純寿司 (已搬遷) 新店位置

#meloin 純壽司小編一向是日本的粉絲🇯🇵今日去開元朗Yoho，一於去長期要排隊的純壽司🍣試一試。💫午市定食-刺身定食$148定食相當吸引，分量十足，除了主菜刺身，還配有沙律前菜、麵豉湯、漬物、日式蒸滑蛋及白飯，相當豐富。刺身相當新鮮性價比高，款式包括三文魚、三文魚腩、三文魚子、帶子、蝦、吞拿魚等十多款刺身，非常吸引。💫燒餅風味炸墨魚餅$38看似章魚燒，配以魷魚香蔥作調味，感覺也想叫章魚🐙燒一樣，味道甜甜鹹鹹。💫炸紋甲墨魚$38新鮮即炸，香口脆身，唯獨鹽味較重，多吃幾粒有點過鹹。店員解釋是魷魚本來是淡水的，在廠內浸了鹹水，來貨時已經調味，不能改變。💫魚背壽司$28/2件小編最愛左口魚裙邊壽司🍣即魚背壽司，分量比正常少，但刺身新鮮。💫赤貝壽司$22/2件赤背壽司是小編另一最愛，新鮮淋甜，值得再食。✅加一服務費‼️食客較多，用商場apps攞票就最好‼️是日餐廳冷氣維修，室內溫度較熱📍 純寿司 (元朗)元朗元龍街9號形點一期1樓1077號舖5⭐️評分好食指數：⭐️⭐️⭐️⭐️餐廳環境：⭐️⭐️#melody #foodaholic #melody_foodaholic #foodie #hongkong

每次去開yoho都想試，但每次見咁多人等都係冇耐性等😂今次終於早一個鍾用app攞定飛，成功食到😎一入去睇睇menu，點睇覺得咁熟口面，原來同我食開既峰壽司同出一系，即刻變得冇咁期待，但亦都明白點解咁多人等😇我幾乎去親都係點佢既三點盛，每樣有d得來又經濟實惠，呢個價位實在諗唔到有咩好過佢既選擇😆魚料一貫地新鮮，最出色我覺得係佢地既帶子壽司，可惜當日壽司飯較黏口，少少扣分我覺得如果想平平地過下壽司癮，呢間或者峰壽司都係我既必然之選，但記得計好時間攞定飛先

小編已光顧貴日式餐廳數遍，深深感受到食物服務質素佳。食物質素方面，壽司、刺身鮮甜美味，以火炙壽司較為特出，唯海膽軍艦有待改善，不夠新鮮、鮮甜，其餘食物出品優質，可見廚師的精心製作和用功。服務質素也十分好，服務員服務有禮，待客熱誠親切，也很有責任感，招呼很好，彷如置身於日本般和諧。環境方面也挺舒適，能悠閒享受愉快的一餐。價錢方面，雖有些單點限定壽司價格偏高，但整體來說尚算性價比高。整體而言，食物服務優質，環境舒適，價錢合理，值得再次光顧！

純壽司係我搬入元朗頭幾間食嘅日式餐廳，第一次食已經覺得好正，魚生好新鮮，性價比好高。今次再食，一樣冇令我失望。壽司拼盤每次黎都係必點！魚生超級新鮮，特別係赤身，每次都冇令我失望。價錢亦都唔係好貴，絕對係超值之選。日式蜆湯呢個湯其實都係喺呢度睇好多師兄推介先去試。一係唔食，一食就愛上左。蜆嘅份量好多，亦都好鮮甜，最緊要係冇沙！南蠻炸雞呢個炸雞中規中矩，除非大家好想食，否則我認為可以skip。散叫壽司一樣非常新鮮，建議大家唔夠可以試一試。我會比較推薦魷魚，事關呢到嘅魷魚真係好淋好新鮮。

今日與朋友入元朗行吓街，YOHO MALL又方便地鐵直達。我哋就邊行邊搵吓嘢食，最近對日本菜真係報復性咁食，一解冇得去日本旅行的相思之苦。朋友食過純壽司幾次，都話好唔錯。中午12:05 唔使等位就有得食特上 壽司組合$168帶子、甜蝦、吞拿魚碎軍艦、魚子軍艦都好鮮甜，幾滿意。迷你海鰻飯$42Sea eel fish bowl $42 我覺得分量剛剛好，好適合女士，又或者想試多幾款唔同食物嘅朋友，一齊分享。海鰻都幾滑，幾新鮮，飯上面仲有切到好幼細嘅雞蛋絲。整體來講都唔錯，下次唔使等位嘅情況底下，都會再食。

元朗Yoho 想食壽司🍣通常都會諗到純壽司，因為佢除衫壽司仲有好多嘢食，而且平日午餐都有lunch set ，價錢優惠👍🏻今次特別啲除咗叫咗lunch set 之外，仲叫咗其他嘢食，果然佢嘅lunch set 冇令人失望，蒜香三文魚飯好惹味，特上壽司盛合新鮮好味，其他食物都新鮮吸引👍🏻👍🏻仍然keep 到水準👍🏻👍🏻雖然lunch time 客人多，但服務都沒有失準！

