聚串 (已搬遷) 新店位置

睇完荃灣老闆娘既新聞⋯決定上3樓搵間真黃店幫襯下裝修唔錯⋯有日本居酒屋既氣氛⋯晚市時間⋯即使2個人都可以坐4人檯慢慢嘆⋯今晚叫左燒雞翼，牛舌，清酒煮蜆，韭菜，炸一口芝士，燒翠玉瓜，雞軟骨，雞皮⋯⋯食物好高質⋯容易海鮮敏感嘅我食完峴完全冇事👍🏻炸一口芝士好好食！記得趁熱食！牛舌燒得勁正⋯配啤酒一流！燒韭菜⋯燒得好好！其實樣樣都好好味⋯點解咁推介佢呢？老闆好有人情味⋯本身當日茄子係賣晒⋯朋友再次問⋯老闆居然幫忙安排⋯燒茄子真係串燒店不可缺少熱辣辣⋯好鬼好味哇！呢D小店真係值得大家支持喔店內位置不多⋯但可以打電話預約

香車街街市真係多野食呢間串燒位處2樓，入面好多日本旗幟裝飾🇯🇵旨在同朋友吹下水就啱晒除左串燒仲有其他小食揀坐底既時候，鋪頭入面得一個哥哥做晒落單、煮野、埋單既工作💦所以要有耐性💬先上場既係🥠燒豆卜🥠🍘芝士年糕🍘豆卜外皮夠脆，香口！再食個年糕嘩！粘糯到不得了😍又唔會太甜，暖暖地真係想1個人啪曬全部！之前提過，要等！食完年糕同埋豆卜之後等左陣，就到🍢聚串三兄弟🍢(豬、牛、雞各兩串)牛肉好嫩唔多筋，應該用左靚肉🐮豬、雞唔會燒到太乾2個人share每人1串就夠哂數🍝野菜雞柳炒烏冬🍝我同朋友本身唔算肚餓而且前面個d慢慢食令我地已經6-7成飽呢碟烏冬好遺憾地食唔曬😞睇相都feel到好足料不過略嫌唔夠風味有啲醬汁炒會惹味啲美中不足既係，呢到冇禁煙🚭雖然有冷氣，但仍然有陣煙味圍繞成餐飯🚬😢😢😢😢😢

有日食完晚餐，諗住相約幾位住荃灣嘅三五知己食糖水，點知其中一個提議話不如食下串燒，又好似唔錯喎，於是就黎左呢間喇。雖然舖頭唔算大，但都坐到十零廿個人架，仲有冷氣，食到幾熱都唔怕啦。由於打左底，所以叫唔到太多野食。最值得一讚嘅就係個金菇同羊架呀，前者有好香嘅蒜泥一齊包住燒，仲有啲牛油香添；後者就有啲微辣嘅香料味，同羊肉本身嘅味非常夾，真係好香口！細心嘅係，老板見我地一行幾人，淨係叫兩隻羊架，幫我地切埋一片片😂冇計啦本身食左野先去🙊另外仲叫左個鰻魚炒飯同韭菜，都幾好食！但炒飯需時就比較耐一啲～真心推介大家去食要點金菇同羊架，睇番相都已經想再食了😭

收工無野做，去左荃灣車香街街市食串燒叫左一支青島，一碟串燒拼盤，豬肉、牛肉和雞肉都有齊因為即叫即燒的關係, 飲住啤酒等，等左15分鐘左右<3 串燒新鮮滾熱辣，3款串燒都十分大串足料，味道亦十分好〜個人覺得價格可以調低一點，因為位置相當隔涉偏遠，但價錢跟一般街鋪的一樣。

係🍢🍢呀🙈🙈呢間係荃灣熟食街市既串燒都整得唔錯👍🏻 價錢唔算貴燒雞軟骨加雞皮都幾好食🙈 鰻魚飯味道都幾好 可惜鰻魚偏小加d飯有d濕😖overall如果岀野食既速度快d都去得過-評分:7/10價錢:人均$150

