93
0
0
港鐵旺角東站 D 出口, 步行約3分鐘
繼續閱讀
付款方式
以上資料只供參考, 請與餐廳確認詳情
食家推介
店面位于旺角MOKO，如同店名，装饰风格营造出一丝香甜，精致的氛围。甜品样式设计，包括礼品盒都十分精巧。甜艺家以低卡著称，哈哈，可是食物又真的好好看，让人忍不住吃好多！之前朋友开趴体给朋友送过巧克力卷，圣诞节也有送过朋友曲奇套装，被朋友一而再的感慨好吃，哈哈。于是忍不住自己也来买啦。巧克力雪茄卷：酥脆的巧克力外衣轻柔地裹着米波，一口下去，清脆可口，还有浓浓的巧克力香。更加令人惊艳的是曲奇礼盒，打开包装一股浓香的牛油扑鼻而来，也有些许花瓣点缀其上，每块曲奇造型各异又独具一格，让人不忍心吃掉！
繼續閱讀
上星期同老友食飯，佢無啦啦問我旺角有咩送禮佳品，我就即刻諗起MOKO 嗰間甜藝家！甜藝家係Tony Wong 旗下既店，啲cookies 好唔錯 賣相又精美～我同佢各自都買咗盒曲奇同咖啡杏仁片 小小的一盒曲奇禮盒，蘊含著一位甜品大師TONY WONG嘅創意同心機～曲奇有九款揀，抹茶/紅莓/士多啤梨/朱古等等口味～ 呢啲最安全 唔會出事 另外海鹽朱古力曲奇我都幾鐘意，咸咸甜甜中和返好想係咁食！至於咖啡杏仁片咖啡味極其濃郁，而口感香脆，再加上表面鋪滿了杏仁，令其原本香脆嘅口感，添上另一番嘅層次～
繼續閱讀
今日經過旺角見到香港名氣甜品大師Tony Wong嘅簽名即刻停低睇下呢間係咩甜品店，之前食過佢嘅蛋糕，真係不得了，勁好食！店舖裝潢少女風，有我最愛嘅雲石風格，成間舖都比人一種舒服乾淨嘅感覺入面嘅所有甜點都好似藝術品咁，無論包裝定擺放的位置都十分精美，非常吸引！最後緊係忍唔住買左幾樣返屋企當下午茶食～朱古力爆炸雪茄蛋卷 $168包裝成個潘朵拉的盒子咁，一開就見到精美燙金英文字，真係好有心思，好似開緊禮物咁！一盒有12條獨立包裝嘅雪茄，賣相果然同雪茄好似，朱古力蛋捲質感挺身唔會好易碎開，獨立包裝唔會食到周圍都係，分享比人都易啲！我本身都好奇朱古力爆炸雪茄蛋卷入面點樣爆炸發？原來係蛋卷嘅頭同尾都加左一粒粒嘅爆炸糖！第一啖咬落去唔會有太大感覺，過左幾秒竟然真係係口腔入面霹靂啪喇，好有驚喜！蛋卷嘅中間位置係原條朱古力條，唔會太甜，朱古力味非常香濃，再配上脆身嘅朱古力蛋捲，十分滿意！100分！正！黑金芝麻曲奇 $78兩色嘅曲奇賣相100分，一開個包裝袋就勁重芝麻香飄出，真係口水都流出來！曲奇脆身，口感偏硬帶酥脆，食落牛油味同芝麻味同時湧出來，芝麻粒粒仲非常有口感，最重要係唔會太甜！牛油香同黑白芝麻真係好夾，中意芝麻嘅人會食上癮～正！望住擺得咁少女嘅點心，食完又唔會有罪惡感，再配多杯伯爵紅茶，呢個少女下午茶就完成啦！慢慢享受吓下午茶時光，為自己充下電，心情都會愉快啲！
繼續閱讀
逛完園藝街上返新世紀搭車，突然看到甜藝家出現在眼前，上次買過，大家都鐘意食，過兩日有聚會，於是就買啲返去款客。店內各式餅食種類繁多，部分產品提供試食，可以試啱口味先至買，上次食過曲奇，唔會太甜，今次試吓芝麻味，仲有玩味十足嘅爆炸雪茄。朱古力爆炸雪茄 $168.00個盒表面係木紋紙，又幾似一盒雪茄喎。內有12支朱古力爆炸雪茄，每支雪茄都係獨立包裝，拆開嚟即時聞到好香，有朱古力味又有蛋香，香脆蛋捲包住朱古力條，快速地食咗一條，好味，但唔多覺有爆炸嘅...... 原來係不要太快吞下去，要讓爆炸糖有時間沾濕，口腔內就會噼噼啪啪炸開，感覺好過癮，好玩又滋味!黑金芝麻曲奇 $78.00咩叫黑金芝麻？黑就係黑芝麻，金就係金芝麻，據說金芝麻稀有，夠曬矜貴，原來裡面仲有白芝麻，芝麻有益，香味馥郁，同酥脆曲奇好夾，忍唔住一塊接一塊，食後更齒脥留香。
繼續閱讀
係Tony Wong 餅呀😋好耐之前已經食過佢哋嘅蛋糕好出名😋👅咁岩搭車之前經過MOKO商場原來佢哋喺度都開咗間分店仲比我見到好靚嘅禮盒裝（情人節版）🥰心大心細又想錫佢哋曲奇餅🍪，同時又好想試吓佢哋最出名嘅蝴蝶酥😍🎈迷你蝴蝶酥（ $118 ）外型成個水晶球咁，入邊係裝滿晒閃閃外表嘅蝴蝶酥，食蝴蝶酥最緊要就係夠晒脆🤤千層鬆化嘅口感！甜而不膩細細舊做下午茶就一流啦🥳唔覺唔覺就食咗半盒🤪🎈雜錦曲奇禮盒（ $198 ）其中一個吸引我嘅地方就係佢係！上邊有英文字🥰LOVE😏！如果唔識整曲奇嘅就唯有買啦！而且仲有啲花瓣片係曲奇面，和風感覺出晒黎🥳有時好怕啲曲奇餅好睇唔好食🤔，但係佢哋都幾多類型😋而且口感變化都幾大！包括有海鹽朱古力曲奇🍪、抹茶朱古力🍫脆曲奇、棋盤曲奇🍪、熱情jam曲奇等等🍪我就最鍾意海鹽朱古力🍫！濃濃嘅朱古力帶少少鹹味！甜得來又有啲鹹雙重味覺享受🤣可以話作為一個低糖健康食材嘅選擇🤪
繼續閱讀