每次晚飯時間經過呢邊，都見到好多人喺度等位⋯好奇之下，原來係一間壽司店，今晚就食純壽司！餐廳係用電話掃QR code直接落，既方便、快捷又環保👍🏻我哋order咗人氣盛、白身盛、象拔蚌、魚背、赤貝、黑象拔蚌、火炙鰻魚、蔥粒吞拿魚腩軍艦同埋九州風雞翼。當中，我最推介魚背壽司，其實呢個魚背即係左口魚裙邊，雖然魚味較淡，但油脂豐富，咬落又爽又甘，魚油緩緩滲出嘅感覺，真係難以形容😋帆立貝、赤貝、油甘魚同埋吞拿魚軍艦都係推介之選，不得不提個軍艦，嚟到個紫菜仲係好爽脆，值得一讚👍🏻因為我唔食鰻魚嘅關係，個火炙鰻魚壽司我就無食到，但老公話好食，值得推介！最後，不得不提佢個九州風雞翼，新鮮熱辣辣，炸嘅時間掌握得好好，唔會炸過咗火而令雞翼肉質過老，而且仲非常juicy，真係估唔到咁有驚喜😋😋😋

我一個人食 侍應態度係非常好既但食物就真係可以用不知所謂去形容壽司我叫左好基本腐皮壽司三文魚壽司青瓜小卷都係d吾會點出事既食物但三文魚既質素我只可以講 爭鮮3蚊件都好食過佢但sorry 我吾記得影相 所以無證據我2-3點去食所以人吾多 食物都黎得好快因為我頭round叫得好少所以唸住加個lunch set既南蠻炸鷄定食叫個陣我已經問左可吾可以醬汁另上一位女侍應好好地話無問題 因為本身係用QR 落單 但QR入面無選項所以女侍應都好好話幫我落ok 炸鷄好快到 醬無走 吾緊要個醬我吾知係咩醬有d蛋粒咁既野成個味道好奇怪 得個甜字 無其他味okay 吾緊要 最多吾食d醬食炸鷄囉 都可以好開心可惜舊鷄 係完全無味嫁 係 完 全 無 啊 零啊 仲有陣奇奇怪怪既我吾知係雪味定係乜啦 我食左2啖 真係2啖 我真係無辦法食落去 之後成個set 我飲左半碗湯 食左半個蒸蛋 2啖鷄 1啖飯 我就埋單走左 如果各位想做大嘥鬼可以挑戰下我咁大個人 自己都係做廚出身我都知番工好辛苦 但＄98一個咁既炸鷄set 對吾住 我食完真係想喊 我第一次去食 都係最後一次今次係我第一次寫食評只可以話 侍應態度真係非常好 見

新年假期後的第一日，同朋友去左元朗郊遊🚌玩完出番yoho食野雖然已經2點幾，但間間都要等位，等左半小時左右，純壽司終於有位，用QR code 叫野食👍🏻👍🏻叫左個純壽司盛（$78），碗湯好鮮又大碗👍🏻👍🏻👍🏻壽司🍣份量又岩岩好👍🏻👍🏻沙律都好味，勝價比高但係因為我我哋坐bar 枱位，職員成日係伸手拎野，呢樣野就有少少煩囉！一黎阻住人二黎都有衛生問題建議係旁邊出餐，咁會比較好囉

//食物 🌕🌕🌕🌕🌗呢間壽司店係我最愛之一😍用料新鮮，而且一啲都唔姑寒！食過佢好多款嘢食，淨係試過俾個千層蛋糕伏咗，其他都好食😋-今次要推介幾款必食嘅俾大家💕-1️⃣厚切三文魚壽司塊三文魚超厚，佢特別嘅地方係會喺上面加炸蒜，口感豐富之餘，陣蒜味意外地同三文魚好夾，令佢成為我每次必點嘅美食🥰2️⃣三文魚麵豉湯碗湯又大碗又多料，有好多三文魚肉，味道好鮮甜，咁多料先廿幾蚊，好抵！3️⃣南蠻炸雞本身見佢五十幾蚊得幾舊好唔抵咁，但原來佢係勁大粒😂個雞咬落去好香脆，仲可以好清楚咁見到佢啲肉汁流出嚟，非常juicy 😍//價錢 🌕🌕🌕🌕🌗佢價錢唔算貴，都係十幾蚊碟壽司，但佢嘅質素比其他同價位嘅高，所以非常之抵！-//位置 🌕🌕🌕🌕🌑喺元朗形點入面，西鐵站行過去好近，都算方便😋-//環境 🌕🌕🌕🌕🌑間餐廳好乾淨，位置都闊落，建議大家早啲去，咁有機會兩個人坐大sofa 位🙈-//員工 🌕🌕🌕🌕🌑員工都好有禮貌，經過我食過咁多次嘅經驗所得，越早嚟啲師傅切嘅魚生都大舊啲，大家早到有着數😂😂😂-//總分 🌕🌕🌕🌕🌗