這間串燒小店，我哋都算係常客， 喜歡佢地點夠就腳，簡簡單單，飲下嘢，食下串燒，確實係一個好地方， 近排發覺這間小店客人越來越多，真係要早少少嚟，因為隨時冇位 ！同我哋一樣，客人主要都係回頭嘅舊客， 今次特別預約了麻辣雞煲試下， 店主除咗串燒入未夠水準之外，西式意粉、炒飯水準亦好到家，估唔到中式雞煲都係咁撚手！雞煲用料十足， 真係啖啖肉， 雞煲不算太辣但加上麻辣子，口感發麻 十分過癮！青椒夾雜著雞煲嘅汁料， 仲有西芹及芫茜嚟吊味， 一上枱已經吸引其他食客， 實在很香， 而且價錢好抵食！這小店，人手不算多， 若不趕時間就最啱， 即叫即做，逐碟菜上， 最啱happy friday，朋友吹下水，慢慢食，絕对唔會趕住你食完要走， 這些咁有誠意嘅小店，確實要支持一下！

自己都是一個荃灣友成日都會捐窿捐啦去搵嘢食今次嚟咗香車街街市度發掘一間串燒店聚串座位唔算多大約20個左右，一到步職員就馬上介紹店裏便最受歡迎的幾款小食有女士最愛嘅翠玉瓜同埋司華力腸燒得好又唔會太鹹味道剛剛好再嚟一個非常吸引嘅白酒煮蜆湯十分新鮮，湯亦都好特別好香口哈哈哈食肉獸又來啦，就叫咗兩串雞軟骨同埋兩串雞腎好味到唔停得口有超級好味脆口嘅雞翼同埋大熱牛舌 真心讚每一樣串燒都悉心去炮製一路同朋友傾計一路去食串燒真係非常之享受黎到聚串唔可以唔叫牛柳粒同埋金菇肥牛卷一個人都可以大兩串超正係咪睇見都想食呢蒜蓉焗扇貝差啲在想encore真係好新鮮同埋大大魷魚都是必食㗎黎到最後嘅主角就係男人摯愛羊架小小店舖但係職員同埋老細都非常用心製作是不急不快每一道菜都是剛剛好

住荃灣二十幾年既我，今日第一次黎到依到食串燒，平時放工都八點左右，有時真係唔想食咁多野😅😅食串燒傾下計就最好不過喇👍🏻👍🏻本人超鐘意食燒翠玉瓜，依個十分岀色，咬入口勁多汁，重有小小辣粉，好正😍😍再來依啲白酒煮蜆肉，隻隻蜆都好新鮮，唔會有沙，味道濃郁👏🏻👏🏻依個係燒司華力腸，有甜醬同芥辣醬係上面，笑得夠脆好味😜😜鐘意食海鮮既我，燒扇貝當然唔小得啦，老闆好用心燒每樣食物，全部即叫即燒，熱辣辣🤩🤩依個大魷魚🦑味道就會比較清一點，但魷魚燒得好好，一啲都唔會過熟，完全食得到魷魚嘅新鮮感，而且好大隻，其實成隻手掌咁大隻嫁😂😂燒雞翼都係推介之一，因為笑得外脆內軟，雞汁鎖住晒喺裏面，好好味呀👍🏻👍🏻店內重有好多唔同既串燒種類可以選擇，夜晚都開得比較夜，下次大家有時間可以過黎同朋友慢慢傾下計呀🎊🎊🎊

