立鮨 (黃埔天地)

營業中

休息中

多謝❤成間餐廳前後既工作人員，為我地安排一個好食又開心既晚餐。就算得2個人又好一大班人既party都好，只要你要求既，餐廳都會照顧得好到位，仲會比你諗得更細心🥰 係重要既日子，緊係要提早準備，一個月前終於搵定餐廳，膽粗粗問下如果2個人慶祝生日😅 可唔可以特別安排個刺身蛋糕。本身都冇咩期望! 但轉個頭餐廳已經回覆冇問題!!! 仲提議左幾個刺身蛋糕設計，真係好細心，懶人既我完全唔洗用腦🥰 剩係刺身蛋糕係唔夠，睇到佢地menu 有時令同多款熱賣，為左令壽星係生日當日食得豐富，順便落埋單，講定有咩想食 (好彩有提早落單，有D食品當日已經冇貨🤓)。餐廳會係一星期前同用餐前一日再confirm 多次食材有冇要修改。終於黎到用餐當日! 環境同燈光都好好feel，坐得好舒服。食物方面，我地主要叫左4大類 1️⃣刺身、2️⃣時令 / 有特色、3️⃣生蠔 同 4️⃣小食 / 串燒 / 熱食:1️⃣刺身蛋糕🤤每款刺身2件 餐廳可以將佢地本身既 什錦刺身拼盤 同 特上什錦刺身拼盤 夾埋一齊整個蛋糕形 (飯底)，岩哂壽星唔中意食甜蛋糕，但又有個蛋糕形既儀式感!😃中吞拿魚腩❤ 冇筋，魚油味香 油甘魚❤ 味道淡鮮，口感柔軟三文魚✨ 味

今晚放工去咗黃埔等埋屋企人放工一齊食dinner, 一個人係附近兜咗個圈, 原來黃埔都開咗間「立鮨」, 係門口立過見款式多, 價錢唔貴, 值得今晚一家人試試, 果然冇令我地失望。店內環境開揚, menu上除了多款壽司、刺身款式多, 仲有丼飯、小食等….壽司盛盒就更加抵食!自行scan QR code落單, 發現更多其他款式, 例如串燒, 而且某D價錢同menu book上不一致, 店員指QR code的最為更新, 所以建議直接睇QR code揀野食。【炸富山灣小白蝦】HK$38小白蝦炸得好鬆化香口, 成隻蝦食落冇渣, 無論送酒定熱茶都係Perfect之選!【特選三文魚盛盒】HK$68呢款盛盒完全滿足到三文魚控嘅我, 有齊五款不同配搭嘅三文魚。包括有三文魚壽司、三文魚腩壽司、火灸三文魚壽司、三文魚小卷、辣三文魚軍艦, 每款三文魚都很有魚香, 而且有dd厚度滿足到口感; 三文魚腩壽司爽滑; 火灸三文魚壽司上加了鹹甜沙律醬再火灸, 平衡了滲出嘅魚油, 超正! 辣三文魚軍艦嘅三文魚粒都幾大粒, 口感飽滿, 為重口味, 辣得過癮。【立鮨壽司拼盤】HK$100包括有三文魚壽司、油甘魚壽司、北海道帶

叫咗個「大滿足北海道日本海膽迷你丼」點知師傅喺吧枱遞上嚟，一睇就知係加拿大海膽。好彩我趁師傅掉頭走之前，即刻叫佢換返日本海膽俾我。造型專業嘅師傅起初仲有懷疑，相信佢望清楚之後知道要即刻換返，慶幸我當時唔係餓得滯一啖食落肚，我唯有喺埋單嘅時候鄭重提出意見，感謝嗰位師傅用佢凌厲嘅眼神向我道別。

