牛角日本燒肉專門店 (V City)

營業中

休息中

<牛角屯門V city>Hea hea 地的 weekend 就由食牛角開始啦因為 Join 左會員所以久不久都會食牛角今次 Weekend lunch 幫襯食 lunch set (某啲分店只會星期一至五有 lunch set, 到左 weekend 要單點) Set 有湯 沙律 飯 飲品 肉一碟 最平$69都有個餐 平平地 過到燒肉隱 都幾好呀今次叫$119－129的 set今次肉質素唔錯 一貫水準 最愛的牛舌香濃肉味 今次 Set 有條牛舌腸 係幾好食 不過唔算勁特別雞肉係一個 Surprise 因為牛角多會食牛 但牛角的雞肉真係幾嫩滑 雞皮燒到香脆 成舊雞一食有兩種口感飯特意加$11要温泉蛋 仲要係冇限追加 啱曬鐘意食飯的我 牛角飯有紫菜 有香葱 牛角汁 仲有隻温泉蛋 一撈蛋香加紫菜 一聽都知好食 飯都食多碗呀牛角Lunch set 係一向幾抵食 散叫就有啲啲貴 所以想食可以選擇食 lunch

同啊哥一行3人行VCITY，肚仔餓就要搵食醫肚啦。想享用咗啲會員優惠劵，隻腳自然行咗去牛角度。去到唔算多人，想坐卡位就要等一陣，原來呢間分店星期日都有午餐供應，啊哥揀燒肉A餐，另加$21有個無限追加嘅香蔥溫泉玉子飯。佢個餐可以响肉類I裡面揀2款，仲有昆布湯同迷你沙律。沙律菜新鮮爽脆，OK呀肩脊肉肉味香濃，高質熊本豚腩肉油分充足，燒烤時油分消耗變成香噴噴的美食。香蔥溫泉玉子飯面頭鋪滿紫菜，中間放顆溫泉蛋好似朵花，將紫菜夾住飯送入口，好好食架，雖然係無限追加，我哋加咗2次已經好飽嘞。我就揀咗牛角流自選3食，大家鍾意食溫泉蛋，所以揀溫泉玉子凱撒沙律呢個沙律份量比較大啲，羅馬生菜好新鮮爽口，仲有紫洋蔥絲、芝士粒和煙肉粒，好好味又清新，抵消一吓食燒肉嘅熱氣，健康啲啊而燒肉淨係可以揀一款，咁就揀豚肉啦...佢枱面有幾種醬汁，用嚟點燒好的肉來吃，心多多，一片點一個味，各有特色，唔點都好食。套餐仲有個迷你拉麵，麵質有口感唔會太腍，湯水清清哋又有大蔥香，唔錯喎。餐飲揀咗柚子蜜，味道正常OK啦。魔鬼召喚，加咗一個黑糖牛油蕃薯，蕃薯吸收曬啲牛油，好邪惡呀，要跑多幾圈先得喇。以會員優惠劵免費換咗個王樣魷魚，掛

牛角的食物質素一向都不錯，但每次食都有點貴。所以如果有時間，就會吃午餐，因為午餐的餐單有很多選擇，又抵食，性價比高。選了2款肉，加了18換無限次添加牛角飯，有沙律和湯，還有柚子茶。肉類非常入味，牛角飯更是出色，加了2碗，飯粒軟硬適中，加上醬汁，非常好吃。沙律新鮮，但湯淡如水，得幾片海帶，有點扣分。

平日放假真好，行街唔駛咁迫，食嘢又即刻有位。食完午飯先至行街街，IRIS提議去牛角食，好啊，好耐無食燒肉。IRIS揀咗 燒肉A餐 $95肉類類別I內6揀2 : 牛肋肉、肩脊肉昆布湯、 迷你沙律、活乳酸梳打佢個餐無咩影相，見到牛肉都好靚，而IRIS次次都食，應該是不錯的吧。我揀咗 牛角流自選3食$99沙律2選1 : 溫泉玉子凱撒沙律呢個沙律有驚喜，首先份量比想像中大，顏色與食材新鮮豐富，看到製作人的認真和誠意。溫泉蛋好吸引，把整個放入口，唔...真係好正紫洋蔥絲和生菜一起吃，味道剛剛好，芝士粒和煙肉粒份量多，一啲都唔孤寒，總之係鮮、爽，正！好好食燒肉6選1 : 豚肉燒肉就喜歡看肉在火灸時，油份流出吱吱聲發出焦香，再醮上喜愛的醬汁來吃，又是另一種享受。迷你飯/麵3選1 : 迷你雞肉飯對呢個飯無咩期待，見佢上面放咗大蔥，感覺就即刻唔同曬，雞肉份量都唔少，生大蔥跟雞肉一起吃可解膩，又好食喎。飲品揀一貫喜歡的活乳酸梳打，好滿足的一餐。

