甜藝家 (已搬遷) 新店位置

之前食過另一間舖頭嘅爆炸糖朱古力條，已經覺得好有驚喜，好好食。今次見到原來Tong Wong都有類似嘅產品，仲要係成支雪茄咁大，梗係即刻要買嚟試下啦！個盒本身已經design到成盒雪茄咁，好有feel, 一打開，真係一碌碌排曬喺度，好似雪茄咁，仲有獨立包裝。我買嘅係朱古力爆炸雪茄，朱古力味香濃，不太甜，而且裡面有大量爆炸糖，喺口入面不停吱吱咋咋聲，我每一啖都唔捨得吞，等D爆炸糖留喺條脷上面等佢慢慢炸完為止，真係好食又好玩。一盒有十幾廿條，好食又好玩，包裝又精美，買嚟送禮都好得體

從包裝到製成品，真係無可挑剔。想不到從好友手上收到呢份禮物，又原來是出自好出名的Tong Wong。好友結婚，一般人都是以大眾化餅店的餅卡送給親朋好友，分享人生大事，以此作為禮餅，分量超體面，也見情意濃。盒面與囍慶很是配搭心形蝴蝶酥真的真的超好味，外觀更是一流，而且很創新。下次會試下其他由於材料新鮮，保存期較短，買去送禮，記得留意Expiry date Something sweet making life happy!

身在九龍城, 腦海裏就會浮現出一個名字, 甜藝家. 它能在腦海中留一席位的原因是其名符其實. 精緻的賣相, 高質的用料和考究的手工正正就是一個甜品藝術家應有的態度. 臨近聖誕, 甜藝家推出了玫瑰蛋卷及柔風脆餅套裝優惠, 當然會趁這個機會試試. 玫瑰蛋卷每條獨立包裝, 確保每條蛋卷在吃的時候都是最好的狀態. 蛋卷入口濃厚蛋香牛油香, 微微的玫瑰香氣. 口感先是脆口, 再來牛油曲其那種鬆軟.柔風脆餅有幾種味道, 包括紅桑莓, 草莓, 菠蘿, 熱情果, 黑加侖子及榛子. 入口脆口, 一咬即碎, 各款味道即時在口內四散, 剌激着您每一個味蕾.

聽同事講Tony Wong 啲餅好好食，所以同朋友特登去九龍城。有2間Tony Wong, 另一間專賣蛋糕。見到呢盒好令既蝴蝶蘇，個鐵盒粉粉地、又令，就買黎試下。呢個蝴蝶蘇甜得黎剛剛好，有幾塊既口味好特別，表面上一粒粒果啲topping 好似珍珠咁一咬就爆開👍🏿👍🏿值得一試！$198/盒以下果2盒係低糖類別既餅，吾記得叫咩去了，適合吾中意食甜品既人。佢個包裝設計好正。食完可以當裝飾品。價錢$100松啲/一個。買黎送禮都吾失禮😆。聽講呢種餅但吾係經常出。

去完九龍城食地道嘅茶餐廳路過呢一間裝修咁優雅嘅鋪頭一不留神就入咗去九龍城係點相信唔使我講大家都知周圍比較土炮、環境唔算特別乾淨所以突然見到呢間咁精緻優雅嘅鋪頭我好快就比佢吸引左入去呢度裝修好靚擺設我都好喜歡一路行一路行一路行，周圍睇周圍睇老公忍唔住就話呢間咪Tonywong囉！係喎，我有幾次生日老公同朋友都試過買佢嘅蛋糕俾我食品質有保證咁岩琴日同好朋友傾計講開佢最鍾意玫瑰味呢度咁岩又有個玫瑰餅諗起我嘅寶貝，我就買咗呢包餅店員俾我試食我覺得佢香香嘅玫瑰味，加上微糖嘅成份好喜歡所以買咗呢一包，$68一小包價錢唔係貴，不過份量都唔多少食多滋味呢度第二樣最出名嘅係蛋捲本身好鍾意伯爵茶，通常一見到有伯爵茶味到嘅我都會買店員左比我試食，我覺得非常甜甜度我應該食唔到第二口，所以我就冇買啦呢間鋪頭特別推介嘅係玫瑰酥

朋友朋友送來一盒玫瑰酥話好貴好貴。包裝得好靚很高級的樣子真係很，而且又是甜品大師Tony Wong 的出品,真係好期望呀！打開一食，失望由心發出！完全沒有玫瑰味！味道只有少少甜，而且冇蛋香，乜牛油味，只係一塊普通的餅乾！除左咗個樣似玫瑰，（但唔靚）其實唔明點解叫玫瑰酥，仲咁貴!C級的出品