晚餐想食壽司，去咗有多間分店嘅立鮨， 除了大埔原來黃埔都有分店！ 食物款式多有魚生， 串燒，烏冬等！ 軟殼蟹卷軟殼蟹的外殼炸得酥脆，內裏有鮮嫩的蟹肉，搭配一些蔬菜和醬料，增添了口感和風味！ 吉列廣島蠔 廣島蠔是蠔炸得金黃脆卜卜，鮮美且口感豐富，搭配吉列醬汁一啲都唔熱氣！ 白鱔串白鱔串是用白鱔魚肉串烤而成。白鱔魚肉質細嫩，沒有腥味！ 用了調味料和燒烤提升風味👍🏻 燒得剛剛好，外皮香脆，內部多汁，非常美味！金龍卷金龍卷係吉列蝦卷，用了新鮮的蝦肉，上了麵糊後油炸！ 炸蝦卷配沙律醬係絕配！ 松葉蟹蓋甲羅燒 松葉蟹蓋甲羅燒是一道以松葉蟹為主要食材的菜品。松葉蟹蓋鮮甜，蓋殼燒烤得好香，蟹膏惹味吸引😍 免治雞肉軟骨棒免治雞肉軟骨棒用了雞肉和軟骨製成！雞串嫩滑多汁!配醬汁及日本蛋，係最佳選擇👍🏻

餐廳的裝修簡潔而雅致，展現出日本傳統風格的精髓。木極上壽司盛合。包括赤身、中吞拿魚腩、三文魚、珍寶赤蝦、火炙左口魚邊、深海池魚、北海道帶子和海膽。每一塊壽司都呈現出精湛的手藝和優質的食材。赤身鮮美多汁，中吞拿魚腩鮮嫩滑順，三文魚鮮甜豐腴，珍寶赤蝦鮮嫩彈牙，火炙左口魚邊帶有燒烤的香氣，深海池魚鮮美迷人，北海道帶子鮮甜鮮嫩，海膽濃郁而滑順。整個壽司盛合展現了多種不同的風味和口感，不錯白鱔串燒。經過炭火燒烤而成。白鱔的肉質鮮嫩，表面燒烤至微焦帶有香氣。原隻磯煮凍鮑魚。經過磯煮處理後保持了鮑魚的鮮甜和彈牙口感。鮑魚的肉質緊實而滑順，入口時散發出濃郁的海鮮風味水母刺身切成薄片，呈現出半透明的質感。水母的口感脆嫩，帶有微妙的海鮮風味。每一口都讓人感受到水母的清新和獨特，

今日試咗《立鮨》嘅午市套餐，餐廳嘅午市套餐有好多款式嘅美食。我揀咗極上壽司定食，只係$188。呢個套餐包括赤身、中吞拿魚腩、三文魚、珍寶赤蝦、火炙左口魚邊、深海池魚、北海道帶子同海膽壽司，仲有迷你清湯稻庭烏冬同湯同沙律。食落真係豐盛又滿足！首先試咗赤身壽司，佢嘅肉質鮮嫩！再嚟中吞拿魚腩，佢嘅味道濃郁，脂肪嘅香滑口感真係好味😋三文魚壽司有豐富嘅油脂同鮮味，食落好順滑。珍寶赤蝦壽司鮮甜。火炙左口魚邊焦香味令味道更加突出。深海池魚有淡淡嘅海洋味道同緊實嘅肉質，非常鮮味。北海道帶子鮮甜，帶有淡淡嘅甘甜味道。最後就係海膽壽司，濃郁嘅海洋味道同綿密嘅質感，絕對係壽司愛好者嘅最愛！除咗午市套餐，餐廳都有單點壽司嘅選擇。我試咗松葉蟹肉海膽壽司，松葉蟹肉嘅鮮甜同埋海膽嘅濃郁真係令人驚喜，每一口都充滿著美味。瀨尿蝦配蟹膏櫻花蝦壽司，味道層次豐富。原隻活赤貝壽司大隻爽口。粒貝壽司都好爽。

