好開心同朋友食日本串燒❤︎第一次嚟呢度食飯，估唔到前菜已經好有驚喜。日本新鮮蕃茄，好鬼甜！！平時都鍾意食蕃茄，但未試過甜到好似落糖咁。南瓜沙津，加咗忌廉好滑嘅南瓜蓉 甲羅燒，蟹膏蟹肉釀蟹蓋，鹹甜適中，配埋烘多士，好正 另外少不了日式炸物，好出色，炸漿唔會好厚，咬落口香脆唔油膩。炸蠔，肥大肉厚，一上菜為免出水即刻食先。炸蟹肉釀青椒，唔係普通煎釀三寶可以相提並論荷蘭豚肉卷，分別叫咗幾款，生薑、紅莓、芝士同蔥，最鍾意係紅莓，酸酸甜甜夾埋啲日本豚肉，好特別❤︎ 黑松露炒雜菌菇 黑豚豬

談心要飲住啤酒談❤︎以前嚟過一次，好味又幾抵食，今次帶埋朋友一齊嚟試下〜Total叫咗10幾款加埋啤酒，埋單大概3百幾，尚算okay〜蒜蓉燒茄子，好大一條，但有少少燶咗，不過辣得來又夠香，配埋蔥花好正。仲有好鍾意燒鴨舌，咬起來好有韌勁，帶點麻辣，愈食愈滋味，做下酒菜一流〜朋友話一定要食羊肉串，燒嗰陣落足孜然粉，一啲腥味都食唔出，而且keep到肉質好嫩口，十分之不錯其他當然少不了大路嘅燒韮菜、燒菠蘿、雞腎、翠玉瓜啦〜整體來講都好滿意，會再帶朋友過嚟一齊食❤︎

收工約朋友食飯諗住睇埋靚靚日落，可惜要OT，遲咗! 下次一定要再嚟過追日落❤︎ 要咗兩個南瓜湯，湯最緊要夠熱上枱先係最好飲，南瓜蓉好濃好香，加咗少少cream夠哂滑〜主菜要咗個葡式香辣燒雞，掛住close up 個燒雞皮脆肉嫩，keep到有肉汁，雖然寫香辣，但其實唔會太過辣，朋友唔食得辣都食到〜薯條炸得香脆，唔油膩，加分仲有蟹肉忌廉蕃茄意粉，個醬汁好濃厚，蕃茄味比較淡，蟹肉味超濃〜是日甜品chocolate parfait，香濃朱古力味，再落多少少cream 就好啦 <3

去尖沙咀搵friend 食飯，帶咗我去食地中海菜 <3 餐廳氣氛一流，仲做緊happy hour promotion ，好多上班族圍喺度飲返杯〜叫咗個Carbonara，忌廉味濃郁，好香又creamy ，整得非常出色〜 海鮮串燒拼盤，大蝦、三文魚、吞拿魚三款。新鮮檸檬一齊燒過，帶些少酸澀味，肉質又嫩，幾清新〜不過呢個價錢，份量就少咗啲，如果大份返少少就好啦〜 辣肉腸pizza ❤︎味道正常發揮，要讚一讚個批底，好脆好薄，女仔都唔會食滯。 最後食埋甜品，甜得來但又一啲都唔漏，層次分明❤︎

觀塘食飯真係好多選擇，繼續同朋友周圍搵食〜呢間Bella Shine 想試好耐，但walk-in 好難有位，記得要book定枱❤︎ 叫咗兩個主菜，另加錢轉Set，有埋餐湯前菜飲品甜品〜 紐西蘭羊西冷，雖然係羊，但一啲羊羶味都無❤︎肉質好嫩有肉汁，而且好容易切開，份量又多，塊羊架超厚，食完都飽咗 法國黃春雞配蜜糖芥末汁❤︎好得意，上面放咗啲木魚片，好似食緊章魚燒咁〜鮮鮮鹹鹹，配個蜜糖芥末汁出奇地夾！成隻雞燒得剛剛好，肉唔會好老，點埋個醬，好開胃好好味。 黑松露湯，味道好濃郁❤︎ 前菜拼盤，Wasabi章魚同隻大蝦好正，啖啖肉

同朋友去食好嘢❤︎好耐都無食過鐵板燒啦〜主廚套餐有前菜主食甜品，足足有10道菜，好飽好滿足❤︎海膽黑松露糖心蛋，半熟蛋黃配埋海膽同少少黑松露，質地好滑嫩，海膽同黑松露都帶有少少鹹味，唔需要再加調味都好正❤︎ 最鍾意呢道煙燻帆立貝，好特別，係用菊花花瓣來燻熟個帆立貝，一揭開蓋就有非常宜人嘅菊花香氣，連花瓣都可以一齊食〜 帆立貝煙燻完依然彈牙，仲有菊花味，好特別。如果覺得淡，另外仲可以蘸少少岩鹽一齊食。最後食埋個紅酒啫喱，甜甜哋，好perfect~ 南非活鮑魚配海苔醬，好大隻肥美鮑魚，彈牙有嚼勁，配鹹鹹哋嘅海苔醬好夾❤︎隔離仲有少少鮑魚肝臟，味道苦苦哋帶甘，留返最後先食。 法國鴨肝，好靚！肥大油厚，外層煎到焦黃 <3 特別在下面有塊煎過嘅青蘋果，酸酸甜甜中和返鴨肝本身嘅油膩感，最後仲可以食埋煎香咗嘅焦糖青檸，清一清口腔❤︎ 日本A5和牛薄燒 清甜豆腐湯 蟹肉蛋白炒飯

