茶咖里

營業中

休息中

eat乜茶餐 | 西營盤一早去西營盤，需要食個早餐，朋友介紹下，試下呢間良心小店。首先，環境好得意。店內部分似文青cafe，部分似港式茶餐廳。店外都有得坐，就似大排檔。所以，餐廳有西式早餐，又有港式早餐，成件事好夾。叫咗個滑牛通粉常餐，加錢轉出前一丁。小編不嬲唔鍾意食包，但塊多士烘得好味。至於炒蛋，無好似一般冰室咁落好多牛奶牛油，但生熟掌握得好，唔單止做到creamy口感，仲有一種簡簡單單嘅蛋香，冇咁油膩，令人食落好舒服。不過，講到最驚艷係碗滑牛出前一丁。首先，出前一丁就冇乜特別㗎喇。麵質煮得偏淋，係小編鍾意嘅口味。不過，餐廳竟然有餘均益辣椒醬，加埋落去令碗麵生色不少。重頭戲係滑牛。份量雖然唔太多，但係好重牛味，加埋本身醃料都好香，又無乸啲肉質變到好淋，有咬口，絕對係一個高質嘅早餐之選。Instagram: eatmud_

今日口痕諗住叫個下午茶外賣啦，見到lingduck 外賣嘅外送速遞有間新式茶餐廳，咁就試吓啦！🥢經典常餐：滑牛通粉配火腿炒蛋厚多士👉🏻d牛肉好嫩滑，份量都算多。通粉好彈牙，一d都冇淋哂👍🏻👍🏻。炒蛋係我最鍾意嘅生熟，唔會熟哂😋🥢下午茶餐：即制豬扒包👉🏻 佢好特別，因為用咗muffin 做個包，個豬扒好大塊，一d都唔韌，幾好味😋，不過可能因為外賣嘅關係，有水氣，個包濕咗少少🥢下午茶餐：蜜糖鬆餅西多士👉🏻呢個西多士就失望咗少少，因為佢有d乾同韌。

今日去咗西環打卡首先就要醫左個肚仔先呢個雞翼通粉 都算幾入味個雞翼好重滷水汁味呢個重點就係芝士火腿奄死佢個芝士會流出來都幾正而且好大份 夠兩個人share呢個菠蘿包牛肉漢堡都簡直無得輸佢個菠蘿包面好脆而且咁樣食法真係第一次幾正最後埋單都係$204都算幾抵

TEA黎食黎過好幾次! 我最鍾意搵特別嘅文青cafe, 茶咖宅 呢間餐廳特色在於佢嘅fusion風格食店表面同普通cafe無咩分別, 內裏裝潢就將港式同西式融合, 很有特色. 食物同樣中西合璧他的茶杯是用公雞杯，很有特色奄列班戟All day breakfast, 呢度有3款All day breakfast,  Pancake 呢個$68, 好足料，有奄列，腸，煙肉，豆，菜，蕃茄，比起一般cafe黎講都算平。個pancake口感係銅鑼燒咁,  唔加糖漿都有甜味, 奄列入面有芝士同火腿 好多餡, 黑松露香，煙三文魚好香，煙肉絕對高質！唔會全塊乾到硬，大部份肉質軟腍，邊緣位入口輕脆仲軟嫩，仲有少少菜，整體都幾好。鮮橙紅茶茶味都濃，少甜好有橙味，加橙皮味，同檸茶比特別清新不同。魚柳同炒蛋煎得炒得剛剛好。合格以上。兩樣食物都比想像好，因為這個價錢在中上環黎講算平。香濃咖啡，咖啡味好醒神，咖啡味好香濃PS. 點餐係用APP QR code 點。同埋冇得用八達通，只收現金。記得要帶錢。

今日去開西環，上openrice 搵食就發現呢間comment 都唔錯就試下！位置較難搵最後原來在轉灣位內！！看上去很細間，剛剛好有一張枱小店用QR code 落單，好方便！樣樣都想試，最後點了--叉燒意粉餐，叉燒肥瘦適中，厚簿剛好，好好食，意粉都多，炒蛋好滑，多士新鮮焗好，正,配左cappuccino , 賣相味道夠濃，啱我口味另外點了all day breakfast , 有長多士，茄汁豆，煙肉，炒蛋，腸仔，味道正常，炒蛋，多士較特別好食配左普通咖啡，都唔錯，當然cappuccino 好些！！總結，小店環境舒適，清淨，食物質數好，服務亦不錯，價錢略貴但我會再食！！

原本在家工作的一天，偷偷約朋友去了西營盤睇樓。一大清早先去食個早餐。來到了這家book Mark 了的茶記，因為他的茶杯是用公雞杯，很有特色。我們點了一份全日早餐，一份常餐，一杯奶茶和一杯咖啡。全日早餐的配搭都是大路的食物，茄汁豆、煙肉、炒蛋和麵包等。不過麵包烘得香脆。我的是沙嗲牛通粉，牛肉厚切，份量都頗多，麵包是烘底的，太陽蛋都煎得不錯，仲有2隻咁多。熱奶茶也算濃厚，朋友的咖啡也香，但食完早餐，才發覺原來這裏的公雞飲品是另點的，跟餐並沒有公雞杯，不能打卡有點傷心。希望下次還有機會經過，還有這種閑情來飲一杯公雞咖啡吧！