「甜藝家」喺本地出名餅廚Tony Wong嘅新店，話新都唔新喇，依家都已經有3間店舖。套用官網嘅介紹，佢就喺一家以低糖、健康食材、用心製作、革新與創作嘅甜點餅店。又再次多謝老友嘅心意，送贈小弟一包甜藝家嘅蛋卷（原味），雖然，依個系列主要都喺講曲奇，不過，一提及蛋卷，多多少少又聯想到去曲奇，所以，今篇食評都放埋晌依個系列！據介紹，採用有機小麥粉，海藻糖，配以法國法定產區（AOC）牛油及優質忌廉製造，除原味、茶味、伯爵茶、朱古力外 ，更突破傳統加入優質果蓉製作，如紅桑莓、芒果。雖然，小弟依包只喺原味，都要用心品嚐。睇落唔覺，咬一口就會發覺條蛋卷都捲得幾厚，又唔可以話佢唔脆，脆口得嚟喺嗰種實淨感，即喺唔喺一咬成陣風咁碎晒。至於蛋味，算唔上好濃郁，亦無話好香嘅牛油味，我想喺晌味道與健康中取個平衡，可以講喺較輕健康嘅蛋卷。晌瀏覽官網時，見到佢啲產品真喺有啲與眾不同，好似金菠蘿酥、柔風脆餅、玫瑰酥、朱古力爆炸雪茄、蜜糖杏仁餅……等等，聽落都已經覺得喺有趣嘅出品。

一直都喜歡花製食品同飲品，今次食既係Sweet Boutique de Tony Wong嘅玫瑰酥(Crispy Rose)。玫瑰酥 (Crispy Rose)一盒$118 (30塊)一打開包裝已經聞到玫瑰花芳香同牛油味表面有砂糖。咬落去好鬆脆 酥皮比一般蝴蝶酥更薄更脆。淡淡牛油既咸味混合砂糖，甜度適中，就算連續食幾塊都唔會覺得太甜！玫瑰花味食落淡，但餘香先係重頭戲食完一塊之後覺得自己好似飲完花茶咁，有陣陣花香係喉嚨同鼻腔洋溢食完你仲覺得好香！好似比玫瑰花包圍住既感覺！味道令人滿意！唯一美中不足嘅係玫瑰酥外型唔係做得咁靚，唔係好似真既玫瑰花型。而且同官網圖都幾大出入：（上：官網圖  下：實物圖）主要係做得唔夠立體 餅乾邊整「翹」d應該會好好多。

Tony Wong 是殿堂級甜品大師，經過九龍城，又怎不能到他的新店朝聖! 我和妹妹及甜宝宝最愛吃甜，所以基夲上好的甜品店己成為我們週未必經的節目，為了獎勵甜宝宝昨天的第一次cat walk, 我把他帶到甜品店裏自己為挑選一盒禮物 for reward !甜媽和我一入步，兩位可愛的小妹妹己遞上很多蛋卷，原來蛋卷採用了有機麵粉，北海道牛奶，配以法國的牛油和忌廉，口感鬆而不散，有很多不同的味道，有原味，伯爵茶味，椰子花糖，有機米粉， 紅桑莓，芒果，綠茶及朱古力!甜宝宝祇對原味抱有興趣，我和妹妹一試就明白了，原來原味富有牛油芳香及牛奶香氣!  難怪他自己把蛋卷放到我的面前說Auntie Rainbow, I want this one, 我又怎不能買給大眼宝宝呢!

友人是甜品大師tong wong的忠實擁躉，趁著他生日就買一個tong wong出品給他拉,一早趕到九龍城,幸好人龍並不多,立刻可以買到.玫瑰酥是tony的新出品,食材優質之餘,亦經常有創新的IDEA.今次的天玫瑰酥外型確是不錯,口感亦非常香脆,面層甜甜的味道也令人非常留戀,可惜的是玫瑰方面味道並不突出,希望之後可以加強玫瑰味,始終這才是賣點

Tony Wong除了著名的糕餅外，又一新搞作。媽媽極喜歡它的菠蘿酥，據聞是用新鮮菠蘿做的。這天陪她來逛逛。來到門口，不禁站在門外呆望，裝修得實在太美。穿過玻璃門，可以看到裡面以白色為主，夾雜很多色彩，像家高貴的時裝店。架上賣的卻是，包裝得精緻的蛋卷，朱古力等等甜點。款式不多，卻十分精緻。看中了架上的蛋卷，有各種不同的口味，可以試食。綠茶味不算濃，但吃畢口內有淡淡的甘香。椰子花糖甜而不溜。有機米粉取代麵包，味道上沒甚麼特別，但心理上覺得較健康。最喜歡紅桑莓，帶清新的酸味，還有碎碎的紅桑莓乾，令鬆脆的蛋卷多一重口感。整體蛋卷不油膩，但不覺傳統蛋卷香，沒有了重重的牛油味和蛋香，取而代之是各種特別的味道。可惜，愛上了紅桑莓後才發現，已經售馨了⋯⋯ 作為綠茶粉絲，最後帶了盒綠茶蛋卷回家。