立鮨 (黃埔天地)紅磡必嘉街120號黃埔天地第三期百寶坊地下G9號舖越開越多分店既立鮨，唔係朋友講起都唔知道有黃埔有間，仲要係有坐位唔使立，望住師傅整野就最有feel。餐廳可以QR code落單， 非常方便。壽司係日本直送，新鮮，價錢唔貴，性價比超高。以下係必食推介。立鮨特上壽司盛合 $152唔使左諗右諗，一個盛盒有齊多樣熱門選擇：牡丹蝦壽司，深海池魚，北海道帶子壽司，中吞拿魚腩壽司，海膽壽司。壽司都已經有調味，用既飯都係日本福井米造成既赤醋飯。樣樣新鮮。深海池魚上面有啲檸檬皮碎， 好清新。中吞拿魚腩脂肪比例較高，魚香而恰到好處的魚油脂，甘香。海膽壽司超正，海膽特多！多到替佢擔心咁多得唔得架，老細會唔會鬧😂🤣特上吞拿魚盛合$170拖羅控唔可以錯過，一盒有齊唔同部位嘅吞拿魚：本鮪赤身壽司，中吞拿魚腩壽司，大吞拿魚腩壽司，碎蔥吞拿魚腩軍艦，火炙中吞拿魚腩壽司。中toro，輕輕一夾已經bi晒油，入口即溶。赤身就魚味濃。三文魚手卷$16呢個要趁熱食，紫菜夠脆，三文魚足料其他仲有性價比一流既壽司，三文魚,牛油果,蟹棒,北寄貝等等都好好食。#立鮨 #黃埔 #壽司 #三文魚 #toro #吞拿魚

立鮨之前食過其他分店，暫時覺得佢係壽司店入面算係性價比之巔😆👍今次試黃埔分店。食物依然有水準！黃埔分店仲好好坐添！比旺角分店開揚、寬敞好多，少好多壓迫焗促感。呢d時節，又係食白子既時候喇！正！✨️白子小食 (3pcs) $58呢個應該係鱈魚白子。白子，其實即係魚類嘅睪丸。冬天最肥美，當造期係每年10月至2月。奶油般嘅口感，細滑豐腴。師傅將白子用火槍輕輕炙面，輕灼之後為表面添一層焦香；配酸汁、辣蘿蔔蓉、蔥花，味道更有層次。大推❣️要襯季節食喇,過時就無👍✨️🍣每日限定稀少盛合 $188又係時節限定！識食揀係食呢d😎盛合包括：時令生蠔1隻\ 香箱蟹壽司\ 金目鯛壽司\ 白象拔壽司\ 吞拿魚腦天壽司樣樣都好正❣️❣️🔸️金目鯛好厚切，表面燒得好香，魚肉厚實算濃味，色香味俱全😋🔸️香箱蟹壽司單叫都$58，所以盛合咁嗌好抵呀。鮮甜嘅蟹肉、蟹膏仲有蟹子， 層次豐富，回味無窮。🔸️生蠔肥美鮮甜！🔸️白象拔勁爽脆！🔸️吞拿魚腦天：入口即溶❗️入口即溶❗️入口即溶❗️食過腦天真係返唔到轉頭。一放入口，舌頭輕輕一壓，已經融化到每個口腔都係吞拿魚嘅油香味。完全係幸福到要捧住個頭升上天嘅感覺😋呢度既壽司都係用赤醋飯！可見食物既處理一絲

日本食物一向都是我的至愛所以同朋友一齊享受. 之前去過立鮨都有不錯食材.所以今次在黃埔行街都會去食.因為減肥期間,所以叫了不太多食材.但最緊要有飯因為是日本米特別香同帶有甜味.朋友特別推介天草處女真蠔必食. 外型飽滿有光澤.肉質鮮甜美味. 比一般生蠔更有海水味。之後, 叫左油甘魚同本鮪赤身壽司肉質不錯. 但太少. 所以叫了一個吞拿魚盛合我最愛係吞拿魚蓉. 因為夠多飯少.可以一啖吃得好滿足.朋友見我最愛吃吞拿魚蓉, 所以叫了個碎蔥吞拿魚魚生飯整個飯面舖滿滿吞拿魚蓉加上碎蔥粒再加少少醬油. 朋友都講不錯.不過朋友愛吃刺身飯多點.因為材料份量不少之餘質素夠新鮮特別海膽鮮甜味足. 沒有任何苦味.鮮蝦亦比我想像中好.價錢同質素都合理加些地方就腳. 雖然減肥期間. 但依然愛吃.