極上和牛餐(二人份量)當中包含一個沙律、海鮮拼盤、紫菜飯、海鮮湯、和牛拼盤跟大啡菇、冷豆腐、兩個甜品及兩杯飲品。          柚子鴨胸沙律--沙律是以柚子汁調味的，因為本人不太好沒有沙律醬的沙律，所以對此不太欣賞，但沙律中的鴨胸質地爽口，感覺卻是幾特別的。          海鮮拼盤--兩隻蝦、兩隻帶子、兩隻蠔、兩隻青口、兩塊粟米，因為本人不甚好海鮮，所以只試了帶子及粟米，基本上兩樣食物的味道普通，帶子的新鮮度不足，不過因為本身沾上了醬汁，所以亦算可口，而粟米的甜度及水份亦不足，味道平平。點了牛油帶子,及encore了海鮮拼盤,每款都很鮮甜,重點的牛油燒生蠔好好吃呢!和牛拼盤--和牛牛舌、和牛片及和牛粒，三樣中本人偏愛和牛粒，因為當中的油脂分佈均勻，於爐上燒烤過後，肉質鮮嫩多汁，十分可口；

落黎食宵夜價錢折左 都幾抵！！同一個價錢可以叫多幾樣野肉唔會醃得好鹹 岩岩好肉質都幾新鮮！唔會話好霉個d可能佢價錢貴d質素好d牛角既燒肉感覺無咁大油煙服務員好肯換燒板服務好好張台又大

同男朋友嚟到屯門食飯，平時要等好耐嘅牛角冇乜人所以就入咗去食嘢啦。今次我哋特登試咗黑毛和牛😍😍😍平時唔捨得食嘅嘢今次叫到梗係有啲期望啦覺，但係其實佢想嘅時候依然都仲有好多冰，未完全融雪，仲要比餐牌張相細舊好多，所以呢期待的即刻降低左。但係燒完果一刻就已經係香噴噴，油脂分佈真係一流🤤🤤🤤🤤入口即溶，又香又滑雖然得個6塊，但入口個刻真係完全冇後悔到呀🤩🤩另外仲嗌多左一個燒肉盛，2百幾蚊大大碟，2個人食啱啱好

平日既lunch好少人，用餐時間90分鐘。E牛肋肉四品燒肉盛合($149)4款牛包括：骨附牛肋肉、上級牛肋肉、牛肋肉同網燒一口牛。4款牛都有牛味，幾好食。我地都同意好食程度係：牛肋肉＞上級牛肋肉＞ 骨附牛肋肉＞網燒一口牛。牛肋肉：啖啖肉上級牛肋肉：唔知係咪燒得唔好，好韌，但都好食骨附牛肋肉：大骨少肉，有肉汁網燒一口牛：入口即溶至於醬汁，我地都覺得蒜鹽醬最好味，夠哂惹味。另外2款就麻麻。套餐仲包埋昆布湯、迷你沙律、牛角飯同飲品。(個人口味: 3.5/5)燒肉定食C ($69)2款肉類揀左丹麥皇冠豚扒同雞腿肉。丹麥皇冠豚扒幾入味，口感都唔錯。雞腿肉幾有咬口，但無乜味，沾埋醬都無乜味，下次可以唔使再叫。套餐都係包埋昆布湯、迷你沙律、白飯同飲品。(個人口味: 3.2/5)成餐飯最令人難忘既竟然唔係牛，而係牛角飯。所謂牛角飯，即係白飯面上鋪上紫菜、蔥同埋秘製醬汁，撈埋白飯再搭多一件牛放入口，真係超級好味。就算單食牛角飯都好正，簡直係成餐飯既精華，食極都唔厭。我地總共食左3碗牛角飯+1碗白飯。下次可以+$18要埋溫泉蛋，相信牛角飯再加上溫泉蛋一定更加美味。牛油帶子($22)(追加)有3粒帶子，燒完

牛角點菜，最鍾意揀鹽漬口味嘅肉，覺得調味之餘又唔會cover咗肉本身嘅鮮甜。個人覺得厚切牛脷比牛脷片更好食，但唔可以太熟，如果唔係會好靭～鹽漬雞脾肉肉質十分嫩滑，配牛角飯食味道一流。和牛粒雪花紋分佈平均，入口即溶，牛味好重。牛肋肉配月見汁嘅醬汁其實係松露、醬油加生蛋撈埋一齊，味道甜甜地我覺得普普通通，香味係幾獨特，但點咗呢個醬汁，反而遮蓋咗個肉嘅鮮味。特別推介牛角雪糕（雲呢拿味）：牛角食飯點唔少得牛角雪糕！雲呢拿味奶香味濃，重點係每啖都會食到甜滋滋嘅黑蜜，加上黃豆粉中和味道，感覺就好似食緊日式黑蜜蕨餅咁～