今日我家姐帶我去佢地頭食野，之前佢試過話好好味所以先敢帶我去😊🙊講到我唔好食唔食咁......行左一段路黎到啦 係街市入面其實唔難搵可能太早既關係無咩人。待應定老闆服務好好。細心推介有咩特別美食有咩新鮮海產....當我地落完單岩岩好有勁多人入黎食...好好彩哈哈，氣氛好好牛肉串，好入味好juicy ,同埋較其他食店新鮮唔會有雪味，有小小辣，配啤酒一流！最期待的燒菠蘿，好多汁ar 燒得岩岩好 好香好大件 一值都同朋友講食肉一定要食菜中和返，好軟身，燒得好好，唔會硬，同埋發覺間鋪既串燒都好多汁好入味，估唔到小店水準係咁好唔食呢個蜆湯真係走寶，十分滿分💯比一百，食落唔會有沙，湯底新鮮，辣辣地好岩胃口

已經唔係第一次嚟聚串，除咗好味我仲好欣賞佢地三兄弟既熱誠，每次有時間就同客人吹下水收集意見，最重要聽完又真係有改善，得閒又會做下新嘗試，去多幾次都唔會厭！知道佢地搞海鮮私房菜，一於約齊飯腳就訂枱，朋友話想多啲貝殼類，我又想食魚，交代兩句轉頭就寫好菜單同價錢，懶人海鮮大餐每位都係$380，絕對大滿足！燒貴妃蚌加少少蒜蓉辣椒碎去燒，蚌肉啱啱熟爽口彈牙，食完都唔會痴牙醬燒鮑魚個汁甜甜地，同鮑魚出奇咁夾燒扇貝同貴妃蚌一樣用蒜燒，同樣美味之前食過水煮魚回味無窮，今次朋友唔食辣所以揀咗酸菜魚，原條魚切片帶件咁上，完全唔會呃秤，豆卜、芽菜同薯粉索咗湯汁，個個都讚不絕口，最後連湯都飲埋椒鹽鮮魷肉質夠厚，粉醬脆薄食多都唔會膩豉椒聖子既青椒切到細細粒，連埋豆豉同聖子一齊放入口，香濃惹味油鹽水大蜆墊埋粉絲底真係冇得輸，蜆肉鮮甜又厚肉黃金虎蝦一出場香氣四溢，蝦頭炸到鬆脆，咸蛋黃醬汁細滑又唔會過濃，保持蝦味，可惜海鮮都要預訂，冇得即時再嚟多轉

呢間 "聚串" 位於香車街街市及熟食中心， 我哋都係常客，經常三五知己，串燒，意粉 燒鯖魚等等...都食到不亦樂乎!小店播放著一些輕鬆嘅音樂，我哋最鍾意就係happy Friday，喜歡這裏食得自在！估唔到經常都有新菜式，今次特別要介紹嘅係麻辣水煮魚， 記得要中午時間預訂！這個大鍋夠兩至三人食，水煮魚鍋充滿麻辣嘅麻籽，鍾意食辣嘅朋友一定喜歡，食到滿頭冒汗，好彩呢度有冷氣！魚肉很滑，肉身很結實，一梳一梳，水煮魚嘅辣味份外滋味！ 配菜很多，有大豆芽， 豆腐卜， 仲有爽口嘅薯粉， 廚房煮緊已經陣陣飄香了！

姊妹聚餐帶我食聚串😂本身自己唔係經常去呢區去到樓下去諗一諗間野係邊呢?!?!原來係呢度上去祭後上多半條樓梯就見到ga la😂路痴如我都去得到係西利ga la酒煮蜆酒味唔係好濃有d 似日式昆布湯d蜆一陣就食晒然後大家爭住飲d 湯雞柳炒拉麵一開始聽到有d 怪怪咁食落幾好味wo又估唔到拉都可以炒佢d 麵其實似台式撈麵 果d麵佢調味幾好雞柳又嫩d 粟米粒更加令我停唔到口最後再encore 左一碟燒菠蘿一口size 係我第一次見平時係mini size 菠蘿仔ge 一半 一半咁ga ma一口size 都唔錯d 菠蘿係甜甜的😍😍翠玉瓜幾鮮 熱辣辣食ge 時候仲有d 甜ge 味😊又係再encore 左送酒雞皮唔夠脆口 無左佐酒ge 作用😭扇貝老左d 同埋蒜多左我第一口咁岩咬唔到d 肉淨食左一pet 蒜 咸親自己😂牛舌~有d un, 味道幾好韮菜~ 都係normal 咁la呢個茄子唔錯不過都係醬多左dd佢個醬係有d甜甜地但太多又係好咸幾好味 又唔會好辣唔食辣ge 都食到小店食野開心好多好有人情味雖然某d 食物調味較為重手但都係好食ge👍🏻又多個聚餐好地方