小編自從上年愛上咗咖啡之後 開始成日𝙘𝙖𝙛𝙚 𝙝𝙤𝙥𝙥𝙞𝙣𝙜 然後無意中發現有間用碗飲咖啡嘅餐廳仲要係食港式茶餐廳嘢食🥪完美地中西合壁！終於有機會試到，不過都幾失望(´･_･`)
.① 叉燒通粉 配 火腿炒蛋厚多士🍽️（$44）// 睇其他人食以為叉燒會好食同埋睇相都幾吸睛咁🐖，不過事實係 叉燒真身好硬🥺雖然大大舊又厚身🤏🏼但係食落好老 榎歰歰唔好食☹️通粉湯底睇顏色以為會好濃，點知都幾淡( ˘･з･) 都幾失望 因為絕對係平庸甚至係唔好食//Food：🌕🌕🌕🌑🌑🌑② 𝙡𝙖𝙩𝙩𝙚 （+$8）// 一直bookmark咗佢哋用公雞碗裝住咖啡好靚好有特色🐔！至於latte唔算好出色，好重奶味蓋過咗大部份嘅咖啡香濃，不過用碗飲啡真係第一次😍// 
Food：🌕🌕🌕🌑🌑🌑.🍳 雖然公雞碗配𝙡𝙖𝙩𝙩𝙚真係好特別，但係小編試過一次就心息啦😂
.💛茶咖里 (西環)西環西營盤爹核里4號地舖🍮#aiiifoodie 🍔#aiiifoodie_saiyingpun #aiiifoodie_西營盤 #aiiifoodie_黃店

你間鋪喺西環嘅一個行仔入面，外面嘅環境我自己就唔係幾鍾意啦，因為感覺唔算太衛生，但入面嘅環境就充滿復古嘅感覺，都係幾唔錯嘅，只係有少少細。咁入到去啦就要用手機點餐，其實我覺得有少少麻煩，因為都點咗好耐。但值得稱讚嘅就係服務員嘅態度非常之好。我哋叫咗兩個早餐嘅常餐，牛肉通粉同埋雞翼通粉，包埋炒蛋火腿同埋包，咁價錢非常合理啦，所以味道係好食嘅，都會覺得係唔錯嘅一個早餐另外想介紹嘅就係all day breakfast，佢個彈一次出嚟係半溶半結嘅狀態，口感好好，當然就有少少貴啦大約70幾蚊，咁但係我覺得佢係有用心整，所以值回票價嗌咗榛子咖啡，焦糖咖啡同埋普通咖啡☕️，我自己就覺得焦糖咖啡嘅焦糖味唔算濃，但係整體都係好好飲。如果經過西環附近都係值得去嘅

武漢肺炎爆到7788, 雖然仲未斷尾， 但係都要開始出返嚟食吓飯。。。。 講真， 就算香港人幾努力，個垃圾正苦都會放毒入嚟，永續限聚令，搞到民不聊生，飲食業大受打擊，佢地真係好慘。。。 所以一有機會，都要努力幫吓手，希望佢地頂得住~今次同friend嚟呢間茶咖里，我食過，但係其他friend想試吓~ 其實呢間茶記都幾有特色，我之前食普通午餐，都好好食~ 今次就試all day breakfast啦~我叫咗個芝士火腿奄列配pancake, 有個friend竟然抄我不過大家都冇揀錯， 真係好好食~ 火腿奄列份量都幾多，又有滿滿芝士， 好好食， 食完真係好飽。。。。 有3 塊細pancake, 好食又得意~ 冇得頂另一個friend就食egg benedict配鬆餅， 佢都話好好食， 等我下次試吓先, 睇樣真係好得~ 另一個friend就話佢唔肚餓，但係好想食叉燒，就叫咗個叉燒炒滑蛋飯。。。。 佢話好好食，結果本身話唔肚餓，但係成個飯都食晒， 痴咗線呢一餐大家都好滿意，下次可以再嚟食

I have my lunch in cong tea kafe at sai ying pun today, as I heard that it is very famous, definitely need to try their food! There are quite a lot of people waiting outside the restaurant during lunch time. There are qr codes on each table for ourself to order food, which is convenient!I ordered all day breakfast which is quite large in portion! I love the omelette, it has ham and large amout of cheese!!! The bacon wasn't too salty and salad is on top of the dish included 😋

