過癮😋😋😋凱撒沙律 $128呢個都好好食，凱撒沙律最緊要醬汁剛好掛在蔬菜上面，唔會碟底一灘水，呢度做得好好燒原隻荷蘭牛仔膝 $688佢有三個醬汁一齊上，有燒汁，有黑椒汁，同埋芥末醬，三個醬有唔同嘅風味，個人好鍾意黑椒汁同埋芥末醬，可以將牛肉嘅味道提升😋餐廳會幫忙切開晒一件件，好容易食，中間嘅部位比較鮮嫩， end cut有啲焦香☺️不過可能我哋掛住影相，之後先比餐廳切開，返到嚟攤凍咗少少，趁熱食應該更好食😅香燒大比目魚配香草牛油汁 $1088真係好大嚿的厚切比目魚，鍾意食魚嘅朋友可以試吓，魚肉好滑，咬落去魚油咇出嚟，好食！西班牙乳豬 $388意大利青像素菜意粉 $108卡邦尼意粉 $138疏乎厘 $116焗火焰雪山（細） $128服務員現場點着酒精倒落去，滿足視覺享受😊

辛勞工作了一週，又到Happy Friday Night，當然要獎勵吓自己，食餐好的慰勞一吓。今次一於和朋友衝出市區，去遠啲嘅地方打卡，上網做完資料搜集後，決定去Lotus晚飯兼打卡。由九龍區出發，坐東鐵線到太和站，再轉乘25K小巴，林村下車後步行數分鐘，便到達Lotus了。餐廳門口左右各有一個魚池，經一條小橋便可進入餐廳户外用餐區。由於我和朋友怕熱，所以選擇了在室內用餐。在户外區域打卡後，我們便進入室內範圍。懶得選擇的我們，見餐牌上的二人套餐菜式也頗吸引，便決定點一份二人餐享用。凱撒沙律和酥皮龍蝦湯味道適中，但個人最欣賞的，是侍應詢問我們因餐牌原有的帆立貝今日來貨較細小，如轉虎蝦可以嗎？只有對自己出品有一定要求的餐廳，才會想得這樣周到吧！結果虎蝦真的令我回味無窮，蝦肉彈牙，配合醬汁吃實在美味。主菜的肉眼扒和煎三文魚也頗具水準，牛扒肉味濃郁，三文魚煎得皮脆肉嫩，伴碟的薯蓉充滿牛油味，口感軟糯。整體來說，餐廳環境優美，食物質素中上，服務貼心，是週五、週末或假期用膳的好選擇。

今天在大學上完course後，就諗住係大埔食晚餐。記得大埔林村有間很田園feel的西餐廳，就和朋友一同到大埔墟站轉64K巴前往。林村牌坊步行2分鐘便到達，十分方便。餐廳果真十分田園feel，庭園佈置得很雅致，周圍種滿植物，小橋流水，亭枱樓閣，還有一個座小小的噴水池和一張藤椅，整間餐廳充滿西方庭園的韻味，我們當然狂「打卡」啦！我們點了二人套餐，食物質素非常之高。凱撒沙律：新鮮的生菜、帶有咬勁的麵包糠拌著片片的芝士，加上大蒜和濃郁的沙律醬，很開胃。酥皮龍蝦湯：酥皮龍蝦湯很濃郁鮮味，還有啖啖龍蝦肉。酥皮的層次感很好，烘烤得剛剛好，配着龍蝦湯，大愛！套餐內原本的燒焗日本黃金帆立貝因為缺貨而轉為芝士濃厚的虎蝦。蝦肉十分彈牙爽口，伴著醬汁焗，十分惹味！燒伊比利亞黑豚扒：燒伊比利亞黑豚扒最值得一讚！豬肉肉質鮮嫩多汁，質地細膩，且脂肪分布均勻。表面烤得微焦，伴碟的薯蓉也十分Creamy。燒安格斯肉眼扒：燒安格斯肉眼扒也鮮嫩多汁，外層烤得香脆，肉質柔軟和充滿口感。甜品是雲呢拿雪糕，普通簡單的自家製雲呢拿雪糕非常厚實，配上士多啤梨醬汁，也是水準之作呢！總括而言，這一餐我們都十分滿意，無論環境、佈置、服務、

藏於大埔林村既世外桃園 一秒置身泰國 環境勁chill嘆西餐 呢度環境好靚 又寧靜 仲可以book獨立屋仔 岩晒一家大細或情侶黎今次2個人黎 叫左4樣野～ 周打魚酥皮湯🥣呢度個湯好有誠意 超推 個酥皮新鮮焗起好熱漲卜卜又脆卜卜 超級好味！湯好creamy又足料 份量好大 2個人share都好夠👍🏻👍🏻👍🏻龍蝦汁蟹膏醬配法包🦞龍蝦蟹膏汁好濃郁 配埋個焗到好脆既法包 prefect match😋😋冇諗過有咁多舊法包 一人食3件 好滿足😌美國安格斯肉眼扒🥩叫左5成熟 生熟度控制得岩岩好 值得讚👍🏻👍🏻 一切睇到裡面煎到好靚仔 食落肉軟牛味濃 唔配汁食都好香 芝士焗大蝦配香草蕃茄意粉🍝呢碟賣相好靚 細心地隻蝦開左邊 好方便食 蕃茄意粉個汁收得好好 好掛汁 意粉既熟度都係偏彈 我貪心d撈埋配法包個龍蝦汁 真係停唔到口🤭🤭🤭