真心泰國菜館 (已結業) 查看

Miss Thailand food ! Randomly walk in to this building at mongkok The restaurant is full of Thailand style decoration The waitress is nice and friendly ▪️dinner set AThai style steam fish was really nice , love the sauce ! Fried rice was huge too

最近天氣冷，想食下泰國菜暖下胃。第一次黎係旺角朗晴坊既真心泰國菜館，價錢抵食性價比高。Menu 有唔少傳統泰國小菜選擇，晚餐仲有set。馬拉盞通菜拼豬頸肉配白飯$95份量真係十分多，女仔既話建議可以要求少飯，因為餸菜本身已經好多! 馬拉盞炒好開胃，少少辣又好惹味。豬頸肉好有口感，肥瘦合適。泰式蠔仔炒蛋配白飯$83第一次食泰式既蠔仔炒蛋，味道好好，炒蛋好滑好開胃，加埋蠔仔，送飯一流，值得一食。凍青檸水(加$2)，加左青檸比較酸，但味道好清新。凍耶汁紅豆冰(加$10)耶汁好濃郁，加埋紅豆，甜度岩岩好。最後仲有甜品送，一件係耶汁紅豆糕，一件係馬蹄糕，兩樣都好爽口，汁多，甜度ok, 清新。

疫情持續，有排都無得出外旅遊，突然想食泰國野就上左黎食呢間泰國野兩點上到黎，餐廳無咩客人，感覺好清幽，裝修好有特色，又播著啲泰國既音樂，真係好舒服，好似去左泰國咁叫左個$56菠蘿炒飯個炒飯分量超多，有菠蘿，提子乾，肉鬆，雞肉同雞蛋，仲有啲雜豆同臘腸呢個配搭勁好食，因為我個人好鍾意食酸酸甜甜既野😆$59香葉肉碎炒飯份量又係超大碟，肉碎炒得好夠乾，又有煎蛋，兩個飯都好食😋小食叫左個$68蝦餅，炸得好脆卜卜,味道都幾好，又夠彈牙👍🏻$58泰式炒芥蘭炒得夠翠綠，口感爽脆嘢飲叫咗洛神花茶同泰式奶茶個菠蘿炒飯多到真係食唔晒😆😆下次可以叫一個飯兩份食

泰國菜在香港可以說是偏地開花，總是有一堆泰國姐姐集結開業，港九新界也能吃到地道泰國菜。放工二人行，看到朗晴坊有晚上一人套餐，即打算吃上一頓快晚飯。店內有十款一人晚市套餐，包括一個主食、一杯飲品及一份甜品，比單點划算。泰式炸魚餅魚餅外皮煙韌，餅身魚香豐富富彈性。泰式豬頸肉炒公仔麵豬頸肉份量適中，公仔麵麵底偏軟腍乾身，醬汁蠻入味，以洋蔥、紅椒及蔥豐富味道層次。泰式冬蔭公炒河粉師傅以蝦仁、菇等作配料，再用冬蔭公醬汁炒幼身河粉，半濕炒河香口不油。大樹菠蘿梳打三色椰汁冰大菜糕總括來說，人頭只有一兩個，不知道吃什麼，又想吃得豐富實惠，可以一吃。

🍛特式乾咖喱炒雞球 💵145🍀🍀🍀🍀🍀🍀🍀🍀🍀🍀炒咖喱有洋蔥🧅、蔥、蒜子、紅椒、青椒🫑、加埋大大既雞塊🐔，依碟咖喱勁大碟😂超乎頭大同朋友嘅想像，仲有食到勁飽🥴雞肉既肉質唔算好嫩但唔會好鞋，味道屬於甜甜地帶有蛋花既泰式咖喱，超級多汁但好油😂🫓泰式煎薄餅 💵68🍀🍀🍀🍀🍀🍀🍀🍀🍀 薄餅有3塊，上碟時已切開一半，方便客人食，勁貼心👍🏻一上碟已經聞到陣陣牛油香味，配埋咖喱一齊食，好香口同惹味🥴🥗青芒果沙律 💵88🍀🍀🍀🍀🍀🍀🍀🍀🍀 泰國青芒果🥭較平時食既芒果唔同，口感比較爽脆，亦加上腰果、花生🥜同提子乾增加口感，配上酸甜既汁，食落亦有陣陣淡淡既芒果🥭味，十分清新同解膩👍🏻🍹龍眼冰 💵41🍀🍀🍀🍀🍀🍀🍀🍀🍀🍀龍眼冰算大杯，又有好多龍眼肉，飲落非常夠味，如果唔想飲沙冰就可以飲清爽帶有重龍眼甜味既龍眼冰🥴🥭泰式芒果糯米飯 💵68🍀🍀🍀🍀🍀🍀🍀🍀🍀 頭大見到咁大碟既芒果糯米飯都嚇親🤣因爲出面餐廳同樣價錢同份量都係細細的～熱熱既紫糯米配上甜甜既椰醬，椰醬面上有唔知叫咩既黃色粒粒，食落脆卜卜，增加層次感，不過頭大覺得有啲畫蛇添足（純粹個人喜好🤣）加埋芒果既甜一齊食，超滿足🥴🌼🌼🌼🌼🌼🌼🌼🌼🌼🌼☀️整體而言，