去過呢度兩次 都係番學食lunch黎😚位置都幾隱蔽 要穿過類似後巷既小街就見到🤣裝潢幾特別好懷舊 我個人覺得坐室外既衛生/環境都唔係咁好🙈室內會好好多 但室內位置真係好少 呢度既lunch幾抵食 好大份~🐷叉燒滑蛋飯🍳 $48蛋炒到好滑🤤叉燒半肥瘦 醬汁甜甜地送飯一流✨搞笑既係佢用沙律菜做伴碟😂🐟🥑牛油果醬魚柳芝士菠蘿包🧀 $68牛油果同魚柳好夾🤣菠蘿包個皮係偏軟 甜甜地食落好夾😆配薯片又係好搞笑既伴碟😂🍳𝐂𝐡𝐞𝐞𝐬𝐞-𝐡𝐚𝐦 𝐎𝐦𝐞𝐥𝐞𝐭𝐭𝐞 𝐏𝐚𝐧𝐜𝐚𝐤𝐞 𝐀𝐥𝐥-𝐝𝐚𝐲 𝐁𝐫𝐞𝐚𝐤𝐟𝐚𝐬𝐭🥞 $68呢個all day breakfast好抵食🤤勁大份!!omelette好大舊~好滑😌張相影唔到下面仲有3塊pancake😳呢個勁飽omg

💛茶咖里·呢間我都bookmark咗好耐㗎啦 見佢個叉燒出前一丁好似好吸引咁 所以我哋嗰日諗住去西環泳棚就嚟咗呢一度食😎😎佢嘢食都唔錯嘅 不過個環境就逼夾少少🤭😂·牛油果醬魚柳芝士菠蘿包$68我哋見呢一個好似好得意咁 就嗌左 點知呢一個係最驚喜嘅😍佢個菠蘿包雖然個樣冇話特別靚 但係估唔到幾好食 佢個皮做得好甜 而且仲係熱辣辣又脆🤩之後牛油果同埋魚柳呢個組合好好食 而且佢入邊仲有啲蕃茄 超級juicy 不過佢個魚柳就薄身少少 所以咬落去口感爭啲 但係成件事係夾嘅🤤🤤·叉燒出前一丁常餐$48呢個反而就冇咁出色啦 佢個叉燒比較un少少 無我想像中咁好食🤭🤭但係個出前一丁整得幾好食嘅 之後佢個滑蛋都炒得好好 唔會老晒 而且真係超有蛋味 之後我哋入到去聞到佢好香嘅奶茶味 所以就跟餐嗌咗 點知呢一個真係有少少失望 佢個奶茶係冇乜茶味嘅 而且偏淡 有啲可惜😢·#rbyeat#rby港式#rby💛#rby西環·📍西環西營盤爹核里4號地舖

今午，朋友帶我去這店食午餐。這店唔起眼，在一條短巷的盡頭。食乜呢？半中半西，選擇不多。也有幾款午餐可選擇。我朋友叫了一碗叉燒疍飯連咖啡而我只叫了一set茶餐廳的快餐=半塊多士，抄疍，火腿加牛肉通粉連港式咖啡。每份四十幾蚊，普普通通的收費。客人可選擇坐在外面，也有五，六張枱好似大排檔。也可以坐入面。食物平平，無什麽特別。可試吓。

茶咖里, 西營盤☕️我相信佢地招牌菜應該係叉燒滑蛋飯、滑牛通粉呢類常餐，我純粹貪新鮮叫左個牛肉漢堡菠蘿包試下😅味道一般，個菠蘿包有少少凍 (大家都知菠蘿包最緊要熱辣辣)，但個肉幾好味。反而佢地個齋啡係出奇地好飲。跟餐$68令我覺得OVERALL都幾抵食。 咖啡好睇個人喜愛。而我因為每日都一定要飲杯齋啡提神，飲慣左，個人比較鐘意濃味苦澀味重D又唔太酸既咖啡。呢到既咖啡正正係我鐘意既味道，唔酸但烘焙味同苦澀味十足，絕對唔係普遍茶餐廳既質素。直情覺得好飲過出面收你3，40蚊杯既BLACK COFFEE。而個瑞士雞翼通粉就正常發揮。總括黎講，食物中規中矩，未必值得你山長水遠走黎食。但如果係住附近既街坊，呢間絕對係一間不錯既茶餐廳。.手打牛肉漢堡芝士菠蘿包🥪$68瑞士雞中翼通粉配火腿炒蛋厚多士🍞$48.📍西環西營盤爹核里4號地舖🌟Rating: 7/10💰Price: $50-80 pp #黃店推介

見到IG有人嚟打卡，又見到佢嘅厚切午餐肉粒咁吸引，專登遠道而來朝聖一下！呢度個位置真係有啲難搵，而且店內嘅座位比較狹窄，出出入入嘅人好唔方便。講返啲嘢食先，當然要叫午餐肉，炸到外脆內軟的確係唔錯嘅，另外叫咗一個常餐，有厚多士、火腿、炒蛋同埋沙嗲牛肉通粉，呢個常餐就一般般啦。值得一題嘅係佢哋嘅咖啡唔係用咖啡杯裝，而係用大排檔果隻公雞碗裝住，用碗飲咖啡都係第一次，而我點嘅榛子咖啡唔知點解好苦，都飲唔出榛子味，唔知係唔係用碗飲會似苦茶呢？🤪