星期六更係要放鬆下出下街食下野啦去元朗yoho街下....搵食純壽司成日都好多人排隊今次見佢都好多人買外賣我就入去食下啦😂😂😂而家好多餐廳都用手機落單其實我覺得幾好 又唔洗點接觸侍應又唔洗驚無落單一個電話搞掂野隨左手機可以睇到有咩食之外 侍應都會俾本menu既甘大家都可以一齊睇到 唔洗爭住睇我影既只係其中既食物 佢真係好多野食 我都費時影曬佢睇到岩食既野手機落真係好方便👏👏👏👏d食物細細碟甘好精緻...d個費成卷真係好好食😋睇menu係唔知佢係有咩係裏面 來到既時候 食得出佢裏面有忌廉芝士 好特別 忌廉芝士三文魚外面鋪滿蟹籽 外面咬落啪啪聲 裏面軟霖霖 忌廉芝士同三文魚都沖滿口腔都幾夾👍👍👍👍火灸三文魚白腩 我估係三文魚腩 我一食落口真係唔洗點咬就溶左 肉質好肥嫩香滑 溶化既感覺 脂肪含量高 我幾中意佢既刺身...每樣都幾新鮮 佢既帶子係好大粒 好厚肉 蝦好鮮甜 迷你飯真係細細碗甘 好岩過下口癮 火灸三文魚好多每口都食到飯同三文魚 但因為自己落多左醬油好咸 但真係都食到火灸既又唔太熱又唔太凍既感覺 好正燒魚鰭咬落啖啖脂肪 加d檸檬汁比較好 大大舊 真係好有油脂 但好好食芝士年糕 其實係

純壽司系峰壽司集團的店舖, 是日本集團經營, 有一定信心, 用料新鮮, 水準穏定, 加上親民合理價錢, 現在留港要回味日本味道, 就更加多來光顧, 點左北海道海螺 墨魚鬚, 象拔蚌都系脆口沒有一點腥味, 挪威三文魚, 蔥粒吞拿魚腩細卷, 極上吞拿魚腩, 油甘魚腩都系肥美新鮮, 海老, 帶子,  八爪魚芥軍艦, 魚背,炸蠔都是我經常叫既不會令人失望既壽司, 還有期間限定的帆立貝麵豉湯. 叫左十三款食品都是只是$383兩個人, 每人不用$200就食到日本味道. 壽司種類好多, 是真正好味新鮮的壽司, 值得推介給大家🍣 

好多時經過都會見到有人等位，但從來都冇試過😅 今日經過見未有人排隊，又有午餐，就入去試下🤭 好彩我地今日早到，食完出到門口又見開始有人等位😂😂😂蒜香三文魚飯 ($89)成個定食真係好震撼🙊 所有野好大碗，大碗飯，大碗湯，最重要連啲刺身都好多🤤🤤🤤 飯上已經佈滿蒜香三文魚粒，再放上5大片刺身😍 唔知點解蒜香三文魚食落味道有啲似豉椒排骨😂但又真係幾惹味，幾好撈飯😋南蠻炸雞定食 ($98)炸雞熱辣辣，炸得香脆，但醬汁同預期嘅南蠻雞醬好唔同，似係普通沙律醬😞 雖然都好食，但就只可叫炸雞定食😝 茶碗蒸加左蟹肉，鮮甜香滑😋 但食到尾發現有片鰻魚就有d奇怪🙈平日有午餐定食，又有壽司、丼飯，都算幾多選擇☺️ 而且價錢又唔算貴，喺yoho mall 入面都算CP值高，難怪長期有人排隊😁

呢度lunch set有四款，分別係純壽司盛、刺身定食、南蠻炸雞定食同海鮮飯。每個我都食過，我覺得最好食最抵食係壽司餐。因為$78就有九款壽司再加一款卷物，當然呢一個價錢啲壽司配搭係冇得揀㗎啦。跟餐都會有麵豉湯、漬物同沙律，我本人就覺得沙律同埋麵豉湯都麻麻哋😅如果細食嘅朋友可以直接放棄淨係食壽司:-)

元朗有好多壽司店，留意到純壽司係因為佢喺Yoho好近停車場嘅位置，每一次泊完車都會見到門口勁多人排隊。食過幾次，真心覺得有質素。首先環境舒服，雖然食物種類唔叫好多，但勝在樣樣都整得幾好食，無論係壽司定係熱食，都有質素。啲刺身新鮮，鮮味夠，唔會係霉霉嘅，而且價錢合理，食到飽一飽每人都係$200左右食物款式好friendly，例如有迷你丼，同埋兒童餐，啱晒我呢啲咩都想試嘅人，帶埋小朋友嚟食推介厚切三文魚壽司，同埋火炙壽司，試過幾款，啲厚切魚肉炙到火候啱啱好，充滿魚油香，真係食過返尋味