荳子 (大埔超級城)

營業中

休息中

第一次食呢間人氣咖啡店 聽聞甜品頗高質 一於試2款甜品 分別叫左Oreo吐司同綠茶-✨Oreo 麻糬流心吐司 擺盤用心 十分吸睛😍😍😍吐司上仲有一球Oreo 雪糕 一切落去就爆漿 好澎湃 多士熱辣辣好脆口 配雪糕食冰火交融既感覺 好滿足 另外士多啤梨份量多又甜 配搭埋食都幾fresh!✨抹茶白朱古力流心蛋糕配抹茶雪糕蛋糕好似心太軟咁 一切即爆漿😍蛋糕面好脆身 惟抹茶醬太甜 抹茶味吾太出 而雪糕就不過不失 都係無咩matcha味🥲試過就好

每次經過都見排晒隊今次竟然唔係太多人等咗十分鐘左右就有位安格斯漢堡揀咗七成熟最後個樣似五成熟不過好juicy好好味😋另外加咗個芝士薯條啲芝士醬好正 如果啲薯條脆啲仲正煙肉Egg Benedict 都幾好煙肉夠瘦Cappuccino 個拉花好靚但杯野唔夠熱呢個叫Rock & Roll其實係榛子朱古力卷唔太甜 好味柚子伯爵茶芝士蛋糕賣相一流 成舊芝士咁個味道好有層次濃濃嘅柚子味又有伯爵茶味真係非常唔錯總括嚟講成餐都好出色

突然約fd😀食tea 又坐得舒服就諗起beans唔太多人 唔洗等位😎😎😂薯條加黑松露醬好香好好食 薯條又熱！🥰🥰🥰tea set 加薯條+$25 正價飲品+$10超抵Tea set分嚟食 好好味！🥰又chill😍美中不足張枱 係圓形 我哋2個人叫1人1set 🤔加薯條迫到冇位放😵‍💫😵‍💫😵‍💫員工好nice 💛💛見我哋有袋 會額外拎個小枱俾我哋放袋坐得舒服d😀😀價錢唔錯 又坐得舒服💛

在松仔園行山後，平日下午約三點左右到達餐廳，想不到也要等位呢🤣打算兩個人分享一份主食及一份甜品，男友點了LUNCH MENU的手撕豬仔骨漢堡﹑焦糖洋蔥﹑太陽蛋﹑薯條 $86跟餐要了一杯熱檸檬蜂蜜上桌時有點震撼到，因為漢堡體積很大，有點不知從何入手進食，男生也夠飽的份量😎伴碟的紫洋蔥有點生，所以有點辣和嗆口😵‍💫漢堡整體調味不錯，麵包也沒有出現濕透的情況影響口感。平日Afternoon Tea (MON-FRI 14:30-18:00) 一向是最抵食的，因為加$10就可享用各式正價飲品♥️我點了oreo麻糬流心吐司 $42上面有燒過的棉花糖、麻糬、雪糕球，超豐富的口感😇配上微烘過的麵包和麵包內的流心醬，是冷熱交融的感覺😆跟餐點了我最愛的法式焦糖燉蛋拿鐵 (+$10) ♥️面頭的焦糖有少許脆脆的口感，沿著杯邊喝下，甜甜的味道會一直留在唇邊，是小孩口味的咖啡，不用擔心咖啡過於苦澀😝作為一家在大埔開業許多年的餐廳，食物質素仍能維持外，餐廳整潔度及環境亦能保持新淨整潔，的確值得再三到訪🥰

好多時都見到排到好長人隆，難得今日開鋪冇耐黎到唔駛等位，咁就試下～平日有set lunch大約都係一百蚊左右，價錢中等。餐廳環境算寬敞，服務都唔錯手撕豬漢堡 - 手撕豬味道唔錯，個汁唔太咸好惹味，而且豬肉都算多。睇到餐牌特別寫咗配菜係太陽蛋同焦糖洋蔥，仲滿心期待洋蔥有幾特別，點知只係普通未煮嘅生洋蔥，而且仲勁辣呢個係有啲失望龍蝦汁大蝦意粉 - 又係本身充滿期待，點知汁底勁稀，冇乜龍蝦味，似蕃茄意粉多啲。而且味道都偏淡，蝦亦唔係大隻爽口，質素非常一般～