每晚經過都見到好多人排隊，所以就怕左唔敢去試。有日經過vicity發覺竟然冇人等位，所以就trytry佢係唔係真係值得入去食。牛肉果然冇得輸。好多人大推既牛角飯真係好好食。價錢對得住食物既質素！

First time visited this place. Was quite surprised the food is not that bad despite the cheaper 'set lunch' menus. The only down side, the salted garlic dip, it was so bitter it tasted bitter. The rest are acceptable. Ah, the food took their own sweet time to arrive and the rice was just lukewarm. Maybe because they were really really busy, not enough servers to bring the food out.

星期六下午近兩點, 兩個人等了20分鐘有位, 時間可以接受。門口的店員做埋帶位, 好好禮貌, 有日本服務精神。叫左兩個燒肉定食餐, 包飲品。乳酸梳打, 味道有少少怪。可樂正常, 冰量幾多。一個要豚扒同牛肩脊肉, 另一個要牛舌同牛肋肉。估唔到牛肩脊睇落脂肪多過牛肋肉。全部肉都有少少調味, 唔駛再點醬汁都可以。牛舌薄而爽, 好吃。牛肩脊同牛肋肉牛味好香, 其中牛肋肉較嫩, 牛肩脊較有咬口。+$21先有香蔥溫泉玉子飯, 有d貴, 實物蔥量比較少, 多d蔥就好, 不過撈勻味道都好好, 唔鍾意食白飯如我, 就好喜歡呢個飯。沙律同湯較遲送黎, 湯係昆布清湯唔係麵豉湯, 沙律幾新鮮。雖然有另一個鉗熟食用, 但通常順手同一個鉗夾埋。我地鍾意去日本玩食日本菜, 呢度食野都幾有日本風味, 滿足的午餐。

之前食過一次牛角，果次覺得雖然好味。但實在係太貴同埋食唔飽今次趁男朋友生日，帶佢一齊黎試下任食我地嗌左中間Ｃ餐，埋單大概８００蚊到當然叫野食大部份都係叫左我地Ｃ先有既食物其實我地都唔知Ｄ肉有咩唔同，通通叫晒黎試黎到有Ｄ明顯唔識都覺得靚既肉，我地燒左最普通果Ｄ先唔係講笑，最普通果Ｄ都好好食呀！咬落去肥瘦岩岩好D油令塊肉好軟，有調味又有牛味。好好食！　（不過我地燒失敗左幾塊，食落去真係。。。。所以大家要好好地睇火，燒得好普通肉都好食）厚牛舌我反而就覺得質感麻麻地。都係薄既好食點。其他沙律同海鮮都有試，味道都可以只係比呢個價都係食肉比較化算，但我地食食下濟試左個牛角冷麵哇，比想像中好食，雖然佢都係會令人濟既感覺，但佢隻蛋同埋成個調味好夾下次一次會狂食肉前去嗌！我男朋友而家上晒癮，隔一排就叫我去同佢食牛角。。破產啦！！

今日星期五放工，約左朋友去一齊去食燒肉，兩個女仔6點半鐘到，等左15分就入得。食肉獸的我地，叫左個牛角海鮮燒肉盛合（2人前）。前菜包括牛角沙律🥗一客和辛味青瓜一客。沙律大大碗，夠晒兩個人食😮。燒肉有牛板腱肉，肩脊肉，牛舌，雞胸同豬扒。可能我地兩個都係牛魔王😈，都係覺得牛肉比較好食，豬同雞都麻麻。海鮮方面有廣島蠔，青口，扇貝，魚同海蝦。蠔加入牛油一齊燒到半熟，入口creamy😍😍。野菜盛合有雞髀菇，牛油雜菌同冬菇。食燒肉當然要送酒，試左威士忌梳打同燒酌梳打都唔錯🍺。星期五放左工可以同知己慢慢歎燒肉，對酌，乃是人生一大樂事😎😎。

去到好幾間都要排隊，咁就食牛角啦！等左20分鐘左右，終於有位，我們是宵夜時段9點後，叫左個牛拼盤這盤要$488，但只算普通貨色牛舌是半價款式，平靚正有些款是追加半價。