自從試過大師級tony wong 既蛋糕, 一直念念不忘佢既蛋糕同甜品, 聽同事講佢最近係九龍城開左新野, 雖然九龍城對我黎講真係好唔就腳, 但今日一於要來試下,一如以往, 店舖裝修一樣係咁華麗, 已經開始掛上聖誕裝飾, 廚窗內放的是各種口味的馬卡龍, 但第一次黎, 就費事周圍影相啦,今次小試牛刀, 只買了三樣野試下, 當然三樣都係主打既朱古力啦,分別係有金泊既朱古力片, 一樽似石春既朱古力豆豆, 同埋朱古力味蛋卷,朱古力片都OK, 甜野一向是我至愛, 上面有少少金泊係度, 相當矜貴 ~~~另一個石春朱古力豆豆, 放係玻璃樽入面, 外邦一條絲帶, 相當有心思, 入面仲有唔同既味道, 當中值得一提是白色正正方方既椰子味, 仲食到有椰絲係入面, 呢樽朱古力, 係我未返到屋企已經淨返一半 ~~~ 哈哈最後食朱古力味既蛋卷, 對於平時好少食蛋卷既我, 呢個可以話係我食過最好食既蛋卷 (有點誇張 XDD), 盒內係每條獨立包裝, 非常高貴, 蛋卷入口係非常鬆化, 而朱古力味甜中帶少少苦, 好好味.下次再來, 要試試金菠蘿酥, 同埋其他口味既蛋卷!

經過九龍城，聽說Tony Wong開了新店，就去潮拜一下先。嘩！一去到侯王道，遠遠就已經見到一間裝修得很摩登既店舖，就知道係Tony新開的店舖了，貫徹Tony對外觀的作風。入到去已經比所有精美既包裝吸引住了，在店員介紹下，試了meringue，咬了一口很脆，然後慢慢在口中溶掉，有很重的果汁味，大愛啊😍之後試了蛋卷，好正！與傳統蛋卷口感唔同，很鬆脆但又唔易散開，特別推介Raspberry味及Green Tea味，Raspberry蛋卷中有一層果蓉，很特別！而Green Tea蛋卷中有很濃的綠茶甘香味，真係好似飲了一杯綠茶既感覺。Chocolate Wafer有黑朱古力，牛奶朱古力及白朱古力。Chocolate Wafer上有事果碎粒，看似平凡但實不平凡，不錯！下次我要再黎過呀，仲有好多產品未試呀，Tony Wong果然係甜品專家👍👍

甜品大師Tony Wong最近又有新攪作，繼於沙田區開了dessert bar以後，如今又再在地頭龍城區內經營另一所甜品店。不同於過往的Patisserie，他在這新店主打賣的是朱古力、蛋卷及蛋白餅一類的東西....甜癮忽然被挑起，走進店內買了一盒雜錦蛋卷....一盒七款的味道。用料都是頂級揀手的。試問連芒果口味的也用上了印度阿方素的貨色....看來稱之作為蛋卷中的貴族也絕不誇張....每一條是用上獨立包裝，吃和拿都是挺方便的.....在七種口味當中，我最愛的還是原味。實實在在的蛋、牛奶及牛油的香與味飄然而至輕易的充斥於囗腔內，確是不俗....其次是店內的另一推介紅桑莓味道....驟眼看上貌不驚人，但咬入口確實是結實中不會太死硬而極鬆化；紅桑莓醬食落不會過酸且帶清香。聽說它是加了法國優質果蓉製作....難怪難怪....另外Earl Grey味道也很特別，的而且確呷得到淡淡的伯爵茶香及苦味....綠茶味道的很夠濃郁，尤如真在喝綠茶一般....號稱用了Alphonso芒果的卻反而平凡。可能是小弟不才吧，阿芳素芒的強烈獨特的甜香是突顯不出來...椰子花糖同是號稱用上升糖指數低於35的花糖做的

今日有孖寶婆婆和姨媽媽一起去接放學，去開九龍城，今日嘅茶點由婆婆和姨媽媽包辦，為孖寶帶來開業約一個月、位於侯王道的Sweet Boutique de Tong Wong嘅蛋卷和金菠蘿酥...蛋卷都ok，略偏甜，不及金菠蘿酥精彩!本來台灣的"微熱山丘"和香港的"Jenny Bakery"穩佔了KKF的鳳梨酥排行榜頭一、二位的，但現在要改寫了，全因Tony Wong的金菠蘿酥已勇奪榜首!據店員所講，金菠蘿酥採用了菲律賓新鮮菠蘿和法國牛油製造，他除了和"微熱山丘"和"Jenny Bakery"一樣可吃到啖啖菠蘿果肉外，更優勝的地方是他的酥皮做得很薄，半球體的體積剛巧可一啖放哂入口，夾雜鳯梨果香，令人不覺油膩飽滯，想一吃再吃。孖寶嚐過以金菠蘿酥作為課後茶點後，回味無窮，細佬更試過在放學後提問:"Mami你今日買咗乜嘢食呀？係咪"太空館"鳳梨酥呢? 我鍾意食吖..." (半球體又真係似太空館噃!)Mami自己都想食，下次再去開九龍城，一於買來接放學一齊食:-)