Cafe 既環境係幾好既，想同朋友舒舒服服坐下傾下計都好推薦可以去試下👭👍🏻宜家疫情期間店入面都有係坐位之間用高既膠板分隔客人同埋量體溫👍🏻👉🏻手撕豬仔骨漢堡，焦糖洋蔥，太陽蛋，薯條 🍔 💰hkd 116呢個特別得黎又幾好食，平時好少食到手撕既豬仔骨，而且佢d 肉質煮得軟軟地有d 咬口但又唔會太過淋😋個汁都幾好味，甜甜地👉🏻原隻波士頓龍蝦，牛油軟包，薯條，龍蝦湯（小）🦞🍞💰hkd 172呢個真係好失望🤯估唔到d 龍蝦係凍既仲要感覺係無鮮味，超級冰鮮既感覺🥶個包亦都無番熱過，包入面既龍蝦肉感覺係落左好多沙律醬都掩蓋唔到佢既冰鮮味🤧完全唔值呢個價錢😵平心而論之前係呢間食過佢既甜品係幾好食，係佢既沙田分店都食過幾次dinner 係唔錯既，但係呢一款真係可以唔試🤐 

週末當然要hea 爆、瞓飽先起身諗食乜。週六咁輕鬆既心情，就黎個all the breakfast @ Beans啦。之前試過呢間cafe 啲dessert都唔錯，今次試試其他新野。次次都要等位，今次算好彩，一到就剛剛有客走，可以入座。口痕痕就揀左個Delux all day breakfast。手機落單後好快就上菜。一見個賣相擺盤已經好靚好吸引人。即刻手機食先啦。黑松靈炒蛋冇得彈！bacon 煎到好香脆，炒香菇同煙三文魚配搽都好好，鬆餅好軟滑。配埋醒神咖啡，成份早餐完美落幕！

睇評論好多好評，就想過去試試，但真係對唔住個價錢。只適合打卡過黎，食物質素認真差！唔會想再黎！食左兩個餐，all day breakfast 睇落唔錯，但食材好劣質，感覺全部都唔新鮮。大大舊肉全部散嘅，仲慘過雪藏肉，感覺唔到自己食緊啲咩，完全靠啲醬先吞得落！之後仲要肚柯⋯⋯唔知講咩好了。加埋5舊幾水，配咁嘅質素，好失望！唔知點解會咁多好評！好懷疑都係買返黎🥲🥲🥲呢個質素，如果平平地我都算了，當自己唔好彩，但真係未試過食得咁唔開心

因為工作嘅緣故，今次又來到大埔中心食beans💓 難得今次有兩個小時嘅午飯時間，所以都想搵一間坐得舒服嘅餐廳享受午飯因為唔想食咁多澱粉質嘅緣故，所以我就叫咗一個漢堡。呢個漢堡十分之好味，佢裏面嘅餡係豬肉，而佢個汁係甜甜地，十分之開胃，另外佢個漢堡嘅size都好大，最後都係食唔晒同事就叫咗一個比較健康嘅飯，係煎雞藜麥飯。同事話呢個飯就比較淡味另外都有同事叫咗all day breakfast ，整體水準都正常。總括來講其實呢一間舖頭都係以坐得舒服為主，價錢唔算係超級平民，但係都唔算好貴

同朋友想搵間坐得舒服又可以傾計地方就去左食～我叫左黑松露軟殼蟹意粉 朋友叫左雞肉意大利飯～黑松露意粉入面有啲菇類都唔少 食落好香 味道幾夾 同黑松露配搭得幾好 唔介意佢地再落多啲黑松露😂係好食既 但軟殼蟹得半隻又細 如果有全隻會好啲跟餐加錢加左個芝士薯條～ 芝士醬好正😛薯條好夠脆 上黎果陣都係熱啲👍🏻餐飲叫左熱檸蜜～ 鐘意佢有用蜜糖唔係糖水👍🏻整體分數：7.65

Beans的全日早餐係食極都唔厭，非常豐富。有鬆軟既窩夫🧇、鮮甜既蕃茄🍅、茄汁豆、腸、黑松露炒蛋、同煙三文魚。最好味既係熱辣辣嘅窩夫，切完再點少少cream 另外黑松露炒蛋好滑,一食落口充滿松露香再飲番杯黑糖薑母茶，呢個早餐食得好滿足呀