去咗立鮨食嘢，壽司同手卷嘅新鮮程度真係一流！首先試咗佢哋嘅軟殼蟹手卷，脆脆嘅軟殼蟹配上酥脆嘅海苔，一咬落去，味道好滿足。接著試咗佢哋嘅海之幸盛合配湯同沙律。盛合包括北海道帶子壽司、珍寶甜蝦壽司、北海道活象拔蚌壽司、海膽壽司同牡丹蝦壽司。每一款壽司都有獨特嘅鮮味同口感。北海道帶子新鮮，帶有甜味；珍寶甜蝦肉質爽甜；北海道活象拔蚌爽口鮮味；海膽壽司夠哂鮮甜；牡丹蝦壽司肉質鮮美，帶有淡淡嘅甜味。套餐加$28 就可以換迷你三文魚籽飯，超抵！三文魚籽飯粒粒分明，超多份量，魚籽爆裂嘅口感同鮮味令人回味無窮。

久違地同朋友敘舊，睇OpenRice 呢間有吧枱同omakase，膽粗粗就入嚟試吓。侍應哥哥好有禮貌，主動俾吧枱我哋坐。呢度綠茶係自己按比例沖，綠茶粉都出面好貼心寫咗比例，跟住比例沖覺得綠茶嘅香味啱啱好又唔會太濃。睇完餐牌覺得太多嘢食好吸引，最後都係冇嗌到omakase。首先師傅上咗個火炙壽司成盒，壽司飯已經調過味，放少少Wasabi就已經好足夠。火炙壽司入口即溶，左口魚同吞拿食完成口都係魚油香，配上壽司飯香而不膩，我同朋友都食唔停口。之後就係三文魚子海膽飯，視覺望落去已經超震撼，啲料多過飯好多，啖啖都感受到三文魚子喺個口爆開嘅甜味，加上海膽嘅鮮味，同樣調過味嘅飯底，啖啖都超滿足！軟殼蟹三文魚反卷亦有驚喜，軟殼蟹炸到好脆，配埋沙律醬咬落去口感豐富。為食嘅我哋仲嗌咗個壽喜燒，湯底味道適中，唔會過甜。除咗牛肉，配菜仲有豆腐大蔥娃娃菜芋絲，每一樣都係勁吸湯底，配埋個蛋液，一碗白飯眨吓眼竟然食晒。小菜方面，我哋嗌咗鮟鱇魚肝同原隻磯煮鮑魚。朋友第一次食魚肝有啲唔慣，食過嘅我反而覺得相當唔錯，魚缸味道相當濃郁，但又唔會好腥。不過唔鍾意食內臟嘅朋友可能冇乜興趣。鮑魚唔韌，但味道偏鹹。整體嚟講，呢餐滿

踩完單車咁攰當然要食好啲，先點左原隻磯煮鮑魚，完美既朱古力色，非常入味，鮑魚彈牙juicy，鮟鱇魚肝小食係日本版既鵝肝，質感細膩，回甘味係口腔可以停留好耐，一啖魚肝一啖珍珠米飯都好好食，鹽燒三文魚鮫第一次食，加檸檬汁酸酸地調味，三文魚皮香脆，油脂豐富好惹味，必點三文魚籽海膽大滿足迷你丼，滿滿的三文魚籽，仲有海膽慢慢融化，滲出海水味，好creamy，超滿足啊！三文魚軟殼蟹卷，即叫即炸既軟殼蟹，口感香脆，壽司飯本身已經有醬油調味，基本上唔使芥末或者豉油都好好味，另外美國安格斯牛小排壽喜燒套餐，壽喜燒湯底 一流，大力推介，牛小排牛味濃郁，冬菇味道很鮮甜，仲有大葱、娃娃菜、豆腐，壽司大讚嚴選火炙盛合，包括三文魚、左口魚、北海道帶子、中吞拿魚腩、松葉蟹腳各一，火炙真係好好食，特別係吞拿魚腩同左口魚，炙燒迫咗啲魚油出黎超級好味，油脂感好正，埋單都係六百幾，真心勁高質！😍😍