好朋友要移民，臨走前想食餐好啲留個紀念❤︎帶咗佢去食Omakase〜晚市揀咗$1480 set，7種刺身加6款壽司，配埋熱食湯甜品，非常之高質又抵食!! 前菜北海道白粟米、静岡蕃茄仔加北海道螺，要順序由左食到右，從來都無食過粒粒都咁甜嘅粟米，好surprise!! 北海道螺好彈牙爽口❤︎ 右口魚刺身，聽師傅講係肌肉位，好新鮮彈牙，細細捲幾得意。 岩手縣米崎蠔，大過手掌！超級肥美清甜，配少少自製柚子啫喱同蘿蔔蓉，好清新！成隻蠔唔覺意一啖塞咗入口，差少少就窒息 鱆紅魚刺身，厚薄均勻，咬落口都幾清甜爽口又無筋，好好味！ 幻星鰹魚，有黑色一點點嘅斑喺魚身出現，比較罕有少見，肥美啲，加埋酸酸甜甜麵䜴醋，比起其他的確係食落滑啲香啲！ 石垣貝，師傅拎出嚟嗰陣細細塊，當住我哋面撻一撻，即刻收縮豎起哂，再放入口食好鬼彈牙！！ 北海道馬糞海膽，好creamy 好滑而且味道濃郁，簡直係入口即溶，朋友好鍾意食！讚不絕口！ 最後甜品北海道抹茶奶凍配黑糖豆，抹茶一啲苦澀味都無，平時唔太食抹茶都食哂成杯

朋友帶路去食印度菜，一入去已經忍唔住哇一聲，簡直令人眼前一亮，原來食印度菜都可以好有情調❤︎❤︎ Fruit punch 同 Lime Soda❤︎ 一啲都唔hea，唔係糖溝水，仲擺得勁靚，好感度爆增~~ 摩洛哥烤紐西蘭羊架配石榴汁，羊架肉質好軟腍，keep到多汁，加埋石榴汁微酸帶甜，好特別。而且百零蚊就有4塊羊架，抵食到不得了 印度菜一定要食咖哩，揀咗推介嘅菠菜蓉咖哩雞，菠菜蓉好香牛油味，好creamy，一啲青澀味都無，唔錯！ 再加個Garlic naan，好脆好香❤︎ 總結所有食物都好高質，坐得舒服又有情調，氣氛一流，好適合情侶❤︎

好耐無見朋友啦，觀塘放工一齊食個飯，揀咗間食雞煲試一試 <3 位置都幾容易搵〜 好多款雞煲可以揀，老闆話女仔通常都嗌花膠，美容養顏最後揀咗巧得鮑魚雞煲，份量超級多！首先真的有很多粒鮑魚，彈牙爽口。雞肉的味道有點像韓國的安東燉雞，落咗糖同醬油一齊炆煮，雞肉好軟滑甜甜哋少少辣辣，加埋軟腍薯仔，有得配埋飯就好！ 食完雞肉，再叫咗幾款配料打邊爐，半份澳洲和牛，切得比較薄，雪花脂肪分佈得好靚，最緊要肉質夠嫩！ 冬菇同即炸嚮鈴，正正常常，嚮鈴幾脆 應該係每張枱都有送嘅小食，木耳蓮藕

放長假前同朋友去食日本嘢，揀咗個二人前浜燒套餐，有齊前菜、魚生同燒海鮮，人均$500左右，食到好飽！餐廳搞緊個一手捉赤蝦活動，like 社交平台就有得玩，試試一手捉咗八隻，一半刺身、一半燒，好肥美大隻，啖啖肉


前菜有刺身拼盤同雞泡魚干兩款，雞泡魚干燒得好香但又唔會好乾好韌，送酒一流！刺身有5款，都幾厚幾大塊，新鮮，無雪藏味，要讚多一次啲赤蝦真係好肥嘟嘟又彈牙



主角浜燒set登場，好豐富！青森網鮑，真係見到好清楚網狀花紋，頂級，燒完之後都依然柔軟稔滑，彈牙。蟹味噌甲羅燒，蟹膏釀蟹蓋，蟹味好濃郁，加咗少少蒽，配蒜蓉包食，好香口隨餐仲有牛油燒北寄貝，羊架同茶漬飯，食到最後唔記得影，但全部都好有水準，好滿足