政府嘅熟食中心有唔少特色小店，冇咩宣傳，好多時都要靠口碑。今次第一次去香車街街市熟食中心，行上兩層就會見到，有一間寫住有強勁開放冷氣嘅餐廳。行到身水身汗，冷氣呢兩個字好吸引，所以就入咗去食。當日時間尚早，冇訂位亦都可以好輕鬆入座。餐廳個名叫聚串，顧名思義，用串燒做主打，選擇亦都好多，肉類、時令海鮮 、蔬菜、丸類等等，總有一款啱心水。味道方面，亦都可以按番客人嘅需要去調節辣度。首先叫左個燒羊架，一共有兩件，由於唔係特別想食辣，所以就請侍應安排完全唔加辣嘅味道。羊架用咗胡椒味嘅香料燒製，雖然已經走咗辣，但如果對辣味好敏感的話，相信都會食到好輕微好輕微嘅辣味，與其話係辣，不如話係香會更加合適。羊架嘅肥瘦非常分明，肉質好鮮嫩，來貨好之餘，亦證明大廚控制火喉非常有功架。燒雞皮都係另一個滋味之選。平時食炸雞 會去雞皮嘅話，就唔好食呢個算啦。雞皮燒到好香脆，裏面大部分嘅油脂都去除咗，但亦留保到雞嘅香味，所以食起嚟嘅一瞬間係冇咩罪疚感。仲有一個不得不試嘅係蒜燒扇貝，蒜蓉嘅份量恰到好處，唔會話多到遮住咗扇貝嘅鮮味，但係又足夠令扇貝內內外外都充滿蒜香。扇貝新鮮可口，燒嘅火喉同樣剛剛好，外邊脆蛋，裏面彈牙。

前幾日上openrice 搵有邊到串燒好食見到聚串都幾吸引由於我由細到大對串煙有一種情意結所以我就特燈去左荃灣依間聚串一入到去個感覺幾好有啲似日本啲居酒屋嘅feel😃😃😃啲裝修擺設令人好舒服好有親切感好有風味😍😍😍甘我地就叫左燒雞皮 煙肉蘆筍卷 金菇牛肉卷個燒雞皮好出色 燒到好香好脆 完全吾會油同肥 燒得好均勻 燒到啲油冇晒一咬落去脆卜卜 啲香味湧出黎 超正🤤🤤🤤🤤煙肉蘆筍都好正蘆筍鮮甜 配埋煙肉個口感不得了金菇牛肉 金菇有牛油嘅香味牛肉嘅汁 完全落晒落啲金菇到好正燒得岩岩好肥牛吾會好乾👍👍👍

今日同男朋友行完街~經過荃灣熟食街市👫👫見到E間串燒店{聚串}就入去試下啦~~💃🏻環境不錯，地方乾淨 ，坐位寬敞舒適👍🏻👍🏻👍🏻👍🏻價錢好抵食ar...又多款式有炸物海鮮類飯類意粉串燒我地叫幾款小食日式芝士年糕...鐵板牛柳粒...燒煙肉蘆筍卷炸雞皮牛柳粒-好大份抵食 好重牛味多肉汁👍🏻👍🏻芝士年糕-炸得岩岩好👍🏻煙肉蘆筍-好有口感炸雞皮-炸得岩岩好，脆卜卜👍🏻👍🏻值得一食