同事住喺黃埔，知道附近開咗間平價Omakase，今晚就約埋我過去試吓，立鮨除了提供廚師發辦套餐，還有日本壽司刺身等日本料理。餐廳設計好有日本居酒屋感覺，環境光猛潔浄。特選三文魚盛盒：有三文魚壽司、三文魚腩壽司、火炙三文魚壽司、三文魚小卷、辣三文魚軍艦。壽司即叫即握，三文魚新鮮肥美，一次過可以品嚐唔用味道嘅做法，三文魚腩重油香又嫩滑，火炙三文魚經過火燒迫出油脂，味道更香滑。辣嘅三文魚味道豐富細膩，層次俐落分明。該店的赤醋飯全都是用日本米，特別香甜軟糯。珍寶赤蝦壽司：珍寶赤蝦大隻厚肉，清爽鮮甜。北海道帶子壽司：帶子豐厚的肉身極富彈性，味道鮮味甘甜。醬燒油甘魚鮫：魚鮫位於肥美既魚腩向上近下巴位置，經過醬燒，魚鮫肉汁豐富，肉質鮮嫩，油脂分布均勻，點些醬汁食，味道十分具層次性。日式叉燒清湯稻庭烏冬：那柔嫩入味的叉燒肉，不油不膩，入口即化又散發滷汁香氣的口感，烏冬扁幼身、麵質非常滑溜，好有彈力，清淡湯頭令烏冬味道更加豐富，食得更滋味。

立鮨喺香港都開咗唔少分店，經過尖沙咀分店，快閃立食幾件壽司都唔錯！今次去到黃埔呢間就可以坐定定慢慢歎！餐廳係一般嘅日式裝修⛩️，灰色同黑色嘅配色，有 bar 枱可以睇住師傅即叫即整料理。除咗手握壽司，餐廳仲有時令刺身、串燒同熟食🍱，而我今次就叫咗幾件火炙壽司同迷你海膽丼飯，魚生整體都好新鮮，🍚由日本福井米製作嘅醋飯軟硬適中，一口一件，😋好滿足！🍱大滿足海膽特盛(迷你）$118呢個海膽特盛雖然係迷你，但海膽份量都好足，而且入口甘甜帶海水味，好新鮮！🍣火炙大吞拿魚腩壽司 $50吞拿魚充滿油脂，輕輕燒一燒就更香口。🍣火炙北海道帶子壽司 $20帶子幾厚肉，爽口彈牙，性價比高！🍣火炙和牛壽司 $59火炙和牛唔算好大件，但入口即溶帶淡淡焦香。🍣火炙松葉蟹腳壽司 $30松葉蟹腳好鮮甜，有淡淡海水味。🍣火炙三文魚腩壽司 $29三文魚腩好軟腍，入口即化，好滋味！

自從有咗地鐵，交通方便好多，今日就同阿女去黃埔行街食飯，行過一間日式餐廳叫立鮨，餐廳裝潢好有日本格調，主打日式料理，設有多款Omakase套餐。特上北海道魚生飯：有三文魚、北海道帆立貝、海膽、甜蝦、飛魚籽。剌身用料新鮮，色澤鮮艷，滿滿的鋪滿整碗飯，三文魚魚脂甘香。北海道帶子味道鮮甜，肉質扎實爽脆。海膽呈橙黃色，味道鮮美。甜蝦大隻肉質細綿。飛魚籽味道鹹中帶一絲甜，口感清脆。魚生飯係用日本米做成嘅赤醋飯，赤醋飯呈琥珀色，比一般的白米醋 飯具有更柔和的酸度、味道更香醇濃郁、更具層次感。金龍卷，即是吉列蝦卷，由壽司飯包裹著香脆的炸蝦製成，入口既有壽司飯的酸香煙韌，又能享受炸蝦的炸酥香脆，加上粒粒脆卜卜的蟹籽，口感極佳。三文魚腩刺身三片：魚腩部份油脂分部較多，魚油香味更濃郁！珍寶赤蝦刺身兩隻：赤蝦肉質彈牙且鮮甜，清脆爽口。芝麻雞翼外皮金黃酥脆，調味恰當，肉質香滑而不膩。