今日同男朋友去旺角睇梅艷芳，套戲2個幾鐘頭，決定食少少泰國嘢先入場，我地點咗幾樣醫肚。泰式燒魷魚一隻中size魷魚，魷魚爽滑彈牙，如果再燒得稍為燶一點，會更香。用來配的青辣汁調味剛剛好，唔會太濃唔會太辣，不錯。軟殻蟹軟殼蟹切了一件件上碟，份量應該有超過一隻，唔算多炸粉，香脆十足，非常邪惡。始終是炸物，難免有d油膩。泰式清炒芥蘭蒜蓉炒芥蘭，帶有一點輕微的辣，食落都唔錯，份量多，好新鮮靚。泰式菠蘿炒飯份量十足，每人起碼食左4小碗，而且係下午餐套餐$42，價錢超值，用料亦唔馬虎，有菠蘿，提子乾，雞肉，泰式臘腸，而且還有海量嘅豬肉鬆。唔油，炒飯炒得粒粒分明，而且好惹味。椰汁跟餐嘢飲，加$2叫了椰汁，好好味，椰汁香濃香滑。我哋兩個人一齊飲一杯，有啲唔夠喉。整體上都不過不失，叫套餐好抵，套餐超值得來質素都唔錯仲有杯嘢飲。

今日同朋友去旺角看完電影，就在朗晴坊食飯。我們去到餐廳的時候不需要等位就可以入座。我們叫了泰式豬頸肉炒公仔麵和大冬陰椰汁雞湯。先來的是炒公仔麵，雖然寫的份量是一人份，但上枱的感覺是份量很多。豬頸肉的肉質爽口彈牙，而炒公仔麵味道鹹中帶點酸，麵身比較炒得比較乾身。再來是冬陰椰汁雞湯，這個味道酸中帶點辣同甜，入口滿滿的椰香味。雞湯中有雞件，雞件的肉質滑嫩。湯會有火爐一邊保持熱度，而湯的份量都足夠二人飲用。食到最後還有甜品整體來講，有泰式的味道，而且味道同份量都美味同滿足。

以為呢幢大廈全部都係平價餐廳😅 點知一試呢間泰國菜竟然有驚喜 佈置似泰式傳統餐廳👍🏻 泰國人主理既味道果然唔同D❤️ 口味惹味得黎夠正宗有特色🤣⭐️ 泰式冬蔭功湯河 🍜冬蔭功既酸度同辣度調味得好正宗🤪 濃郁得黎好有泰式風味🌶 金邊粉掛湯能力一流😚⭐️ 真心招牌炒飯 🍘飯粒炒到粒粒分明 惹味又唔會油膩😊 特別在添加了炸過既芋頭🍠 口感非常香口 加上指天椒同肉鬆食充滿風味🍖⭐️ 泰式椒鹽軟殼蟹 🦀酥酥脆脆好香口🤩 略嫌椒鹽味可以再重D🧂⭐️ 三色冰 🍧雖然椰汁偏甜🥥但係配上三色涼粉好消暑☀️好有泰國夏天的感覺⭐️ 泰式凍奶茶🧋飲落去意外的唔過甜🤎 特別突出茶既香濃⭐️ 泰式芒果糯米飯 🥭泰國芒果有種獨特既香氣🌸 糯米夠煙韌 唔會太硬😋

旺角是我喜愛行街購物的地方，當然 搵嘢食都在附近，今晚食的是朗晴坊的泰國菜~真心泰國菜館 。生菜肉碎包白飯 一人餐$95 加蛋$8食泰菜，平時食香葉肉碎飯都食得多，生菜肉碎包白飯都是第一次食，肉碎酸酸辣辣的特別的惹味，用生菜包白飯更多了一層清爽惹味口感！另外跟餐仲有埋一個甜品，椰汁糕， 很香滑！濕炒牛河 $96泰式的濕炒河很特別，驟眼看落就像是雜菜湯一般，河粉被面上眾多的雜菜蓋著，不過就是因為多湯汁，令河粉份外的惹味，好喜愛食的一道泰式濕炒牛河。我們每人都各要了個飲品，泰式椰汁跟餐，而汽水則需另叫，好有特色的一餐異國風味！