對bean本身都有好感，之前我都試過佢嘅午餐都覺得唔錯嘅。嗰日同朋友過嚟食下午茶，叫咗佢一個窩夫同埋一個蟹肉牛油果他他試吓食，估唔到都幾高質。窩夫個份量唔係話同平時出面整嘅窩夫咁多，但食落去真係外脆內軟，冇睇佢圓轆轆咁樣但係食落去都幾有蛋香味。 加埋有綠茶嘅雪糕綠茶醬、忌廉。有好多配料一齊食仲有爆珠！真係好好食😋！！另外一個蟹肉牛油果他他，識落好清新舒服，加埋熱辣辣嘅餡餅一齊食，真係好好嘅配搭。牛油果食落去好新鮮加埋蟹肉一齊食真係好唔錯，呢個好推薦大家過嚟食！雖然佢份量唔係好多，但係如果唔係好肚餓都可以嗌呢一個！另外仲叫咗一個橙味伯爵茶，店舖係比一整壼菜俾我哋，飲完仲可以叫佢加水，飲落去伯爵茶味好濃郁，雖然唔係好飲到橙味至於美式咖啡正正常常啦

Hello! 大家好！魚蛋姐又出動飲飲食食喇～ 今次嚟到荳子Beams，分店遍佈香港九龍新界，連鎖餐廳集團管理，相信間間都差唔多，無需要話特別去返邊間食。大埔分店特色係餐廳一邊全落地玻璃，邊食嘢邊睇到窗外天氣轉變。嚟到既時候，天陰有強風。講翻食物先，今次試一試磯燒飽魚白酒意粉，配搭上非常創新，至少人生第一次食。味蕾有衝擊，但再嚟既話我會簡返普通卡邦尼，卡邦尼一定食得出滿意味道。淨講意粉質地既話配乜都好，質素都維持到一咬即斷，有咬感唔會大冧身。跟餐配黑松露薯條，薯條即炸熱上。個黑松露汁無得頂，又香又濃係幸福既味道。漢堡跟既薯條都因為黑松露汁太好味，茄汁慘被打入冷宮。手撕豬仔骨漢堡都係新嘢，冒險試一試！冒險黎講味道可好味可無咁好味，存在一定風險。食過最後都係寧願食普通啡菇/牛漢堡。Well，出面橫風橫雨。餐廳內仿似溫室般，安穩用餐。介紹一下抹茶卷蛋。卷身唔乾身帶抹茶味，抹茶味忌廉跟卷身5:5比例擺入口，雙重口感，相映成趣。蛋糕配Latte，無得輸！關於Latte, 本人真係聽過有人排隊點一杯拿鐵咖啡，NA TIT都聽過。嘴角有向上既，原因係有新鮮感，少D人會咁叫啦。雨停了，外面地面上都蓋上

文青路線Cafe，意粉主食有水準，甜品款式眾多而且賣相吸引，適合三五知來輕鬆一下食品方面 : 黑松露軟殼蟹意粉 : 軟殼蟹香脆，滿瀉的黑松露醬汁淋到意粉上，啖啖都食到黑松露味道芝士蛋糕:  外型成舊芝士一樣，外層係檸檸芝士慕絲，入面係美式芝士蛋糕，芝士蛋糕控必選抹茶蛋卷 : 抹茶蛋卷中間全部的抹茶香滑，微微的抹茶味，蛋卷鬆軟美味

Beans嘅分店開左好多間啦~咁高質嘅食物梗係希望各區都可以享受到今日黎到大埔超級城Happy Friday要食好d!! ✌🏻⚪️ 黑松露軟殼蟹意粉 $78 ⚪️軟殼蟹剛炸好，幾脆，炸粉唔會好厚黑松露味唔夠濃，可以再多D午餐份量十分足夠💘🔴 蕃茄肉醬長通粉 $62 🔴朋友叫左呢個雖然唔係好特別，但酸甜度剛好🤣上菜時仲好熱，中規中矩啦🟡  黑松露薯條 🟡 叫任何主食加$25可以配一份薯條有黑松露同芝士味食埋薯條好夠飽啦😍跟餐仲有飲品叫左杯凍美式咖啡唔駛加錢Beans嘅檸蜜都值得推薦呀～🤗🤗