今日陪媽咪覆診，難得可以同媽咪拍拖出去食午餐，揀選了一間舒服上樓泰國菜。之前同媽咪來過，環境丶食物不錯，所以今日再來！午餐價錢十分相宜，$36一碗河粉，今時今日香港午餐好難得$50以下了。因為媽咪要戒澱粉質，而我正在低碳飲食，所以除了點了一碗河粉之外，還點了小食。先點了媽咪喜愛的雞絲湯河，雞絲份量不少，湯底是濃郁的鮮味雞湯，可以當湯飲！之後點了兩個小食，蝦餅熱騰騰，味道鮮味。而炸軟殼蟹份量夠多，味道也很不錯，唯一略嫌炸粉厚了一點。可能因為我正在168斷食，下午二點多才第一餐，吃完以上的食物，還是不夠喉！最後還點了這個豬頸肉，而三款小食最吸引我的，就是這個豬頸肉！豬頸肉是厚切，口感丶味道一流，加上野味的泰國辣汁，我吃了一半有多！想在旺角坐得舒服，吃個性價比午餐，這是一個很不錯的選擇！

啱啱放工突然間好想食泰國菜朋友推介旺角朗睛坊真心泰國菜店員都是泰國人，正宗泰國菜Menu係木製好特別晚市套餐很便宜，我哋叫咗個E SET 二人套餐黃咖喱雞，雞好滑，咖喱味道不錯配搭蒜蓉包蒜蓉包係新鮮出爐熱辣辣脆卜卜另外我哋加咗個飯咖喱汁配飯超贊蝦醬炒通菜呢個係食泰國嘢必定要嗌炸春卷，熱辣辣脆卜卜中間有粉絲同埋紅蘿蔔最後叫咗杯泰式奶茶同埋泰式檸檬茶整體來講價錢便宜CP值高上菜好快好似去咗泰國咁下次再嚟試下其他嘢食

今日去左呢間真心泰國菜館，點左份乾炒海鮮河粉。整體來說有7/10分，啲河粉好彈牙，成碟菜炒得非常有鑊氣，河粉炒得好好食，香味四溢！海鮮就一般啦，始終價錢才五十幾，都係冰鮮海鮮，但都算多料。另外，值得一提，午市是包飲料的，椰汁冰都唔使加錢，但都幾甜下。如果經過旺角，唔知食邊間，依間可以去試一次！

工作夜, 晚餐時間未算太餓, 所以和同事去了一間樓上的泰菜餐廳.餐廳裝潢充滿大大少少的裝飾品, 很有泰國感覺, 餐廳未算大, 閒日晚上也熱鬧泰式豬頸肉炒公仔麵份量大大碟, 足夠一位男士食飽, 炒得好夠鑊氣, 豬頸肉夠爽口, 青椒和芽菜經過快炒, 保留到青嫩, 唔錯串燒(豬/牛/雞)雞肉燒得焦香而嫩口, 豬肉則彈牙, 牛肉味濃, 不鞋口. 3種肉類都處理得唔錯, 各有特色. 嘴啃時發現有少量香茅絲, 反映在調味上, 大量香茅醃製, 香口惹味是肯定的. 椰汁紅豆冰(大杯)椰汁不會過多, 和紅豆份量剛好青檸茶茶底應該是泰式配方的, 非常香濃, 一試難忘總結: 整體的餐點也不錯, 也適合大夥兒相聚

今日去呢間係位於旺角朗豪坊旁邊的真心泰國菜館，此間餐廳行的是平民路線，以高性價比聞名。我點的是招牌泰國火車炒飯，製作了大約十分鐘，上枱時熱辣辣，明顯是即叫即炒，飯量十分大，一咬落口已經食到相當濃厚的泰國甜醬油的甜香，再加上炒豬肉香，另外再加上洋蔥的自然清香，三者相加味道很誘人，令人停不下口。然是是朋友點的芒果糯米飯，糯米飯用了黑米，再加上了點香口的感覺，一咬一咬都食到，感覺已是相當奇妙，再加上白色的椰汁，清新的甜香及甜芒果的果香，味道是我近年食過最出色的芒果糯米飯，絕對係必點食品。平民餐廳在乎的是高性價比，雖然味道絕對不是香港最好，但絕對是值得一試的餐廳。

今晚出旺角做野，行過朗豪坊隔離幢樓好多人排隊等上去，同老死講不如搵間試下！泰國控即刻選左喱間真心泰國菜，上到去氣氛一流，整個設計去左泰國咁，枱頭看燈好靚😍😍😍我地選左個2人餐，有冬陰椰汁雞湯，岩曬我地，今日唔想食酸辣野～椰汁味香濃但湯可以煮杰d～肉碎生菜包惹味，份量足，最驚喜係炒貴刁，真係好有泰國味😍😍😍西蘭花炒蝦仁就略嫌失色，但蝦係彈牙新鮮餐廳伙計都好有禮貌 ，2人餐黎都抵死👍🏻👍🏻